’,’,’ رحلتي الى المانيا ’،’,’

[مشاعل666]

السلام عليكم ورحمة الله وبركاته​

مرحبتين يا اغلى بلقيسيات عندي ​

اضع بين ايديكم رحلتي انا وزوجي الى المانيا ​

وانا كنت منزلة الموضوع في منتدى ثاني والحين​

بنزله عندكم ​

واتمنى انه يعجبكم وفي نفس الوقت افيدكم بشي عن المانيا​

ابدأ تقريري بسم الله ​

الرحله كانت لشخصين انا وابو الشباب (( زوجي العزيز))

اللي له الفضل الكبييييير بعد الله بسفرتنا المتواضعة​

وحكم ان لغته الإنجليزية رااائعة ماشاء الله ​

والأروع ان معاه بكالوريوس في​

(( اللغة الألمانيه ))​

الي فادتنا كثير بالتعامل مع الشعب الألماني​

اللي الاحظه يحب لغته جدا​

وكثير قابلناه ما يعرف الإنجليزية​

الفترة من يوم الجمعة 27 / 11 / 2009​

الى الإثنين 7 / 12 / 2009​

يعني 11 يوم​

في البدايه الرحله شخصين​

التذاكر 1300 للشخص ​

2600 لشخصين​

الرياض / جدة / فرانكفورت​

العودة فرانكفورت / الرياض​

على الخطوط الجوية السعودية
................................................​

استخرجنا الفيزا من القنصلية الفرنسية​

في جدة بقيمة 680 ريال لشخصين
.............................................​

المدن ​

اولا دسلدورف ليلتين 828 ريال مع الإفطار​

فندق مايكل انجلو​

Hotel Michelangelo​

............................. .................................................. .....​

ثانيا ميونخ ثلاث ليالي 1120 ريال بالإفطار ​

فندق ريجنت​

REGENT
.........................................​

ثالثا غارميش ليلتين1080 ريال مع الإفطار​

فندق قراند هوتيل​

GRAND HOTEL SONNENBICHL​

...........................................​

رابعا فرانكفورت ليلتين 990مع اللإفطار​

فندق راديسون بلو​

RADISSON BLU ​

.....................................​

وجميعها فئة الأربع نجوم​

.........................................​

القطارات 2280 ريال درجة اولى اربع رحلات​

.................................................​

المصروف 5600 ريال 1000 يورو​

يعني 560 ريال في اليوم​

100 يورو
.................................................. ...​

يعني المجموع (( 15178 ريال سعودي ))​

.................................................. .................................................. ...........................................​

مرحبتين وسهلين ​

بسم الله نبدأ التقرير وان شاء الله بيعجبكم (( ام الثقة ))​

في البداية انا وزوجي دايم منكوبين من ناحية وقت الإقلاع​

..كنه مدعي علينا ​

ولا عين احد بهاسفرة ​

​

رحنا المطار على اساس ان رحلتنا الساعة 3 الفجر يوم الجمعة ​

يعني صبح العيد​

جلسنا في المطار وشوي يقولون ان الرحلة بتتأخر الى ​

الساعة 5 الصباح​

قلنا طيب ... وبعدها بشوي يقولون ان الرحلة بتتأخر ​

الى الساعة 7.30​

وي وي وي وش ذا يعني العيد في المطار ياليييل ماطولك​

وبعدها بشوي قالو في مصلى للعيد في المطار ​

يعني لا اللي عيدنا مع اهلنا وعيالنا ولا شفنا خروف العيد ​

وهو ينذبح (( ام القهر ))

