هو غربي جنوبي وانا شمالية شرقية "تجمع"

[القطار السريع]

مو قلت لج بس انا وانت اللي بنكون في هالتجمع
شكله محد زوجه غربي جنوبي

 

[ahzan gulb]

احس زوجج مختلف وايد عن زوجي

بس زوجي غربيته اكثر من جنوبيته زوجج شلون؟؟؟


زوجي احس واااايد غيور وهالشي غريب لانه غربي جنوبي بس يمكن بحكم عاداتنا وتربيتنا وتفكيرنا والاشيا اللي يشوفها برا او يسويها بنفسه فيحاول يكون حريص اكثر على اهله


اذا انتي شمالية شرقية شلون كسرتي حاجز الاسلوب الجاف والكلام الرسمي الخالي كم الرومانسية مع زوجج؟؟؟

 

[القطار السريع]

احزان انا بعد احس غربيته هي الطاغية

وعن الرومانسية انا بطبعي قمة في الرومانسية
بس لان اسلوبه هو جاف
خلاني احاسب في رومانسيتي وما اظهرها بكل وقت

 

[ام كيان وكادي]

السلام عليكم
كيفكم ياحلوااااااااااات
دااااخله عرض هع هع بس من فتره اتابعكم ولت يابنت سيبك من الصمت وسجلي وشاركي>>فصة حياتي
الموهم انا شماليه شرقيه وزوجي جنوبي غربي
واحس اني امللل من رومانسيته الزايده خاصة لمن تكون بوقت مالو داعي
ابي الحل احس ان طفشي احيانا يبين والله موبيدي بس انا احب الرجال تكون شخصيته قوووويه
ورومانسي بحدود مو بكل وقت
ولسا في اشيا واشيا ابغاكم تشاركوني فيها
في الحلقات القادمه خخخخ

 

[ahzan gulb]

يا قطار اشك انج شمالية شرقية هههههههه

احس فيج من الجنوبي
يعني شلون انتي رومانسية وايد؟؟؟

وشلون اسلوبج معاه؟ وهل غيرتي شي حسيتيه فرح بهالتغيير؟؟

تعجبني جد مشاركتج وانتظر ردج

 

[ahzan gulb]

ام كيان وكادي حياج الله بينه وتفضلي قولي اللي عندج وبنحاول نتناقش ونتحاور

قولي الحمدلله ان زوجج جذي انا زوجي غربي جنوبي ومابين لي رومانسيته ودفششششششش مرة بالكلام
والرومانسية مش دليل ضعف الشخصية ابدا بالعكس شي حلوو

 

[شريفة هاشمية]

سلام يبنوتات انا شمالية غربية شرقية و زوجي جنوبي غربي خخخخخخخخخخ ترا ادخل المنتدى بس ما اكتب كثير لظروف العمل و دراسة الاولاد بس لاني الحين ف اجازة فيعني يمديني اكتب وارد و اشوف وانا اكره ف الجنوووبي كثر التذمر والشكوى و الكسل!!! علاوة على كذا ف الشخصية الغربية زي ما ذكرتوا اكره انه يخلي الامور تتعدى حدودها و خاصة ان الجنوبي الغربي زي مقالت استاذة ناعمة فارس و منقذ الجنس الناعم و الي يطبطب عليهم و ايضا اكره كثرة علاقاته الاجتماعية الي ع الفاضي و المليان!!

 

[✿يآغرُورـيْ خف≈]

هلآ خيتوو
حبيت أقولك عن الغربي الجنووبي >>ملوول درجه أولى(لآبد التجديد )
يحب تكوني إجتمآاااعيه (صفه في الغربي والجنوبي)
وأهم شئ وضحي له كثرة علااقتكٍ بصديقآتكٍ وإنك المميزه
بينهم ورئيستهم ....

ـ يميل للملاابس الغربيه والنااعمه ولآيمنع طفوليه
ـ يمووت عند تعبيرك عن مشآعرك له وبإسلووبك (وإذا بينكم رساائل >>حآولي تكتبين بإسلووبك >>رااح تعجبينه وتعجبك رسالته وبيعيد يقرأ فيهآ أكثر من مره
غير لمآتكون نسخ ولصق مآبيهتم لهآ ...!!))

