في بيتنا عروس

ن

نغمات النجاح

مراقبة سابقة
إنضم
2009/12/17
المشاركات
6,005
132504_1199926113.jpg


كبرت صغيرتي
واصبحت حسناء تجذب الانظار بجمالها
وردة تتمايل على غصنها
فاتنه بادبها وحيائها
اصبحت عروس تطلب يدها
****
في ليلة رن الهاتف
رديت انها صديقة
رحبت بها وتبادلنا الاحاديث الجميلة
وفي اثناء الكلام سالت هل بنتك مخطوبة
قلت لا بتكمل دراستها بكير على الزواج
قالت ولو كان العريس ماينرد ادب اخلاق ابن ناس
قلت ليه العريس عندك
قالت ايه ولد فلان اسمه فلان وظيفة كذا
لاتردي الحين فكري وشاوري ابوها وشاوريها وردي
اقفلت الخط وانا في حالة ذهول
ثم ضحكت بصوت مسموع
لااعلم لما ضحكت
ولا اعرف اصف شعوري ساعتها
تذكرت ايام خطبتي
اسمع واتكلم ولكن لعلي لااعي ما اقول
كاني اسبح في الهواء
شاروت الاب والبنت وتمت الموافقة
وحصلو على موعد للشوفة
اااااااااااه من الشوفه وما يسبقها من افكار
ومن حيرة وخوف






اكمل فيما بعد سلسلة في بيتنا عروس
واتمنى المشاركة
فان الحديث عن العرس والعروس
وقصصه لاتمل
لي عودة باذن الله
 

المرفقات

  • domain-d4937f4b44.jpg
    domain-d4937f4b44.jpg
    18.7 KB · المشاهدات: 7
التعديل الأخير بواسطة المشرف:
يوميات رائعة
وعروس ننتظرها بشغف

واصلي البوح
فنحن نقرأكِ
 
وصلنا عزيزاتي الى يوم الشوفة بعد الاستعداد النفسي والبدني
والتوهان في عالم من الافكار والتوقعات
في الصباح وانا اتظاهر انه وضع طبيعي وعادي وظاغطة على اعصابي لاني كنت افكر لو لم يحصل نصيب لابد من طريقة لتطييب خاطر حبيتي
واخراجها من تلك التى تعدها ازمه نفسية
كانت العروس بجانبي مع اختها الاصغر منها هذي شمعة البيت ولها اسماء اخرى كثيرة (اختها العروس تسميها المصرية --اخوها الاكبر منها يسميها المغرورة -- ابوها يسميها الدلوعة --اخوانها الصغار يسمونها المرجوجة )
ههههههههههه لقب المصريه توارثوه بناتي مني
فانا في كل مكان القب بالمصرية ؟؟؟؟؟؟؟؟؟؟؟؟
هذي البنت لها معنا هنا روايات جميلة وتعليقات رائعة
نعود للموضوع
قالت العروس ماما لو ماعجبته ؟؟؟؟؟؟؟؟؟؟؟؟؟؟
ضحكة وقلت عادي لا يوجد نصيب بينكم
قالت الا يشوه سمعتي ويعتبر الناس ان بي عيب ويتجنبوني
قلت لالالالالالالالالالا انا اعرف اهله وخاصه امه ناس يخافون الله
قالت زميلتي شافها واحد وراح يذكر عيوبها عند الناس
قلت لاتخافين ينصرها ربي منه
قلت مو مشكلة لو ماعجبتيه مارح يظلم نفسة وراح يقول لان الشباب الحين يدورون على عرايس كنهم في سوبر ماركت يشوف الواحد عشرين وحدة والنهاية ماعجبتني
قالت لي اقتراح ضحكني الا انه جيد ههههه(قالت المفروض العريس يوم الشوفه يدفع خمسة الاف للبنت ان عجبته تعتبر من المهر وان ماعجبتها تتطيب خاطر البنت --)
قلت المشكلة لو ماعجبك
كيف نتصرف
قالت اختها ياااااااااااااه يصير يحزن كيف يلقط وجهه من الكسفة
بقلكم حل
انا بشوفه من بعيد قبلها ان كان حلو وماعجبها اخذتها ترى بس
عشان اجبر بخاطره واصلح الموقف خخخخخخ انا ما فكر في العرس :blush-anim-cl:
قلت عاد والا بزوجك الحين يحليلة اللي بيبتلش فيك ومن يزوج بنات المتوسط الا المجنون
قالت العروس يازينك تشوفيه قبلي احلمي والله لو هو قرد انا اشوف اول وبعدين اقرر
قلت ايه
حبيتي تكلمي ماهو عيب ابد تقولي مارتحت له
مافيه احد بالكون يجبرك على شيء ما تحبية
لاتستحي ولا تخافي
ردت المصرية --هذي تستحي ماظنيت ---اخاف هو يستحي من كثر ماتبحلق بنتك فيه وهربت :harhar1:
جرت اختها وراها وهي تحلف تضربها
طلع الصغار على الصوت والضحك قالو ماما تلعبون طيرة قلت ايه الحقو قبل يخلص الوقت
كملو الصغار من جهة والكبار من جهة جري وضحك
والبيت صار ازعاااااااااااااااااااج
طلع ابوهم قلت اش رايك نشارك العيال ونلعب طيرة
تعجب !!!!!!!!!!!!!قال طيب بس لما نرجع من السوق خخخخخخخ من كبر البيت حتى نلعب
المهم
لما جا العريس وامه قلت من يدخل معاك ----قالت بابا
انا كنت ابغاك بس انتي تقولي تستحي وتبغين امه معاك وانا مابغى امه تدخل
دخل العريس وابوها
تمت الشوفة -------بس ثواني
وانا عند امه اضيفها الا هو طلع
رحت لبنتي اراقب العلامات على وجهها من رضى او غيرة
طبعا ما تكلمت خفت احرجها بس كان الرضى واضح والحمد لله
كلم امه وقال خلاص عطيها الهديه عجبتني
قلت لاتتسرعو خليه يروح ويفكر وردي بعدين
الرفض الحين افضل من بعد مايترتب الوضع
سمعت النصيحة وعطت العروس الهدية وراحت
لما وصلت البيت ردت وقالت الله يبارك لنا ولكم ولدي مبسوط
ويقول تم
انجلى اول همومي
وتهت في ميادين ثانية
اتمنى المشاركة عزيزاتي
ولنا لقاء باذن الله
 