​

يعني الخطوط السعودية لا زم تعايدنا​

واخيرا ركبنا الطيارة على الساعة 8 االصباح​

ورحنا على جدة اللي قعدنا فيها ساعتين وتحركنا منها​

الساعة 12 الظهر ​

ووصلنا بحفظ الله ورعايته الساعة 5 العصر والحمدالله ​

وهذي صور وحنا بنهبط بفرانكفورت​

​

​

وركبنا القطار اللي وصلنا من فرانكفورت الى دسلدورف وبعدين​

اخذنا تاكسي ورحنا على الفندق​

واخذ مننا 8 يورو​

وهذي صور الغرفة ​

​

الفندق مو فخم ولكن نظييييف ومريح جدا والمنطقة جدا هادئة ​

ودوسلدورف نظيفة جدا وشوارعها نظيفة عكس ميونخ ​

اللي بيجي الكلام عنها ان شاء الله

اليوم الأول​

وهذا منظر من شباك غرفتنا وكان الجو باااااارد​

​

وبعدين نزلنا افطرنا وهذا البوفيه ​

​

​

وهذا فطورنا ​

​

شفتوا الجبنة اللي حاطينها في الصحن ​

ماااالها طعم ...يقول زوجي عمرك اكلتي مويه ؟؟ قلت لأ..​

قال الجبنة هذي مثل المويه ماااالها طعم الله يكرم النعمة​

وحنا مالنا الا الأجبان والكرسونات انتفشنا منها ​

لأن اغلب فطورهم لحوووم خنازير

​

بعدين طلعنا متجهين الى محطة الباص حتى نروح للمدينة ​

القديمة وشارع الملوك​

على فكرة الفندق اللي ساكنين فيه في دوسلدورف ​

يعطي الساكن عنده بطاقة للمواصلات مجانا ​

داخل المدينة وتكون تنقلات في الباص ​

وهذا طريقنا متجهين للمحطة​

​

وبعدين الحمد الله وصلنا المدينة القديمة ​

بس الجو كان ممطر وبرررررررررررررررد

​

​

المدينة مرو حلوة ونظيفة ماتلقى في الأرض الا اوراق الشجر​

​

​

​

​

والجو كان بارد جدا والساعة 10 وياالله فتحوا في المدينة القديمة​

وذبحنا البرد والجوع من المشي ​

وجلسنا في مقهى​

​

مرة حلوة والدفايات شابه يالله من فضلك يالدفا​

وطلبنا اثنين هوت شوكليت​

بالألماني (( تسفاي مال هايسة شوكالادة)) (( 6 يورو ))​

طبعا بدا ابو الشباب يشخص علي يعني اني اعرف اتكلم الماني​

وبعدين مشينا ومشينا ومشينا وتعبنا وجعنا وطلبنا بطاطس

مقلي ب5 يورو( والله غالي ))​

​

يـــتـــبـــع​

 

[هدوء أميرة]

روعه ماشاءالله الصور رحله موفقه وإن شاءالله تعودينها
الشايب هذا بسراحه خخخ والله رايق

 

[مشاعل666]

[FONT=&quot]نتابع اليوم الأول في دوسلدورف[/FONT]​

[FONT=&quot]اللي ساكن في دسلدورف ناس راقين مررة[/FONT]​

[FONT=&quot]وللمعلومية اغلب اللي ساكن فيها اغنياء جدا​

​

[FONT=&quot]وتشوف اهلها نظاميين مررة والمدينة نظيفة[/FONT]​

[FONT=&quot]نظيفة نظيفة[/FONT]​

[FONT=&quot]والظاهر العرب اللي كان فيها ذاك الوقت بس[/FONT]​

[FONT=&quot]انا وزوجي ما أدري ليش[/FONT][FONT=&quot]...[/FONT]​

[FONT=&quot]بعد ماذبحنا البرد في المدينة القديمة شفنا مول [/FONT]​

[FONT=&quot]بس صغير شوي وراااايق[/FONT]​

[FONT=&quot]وكان فيه ناس يعزفون[/FONT][FONT=&quot] ...[/FONT]​

[FONT=&quot]

[/FONT]​

[FONT=&quot]

[/FONT]​

​

[FONT=&quot]

[/FONT]​

[FONT=&quot]وهذا الشايب والله ياعليه صوت مدري وش يقول [/FONT]​

[FONT=&quot]بس جازلي وعجبني صوته[/FONT]​

[FONT=&quot]كأني جاسة اتفرج على بداية فيلم اجنبي[/FONT]​

[FONT=&quot]

[/FONT]​

[FONT=&quot]

[/FONT]​

[FONT=&quot]

[/FONT]​

[FONT=&quot]بعدين جلسنا في كوفي وطلبنا قهوة اكسبريس[/FONT]​

[FONT=&quot]لأن راسي انا وابو الشباب بينفجر[/FONT]​

[FONT=&quot]ولا لقينا قهوة تركية عندهم على كثر التركيين[/FONT]​

[FONT=&quot]اللي ساكنين المانيا[/FONT]​

[FONT=&quot]بس اللي قاهرني الإكسبريس مايملونها في [/FONT]​

[FONT=&quot]الفنجال بس شفطة الا وهي مخلصة وبكم [/FONT]​

[FONT=&quot]بـ أربعة يورو شوفوا[/FONT]​

​

[FONT=&quot]وجا الليل ورجعنا على المدينة القديمة ولقينا[/FONT]​

[FONT=&quot]هيصة وليصة[/FONT]​

[FONT=&quot]وونااااسة احلى من النهار [/FONT]​

[FONT=&quot]

[/FONT]​

[FONT=&quot]

[/FONT]​

[FONT=&quot]وذا واقف يشحذ بس بطريقة غير مباشرة [/FONT]​

[FONT=&quot]حايس نفسه بالذهبي وحاط صحن قدامه [/FONT]​

[FONT=&quot]اللي يحط شي له يميل ويسلم عليه[/FONT]​

[FONT=&quot]

[/FONT]​

​

[FONT=&quot]لقينا مطعم مكتوب عليه حلال ويبيع شاورما لذيييييذة[/FONT]​

[FONT=&quot]والله انصحكم فيها لأنها الذ واغرب شاورما اكلتها [/FONT]​

[FONT=&quot]في حياتي اخنا 2 شاورما و2 كولا ب (( 16 )) يورو[/FONT]​

​

[FONT=&quot]ورجعنا الفندق منسطليين مو من شي[/FONT]​

[FONT=&quot]لاتفهمون غلط [/FONT]​

[FONT=&quot]منسطلين من التعب والمشي والبرد نبي نناااااام[/FONT]​

القاكم في يومنا الثاني​

استودعكم الله​

[/FONT]

 

[سلة خوخ]

عليكم بالعافية حبيبتي

تتهني إنتي وزوجك إن شاءالله

 

[مشاعل666]

روعه ماشاءالله الصور رحله موفقه وإن شاءالله تعودينها
الشايب هذا بسراحه خخخ والله رايق

وهلا وغلا حبيبتي ام همس وان شاء الله نعودها كلنا خخخخخخخ بنكون فريق مجنوووون

وناخذ لولي معنا ومشرفتنا احلى عسل

حياكي حبيبتي والتقرير في اوله لسه . ابشرو بالخير​

 

[مشاعل666]

عليكم بالعافية حبيبتي

تتهني إنتي وزوجك إن شاءالله

الله يعافيك حبيبتي

اسعدني وجودك ...حياك الله​

 

[أحلى عسل]

ماشاء الله تبارك الله شو ميشو طالعه من وراناألمانيا ليش ما قلتي لنا كان جينا معاكم ههههههه :harhar1:الله يسعدكم يارب بصراحه موضوعك من بدايته رووعه صور رائعه وأسلوب أروع موضوعك يستحق التثبيت ويلا لاتتأخري علينا ننتظرك ياقمر:shiny:

 

[مشاعل666]

ماشاء الله تبارك الله شو ميشو طالعه من وراناألمانيا ليش ما قلتي لنا كان جينا معاكم ههههههه :harhar1:الله يسعدكم يارب بصراحه موضوعك من بدايته رووعه صور رائعه وأسلوب أروع موضوعك يستحق التثبيت ويلا لاتتأخري علينا ننتظرك ياقمر:shiny:

ياااااااااااااااااااااااهلا والله وسهههههههههههههههههلا​

بأحلى واغلى مشرفة​

والله احرجتني ماني عارفة ايش اقولك.. بس ان شاء الله ​

راح ابيض وجهك ياعسل .. ​

وهو فعلا تقرير دسممممممممممم وصوررررررر كثيييييرة​

وان شاء الله بيعجبكم .... واكون عند حسن ظنكم ياااارب

وياسلاااام لو نطلع رحلة لحالنا بدون رجالنا وبزورتنا

بتصير فلللللللللللللللة​

والف شكر مرة ثانية لحبيبتي واختي الغالية احلى عسل:icon26::icon26::icon26:​

 

[مشاعل666]

:icon26::icon26:حبيباتي بس حبيت اقوللكم

ان كل يوم ان شاء الله حلقة يعني اليوم الأول حلقة

اليوم الثاني حلقة وهكذا... بس تحملوني

ولكم مني ارق تحية

:icon26::icon26::icon26:​

 

[لولي**]

ودي اجيب مصريه وتزغرط لنا زغرووووووووووووووووووووووطه كبيييييييره لمدة ساعه لولولولولولولولولولولولولولولولولولوليش
هلا وغلا بالغاليه ميشو بصرحه لي اسبوعين انتظرك تنزلين موضوع المانيا لا واقول لاختي انتظريها هالايام
يارب تتهنين دوووووم باي مدينه تروحيلها وصراحه اسلوبك الحلو يحسسني اني معاكم لانه بعد اسلوبك بمصر خلاني اقول للناس اني رحت مصر بس عن طريق النت خخخخخخخ بس سؤال ليه مااخذتم ام زوجك خخخ

يالله لا تتاخرين

 

[مشاعل666]

ودي اجيب مصريه وتزغرط لنا زغرووووووووووووووووووووووطه كبيييييييره لمدة ساعه لولولولولولولولولولولولولولولولولولوليش
هلا وغلا بالغاليه ميشو بصرحه لي اسبوعين انتظرك تنزلين موضوع المانيا لا واقول لاختي انتظريها هالايام
يارب تتهنين دوووووم باي مدينه تروحيلها وصراحه اسلوبك الحلو يحسسني اني معاكم لانه بعد اسلوبك بمصر خلاني اقول للناس اني رحت مصر بس عن طريق النت خخخخخخخ بس سؤال ليه مااخذتم ام زوجك خخخ

يالله لا تتاخرين

هلا والله

ايه والله

حيا الله

والرقبة

سداده

انقلبنا باب الحارة

لولي حبيبة قلبي والله

اقول لأحلى عسل ..ليت من جمع فريق مصرقع مثلي ومثل احلى

عسل وام همس وتاغي ونروح لألمانيا نهبلبهم

ونجي...خخخخخخخخخخخخخخخخ

والله نور موضوعي فيكي يالغالية

وبالنسبة لأم زوجي ..نفس السؤال جاني في المنتدى الثاني

تكفييييين وين ناخذها ... هي حالفة ان راحت اوروبا تلبس مايوه

عشان كذا ولدها خاف عليها من البرد ولا اخذها

(( هههههه ترى امزح ))

درجة الحرارة كانت صفر يعني موووووت برررررررررررررد

وحتى هي قالت مابي الا(( مصر )) شكلها شافت لها شوفة

في مصر...:fish:

تحياااااااااتي حبيبتي ...:icon26::icon26::icon26:​

 

[لولي**]

ياعمري عليكي والله لو نروح هناك يقفلون السياحه السعوديه للابد خخخخ واذا بنروح لازم عيوش معنا
وعلى سالفة ام زوجك وانا بعد امزح

 

[مشاعل666]

[FONT=&quot]رحلتنا من دوسلدورف الى ميونخ​

​

[/FONT]