ـ أمدحي نفسسك عنده وإيااك والذم ..!!
ـ يعششق التصوووير (صوريه لو بكآميرا الجواال )وصوري نفسك معآه إذا تقدري..

ـ أظهري له خجلك وتمنعك
ـ نصيحه:ـ لآتركضيين ورااااه إنتبهي
يعششق الصعبه اللي يركض هو وراهآااا
يحب يششوفك منشغله بنفسك وبنفس الوقت يتمنى هو يآخذك إلى حضنه..وإنتي مشغووله...
يحب الهدايآ والمفآجأت خآصة إذا كآنت بخط يدك ومن صنعك...
ـ إذا زعلك لآتصرخين عليه لآ ..يتأثر بالدموووع وبيراضيك بطريقته(..)
.....

يحب الغنيه وبنفس الوقت حزينه محتااجه لرجل بجآنبهآ...
كوني غآمضه ودلوووعه ...))
هذا اللي تذكرته ..!!وإن شآء الله أكون أفدتكٍ..
آآهـ ثم آآهـ يعششق الجنس النااااااعم ويحب يكون الفاارس والمنقذ لهم ’,
....:cupidarrow:​

 

[ahzan gulb]

هلا وغلا حياكم بموضوعي >>> استانست

شريفة هاشمية معاج حق بس انا زوجي غربي ثم جنوبي وصدقج كله يتذمر ويشكي ويتكاسل واااايد
عن التذمر والشكوى لو ما عجبه شي حاولي تسوينه نفس ما يبي غير جذي اسمعي من اذن اليمين وطلعيه من اليسار

وهالنوع كسلان ومزاجي بعد بس نحاول نستغل مزاجهم الرايق ونطلب طلباتنا

ننتظرج تتكلمين اكثر عنج وعنه وربي يوفقنا جميع

 

[ahzan gulb]

يا غروري خف منورة

مشاركتج رائعة جداااا

مرة كان هو ظاهر من البيت وعلاقة مش كويسة معاه فبعتلي مسج يسالني اذا ابي شي وطلبت منه
طبعا استفزني بكلامه وعاب فيني وقلت له انا اعرف نفسي ومو محتاجة اثبت شي لاحد ورد نرفزني فطرشت له سوري ايم بزي

للحين يتذكره ويحقد علييي!!!!!
يعني لما تكونين زينة معاه وتتحملينه يزيد بالحقارة ولا تطنشينه بوقت هو يغلط بالكلام يحقد ويحاول يردها لج!!! شلون اتعامل جذي



كيف اهتم فيه وبنفس الوقت احاول انشغل بنفسي عنه؟؟؟

قبل كنت اطرش صورة حقه وانا بعيدة عنه وجا يوم وهو معصب ويهاوشني يحالول يطلع اي شي واخر شي قال انتي تشوفين نفسج تخافين ربج؟؟؟ تصورين نفسك بالموبايل وتصورين البنات لان كان عندي فيديو بحفلة انا وربيعاتي عشان ربيعتنا تخرجت وهم اصروا يصورون بفوني مش انا طلبت وشكله شاف الفيديو
والحين حذفت كل صورى وصور البنات من فوني وما عندي ولا صورة وقررت ما ارد اطرش له ولا اصور مع ان هو حسسني من البداية ان التصوير والبعت صور بالفون عادي
حتى بفترة الملكة كان يصورني لما امشي وانا مدري وبعدين يوريني

بس الحين مدري هل هو يدور اي شي يضتيقني فيه والا هو جد ما عاد يحب هالامور!!!!!!


تقولون الغربي الجنوبي يحب الاجتماعية الفرفوشة واللي تضحك دايم
زين كيف اكون جذي واكون حزينة واحتاج لرجل عشان هو يفهم؟؟؟ احس صعبةة هالصفتين مع بعض!!!


واي شي اقوله يقولي لا تتفلسفين وتسوين عمرج تعرفين كل شي!!!!! مع ان كلامي عادي ماحس فيه فلسفة
وانا جامعية للحيني ادرس وهو عنده ثانوية عامه ويقول ناوي يكمل بس اشك

 

[القطار السريع]

هو صح التعامل مع الغربي صعععععععععب
بس لا تنسون انه حنون

وصح انه منقذ الفتيات ودون جوان عصره
بس يمكن غربيته تفرض عليه هالشي
احيانا يشوفون فينا سلبيات وايد
مثل ما احنا نشوف فيهم


بس لازم تكون الكفة متعادلة بين السيئات والمحاسن

 

[✿يآغرُورـيْ خف≈]

حبيبتي :ـ الجنوبي بيعآملك مثل مآتعآااملينه
وفيه نقطه مهمه قرأت عنهآ في ملفات الجنوبي
(أنو مآيحب الوحده اللي كل مآقاال لهآ شئ قآاالت (.أعرف وأعرف ...)
لآااا يحب أنو هو من نفسه يعلمكٍ (.يعني البرئيه :22)..

كيف اهتم فيه وبنفس الوقت احاول انشغل بنفسي عنه؟؟؟

يعني بالوقت اللي هو عندك وبجآنبك هنآ تقدرين تدلعينه وتهتمين فيه
بس لمآ يكوون مشغوول بالخاارج أو مو عندك مثلاً هنآ أنشغلي بنفسك
ولآتفكرين فيه ..وإذا أتصل عليك وضحي إنشغآلك
(يعني إذا تبغآني بتلاقيني عندك وإذا أنشغلت ورحت بعييد بإكوون أبعد منك..)

والإستاذه أمرأه لآتنسى تقووول الجنوبي الغربي أقتربي منه بقووه
وإبتعدي عنه بشكل أقوووى <<هنآ بتملكين كل تفكيره

والحين حذفت كل صورى وصور البنات من فوني وما عندي ولا صورة وقررت ما ارد اطرش له ولا اصور مع ان هو حسسني من البداية ان التصوير والبعت صور بالفون عادي
حتى بفترة الملكة كان يصورني لما امشي وانا مدري وبعدين يوريني

يالغلآ أنآ مآأقصد إنتي اللي تصوري نفسك وترسلين له ..
لآااا إنتي آخذي جوالك أو جواله وصوري زوجك أو كمآن إذا صرتي بعيده عنه
وعملتي لك كيكه أو حلا بإيدك <<هنآ صوريهآ له وأرسليهآ .....

ومن كلآمك يدل على إنه يحب التصوير وبتلاقينه دائم يصور نفسه
وإي شئ عنده.,,,

تقولون الغربي الجنوبي يحب الاجتماعية الفرفوشة واللي تضحك دايم
زين كيف اكون جذي واكون حزينة واحتاج لرجل عشان هو يفهم؟؟؟ احس صعبةة هالصفتين مع بعض!!!

في داخلك الحزن ..مآأدري إذا قرأت قصة برود ومطر أم لا..؟
عموماً نآعمه لمآ كآنت تحل مشكلة برود قآاالت لهآ حطي عند السرير بطآقة دعوه
من صديقه وخليه يشوفهآ <<عشآن يعرف إن عندك صديقآت ومميزه

وكمآن بروود الشمآااليه مستحيل دمعتهآ تنزل عند إي أحد
ونصحت برود إن توضح حزنهآ وتترك دموعهآ حتى يشوفهآ مطر
(.ويعرف إنهآ حزينه في الخفآء ومحتآجه لحنآنه )..


شوفي هالراابط موضوع (.أميرة الجنووبي للغآليه شغف )).
أقرأي موضوعهآ أكثر من مررره بيفيدك كثيييير لآيفووتك كلآمهآ:ـ
http://www.niswh.com/vb/t108645.html


...أدري كلامي ملخبط لإني مستعجله
بس إن شآء الله أكوون أفدتك ...:32:​

 

[ahzan gulb]

القطار تسلمين فديتج وبصراحة صرت اشوف زوجي اقسى من القاسي

يا غروري خف بحاول انفذ كلامج
بس والله توهقنا بعضهم يقول الغربي الجنوبي يحب المثقفة والمتعلمة والمطورة بكل شي وبعضهم يقول يحب البريئة اللي شبه ما تعرف شي!!!

الغربي الجنوبي اللي يصد وما يتقبل زوجته باي شي او باي كلمة سوا انه يقرب بالليل منها شالحل معاه؟؟؟


انا امس وانا جاية الجامعة تركت له هدية عبارة عن مستحضرات استحمام ومخدة عليها صورته وكرت احمر كتبت فيه جملة وطبعا الظهر طلعت من البيت وجيت الجامعة
وابدااااااااااا ما اتصل ولا عبر لين ساعة 12 اتصلت فيه ما رد
وبعدين رد هو اتصل اتكلم بالبداية اوك بعدين تكلم عن الهدية وقالي جايبتلي صابون استحم فيه وجلس يضحك ويتمصخر اول مرة يسويها احس لو جبت له وردة بس المفروض يفرح بس امس جرحني وايد برده ولما قلت له انت ليش جي تجرحني قالي ليش انتي تهميني اصلا!!!! وقعد ينتقد ويذم والخ ولما سالني المناسبة قلت له كنت ناوية اعطيك الاسبوع اللي فات بس ما قدرت والحين عطيتها لك لان عيد الحب قالي باي وقفل على طووول
وبعديها طرشت له مسج ابرر له شغلة قلتها بالفون بس عشان اشوف ردة فعله وطبعا ما رد علي ونمت
والحين ناوية ابد لا اتصل فيه ولا اسال عنه احسه جرحني وايد وتحملته وايد
ويمكن لان هو واثق من حبي له قاعد يزيد بحقارته للاسف

 

[أنثـى قوية]

صبــآآآح/ مســآآء الــــورد :32:...

حبيـــت أشــارك معــــاكم بالتجمع :blush-anim-cl: ....

أنا طبعًا شمالية شرقية ... وخطيــبي جنوبي غربي (أظن)
لكــــن لآحظت أشيــــــآآآء خلتني أحكم عليه بأنه جنوبي غــــــربي مثـــــل

*يعشـــــق المــــدح.... مثلاً لمـــا يرســـــل مســـجآآت كان يسألني (إيش رآيــــــك بالمســـــجآآت اللي أرسلــــهآآ؟؟) ولمـــــا أمدحها له ينبســـــــــــــــط كثييييييييييير<<وبصرآآآحه كثرة سؤاله تحسسني أنه مو وآآآثـــــق بنفسه..

*عنده إرتبــــــاط كبيييييير بأهلــه..... في بعض مكـــآآلمآآته لي يســألني (ليش ما تتصلي بأختي؟ :questionmark
وغير كذا ألاحظ أنه ينبسط كثيييير لمـــا يســافر لأهلــه..

*يحــب يعمــل نفــــسه فااااااهم في كل شئ :4: ....ومـــراات كثيييييييييييرة يعطيني نصـــايــح عن درااستي
ونمط الغـــــذااء والصـــــــلاة(مع العلم أنه مو ملتزم )..

*عرفت عنه أنه إنســــــان يحب السفر ويحب يطلع مع أصحـــــــابه كثيييييييييير.. وهالشئ بصرآآآآآحة مرررآآ مخوفني :no:.....

*يحب يكــــــون بنظري كـــــــــامل الرجـــــــوله وأنه مافي مثلــــه بين الشبـــــاب..

*كثييييييييير يسألني (تتقننـــــــــين الطــبخ؟؟ :crazy...وبصرآآحه ماأحب هالسؤال
(مع العلم أني لاأحب الطبخ ولاأكره بس الحمدلله أعرف أطبخ)..

*يقول لي أنتي ثقيييلة لأني ما اتصل عليه بس انتظر اتصاله وأني خجــــولة وأني قليلة كلام )

*يحـــب يصور نفــــسه .. مثلاً يتصور عند البحر ويرسل لي صورته ويسألني عن رأيي ....

*كـــــــــلآآآمه كثييييييييييييييييير ونســـــبه منه مدح لنفــــــسه ...

*دآآآآآآآآآآيـــــم يتذمــــــــر ويشتـــــــكي من دوآآمه وهالشئ مرررآآ ماحبيته..

*يحب أني أكـــــــون أنثــــويــه ودلــــــوعــة (أتمــــــــــنى في يوم من الأيآآم أكوون كـــذا)..

*يحـــــــب المـــلابس الكـــــــيوت والأنثويــــة واللــــون الـــــوردي (اعتقد مو متأكدة)..

أما أنا بعض الصفات اللي فيني..
*أتــــردد في قراراتي كثييييييييييييير..

*أشتغل على مهلي سواء طبخ أو غيره (شغلـــــــي بطــــئ)..

*أخجل من النــــــاس اللي مـا أعرفهم .....

*طموووووووووحه ..

*إذا عصبت يعلى صوتي..


آآآخــــــر شــــــئ بصرااحه ودي أقطع اتصالاتي به قبل الزوااج بس مو عارفه الطريقة المنـــــاسبه ســــاعدونــــي :35:.......

​

 

[ahzan gulb]

هلا وغلا انثى قوية

ونصيحة لج فديتج حاولي تغيرين الاشيا اللي فيج عشان تناسب زوجج وما يحصل شي بعدين بينكم>>> تجربتها المرة


فكرة قطع الاتصال عادي اتصلي به مرة وسولفي وايد وحاولي تكونين فرفوشة وبعدين قولي له مو بخاطرك شي تعرف بقطعك لين العرس لاني بكون مشغولة وايد وبشوفك وبكلمك يوم العرس وتمي اسستهبلي وسكري وبس



الله يسعدج يارب

 

[القطار السريع]

احزان زوجج يتصرف عادي لان الغربي اذا ما عجبته الهدية - خصوصا اذا من زوجته- يقول هالشي

انثى انا يوم زواجي الصبح طلعت اتسوق وي زوجي وفي الليل صرت عروسة ولبست ابيض

 

[ahzan gulb]

بس هو حساس ورقيق كيف يجرح وفيه هدية واصل له وبطاقة حلوة فيها جملة بس

غريب رد فعله جدا وكريه
ويمكن بسبب الاوضاع اللي بينا حاول يقهرني اكثر

مع ان زوجي بيهتم بجسمه بعطور والخ
وانا جبت له مستحضرات كاملةة للاستحمام واول مرة اجيب الهدية ذي بس رده قهرني ومو كافي متحملة كل شي فيه
امس اتصل بي وما رديت ولا ناوية ارد لين اروح البيت يوم الخميس وبكون بعيدة عنه لا كلام ولا شي بينا لاني اتحملته وايد وهو شكله تعود وقام يزيدني قهر

 

[✿يآغرُورـيْ خف≈]

القطار تسلمين فديتج وبصراحة صرت اشوف زوجي اقسى من القاسي

يا غروري خف بحاول انفذ كلامج
بس والله توهقنا بعضهم يقول الغربي الجنوبي يحب المثقفة والمتعلمة والمطورة بكل شي وبعضهم يقول يحب البريئة اللي شبه ما تعرف شي!!!

الغربي الجنوبي اللي يصد وما يتقبل زوجته باي شي او باي كلمة سوا انه يقرب بالليل منها شالحل معاه؟؟؟


انا امس وانا جاية الجامعة تركت له هدية عبارة عن مستحضرات استحمام ومخدة عليها صورته وكرت احمر كتبت فيه جملة وطبعا الظهر طلعت من البيت وجيت الجامعة
وابدااااااااااا ما اتصل ولا عبر لين ساعة 12 اتصلت فيه ما رد
وبعدين رد هو اتصل اتكلم بالبداية اوك بعدين تكلم عن الهدية وقالي جايبتلي صابون استحم فيه وجلس يضحك ويتمصخر اول مرة يسويها احس لو جبت له وردة بس المفروض يفرح بس امس جرحني وايد برده ولما قلت له انت ليش جي تجرحني قالي ليش انتي تهميني اصلا!!!! وقعد ينتقد ويذم والخ ولما سالني المناسبة قلت له كنت ناوية اعطيك الاسبوع اللي فات بس ما قدرت والحين عطيتها لك لان عيد الحب قالي باي وقفل على طووول
وبعديها طرشت له مسج ابرر له شغلة قلتها بالفون بس عشان اشوف ردة فعله وطبعا ما رد علي ونمت
والحين ناوية ابد لا اتصل فيه ولا اسال عنه احسه جرحني وايد وتحملته وايد
ويمكن لان هو واثق من حبي له قاعد يزيد بحقارته للاسف

هلآ أختي :ـ
مثقفه في الحياه العلميه مثلا يحب يشوفك تقرأين كتآب وغيرره..
وبرئيه في الحيآه الزوجيه,,

أوكيه حبي طنشي ولآ كأنك أهديتيه شئ وإذا جآب سيره عنهآ
حآولي تجينه بأسلووب الدلع والتغنج ..

