جا الوقت اللي اطلب فيه مساعدتكم..

[اتحداها]

السلام عليكم ياحلوات

انا من اكبر المعجبين بهذا الموقع الرائع وبالدكتوره ناعمه والحمدلله بالرغم من كل شي اقول اني استفدت كثييييير منها ومنكم خواتي...

خواتي هاليوم وهالموقف ماتوقعت انه بيمر فيني ابد لاني تربية بلقيس..
راح ادخل في الموضوع على طوول اكتشفت امس ان زوجي يكلم وحده في الماسنجر متعرف عليها من احد المنتديات... طبعا الكل راح يقول عادي ومشكله متكرره واحمدي ربك.. بس والله مااقدر اوصف لكم احساسي لما عرفت... الله لايذوقكم اياه يارب

والله مو عارفه شاقول بس ابي اعرف هل اللي انا اسويه صح
اولا مابينت لزوجي اي شي
ثانيا اخذت نسخه من المحادثه اللي لقيتها (لاني توني غيرت اعدادات المسنجر عنده بعد ماشكيت)
ثالثا امس رحت السوق وماخليت شي في نفسي الا خذته واليوم رايحه اقص شعري واصبغ
رابعا بحاول قد مااقدر اشبع حاجات زوجي مع اني مو مقصره معاه في هالناحيه ومرتاح مني
خامسا بحاول اجمع معلومات عن الحقيره واللي فهمته من كلامهم انها مخطوبه بس اشك وتدرس في نفس الجامعه اللي درست فيها بس هي انتساب
سادسا ........... مساعدتكم هل اللي اسويه صح والله راسي يعورني ولااقدر انام واحس الم ببطني من امس ...

انا نفسي طويل وياانا يااهي
الله يخليكم اللي تمر عالموضوع ترد علي او تدعو لي الله يوفقكم

 

[بنوتاتي غيرررر]

الله ينصررك عليها ويرد لك زوجك

 

[اتحداها]

مشكوره حبيبتي الله يوفقك يارب

 

[أنا قلب زوجي]

حبيبتي لالالا
المفروض تواجهي زوجك لان شغل الي من تحت لتحت ما انفع وبعدين ليش تدوري على البنت سيبيها لان ماتعرفي كيف زوجك تعرف عليها يمكن هو الي بدأ معاها ووقتها زوجك الي ابغالو عقاب مو هي
وصارحي زوجك ليش ساويت كدا انا مو زوجتك ام اولادك افهمي منة ايش منقصة انتي علية
زليش سوا كدا يمكن انتي منقصة شي ومنتي عارفة واجية وكلمية خلية يستحي على وجة
قوليلو لو اولادك عرفوة ايش راح يكون نظرتهم لابوهم الخائن سوي الي تسوي روحي قصي واصبغي واشتري كل الي في نفسك وصدقيني را يندم وانتي كمان غضي البصر اذا جا واتسلمحلك وحلفلك باالقران نزوة وراحت في حالها الله يصلح امرك واهدي سرك ويجعل زوجك ما اطالع غيرك

 

[اتحداها]

مشكوره انا قلب زوجي بس انا اعرف زوجي اذا تعلق في شي مستحيل يترك لو قلت له عارفه انه بيعتذر ويتاسف بس اكيد بياخذ حذره وبيستمر..
بعدين انا عارفه انه هي تتحرش فيه ودايما تساله عني بنت الكلب واللي ملاحظته ان زوجي يذكرني بالخير عندها بس هي تحاول انها تسحب منه كلام.. والله لو تشوفين كيف تعامل زوجي معاي ماتصدقين شلون مدللني وبالذات هاليومين وكله كلام حلوو... ماتشكين ابد ان وراه شي بس انا خلاص ثقتي فيه انعدمت الحين ومو عارفه كيف اتعامل معاه..
انا متزوجه من سنتين وعندي طفل واحد..
الله يخليكم ساعدوني

 

[مهههاوي]

شوفي اختي انتي اذا واجهتيه راح تخسرين الدلال وراح تنعدم حياتك معه استفيدي من احساسه بذنب وحولي ترجعينه لك بدون متبينين انك عارفه الله يسهل امورك

 

[ice creeem]

الله يهديه ويرده لك ردا جميلا

 

[أم أحمد 2008]

الله ينصرج عليها
ولا تنسين قيام الليل والاستغفار والصدقة بنية النصر على هذي الخاينه
وبعد حاولي تيبين محاضرات دينية عن عقاب الخيانة الزوجية ، وخليها في سيارة ريلج
وبشرينا بالنصر​

 

[نور كندا]

انتى تستبقين الامور يمكن يكلمها بشكل عادى عالنت ليش راح راسك لبعيد يجوز انهم يتكلمون كاصدقاء او تعارف ليش راسا راح مخك للخيانه ياعزيزتى الان نحن فى عصر العولمة وزمن الانترنت والفيس بوك والشات مو كل ماكلم الرجل امراة لازم يكون فى شى غلط كبرى عقلك وخليكى متفتحة

 

[من إماراتي]

حبيبتي لا تبينين له اي شي بس مرات لما تكونون قاعدين بروحكم خلي حزنج يبين عليج أو سوي نفسج سرحانة بحزن - و أكيد انتي تشعرين بحزن حقيقي - ولكن اذا سألج لا تقوليله اي شي بالعكس ردي عادية و تكلمي معاه بمواضيع ثانية .. هاي الحركة بتخليه يشك انج تعرفين او يخاف انج تدرين بالسالفة و بالتالي بيزيد دلاله لج و مراعاته لمشاعرج و يمكن يقول في نفسه ( إذا هالمرة طافت على خير ما راح اعيدها ) .. و مادام يذكرج بالخير عندها فمعناته انه يحبج و يقدرج و يحترمج مب مثل بعض الرياييل اللي عشان يكسبون عشيقاتهم يروحون يذمون في زوجاتهم ( حسبي الله عليهم ) .. ادعو الله لك الصبر و الثبات و راحة البال و ان يعود إليك زوجك عودا حميدا .. اللهم آمين .

 

[sweet student]

حسبنا الله هو نعم الوكييييييييييل على بناااات الحرام

كملي بدايتك حلوه والخطه بعد حلوة بس حاولي تتقربين منه اكثر يعني لاتخلين للمسن وقت

سوي اشياء جديده في حياتك يعني سوي جوا واحضري معاه فلم في البيت او جلسه على مسرحيه

والله يوفقك الله يعلم قلبي معاك

 

[بحر ماله حدود]

السلام عليكم ورحمة الله وبركاتة
أنا معك لأن المواجهة ماهي في صالحنا أبدا
بس أبغي أسألك سؤال ومحرجة
أنا ما أعرف كثير بالنت بس أبغي أشوف أخر محادثة لزوجي بالمسنجر بس معرف فين أروح مع العلم أنا أعرف الرمز السري للأميل تبعةوأقدر أفتحة بس ما أدري وين أروح أو أيش أسوي يعني أبغي الخطوات هل أقدر أشوفها عن طريق جهات الإتصال وإلا فين
أرجول جاوبي علي سؤالي ومعليش كلفت عليك ياعمري بس وربي جاهلة
أنتظرررررك :icon26::shiny::fish:

 

[رمال البحر]

الله ينصرك عليها ويهدي زوجك

 

[ماللك غير الصبر]

هذا افضل طريقه اي والله لا تقولين له شي ابد وخليك متابعته واحتفظي في كل محادثاته والله يصبرك فعلا طعم الخيانه مرررررررررررر والله يهديه ويهدي رجالنا جميعا

 

[the tigress]

ما شاء الله عليك
ما تحتاجين استشارة
ولا أحد يضحك عليك ويقول لك واجهيه
عمر المواجهة ما جابت نتيجة
وحاولي انك ما تتجسسين - ما يجي من ورا التجسس الا العذاب

الله يوفقك ويسخر لك وينصرك عليها

 

[دبدوبه شيك]

من جد ياحبيبتي وعن تجربه لاتصارحينه ولاتواجهينه
اتمنى اني قريت مواضيع ناعمه الهاشمي قبل مااواجه زووجي
لانه مع المواجهه بتخسرين كثير خصوصا انه يعاملك زين لاحساسه بالذنب
وماعليك من الي يقولك خليك متفتحه
هاذا حرام لو اختلف الوضع بيمشيها زوجك لانه متفتح؟

 

[بطة الوادي]

الله يسهل امورك

 

[بحر ماله حدود]

شكرا الأمل بالله

أشكر كل من رد علي خصوصا الأمل بالله
اللهم فرج همها ويسر أمرها وبدل سيئاتها حسنات وإرزقها وإيانا رزقا وافرا
اللهم لك الحمد كما ينبغي لجلال وجهك وعظيم سلطانك :icon26:
إستغفر الله إستغفرالله إستغفر الله

 

[شريفة هاشمية]

حبيبتي تمام عليك الي سويتيه وانتي لسا ف بداية الخط اولا امسكي المحادثة كدليل و نصيحة استاذة ناعمة لا تكشفي اوراقك كلها مرة وحدة واصبري لحد ما تتم المواجهة في وقت ملائم لها لانه الحين هو عايش في حالة من الوهم والعشق هههه متيم الرجال انا اقترح انك تضيفيها لمسنجر وهمي اخر و تلعبي عليها و بعدين ترسلي محاثاتها لزوجك كفاعل خير يعني كانك خويها القديم و صدتيها او كانك شاب اخر متعرف عليها ثانيا احسن شي انك رجعتي تهتمي بنفسك و ترفهي عن نفسك و بكذا حيلاحظ حبك لنفسك واهتمامك فيها وتسدي عليه منفذ ان فيه شي ناقصك او مقصرة فيه ثالثا لا تواجهيه ابدا فقط اقطعي عليه الطرق و الاوقات الي ممكن تخليه يقابلها فيها زي ما نصحت استاة ناعمة في قصصها انك ما تكشفي ولا تواجهي عشان تستفيدي من نقده لك امامها وامتداحها وتسويقها لنفسها والاشياء الي يحبها منها وتعرفي اش ناقصك هذا من ناحية و من ناحية ثانية عشان تعرفي معلومات اكثر عنها و تفضحيها او توقفيها عند حدها و ايضا تعرفي اوقات الي يكلمها فيها عشان تشغليه فيها عنها لانه لسا يمثل قدامك انه الحمل البريء و ما يبغا يكشف نفسه قدامك و ان شاء الله تتحسن بينكم الامور وتكون نزوة عابرة و عليك بالدعاااااء و ربي يعمي عينه عينها و يرد كيدها في نحرها ولا تخربي علاقتك ف زوجك عشان وحدة ما تسوى وحتى تلاقيه هو ف قرارة نفسه بس نوع من اللعب يبغا يستكشف ويعرف انها ما تسوى ظفرك والدليل انه طيب في علاقته معك و يحاول يكسبك و الله يهدي سرك و موفقة حبيبتي

 

[حنانوو]

الله ينصرك يارب
ويبعد عنه بنات الحرام ويخليه لك
ويسحره فيك سحر حلال يارب
اختي بالعكس اللي تسوينه صح ولاتواجهينه ابد اكسبيه صدقيني بين انه يحبك
وبيحس بذنبه
الله يوفقكم يارب
طمنينا ياحلوه