[FONT=&quot]صحينا مثل العفاريت الساعة 7 الصباح​

​

​

[FONT=&quot]وافطرنا وطلعنا من الفندق الساعة 8.30[/FONT]​

​

[FONT=&quot]ورحنا للمحطة اللي فيها الباص اللي بياخذنا [/FONT]​

​

[FONT=&quot]الى محطة القطار الرئيسية وهنا قعدنا ننتظرالباص[/FONT]

​

​

[FONT=&quot]

[/FONT]​

[FONT=&quot] وهذي اللوحة توضح اي قطار يروح [/FONT]​

​

[FONT=&quot]للمحطة الرئيسية وكم باقي له من الوقت[/FONT]​

​

[FONT=&quot]

[/FONT]
​

​

[FONT=&quot]وهنا قاعدين نتسلى نتفرج على الكلاب وهم يتهاوشون[/FONT]​

​

[FONT=&quot]

[/FONT]
​

​

[FONT=&quot]وركبنا القطار واخذنا الى المحطة الرئيسية [/FONT]​

​

[FONT=&quot]على فكرة المحطة الرئيسية اسمها بالألماني[/FONT]​

​

[FONT=&quot](( هاوبت بان هوف ))[/FONT]​

​

[FONT=&quot](( hauptbahnhof)) واختصارها (( Hbf ))[/FONT]​

​

​

[FONT=&quot]

[/FONT]​

​

[FONT=&quot]اللي يبي يسافر بالقطار ويتنقل فيه يستحسن انه مايكثر عفش ابدا[/FONT]​

​

[FONT=&quot]يعني شنطة سحب صغيرة وشنطة على[/FONT][FONT=&quot] ظهرك والحمد الله[/FONT][FONT=&quot] ... [/FONT]​

​

[FONT=&quot]ويمكن عند كل منطقة تغير القطار [/FONT]​

​

[FONT=&quot]باب القطار حده يكون مفتوح دقيقتين بس وركبت[/FONT]​

​

[FONT=&quot]ولا ماركبت ماعليهم منك[/FONT]​

​

[FONT=&quot]انتظر القطار الثاني[/FONT]​

​

​

[FONT=&quot]

[/FONT]​

[FONT=&quot]ونبدأ نمشي والخضرة تصير على مد النظر ماشاء الله[/FONT]
​

[FONT=&quot]

[/FONT]​

[FONT=&quot]

[/FONT]

​

​

[FONT=&quot]

[/FONT]
​

​

[FONT=&quot]

[/FONT]
​

​

[FONT=&quot]

[/FONT]
​

​

[FONT=&quot]

[/FONT]
​

​

​

[FONT=&quot]هذي مقاعد الدرجة الأولى في القطار[/FONT]​

​

[FONT=&quot]

[/FONT]​

​

​

[FONT=&quot]وعلى فكرة بعض القطارات مافيها درجة اولى[/FONT]​

​

[FONT=&quot]يعني لا تتفاجاءون[/FONT]​

[FONT=&quot]وهنا طلبنا شوربة تدفينا شوي... ترى القطار فيه مطعم وحلو[/FONT]​

​

​

​

[FONT=&quot]

[/FONT]​

[FONT=&quot]

[/FONT]

​

[FONT=&quot]

[/FONT]
​

​

​

[FONT=&quot]

[/FONT]​

[FONT=&quot]واستغرقت الرحلة 5 ساعات [/FONT]​

​

[FONT=&quot]وبعدها اخذنا تاكسي ب(( 6 يور )) 4 يورو المشوار [/FONT]​

​

[FONT=&quot]وعلى كل شنطة يشيلها يورو لأن الفندق ورا[/FONT]​

[FONT=&quot]المحطة على طول [/FONT]​

​

​

[FONT=&quot]وغيرنا ملابسنا و طلعنا الساعة 6 المغرب من[/FONT]

[FONT=&quot]الفندق نبي نتعشا[/FONT]​

​

[FONT=&quot]والشوارع فاااااضية كأنها الساعة 2 بالليل [/FONT]​

​

[FONT=&quot]وشافنا واحد يشتغل في مطعم تركي [/FONT]​

​

[FONT=&quot]مسلم وجلس يقوللنا تفضلوا مرحبا بالعربي[/FONT]​

[FONT=&quot]وطلبنا 2 صحن شاورما و2 كولا وبيالتين شاهي[/FONT]​

​

​

[FONT=&quot]بــ (( 17 يورو )) بس لذييذ[/FONT]​

[FONT=&quot]...[/FONT]​

[FONT=&quot]وبعدها رجعنا الفندق لأن صراحة الشوارع تخوف[/FONT]​

​

​

[FONT=&quot]وهي فاضية[/FONT]

​

[FONT=&quot]ونمنا على الساعة 9 بالليل[/FONT]​

​

[/FONT]

 

[همس الحب الاول]

الاسعار ماتسوي التعب وفيما يبدو لي ان هناك دول ومدن اجمل وارخص عموما تقرير حلو

 

[مشاعل666]

الاسعار ماتسوي التعب وفيما يبدو لي ان هناك دول ومدن اجمل وارخص عموما تقرير حلو

حياك الله حبيبتي

وبالنسبة لذهابنا المانيا اساسا هو احضار علاج لأبنتي والذهاب الى موعد

لنا في المستشفى الجامعي في ميونخ

وقلنا منها تمشية وسياحة

تحياتي

 

[مشاعل666]

لنبدأ اليوم الثالث (( ميونخ ))​

نزلنا افطرنا وحمدنا الله ​

بس ماقدرت اصور البوفيه لأنه الصاله كانت زحمة ​

وخفت انهم يتضايقون ​

وطلبنا تاكسي حتى نروح المستشفى الجامعي في​

ميونخ لأنه عندنا موعد​

وخلصنا ورجعنا على شارع مارين بلاتز وكله مقاهي ​

واسواق​

وفيه شارع يشبه المدينة القديمة في دسلدورف​

وهنا اخذنا كم صورة وحنا نمشي​

​

​

​

​

​

وهنا زوجي صور هذي يقول شوفي الزرع غصب يبي يطلع وبأي مكان​

​

​

​

وهنا مدخل الساحة​

​

​

​

​

​

وهالعجوز زوجي حالف الا يصورها يقول لبسها عاجبني​

وما امداها تلف خشتها الا زوجي لقطها​

​

شايفين كيف الساحات فاضيه لا وبعد الجو مرة حلو ومافي مطر​

ومحلات الكوفي مافتحت كسووووولييين مو مثل دسلدورف وفرانكفورت​

وتقولون ليش ماحبيتيها​

​

​

​

احب اشكال هذا الطراز​

​

​

وهذا كشك مغلق شفتوا القهر

​

​

وهذا مدخل محل مرة عجبنا وحنا اي محل ترى ندخله ​

شوي ونطلع​

طيب لييييييييييييييش حتى ندفى شوي وهذا اللي ​

خلانا مرضى بعد مارجعنا السعودية​

​

​

لاتقولون وش هالخبلة اللي قاعدة تصور السيارات ​

ترى مالي ومال السيرات اهم شي قطعة حديدة ​

تمشي............ زووووووجي هو اللي مصور الرحلة​

كلها ويذبح اهل اهلي بتصوير السيارات​

يقول حتى اخلي عبودي ولدي يشوف سياراتهم​

الولد مثل الأبو مهوووس بالسيارات ​

​

​

يتبع​

​

​

​

​

​

​

 

[مشاعل666]

بعدين دخلنا على كوفي مرررة حلو ودااااااافي​

وطلبنا تسفاي هايسة شوكلادة​

​

​

اثنين هوت شوكليت​

​

​

​

هنا صورناه من الكافيه يبيعون زرع خاص للعيد​

​

تمثال داخل الساحة​

​

هنا لما طلعنا من الكافيه ​

وبدا البرد يشتدددددد متنا متنا بررررد​

والله راس كل واحد فينا وش صغرة من كثر الملابس​

اللي لابسينها​

​

شرينا بطاطس مررررررررة لذيذة بــ (( 4 يورو ))​

​

​

وكل مامشينا اشتري شي آكله ​

ماشاء الله عليهم شعب مايوقف اكل ​

وزوجي يقوللي وشفيكي ماشاء الله عليكي صرتي​

مثلهم ماتوقفين اكل​

صراحة بيني وبينكم المشي والبررررد .. يخلي ​

الواحد يموت جووووووع​

وهذا شارع عجبنا وصورناه​

​

​

​

​

​

​

​

شوف اشارات المشاة عندهم اهم من اي شي ثاني ​

بس يوم جيت الرياض قعدت ادورها .... ومالقيت الا ​

مساميرها...​

​

​

وهذا الساحة جالسين يرتبونها ويجهزونها ​

للكريسماس​

​

وفي نفس الساحة حديقة مرة حلوة وممشى ​

وفي طاولة تنس​

​

​

​

​

يــــتـــبـــع​

 

[مشاعل666]

ورحنا على محطة المترو او مثل مايقولون الألمانيين ​

(( او بان ))​

وركبنا الباص اللي يودي على معرض الــ بي ام دبليو​

​

​

​

​

​

ودخلنا وبدت تبين معشوقة زوجي ​

​

​

زوجي مبسووووووووووووووووووووووووط​

وانا ملييييييييييييييييييت ​

ويقوللي منتي مبسوطة اننا في معرض بي ام ​

قلت وانا مالي ومال السيارات اهم شي اني دفيت ​

بهالمكان وبس ​

​

هذي لعبة مررررة عاجبتني وكان وددددي العبها ​

بس فيه شايب غثييييث جالس يلعبها ولاهو راضي​

يتركها

​

​

معشوقة زوجي في كل مكان

​

​

​

​

​

​

​

وهنا يالله سحبت زوجي من المعرض ​

بالقوووووووووووة طلع ​

المبنى بصورة عامة جميل جدا وكأني وانا في وسطه​

بعام 2100​

وكأنه من مباني الخيال العلمي​

​

وهنا شباب جالسين يشتغلون في مجسم ثلجي ​

​

​

واخذنا باص ورجعنا على ساحة مارين بلاتز لأن المغرب​

اقبل علينا​

​

لا وبدا المطر وبررررررررررررررررررد​

​

شوفو الساحة مولعة انوارها ومررررة روعة​

بس القهر المحلات والكافيهات سكرررت​

​

​

الساعة تشير الى الخامسة المغررررررررب....

​

​

​

بعدين رحنا على فندقنا وتعشينا هناك ..​

بيتزا خضار وبصل​

وشوربة خضار وشوربة طماطم مع كريمة مرررة لذيذة​

تفضلوا....​

​

​

وبعدها صعدنا غرفتنا وجلسنا وتفرجنا على افلام الى​

مانمنا الى ثاني يوم​

وبكذا انتهى يومنا في ميونخ واشوفكم ان شاء الله​

في يوم آخر في ميونخ​

استودعكم الله...​

 

[لولي**]

تقرير حلو والله ياعسل عاد انتى طوليه اكثر واكثر عشان نستمتع خليه يوصل 20 صفحه

 

[أحلى عسل]

وااو ماشاء الله ياسلام ماأحلى الطبيعه أموت على الطبيعه حرام عليك عذبتيني يوم شفت الهوت شوكلت ذكرتيني في رحلتي إلى سويسرا ماأحلى طعمه مع البرد وااو جنان والله هنا ماأفكر أشربه هههههههه ماأتخيل طعمه إلا مع البرد وجمال الطبيعه الله يرزقنا الجنه ولا يحرمنا من نعيمها يلا ياقلبي كملي ننتظرك