عموماً جبت لكٍ أقتبآسات عن الجنوبي لإمراءه لآتنسى
وإن شآء الله بتفيدكٍ بمشكلتكٍ ...أهم شئ أفهمي كل كلمه منهآ:ـ

ومعروف ان الجنوبيين يحبون المدح والشكر.. ان فعل اي امر امتدحييه .. واشكريه وكأنه عمل حاجة كبيره .. فستريينه في كل مره لن يقول لك انا فعلت كذا وكذا .. انما سيقوم بالفعل الحسن هذا في كل مره .. وسيزيد من عنده .. فأفعال أخرى .. بسبب كلماتك الايجابيه له .. مثل الطفل تماما ..

حتى ينتظر منك كلمات الشكر والثناء التي تجعله يطير فرحا وسعادة بها ..

الجنوبي.. عندما يرى ان زوجته تحاول السيطره او ابداء رأيها وتصر عليه .. فانها تشعره بانها اقوى منه .. فيحاول. اظهار عيوبها .. لتفقد هي ثقتها بنفسها .. وتندم انها حاولت ان تتحداه برأيها او في قراراتها .. فيحاول انتقادها .. ليظهر هو بصورة القوي.. والمسطير وليس هي. .


لهذا .. حاولي ان تظهري له في كل مره انك غير مهتمه لإنتقاداته .. ووثقي ثقتك بنفسك اكثر .. وقولي له كلمة طيبه .. وابتعدي..


هنا هو سيعلم انك حقا افضل واقوى منه رأيا وحكمه .. وسيعجب بك اكثر .. لتصرفك الراقي والحكيم معه .. وليس بالمشادده والاصرار على ان كلامك هو الصحيح ..




​

وكذلك عن البعد والقرب:ـ

الانشغال عنه بامور المنزل شي.. والانشغال الذي واضح يكون انه دلع وتغنج شيء آخر

عندما تهتمليين زوجك وهو بحاجة لقربك .. بانشغالك بالبيت والابناء.. فانه بكل تاكدي سيهمل..

كما ذكرت لك :


دلليه واعطيه ما يريده ومن ثم ابتعدي..

وليس ان تهمليه وتهمليه وبعدين تبتعدي وتنشغلي عنه ..

دمتي بسعآااده
والله يسعدك في حيآتك وتنصلح أحوالك مع زوجكٍ
ولآيرى غيركٍ من النسآء
:39:
وحآضرين للطيبين
والسلام عليكم ,,​

 

[ahzan gulb]

فدييييييييييتج يا غروري خف

تسلمين والله لعى نورج بالصفحة

وياليت تفيديني اكثر عن الغربي بعد

ومشكلتي اجهل اسلوب الدلع والغنج وبعدي استحي>> طاح حظي

 

[✿يآغرُورـيْ خف≈]

فدييييييييييتج يا غروري خف

تسلمين والله لعى نورج بالصفحة

وياليت تفيديني اكثر عن الغربي بعد

ومشكلتي اجهل اسلوب الدلع والغنج وبعدي استحي>> طاح حظي

.تسلميين
الغربي يعشق الحريم والجنوبي بعد ..>>عآد كيف غربي جنوبي
<<مآودي أخوفكٍ بس خلاص دآمك عرفتي شخصيته بإذن الله
بتغنينه عن كل الحريم,,
والغربي ملوووول يحب التجديد وخيااله واااسع وغير منظم
ومآيهمه التقاليد والعادات وعآدي جداا يلفظ بالإلفآظ الغير محترمه عند النآاس:30:

وإن شآءالله بإرجع لك بمعلومآت أكثر
سي يو:1: