عندي رضيعه حلوة بس ....

[غيمة مطر]

السلام عليكم...
انا ولدت من شهر.. و يبت بنوته حلوة..
بس ما ترقد ف الليل. كل شوي تنش..
فيه ناس نصحوني بماي غريب... عشان يهديها و ترقد.. بس مب بكميات كبيرة.. يعني مرة ف اليوم ف الليل ما تضر.. هالمعلومات صح ولا غلط,...؟؟؟ و بعد الاربعين يعتدل نومهم؟؟ انا ولدت مرتين قبلها بس ما اذكر..

الله يخليكم ارشدوني
و مشكورين

 

[الأترجة]

والله يا حبيبتي الأطفال يختلفون ..طفل عن طفل يفرق .. بالنسبه لعيالي كلهم ينشون من الرقاد .. ويستمرون على هالحال فترة طويله .. أـصغرهم وقريب راح يكمل سنتين .. وبعده على هالحال .. الفرق إنه المرات تقل ..
يعني الحين مره.. ومرات نادره مرتين

الله يكون بعونك .. ويصلحلك بنيك .. ويهديها لك

 

[غيمة مطر]

بس مافي احد اجابني اذا ماي غريب زين او لا...؟؟

 

[***بنت الاسلام]

الا زين بس ما تكثري ثلاث مرات باليوم فقط كل عيالي تربوا عليه وما شاء الله اصحاء واذكياء

 

[غيمة مطر]

يعني مب مثل ما يقولون يسوي تخلف؟؟ او خمول ف المخ؟؟؟
الله يطمنكم و يبشركم بالخير مشكووورات و جزاكم الله كل خير

 

[حبني وحبيته]

انا اذكر الوالده كانت تعطي اخواني وهي بالاربعين وبعدين قالوا لها الناس انه ما هو زين بس ما شافت الوالده شي منه
لكن الطفل بهد الاربعين سبحان الله يكون اهدى وما تشوف شر بنتك والله يصلحها ويخليها لك ويخليك لها

 

[الدلوعة الشقيه]

حبيبتي استشيري طبيب احسن من نصائح الحريم في هيك امور لان الاولاد في هذا السن خطر والاطفال عموما لا يظهر عليهم الاعراض الا عندما يكبروا فلا تتساهلي بالامر

 

[*صاحبة السمو *]

أنا بصراحة ما فهمت اش معنى تنش :dunno:لكن الظاهر إن معناها تبكي في الليل:icon1366: إذا كان كذا معناها فموية غريب مافيها شي إختي :icon30:كان ولدها يبكي كثير طول اليوم مو بس في الليل وكانت تعطيه موية غريب مقاس الغطاء في الرضاعة وتحط معاه مويه يعني مو مركز وتعطيه رضعتين منه في اليوم والحمد لله ألحين عمره سنتين ونص ولا فيه إلا العافيه :icon30:

 

[فانتا فراوله]

حبيبتي معنى تنش يعني تقوم بالليل اما بالنسبه لماي غريب واااايد زين ويريح الطفل فانصحج تاخذينه حق بنتج
الله يصلحها

 

[lovely1]

اختي الغالية الحمد لله على السلامة ماء الغريب يقولون به مادة مخدرة وخطرة على الاطفال وكثير من الاطباء يحذرون منه انصحك ما تستعملينه الافضل ترضعينها وتشبعينها كويس وتتأكدين من شبعها حتى لاتقوم عليك بنص الليل وتستخدمين اشياء طبيعية مثل منقوع اليانسون والنعناع زسكر النبات و دعائي لك ولابنتك بالصحة والعافية

 

[انوار]

اختي الغالية الحمد لله على السلامة ماء الغريب يقولون به مادة مخدرة وخطرة على الاطفال

<<<<<<<< انا بعد سمعت نفس الكلام

 

[aldana]

الله يخليها ويحفظها لك .... عزيزتي أنصحك باستخدام البابونج ...فهو بالفعل مجدي وفعال ...​

قبل موعد نومها بساعة ....سبحيها ودهنيها بزيت اللوز الحلو (مفيد لبشرة جسمها) ​

ودفيها وشربيها البابونج ...وإن شاءالله يوم بعد يوم تلقين طفلتك تزيد في ساعات النوم بإذن الله ​

ولا تنسين تقرأين عليها الورد قبل تنام . ​

ونصيحة لوجه الله تعالى ..... لا تمين تتكلمي وتقولي بنتي ما تنام ​

الأفضل تقولين الحمدالله إن شاءالله أنها هادئة ...
هذا أفضل وله دور بإذن الله بأن تصبح بالفعل هادئة .​