رائعه ماشاء الله وفقك المولى​
 
ما شاء الله عليك كبرت العيال وكبرتي معهم
وعقبال ما تشوفين عيال عيالك و ينادوك ياجدة
 
الحمدالله تمت الموافقه وخاب ظن ابنتك بعدم قبول العريس لها اثناء الشوفة

ننتظر التكمله
 
بسم الله من غير الصورة
خلا ص هونت مابكمل
اطالب بحقوق المحافظة على الصور خخخخخخ
 
نغمات النجاح

لا بأس من الصورة لأن الصدر بها مفتوح وقد تفتن أُناس وأنتِ لا تعلمين
فتحملين الأثم :icon26:

أستبدلتها بصورة أخرى أتمنى أن تكون في محلها

ولكِ احترامي
 
اكملي القصه فكلنا شوق
 
نغمااات يوميات واااضح من بدايتها انها زي العسل
متابعين عروسك الكتكوته اللي بتخليك جده ياقمر:icon31:
5z6d4brf9.gif

جاااااااري الانتظار​
 
مكان القمر قال:
نغمات النجاح

لا بأس من الصورة لأن الصدر بها مفتوح وقد تفتن أُناس وأنتِ لا تعلمين
فتحملين الأثم :icon26:

أستبدلتها بصورة أخرى أتمنى أن تكون في محلها

ولكِ احترامي
أنقر للتوسيع...

هلا والله
كنت ادري انه انتي بس حبيت امزح
عفوا ماكنت اعرف انه ممنوع
مثل هذي الصور
 
عاشقة لذاتي قال:
نغمااات يوميات واااضح من بدايتها انها زي العسل

متابعين عروسك الكتكوته اللي بتخليك جده ياقمر:icon31: ​
أنقر للتوسيع...
مروركم يشرفني
بس مدري اصير جدة والا ممكن اسوي سباق مع بنتي ومع الزمن والحق اجيب واحد قبل فوات الاوان :blow:
 
استقر الوضع عزيزاتي وارتاحت الانفس
حددنا المهر واتفقنا على كل شيء
كانت ميسره بحمد الله
تعالو نشوف البنت واختها المرجوجة اش يسوون
في يوم من الايام وحنا جالسين على الشاهي والكل موجود الا العروس
قال الاب وين العروس
قالت البنت المرجوجة ببرائة خلوها خخخخخخ هيمانه
سكت الاب :surrender:
اما انا صراحة مت ضحك
قلت واش دراك انها هيمانه
قالت زي المسلسلات ياماما
ماسكة الجوال تتمقل الصوره
ارسلتها اخته لها تقول شوفيه عن كثب
وبنتك ماخذتها دواء حبة مساء وحبة صباح
قلت خليها تصبح وتمي عليه واش عليك منها
قالت ياماما وانا من يثرثر معي ويتضارب معي
بنتك طاقها العقل هاليومين
ماما :busted_red: بخرب السالفة صرت وحدي بالغرفة وهي معي
بس سرحانه --والا كل سوالفها عن العرس والفستان

سمعت السالفة العروس وجت تجري
ماما ادبيها والا صرحي لي واربيها
ومستحية تطالع في وجه احد وهربت
المواقف اذهلت الاب !!!!!!!!!!!!!!
قلت انا عادي هذي حلاوة البيت بالبنات بس انت تمتع باللي تشوف وبعدين نذكرهم
قال اي ذكرى ذي جرئه
اش هيمانه وغرمانه واش سالفتكم
قلت ابد انت تذكر ايامك وبس
والا لاتكون ماهمت زي بنتك وانا انخدعت فيك وهمت لوحدي :blush-anim-cl:
كانت لحظات حلوة
وصراحة رجعتني معاهم لذكرياتي مع اخواتي ايام عرسي

لي عودة مع ذكريات البنات
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل