انذهلت من هالحركة..!

[Butterfly~]

مرحبا ع الكل
بختصر الموضوع لأني مصدومة والله ومو عارفة اتكلم
من فترة طويلة حبيت العب ع خطيبي (متملكين) وضفته على ايميل ثاني في نفس الوقت الي
كنت اكلمه فيه.. المهم انه بساعتها قالي في وحدة ضافتني وكذا وحكالي كل الكلام الي قلته له...
كلمته مرة بس وخلاص ما عاد كلمته ابداااا..

قبل كم يوم دخلت ايميله لأني كنت باعثه له ايميل وحبيت اتطمن انه وصل مو قصدي افتش وراه
ولله لأني معطيته الثقة كامله.. بس تفاجأت انه بعد ما كان حاذف الايميل راجع ضايفه من جديد.!!

قلت له بس بمزح وقال لا بس لأني عملت تحميل من جديد للمسنجر انظاف الاسم عندي مرة ثانية..! وانا عارفه ان هالشي ما يصير..قلت له كلمتها؟ قال لا بس هي كلمتني.! وانا عارفه انه يكذب لأني ما كلمته وانا صاحبه الايميل الثاني..!!

المهم الحين قلت خلني ادخل الايميل الي عملته واشوف اذا كاتب لها شي .. دخلت وكان تارك لها اوف لاين بأيميل جديد وضايفها عليه ويقول لها اهلا وسهلا وانا فكرتك حد اعرفه بس الحين تأكدت انك ما تمزحي ومن هالكلام...!!

مع العلم انه يحبني موت وانا قايله له بس اعرف انك كلمت حد لو خنتني والله لأتركك واحنه ما بقى على زواجنا غير كم يوم....


شالحل؟؟​

 

[أميــ دبي ــرة]

المفروض ما تسوين هالحركه
انتي يبتيها لنفسج
ترى الشيطان شاطر وتحملي انج تقولين له انج انتي صاحبة الايميل
مدام انه وثق فيج وعطاج الباسوورد ليش جيه سويتي فيه؟؟؟
الله يوفقج وياه ويجعل ايامكم كلها سعادة

 

[وين أروح؟؟؟]

ياسلااام قمة الذكاء الي سويتيه بصراحه
حركه مالها اي داعي ومن اولها تراقبينه حبيبتي الي بيخون بيخون حتى لو تربطينه بالسرير
الحين لازم تصححين الي سويتيه وبعدها تبطلين الحركات الي مالها داعي
كلميه بايميلك كم يوم وبعدها قولي له انك متزوجه وانك ماتبين تخربين بيتك وانك راح تحذفين الايميل
وبطلي بطلي هالحركات وترى الشيطان بعد مامات ولاتفكرين ان زوجك غير عن البشر
وحتى لو اخذتي باسوورد الايميل هذا هو راح وسوى له جديد ولاهمه
كبري عقلك مصيره بيمل ويزهق

 

[تعبت نفسيتي]

والله بصرررررررررررررراحه انا مع الاخوات وربي يسسسسسسسسسعدك ان شاااءالله ...​

 

[مطهبله]

يابنت الحلال اقضبي حالك ليش هالحركات يعني لويبي يخونك مابيلقا الا الايميل ؟؟ نصيحه مني لك ابعدي عن التفتيش ولاتحسسيه انك تراقبيه حتى بعد الزواج انشاءاللله لانك انتي الخسرانه بالنهايه وتقبلي مروري

 

[بشريكو]

الله يهديك لاتلومين الا نفسك......

 

[Halw]

بصراحه انا عندي راي غيررررر مدري ..........احس ان تصرفك صح بس اهم شي ماتوضحين انو انتي حاولي تصرفين عنك وتحذفين الايميل .......لان راي لو الرجال مايبغى يكلم والله مايكلم حتى لوصار ايش ....بس حاولي تكون عيونك عليه من بعيد ولا تحسسينه باللي صاررر .....واملي عليه حياته مايشوف غيرك......بصرررراحه الحرمه لازم تكون منتبها لزوجها .....بس من بعيد لبعيد.......
اتمنى مايكون طولت عليك وهذا راي بدون مجامله.......

 

[&حلاهم&]

حبيبتي هذه مو خيانه

هذا فضول

كلنا عندنا فضول والرجال فضولهم اكبر واكثر

ردة فعله جدا طبيعيه وعااديه

لكل فعل ردة فعل

قفلي ع الموضوع ولاتعتبرينه نهاية الدنيا

سوي مثل ماقالتلك الاخت ( وين اروح ) انا متزوجة وابي احافظ على بيتي ومن هالكلام ..ونقطة انتهى

مو من مصلحتك تقولين له حتى لو تبين تثبتين له كذبك ..بيقلب السالفه عليك ويقولك انا كنت حاس انه انتي

وكنت ابيك تعترفين انك متعوده تكلمين شباب ووووو...الخ

مثل امثله كثيره هنا افتحي المواضيع وبتقرين ردة فعل ازواجهم ..


الله يحفظكم لبعض ..ولاعاد تعودينها

 

[&حلاهم&]

نبي خاصية تعدييييييييييل

حبيبتي هذه مو خيانه

هذا فضول

كلنا عندنا فضول والرجال فضولهم اكبر واكثر

ردة فعله جدا طبيعيه وعااديه

لكل فعل ردة فعل

قفلي ع الموضوع ولاتعتبرينه نهاية الدنيا

سوي مثل ماقالتلك الاخت ( وين اروح ) انا متزوجة وابي احافظ على بيتي ومن هالكلام ..ونقطة انتهى

مو من مصلحتك تقولين له حتى لو تبين تثبتين له كذبك ..بيقلب السالفه عليك ويقولك انا كنت حاس انه انتي

وكنت ابيك تعترفين انك متعوده تكلمين شباب ووووو...الخ

مثل امثله كثيره هنا افتحي المواضيع وبتقرين ردة فعل ازواجهم ..


الله يحفظكم لبعض ..ولاعاد تعودينها

--


تعديل على .. حتى لو تبين تثبتين له كــــــــــــذبــــه

نبي خاصية تعديل ياجماعة ..والله مانبي نسوي في هالخاصية عملية ارهابيه ولا سحر للبنات وبعدين معاكم ..مدري ليش هالمنع
لاحول ولاقوة الا بالله

 

[هبوب النسيم]

انا احس اني ما اقدر اطنش واخلي عمري ما شفت شي واسكت


ما اقدر اتمالك اعصابي يعني كل وحده تبا تتاكد ريلها يكلم بنات والا لا

انزين شو الحل غير التطنيش؟؟

 

[احلى التفاصيــل]

جبتي الهم لنفسك

 

[بنت وايل]

اختي الغاليه ,, انتي ليش سويتي هالحركه وليش عطيتيه مجال انه يدخل مراه ثانيه غير زوجته في حياته ,, انتي اللي فتحتي الباب عليه ,, وانتي اللي لازم تسكرينه ,, الرجال لما وحده تحاول تدخل حياته غير زوجته ما يرفض بحكم ان الرجال يحب التغير ,, اتقي الله في نفسك وابعدي نفسك وعن زوجك تلك الامور التي قد تكون بدايه السقوط في الهاويه .. وانتي في بداية طريقك

 

[Butterfly~]

شكر لكل الي دخلت وردت علي
والله يا بنات مو قصدي افتح باب كانت مزحه وكنت راح اقوله بس نسيت لأن اصلا
ما عندي نية اني افتح على نفسي هالباب وانا عاطيته الثقة الكاملة
بس فاجأني وحتى الحين تارك اوف لاين يبي يتعرف وان اطنشته ولا ناوية ارد عليه...

والله مالهم امان وانا بديت اقتنع ان ما يملى عينهم الا التراب​

 

[المربوعه]

انتي تو ك مادخلتي وتبي تحكمي في حياته وهذا اكبر غلط
وهو مايدري المسكين اكيد عندة علاقات سابقه ورايح تعرفي الكثير واذا ودك تدخلي بكل شي رايح
تخربين كل شي بينكم بالسرع وقت اتركي الفضول وحاولي تدخلين قلبه قبل كل شي لا تحاولي
تدوري على المشاكل

 

[واثقة]

لو زوجك وراه مصايب ما أعطاك رمز إيميله

بس الفضول في كل البشر..

 

[مطر الحب]

حبيباتي تركوا هالسوالف
وحفظي زوجك مو تساعدينه على الغلط

 

[مبتدءه]

يالغااليه مو غلط الي سويته بس حاافظي عليه يمكن كان يبغى بعرف من هذي وش تبغى فيه انتي شووفي كيف كلامه معااك بالاميل الي اضفيته فيه شوفي كيف يكلمها ويااخذ ويعطي معها ولا اشلوون ؟ وبعدهاا قوليله انك مزوجه وانك مااتبي خوونين زوجك وانهي هالموضوع وادعي ربك يهديه وحاافظيه عليه ولا تكوني شكااكه

 

[غدير الكويت]

حبيبتي ممكن اللي سويتيه بيخليه ينجذب للبنات ويكلمهم ديري بالج عليه

 

[ام مجروحة]

الحركة اللي سويتيها ما كان لها داعي من البداية:a025:
امسحي الايميل من عندك حاولي تنسينه
وخلي خطيبك يراسل لين ما يمل :a032: وينساة ولا تسألين عنه لأنك شذي تزيدين فضولة ويشوف انك تغارين عليه وتعجبه هالسالفة علشان يغيظك في البداية وبعدين تصير عادة
بس شكله من كلامك انه انسان حبوب ومالة بهلسولاف بس الفضوو:a037:وووول وما يسوي

 

[فجروغروب]

الله يكتب لكم الخير