قولوا لي وين اروح ووش اسوي؟؟؟؟

[وين أروح؟؟؟]

بنات انا محتاجتكم حيل
ماابي اقولكم مشاكلي من اول زواجي لاني احاول قد مااقدر اتناساها
بقولكم مشكلتي الاخيره الي هي
اني لما كنت جالسه مع زوجي جاته دقه وبعدها مسج وبعدها طلع نصف ساعه ورد البيت
المهم اول مره تصير هالحركه انا سكت ولما نام خذيت
الرقم خاصه انه
قبل المكالمه كان حيل متضايق عشان كذا شكيت
اتصلت طلعت لي بنت سكرت فوجهها ورحت لهلي زياره
جلست اسبوعين ماحكيت شي
لما جاء ياخذني تكلمت معاه بكل هدوء وقلت له انو من حقي اعرف هذي منو وانا وين مكاني بينكم
المهم انكر وقال مااعرفها وطلعني انا الهبله تدخل اخوي وقال له يروح ويتركني عند اهلي فتره لحد مانهدا انا وهو
بعد فتره اتصلـــــــــت هي علي وكانت خايفه وترتعش وهي تتكلم طلعت متزوجه وعندها ولد وحامل(حسبي الله ونعم الوكيل )
المهم سفلت فيها بس باحترام يعني علمتها هي شنو وش وضعها وكيف نظره الناس لها
حتى لو زوجي عطاها وجه اكيد هو يحتقرها من الداخل
يعني خليتها تتندم وربي انها قالت قولي لي وش تبين مني وش تبين اسوي
المهم مو هي مشكلتي لانها ماتستاهل افكر فيها
الحين زوجي اتصل على اخوووي وقال انه ندمان وانه مستعد يسوي اي شي
علشان ارضى
وانا الصراحه ماابي اخسره عشان وحده حقيره ومتزوجه بعد يعني مافي امل
تترك بيتها وعيالها عشان عيون زوجي

ابي منكم توجهوني وش اقول وكيف اتصرف ابي ارجع بس ابي ارجع كرامتي قبل يعني
ابي ارجع وهو يحترمني ويقدرني عشان اقدر انسى واقدر اقنع نفسي انه ماراح يسويها ثاني



انتظركم بنااات ضروري ردوا لانه بيجي هاليومين وابي ارتب افكاري:icon26:
​

 

[التحدي صعب]

الله يفرج همك يااختي
ارجعي بيتك واحتوي زوجك وعملك انويه لوجه رب العالمين وكثري الاستغفار وكثري من القران بالبيت
وزوجك اكيد انه تلقى درس بماانه اهلك على علم الان فانتي احتويه وحسسيه بالثقة والله يفرج همك

 

[الامل باالله]

وش يضمنك انه موهو بعد اتفق معها
وقال لها قولي لها كذاا
الله يستر بس
روحي بيتك ولاتتركينه لها
والله يسخره لك

 

[شمعة تضئ للغير]

الله يهدي سركم ويصلح حالكم 000
شوفي من ناحية أنك تنسين هذي شليها من مخك مارح تنسين أبدأ اللى يأكل الضرب مو زي اللى يعده
لكن عيشي حياتك وشوفي زوجك ايش ناقصة ولقيه عند هذي الأنسانة وحاولي أنك تحتوينه وتتفاهموا وأهم أنك تحاولين أنك تتناسين ودائما أذكري محاسنه الكويسة والله معاك0

 

[وين أروح؟؟؟]

بنات نسيت اقولكم ان علاقته فيها من زماااااااان قبل يتزوجني وهو حلف لاخوي انه تاركها بس هي الي رجعت تدق عليه وانا لليوم اتذكر وجه كيف صار لما اتصلت عليه

 

[عذبة الروح $]

تجاوزي هالمشكله

وروحي لزوجك

لكن وعيونك مفتووووووووووووحه بدون ان يحس !!

واحتويه واشبعي رغباته وخلي له حدووود مايصلها ابدا , بدون ماتهينينه

لاتجيبن طاري هذي السالفه ابدا
وخل لك شخصيه مستقله , بدون اهمال لحقوقه

واعتبريه زله منه وتاب عنها .. سامحيه زي ماتسامحين اطفالك اذا غلطوا !!
عشان انت تقدرين تعيشين بسلاااااام

اهم شي لاتبعدين عن ربك وعبادتك لاجل دنيا

والله يصرفه عن كل شر يااارب

 

[عذبة الروح $]

حبيبتي ,, اعتبريها بقايا مراهقه

وانت خل لسانك عسل, وخلك حولينه (بدون ماتلصقين) عشان تسدين الفراغ الي بيحس فيه

واذا طلع من عندك كوني شخصيه مختلفــــــه ( رومانسيه , عاشقه , ماتقدرين تسوين اي شي وهو بعيد)

بس لاتبدين بهذي المرحله ع طول عشان مايقارن !
اذا رجعتي وقعدتوا فتره

 

[مسرعه بشويش]

ارجعي لبيتك بدون اي طلب يكفي انك ببيتك مملكتك راح تكسري شوكته بنظرات العزة والكرامة انت كريمة من دون ماتحتاجي اي دافع ارجعي ووكلي ربك وهذا زوجك ملككك مو لبنات الهوى ربي يصلحكم

 

[ام عبودي2010]

وانا الصراحه ماابي اخسره عشان وحده حقيره ومتزوجه بعد يعني مافي امل
تترك بيتها وعيالها عشان عيون زوجي ​

انتي خطييييييييره

اعجبتيني

ونعم العقل

يعني ايش الطريقه اللي ممكن تكره الزوج بالموقف

يعني مثلا هديه رضا مثلا

او مبلغ قوي

او تغير في اثاث البيت بحجة تبدون حياة جديده

وانتي بدورك اول ماتدخلين البيت تنسين العلاقات وتقطينها ورا ظهرك

بس ماتسولفين معاه بسرعه يعني مو تعبرين له بحبك وانك ماتقدرين تتخلين عنه ومن هالكلام

الا بعد فتره علشان يحس بالانتصاااار

الله يوفقك وربي يهدي باااالك حبيبتي

 

[ام عبودي2010]

بقولك حبيبتي انا يوم صارت لي المشكله ورجعني

قلت ماارجع الا بشرط

اني اساااافر


اسافر مكه

ورحت دعيت ربي وشكرته لانه رجع لي زوجي ندمان على اللي صار
ودعيته انه يخلي لي زوجي ويجعلنا سعيدين



اما الكلام اللي قلته قبل عن الاثاث والاشياء

افكار يمكن تنااااسبك بس

 

[عطررومانسي]

لا تعطينه امل انك بترجعين على طول الطعيه وقولي افكر ارجع او اني اعطيك عيالك واعيش حياتي مع واحد يعرف قيمتي وقيمه عفافي وصيلنتي لبيته لكن انت خنت الامانه الي عندك وانت ماتستاهلني مرمطيه شوي لا يحس انك سهله ويعيدها

 

[وين أروح؟؟؟]

حبيبتي ,, اعتبريها بقايا مراهقه

وانت خل لسانك عسل, وخلك حولينه (بدون ماتلصقين) عشان تسدين الفراغ الي بيحس فيه

واذا طلع من عندك كوني شخصيه مختلفــــــه ( رومانسيه , عاشقه , ماتقدرين تسوين اي شي وهو بعيد)

بس لاتبدين بهذي المرحله ع طول عشان مايقارن !
اذا رجعتي وقعدتوا فتره

الله لايحرمني منك يااارب وربي ريحتيني بكلامك الله يريحك دنيا واخره
لاني هذا الي انا مقرره اسويه والله يعيني ويعين الجميع

 

[أم محمد2010]

شوفي يااختي.............

الرسول عليه افضل الصلاة والتسليم قال..((تهادوتحابوا))


تبادل الهدايا تغرس المحبة في النفوس

تبادل الهدايا بين الأزواج لاسيما هدايا الزوج للزوجة، إحدى أسباب غرس المحبة بينهما. قال رسول الله صلى الله عليه وسلم: "تهادوا تحابوا". فالهدية هي تعبير عن المودة وهي كسر لجمود ورتابة العلاقات الإنسانية فإن كانت مثل هذه الهدايا تفعل فعلها وسط الأصدقاء والمعارف. فإن تأثيرها وسط الأزواج أكثر فاعلية وأعظم أثراً. ولا يشترط أن تكون الهدايا من تلك المقتنيات الثمينة الفاخرة، لأن الغرض من الهدية هو إظهار مشاعر الود والألفة في المقام الأول، وذلك يتحقق بأي مستوى من القيمة المادية للهدية، ولكن عن كانت الهدية من النوع الثمين فإن ذلك من أسباب مضاعفة السعادة وزيادة المودة.
عاد انتي تقدرين تطلبين الي تبغينه عشان ترضى نفسك من جواء وذا غاليه عنده راح يجيبها حتى لو تسلفها
شوفي حريم زمان كيف يرضيها زوجها اذا غلط في حقها
دمتي بود وسلالالام عزيزتي

 

[وين أروح؟؟؟]

بقولك حبيبتي انا يوم صارت لي المشكله ورجعني

قلت ماارجع الا بشرط

اني اساااافر


اسافر مكه

ورحت دعيت ربي وشكرته لانه رجع لي زوجي ندمان على اللي صار
ودعيته انه يخلي لي زوجي ويجعلنا سعيدين



اما الكلام اللي قلته قبل عن الاثاث والاشياء

افكار يمكن تنااااسبك بس

وربي انتي الي خطيره وكلامك درر
تدرين اني افكر بهديه مو لاني ميته عليها
بس ابي اغير شي ومو عارفه ايش اطلب منه
خاصه اني ناويه اطلع عيونه شوي:shiny:

الله يديم سعادتك وياااارب مايشوف غيرك بدنياه:icon26:

 

[وين أروح؟؟؟]

لا تعطينه امل انك بترجعين على طول الطعيه وقولي افكر ارجع او اني اعطيك عيالك واعيش حياتي مع واحد يعرف قيمتي وقيمه عفافي وصيلنتي لبيته لكن انت خنت الامانه الي عندك وانت ماتستاهلني مرمطيه شوي لا يحس انك سهله ويعيدها

صار لي شهر وزياده مطلعه عيونه ماابي اكلمه
والحين بيجي اخر الاسبوع ابي اعرف وشلون اتعامل مع الموقف
خاصه اني تعبت وربي واحس ان عقلي ورزانتي بدت تخف من هالمشاكل
وخايفه اني مااوزن الامور صح

 

[وين أروح؟؟؟]

شوفي يااختي.............

الرسول عليه افضل الصلاة والتسليم قال..((تهادوتحابوا))


تبادل الهدايا تغرس المحبة في النفوس

تبادل الهدايا بين الأزواج لاسيما هدايا الزوج للزوجة، إحدى أسباب غرس المحبة بينهما. قال رسول الله صلى الله عليه وسلم: "تهادوا تحابوا". فالهدية هي تعبير عن المودة وهي كسر لجمود ورتابة العلاقات الإنسانية فإن كانت مثل هذه الهدايا تفعل فعلها وسط الأصدقاء والمعارف. فإن تأثيرها وسط الأزواج أكثر فاعلية وأعظم أثراً. ولا يشترط أن تكون الهدايا من تلك المقتنيات الثمينة الفاخرة، لأن الغرض من الهدية هو إظهار مشاعر الود والألفة في المقام الأول، وذلك يتحقق بأي مستوى من القيمة المادية للهدية، ولكن عن كانت الهدية من النوع الثمين فإن ذلك من أسباب مضاعفة السعادة وزيادة المودة.
عاد انتي تقدرين تطلبين الي تبغينه عشان ترضى نفسك من جواء وذا غاليه عنده راح يجيبها حتى لو تسلفها
شوفي حريم زمان كيف يرضيها زوجها اذا غلط في حقها
دمتي بود وسلالالام عزيزتي

عين العقل
الله يخليك ويحميك
راح افكر بشئ يناسبني واطلبه:icon26:

 

[وين أروح؟؟؟]

أستغفر الله العلي العظيم

 

[شتات انسانه]

اللة يتمم عليك نعمت العقل ارجعي لزوجك ولا تذكرينة ابد فيها وحاولي تقربين منة اكثر وتدلعينة اكثر وتسألينة اش ناقصة وانك تقدرين تكونين مثل مايبغى والله يهدي سرك