~( موهبتي سر نجاحي )~

[محبة الطاعات]

بسم الله الرحمن الرحيم ​

السلام عليكم و رحمة الله و بركاتة​

حبيت اني اشارك بالحملة بموهبتي بس الصراحة انا ما احسها موهبة خاصة ​

فيني بالعكس احس انها موجودة عند كل بنت بالفطرة​

موهبتي :34: + :23: الخياطة بكل انواعها​

بقول لكم قصتي مع هالموهبة اكتشفتها من كان عمري 6 سنين​

بدت لما ياتني هدية فيها اشكال و قلوب و مربعات و خيط و ابرة ​

علمتني عليها امي و حبيتها و تميت اسوي و اوزع على امي و خلاتي واهلي​

لحد ما بقى عندي اربع و تمللت افلهم و اسويهم و حسيت اني ابي اتعلم اكثر عن الخياطة​

ترى الأربعة للحين عندي و هذي صورة وحدة منهم​

المهم قلت حق امي ان ابيها تعلمني و ان انا ابي اصير نفسها لأنها تشتغل خياطة ​

و امي استانست وايد و علمتني اول شي على الصوف​

اي شي صوف علمتني علية ​

مثل الكورشية و مفارش الصوف و جي يعني​

و حسيت عقب فترة اني ابي اتعلم اكثر فتعلمت على التطريز ​

و قمت اعرف الغرزات و صرت فنانة بهالمجال بس بعد حسيت اني ابي اتعلم اكثر​

و قمت اخيط شنط و اطرزهم واسوي مفارش و اطرزهم​

و بعد طورت روحي اكثر قررت اني اجمع بين الصوف و القماش​

يعني اسوي لي شنطة قماش و ورد من صوف واجمعهم و عقب اطرزها ​

و بعد حسيت اني بعد ابي اكثر​

دام ان في مجال اني ابدع ببدع ليش لا​

و بصراحة الفكرة الأخيرة ياتني من هالمنتدى منتدى الأبداع كلة مملكة بلقيس​

من تقريبا شهرين الفكرة كانت اني اسوي اكسسورات من صوف​

مثلا خاتم من صوف او اساور من صوف جي يعني​

و بعدين شريت لي قلتر و قمت اكتب عليهم حروف​

و عقب فكرت اني اضيف فكرة حلوة ​

شريت لي خرز و ورد و ضفتهم على الأكسسورات و كانت النتيجة شي​

قمة بالأبداع صار عندي شي راقي و من صنع ايدي​

و انا اعترف ان الخياطة بالنسبة لي عشق مب هواية :32:​

​

الحين خلوني اراويكم شي من صنع ايدي​

بس يعني ما بقدر اراويكم اشياء وايد لأن احنا بنغير بيتنا و اغراضي ضايعة و حالة غرفتي حالة​

بسبب النقلة الله يعين ​

بس صورت لكم اشياء بسيط اتمنى تعجبكم​

نبتدي بسم الله ​

اول شي هذا مفرش انا مطرزته​

و هذي اسورة انا مسويتها كانت اول اسورة انا اسويها ​

هي خيطين و بالوسط صاير الشغل و تنربط باليد بس بالصورة مو مبين الا خيط واحد​

و هذا مفرش صوف توني بادية فيه من يوم الثلاثاء​

و هذي ربطات شعر مثل التاج اول واحد عادي اما الثاني​

سويت ورد و حطيتهم عليه من فوق​

أتمنى اني ما كنت ثقيلة عليكم و انكم استفدتوا مني​

و بالختام اللي يعجبها موضوعي ​

اتمنى انها تدعيلي بالزوج الصالح​

أختكم محبة الطاعات​

 

[لوليتا*]

ماشاء الله عليك
انا احب الاعمال اليدويه كثير وخصوصا الرسم والتلوين
بس هوايتك هاذي جدا مفيده.....لكن لاتوقفين هنا طوريها وتاجري فيها
والله يوفقك

 

[محبة الطاعات]

ماشاء الله عليك
انا احب الاعمال اليدويه كثير وخصوصا الرسم والتلوين
بس هوايتك هاذي جدا مفيده.....لكن لاتوقفين هنا طوريها وتاجري فيها
والله يوفقك

مشكورة حبيبتي لوليتا ردج شجعني وايد

و فرحني و ان شاء الله بطورها

و هوايتج انتي بعد حلوة وايد طوريها و ان شاء الله تصيرين فنانة ​

 

[^غلا دبي^]

ما شاء الله شغلج حلوووو

وان شاء الله يتطور اكثر واكثر



يعطيج العافيه


والله يرزقج ويرزق كل من تتمنى بالزوج الصالح

 

[محبة الطاعات]

ما شاء الله شغلج حلوووو

وان شاء الله يتطور اكثر واكثر



يعطيج العافيه


والله يرزقج ويرزق كل من تتمنى بالزوج الصالح

مشكورة غلا دبي على مرورج على موضوعي

و يزاج الله خير على الدعوة فديتج

و مشكورة على رايج بشغلي بجد شجعتيني

و ان شاء الله الله يسمع منج و يتطور​

 

[فديت انفاسي]

شغل حلو واتمنى انكـ ما تتركينها واطورينها
والى الامام يا قلبي

 

[أحمر شفاه]

ماشاء الله تبارك الله
الله يزيدك علم ومهاره
ويرزقك أفضل زوج بديرتك​

 

[طيبتي ضعفي]

استمري في هذي الهوايه اختي

 

[محبة الطاعات]

شغل حلو واتمنى انكـ ما تتركينها واطورينها
والى الامام يا قلبي

مشكورة فديت انفاسي على مرورج حبيبتي

و مشكورة على التشجيع :22:

بارك الله فيج​

 

[محبة الطاعات]

ماشاء الله تبارك الله

الله يزيدك علم ومهاره

ويرزقك أفضل زوج بديرتك​

مشكورة احمر شفاه على مرورج حبيبتي

يزاج الله خير ابوي

و الله يحقق لج اللي تبينة

مشكورة على الدعوة حبيبتي​

 

[محبة الطاعات]

استمري في هذي الهوايه اختي

مشكورة طيبتي ضعفي على مرورج​

 

[محبة الطاعات]

نسيت اقول لكم بنات اذا في وحدة تبيني اعلمها على شي بالخياطة

و ما تعرف انا ممكن اساعدها​

 

[رحالة ومليت]

ماشاء الله لاقوة إلا بالله


إبداااع

إستمري يالغلاااا

 

[محبة الطاعات]

ماشاء الله لاقوة إلا بالله


إبداااع

إستمري يالغلاااا

مشكورة رحاله و مليت على هالمرور الكشخة

فديتج انا فرحتيني بمرورج

بجد مشكورة يا الغلا على تنويرج موضوعي​

 

[ice creeem]

ماشاء الله حلو شغل الصوف انا احب التريكو وخاااااااااااطري اتعلم الكروشيه بس عجزت اضبطه

 

[السر المكنون]

ماشاء الله تبارك الرحمن ابداع
شغل مرتب وحلو
الله يوفقج يارب وإلى الأمام دايما
تقبلي مروري​

 

[محبة الطاعات]

ماشاء الله حلو شغل الصوف انا احب التريكو وخاااااااااااطري اتعلم الكروشيه بس عجزت اضبطه

مشكورة آيس كريم على مرورج حبيبتي

و انا كنت نفسج قبل بس حاولت و حاولت

لي ما تعلمت و صرت اعرف و الفال لج يارب
​

 

[خوخه أم تولاي]

مشاءالله عليك
ربي يسعدك وويوفقك وريزقك الزوج الصالح التقي

 

[محبة الطاعات]

ماشاء الله تبارك الرحمن ابداع

شغل مرتب وحلو
الله يوفقج يارب وإلى الأمام دايما

تقبلي مروري​

مشكورة السر المكنون على مرورج حبيبتي

و الله يوفقني و ياج فديتج

مشكورة و الله ان ردج فرحني​

 

[Camelia]

ماشاءالله شغلك كتير حلو
والله يخليلك الوالدة
ويرزقك بالزوج الصالح والذرية الصالح