فرفشي معايه ((للضحك فقط)) لا يعبر عن رأيي

[العنـــا]

اخت زوجك ,, مفتاح قلبه

موضوع للضحك فقط لاغير هههههه

لو حريم أخوآني يسوون هيك خليتهم مسخرة الموسم < طرآآخ ,,

​

مابقى الا تقول حبي راسهم لادخلتي وطلعتي ..


ههههههههههههه من جدها ذي ؟؟
وش ذالنصايح البايخه ؟
معرسه على الرجال ولا على خواته
خير ان شالله ؟ صارت ضره ذي موب اخت رجل
وبعدين وش اللي اسوي فوازير ومسابقات؟ صرت قناة المجد موب مرة اخو
اللي بتتبع هالنصايح بصير منذلة مسكينه لين تموت
زبدة الموضوع: كوني جارية لاخوات زوجك




----------------------------------------------------​

هذي وحده تقدم لكل زوجه العديد من النصائح​

اللي تقرب الزوجه من اخت الزوج..​

وبالتالي تقـرّب الزوجه من زوجها..​

الأخت هذي اظن والله اعلم​

ما بعد جاها نصيبها..​

واظن ولله اعلم..​

ان اخوها متزوج وساكن معهم في نفس البيت​

واظن والله اعلم ..​

ان زوجة اخوها ممشيته على العجينه ما يضعرطوش​

واظن والله اعلم​

ان اخوها وزوجته قاهرينها بروحاتهم وجياتهم​

وان زوجة اخوها ما عمرها طبّت المطبخ​

والاهم من ذلك..​

اظن والله اعلم... ​

ان زوجة اخوها حرمتها من انها تركب قدام​

تعالوا نقرأ ما سطّرته انامل اختنا هذي من درر..​

وان كنت اظن والله اعلم..​

ان كل زوجه بتقرا ما سطّرته اناملها​

ودها تشوفها علشان تسطّرها

​

مما لاشك فيه ان تقوية علاقتك مع أخت زوجك​

تقربك من زوجك الحبيب اكبر​

وتعود بالنفع عليك أولا وأخيرا ​

مما لا شك فيه طَلْ

​

وسأذكر لكن بعض النقاط المهمه التي تقوي صلتك بأخت زوجك​

وتحببها فيك وتكسبين قلبها وودها​

وبذلك تكونين كسبتي قلب زوجك الحبيب​

.​

وش ذا الزوج اللي رضاه من رضا اخته ؟؟​

اللي اعرفه ان الأم لها ثلاثة حقوق​

والأب له حق واحد ​

اما الاخت فحقها عليه​

انه يصبر على غثاها وتشكيها ونفسيتها​

لين يخطبها احدهم ويبتلش فيها

​

..ألغي جميع الحواجز بينك وبين أخت زوجك وقولي لها جميع اسرارك​

واحكي عن بعض مشاكلك لتشاركك في حلها​

... لاتشعريها بأنكي تغارين منها أبدا حتى لو كنتي كذلك​

ايه كبّي عشاك عندها​

و قولي لها انك قبل تعرسين على اخوها :​

انك كنتي تحبين واحد ..وقولي لها ان ذا الواحد​

اطخم وولد نعمه..​

همّن تذلّك بذا السرْ لين تموتين انتي والا هي​

وبتبتزّك أيّما ابتزاز​

حتى لو طلعتوا لأستراحه بتقطّين عنها​

...إذا ذهبت للتسوق او لاي مشوار آخر كالنزهه مثلا​

اصطحبيها معك حتى تسعد مثلما تسعدين​

وشهو له تسعَد ؟؟​

جعلها ما تسعَد ابد​

بكره بتعرس على شخصن مثل اخوها​

وهو اللي بيصطحبها للنزهه ويخليها تسعَد​

...أذا ركبتم معا في السياره فاطلبي منها أن تجلس في المقعد الأمامي​

احتراما لها ولزوجك وأصري عليها بقوة حتى لو كانت أصغر منك​

بصراحه حرام تخلينها تحرم نفسها​

من اكثر شي يميزها عن غيرها ..​

حرام تخلينها تحرم نفسها من اهم لحظه تحس فيها البنت​

انها فعلا تزوجت وان لها حياتها الخاصه​

و مملكتها الخاصه​

وغمارتها الخاصه

​

...في أثناء تواجدكم في السياره فدعيها تتحدث بطلاقه مع أخيها​

ولا تقاطعيها في الكلام الا إذا طلبت منكي المشاركه في الحديث​

اصلا اللي بتسمح لزوجها يركّبها ورا , ويركّب اخته قدام​

اظن والله اعلم ..​

لو تقاطعهم بيلتفت عليها​

همّن يصكها على عينها بشريط

​

...إذا كانت أخوات زوجك أكثر من واحده​

وجلست إحداهن بجانبك في المقعد الخلفي​

حاولي ان تلاطفيها وتمازحيها ولا تبالغي في ذلك حتى لا تستهتر فيك​

بعد؟؟؟​

بعد ذا الاهانه الكبرى..وبعد حرمانها من متعة الحياة​

تبينها تلاطف اخته الثانيه ؟​

اقول عساها بس ما تتهور و تنحرف

​

...أبلغيهم عند ذهابك لأهلك أو ذهابك لموعد في المستشفى​

حتى لا يتفاجأون باختفائك من البيت ويقلقون عليك​

ما يحتاج تبلغهم,,​

اكيد ان وحده من خواته بتكون رايحه معها وراكبه قدام​

...عند عودتك من بيت أهلك أحضر لهن الهدايا في كل مناسبه​

والله لو انها رايحه لدبي.. مهوب بيت اهلها !!​

وش هداياه اللي بتجيبها لهم من بيت اهلها​

مواعين والا فناجيل مثلا؟​

...اكفيهم أعباء المنزل لانهن ضيفات​

وسيتزوجن في يوما من الايام وسيتذكرنك بالخير​

على ذا الاوضاع الاقتصاديه​

وقل الوظايف وغلاء المهور والعقار والاسعار..​

شكلها بتموت والا بتطلّق وهم ما زالوا ضيفات عندها

​

...حاولي أن تجمعي ملابسهم المتسخه دون علمهن​

واغسليها لتفاجئيهن بملابس نظيفه ومكويه​

والله ستكبرين في أعينهن​

خنقتني العبره يا جماعه​

ما هكذا تورد الابل !!​

بعد تبينها تغسل خلقان خواته؟؟​

طاعون شق بطنه هو وخواته​

والله لو انها متزوجتن شسمه !!

​

... اعملي لهن مسابقات وفوازير منزليه​

لتشغلي أوقات فراغهن ​

ولاتنسي أن تشتري لهن جوائز قيمه لتحفزيهن على المشاركه​

الا وراتس بعد ما تقولين لها : جاوبي عنهم ؟؟​

...اسألي كل واحده عن طبقها المفضل واصنعيها لهن يوما ما على العشاء​

الا والله اذا ما ساعدتك في المطبخ​

اصمخيها يوما ما بطبق على جبهتها​

...حاولي الاتظهري بمظهر أجمل منهن مثال​

(إذا وضعتي مكياج ورأيت ان مكياج اخت زوجك اقل جمالا منه​

فامسحي بعض اللمسات من مكياجك لتكوني متواضعه)​

ومن تواضع لله رفعه​

واخته وراها ما تواضـَع وتركب ورا؟​

وراها ما تواضـَع وتغسل خلقانها المخنزه بنفسها؟​

وراها ما تواضَع وتصلح لزوجة اخوها طبق؟​

...إذا تغزل فيك زوجك أمام احدى أخواته فاغمزي له بعينك​

وارفعي حواجبك مشيرة الى أخته​

قاصدة بذلك تنبيهه لوجودها وتذكيره بأن يمدحها​

اللي بيركب خواته قدام وزوجته ورا​

ما ظنيت انه بيتغزل في زوجته ابد​

حتى لو انها مشخصتن له وقاعدين في غرفتهم لحالهم​

الا على طاري لحالهم,,​

غريبه ما نصحتي الزوجه وقلتي لها :​

اذا جنّ الليل ..​

ومراعاة لشعور اخوات زوجك ونفسياتهم..​

ابقي في الصاله او في المطبخ او في أي مكان​

حتى لو تبقين هناك الى بزوغ فجر اليوم التالي​

..​

واذا بزغ الفجر وهم لم يناموا بعد​

ابقي هناك حتى تبزغ الشمس..​

واذا بزغت الشمس وهم لم يناموا بعد,,​

عندها سيكون زوجك قد بزغ من نومه​

وراح لدوامه​

عندها ..ابزغي الى المطبخ واعملي له شكشوكته​

وعند خروجه ابزغي الى غرفتك واخلدي الى فراشك​

الى ان يبزغ وقت الغداء

​

اخيرا​

ثلاث كلمات بقولها لكل زوج يخلي زوجته على هذه الحاله :​

ابزغ عن وجهي

​

​

​

((منقول من ايميلي ...........كووول عجبني وايد ))

 

[سعوديـــه]

واااااااااااااااااو
​

​

 

[العنـــا]

شكرا على تواجدج اختي السعوديه

 

[التحدي صعب]

مافهمت شئ بصراحة!!!!!!!!!!!!!!!
اختي مشكورة على النقل

 

[sara-E]

هههههههههههههه وصلني ع الايميل

من جد يضحك اكثر شي ابزغ عن وجهي .. بس فعلا واقع فيه حريم شكثر تنزل نفسها عشان ترضي زوجها
والمشكله مو راضي بعد !!

 

[العنـــا]

مافهمت شئ بصراحة!!!!!!!!!!!!!!!
اختي مشكورة على النقل

والله ودي افسر لج اكثر بس اظن انه صعب

كان ودي تفهمين السالفه عشان تفرفشين معانا

حياج الغاليه

 

[العنـــا]

هههههههههههههه وصلني ع الايميل

من جد يضحك اكثر شي ابزغ عن وجهي .. بس فعلا واقع فيه حريم شكثر تنزل نفسها عشان ترضي زوجها
والمشكله مو راضي بعد !!

والله صدفتي احلى ما في السالفه ابزع عن وجهي

كوووووووووووووول من الخاطر

وكلامج من حيث ان في بعض الحريم ينزل من نفسهن عشان يرضون ازواجهم

شي صحيح وميه بالميه الأولى يا الغااليه نرضي ربنا

وبرضى ربنا بنرضي العالم كله

بعدين سبحان الله الانسان القريب من ربه تحسين ان الله يسهله اموره ويسر له كل حاجاته ويسخر له البشر

ويستشف من الي حلوه من الي يحبه ومن الي يكرهه

مثل ما تقولين ربنا يسترها معاه

سرني تواجدج من الخااااااااااااطر مب رمسه بس

وحياج في مواضيعي كلها كأنها الا مواضيعج .....((من زودهن))

 

[S.smsm]

بصرااااااحه مافيها شيء مضحك بالعكس
من حسن الخلق وصانا فيه الرسول الكريم إنك تتصرفي معاها كذا
الله يهديني وإياك.

 

[نورة النورة]

ههههههههههههههههههه
والله ونستينى
صحيح اللهجة صعبىة على شوى بس عن جد
فهمتها
واضحكتنى وخصوصا الجزء الاخير
جميل جدا
لاهنتى غاليتى​

 

[DORO]

هههههههههههههههههه ههههههههههههههههههههه هههههههههههههههههههه

والله اهانات زايد عن حدها
الله يسعدك والله فرفشتيني