اسمهان وعبدالرحمن!!جديدي لكم وبالأجزاء..عساه يعجب!!

[جيانة]

جيانه

قصتك حلوه بس هي حقيقيه ولا من بنات افكارك عموما في كل الاحوال ونستني القصه

من بنات أفكاري ياقمر

 

[عشق الروح_1]

متابعة لك
في انتظار الاجزاء الاحلى والاحلى

 

[umm yusuf]

لالا ايش تخلصيها اليوم ؟؟
لو خلصت من وين بنلاقي شي نتونس فيه
طوليها وعرضيها ياجوجو احنا معك ومانمل خخخخخخخخخخخخ

 

[جيانة]

لالا ايش تخلصيها اليوم ؟؟
لو خلصت من وين بنلاقي شي نتونس فيه
طوليها وعرضيها ياجوجو احنا معك ومانمل خخخخخخخخخخخخ

أساساً مابأقدر أكملها في يوم ...جدا صعب وبأروح أنام وراي دوام.....
بس تصدقين قاعدة أنزلها نفس الأجزاء اللي هنا بس في منتدى ثاني لقيت عضوات في منتهى قلة الذوق جالسين يهددوني ويتوعدوني إني لو مانزلتها كاملة بيبلغون الادارة!!!! والادارة ارسلت لي تنبيه!!!
آخر زمن والله!! صارت كتابة القصص بالطلب والتهديد والوقاحة وعلى عينك ياتاجر!!!
بس من جد ياأم يوسف قد مالفيت منتديات زي رقي وذوق عضوات بلقيس ماشافت عيني وانتي أولهم.....الله لايحرمني منكم
والجزء القادم شوفوه بعد دقايق!

 

[جيانة]

********الجزء التاسع******
::::::::::::::
وصارت تفاصيل وماله داعي أمصخها لأن شكله بيجيني علقة!!!!المهم عدى يوم السبت برتابة ومامن جديد!
الأحد:اسمهان سارحة بحصة النصوص وهي مجتهدة ترسم قلب كبير بالمرسمة وكاتبة داخله(عبدالرحمن)!!!
سحبت نجلاء الكتاب منها ومسحت اسم عبدالرحمن وكتبت بخط كبـــــــير(الصاعقة!!!) وسط ضحكات باقي الشلة!!!
الاثنين:كل ماطلبوا صاحبات اسمهان طلب معنوي او مادي ورفضت قالوا: والله لانقول لأبلة جوهرة واش حصل!! (بقصص ومواقف صارت بينهم ومشاكل سووها قبل!!)وترجع اسمهان تلبي طلباتهم!!! كلش عاد ولا الفشلة قدام خالة المعرس!!!!
الثلاثاء:كانوا الشلة متفقين يسوون مقلب باسمهان واشتروا باقة ورد وحطوامعاها كرت مكتوب فيه(يسلم بيد رانية بنت خالد) اللي هي صاحبة اسمهان وحطوه على مكتب أبلة جوهرة وراحوا!!!
وبالفعل أبلة جوهرة يوم شافت باقة الورد راحت لشلة الصاعقة اللي كانوا واقفين مع اسمهان اللي مثل الأطرش بالزفة!!!! ونادت رانية وراحت رانية ركض..
وقالت لها أبلة جوهرة هالباقة لك !!الله يعلم مين أرسلها !!وطبعا اسمهان تراقب الوضع من بعيد ومو دارية اش الطبخة!!!
وكانوا مجهزين كرت ثاني كاتبين فيه(إلى أحلى بنت بالثانوية اسمهان....التوقيع عبدالرحمن!!!) ودخلوه في الباقة بسرعة وجات رانية للشلة..
وقالت اسمهان بفضول:وش تبي منك أبلة جوهرة يارانية؟؟؟؟؟
رانية:مدري عنها مافهمتها!أعطتني باقة الورد بيدي وقالت عطيها اسمهان!!!!!
اسمهان:هاتي أشوف!!! وفتحت الكرت وطار قلبها وشمت الورد وسلهمت بالعيون النواجل!!!
والبنات حولها يستهبلون ويسحبون الكرت وهي عايشة بعالم آخر بمبي بمبي!!!!هههههههه
والسالفة طبعا كل أبوها مقلب!! وهي ياساتر معتفسة فوق تحت وصارت ماشية بباقتها في المدرسة والبنات يزفونها ووصل الخبر للبنت اللي بفصل اسمهان وقالت لأختها الإدارية والإدارية قالت لأبلة جوهرة اللي كتمت غيظها وظنت السالفة صدق وإن عبدالرحمن بالفعل هو اللي أرسل الباقة للمدرسة واستخدم اسم رانية للتمويه!!!!!
وهذا كله واسمهان تتفشخر وتتباهى بحب المعرس واتكيته قدام البنات وشلتها يقولون:ياحظك !!
وهم بداخلهم بينفجرون من الضحك!!
وطبعا أبلة جوهرة حست نفسها في موقف لاتحسد عليه لأن الخبر وصل للمدرسات وصاروا يسألونها:
مو هذا ولد أختك اللي تمدحين أخلاقه؟؟أجل كيف يرسل باقة ورد لوحدة ممكن ماتكون من نصيبه؟؟؟؟
أو لايكون هالبنت تعرفه من أول وكاتمة الموضوع؟؟؟
ولايكون يكلمها من ورا أهلها؟؟بس كيف جاب الرقم؟و......و.......و (وتدرون كلام الناس مايخلص!)
بس طلعت أبلة جوهرة من المدرسة نهاية الدوام وهي في قمة الزعل!!!
واتصلت بأم عبدالرحمن وقالت:مادريتي؟؟؟أنا وانتي انضحك علينا!!! الفالح ولدك متعرف على بنت الناس من أول!!!!!!
أم عبدالرحمن:استهدي بالله الأول وقولي لي اش السالفة؟؟
أبلة جوهرة:ولدك مستغفلنا يعرف اسمهان من أول وناوي يفشلنا...تصدقين إنه داز لها باقة ورد لين المدرسة!!!اش هالمصاخة وأنا اللي أقول رجال ناضج فاهم واثاريه طلع خردة؟!!!!!!!
**********
أكمل بكرة ياحلوين وراي دوام والنوم كابس كابس!!!
دعواتكم لي بالتوفيق
تخيلت نفسي بأقدر اكملها اليوم لكن خابت ظنوني!!!

 

[الوفاء كله]

يآآآآآآآآآآآآويلي فضيعيــــــــــن البناااااااات مرررررره فله
بالله كملي مررررررررررررره جوناااااااااااااااااااااان

تسلمي يآآآآآآآآآآعسل الله يحفظك ويخليك موتيني ضحك ههههههههههه

بكررررررره أستنآآآآآآآآآآآآآآآآآآآآآآك+
بحفــــــظ الكريـــــــــــــمـ

 

[انسه طفشانه]

هههههههههههههههههههههههه

وي خربوووها الشله
حرام احرجووو اسمهان

ننتظر التكمله ياقمر

 

[اوتار القمر]

تسلمين يا عسل...بانتظارك...

 

[لولوn]

وااااااااااااااااااااااو حرام خربوها الشله مسكينه أسمهان
بصراحه جوجو أبدعتي في القصه ماشالله عليكي أسلوبك روعه وفي تشويق بس بليز لاتتأخري علينا حرام عليك

ننتظررررررررررررررررررررررررررررررررررررررررررررك

 

[جيانة]

الجزء العاشر.....
طال الشد والجذب بين أم عبدالرحمن وأختها أبلة جوهرة
حول موضوع الورد!!وكان من ضمن كلامهم::
أم عبدالرحمن: لاتكثرين حكي ياجوهرة..انتي تقولين الكرت اللي قرأتيه مكتوب فيه..يسلم بيد رانية!!صح؟!
جوهرة:صح!
أم عبدالرحمن: زين..يعني قصدك بعد تقولين إن عبدالرحمن متعرف على رانية؟!
جوهرة:لا بس استخدم اسمها عشان يضللنا!!
أم عبدالرحمن:أنا واثقة بولدي وواثقة ببنت الناس...وانتي تقولين إنك ماسألتي البنات عن السالفة إذن بأي وجه قمتي ترمين تُهم؟!!
جوهرة: ومين قال لك إني بأعديها لهم؟! بكرة من الصبح بأستلمهم تحقيق!!
أم عبدالرحمن:أهم شي بنت الناس لايوصلها علم عن هرجك ذا!! أنا ماصدقت ألقى لولدي عروس!!
وبعد الأخذ والعطا انتهت المكالمة..
طبعاً في الجانب الآخر اسمهان كانت راجعة لبيتها والفرحة غامرتها وعايشة بعالم وردي وشايلة باقتها وبينها وبين نفسها تقول:يسلم لي ذوقه! إذا كان يسوي كذا من أولها أجل كيف بتاليها!!!!!
شافتها أمها وقالت:ماشاء الله اش هالورد كله؟!!
اسمهان تلعثمت وفكرت تكذب وقالت:أبد صاحباتي يوم عرفوا بسالفة الخطبة من أول الأسبوع ..جابوا لي اليوم الورد هدية!
الأم: وانتي على طول نشرتي الخبر ماقضبتي لسانك؟!!
اسمهان (قامت تبكش!!!):لا أنا ماقلت لأحد شي أبلة جوهرة قالت لصاحباتها وانتشر الخبر بكل المدرسة وسألوني صاحباتي فأكدت لهم الخبر..
الأم: تنشر الخبر؟؟والله واثقين من ولدهم هالناس!! على العموم إحنا مازلنا نسأل عنه..والله يكتب اللي فيه الخير
وعدى الثلاثاء.....وجاء بعده يوم الأربعاء..
وقبل جية اسمهان على المدرسة سحبت أبلة جوهرة شلة الصاعقة واشتغلت تحقيقات!!!
أبلة جوهرة:بأبدأ فيك يامرام بما إنك أهداهم!! اش سالفة الورد؟؟؟؟
مرام:أي ورد؟؟
أبلة جوهرة:لاتعابطين! الورد اللي عطيته رانية أمس!
مرام: هذا انتي قلتيها بنفسك مادامك عطيتيه رانية إذن اسألي رانية عنه!
أبلة جوهرة: تفضلي ياآنسة رانية اشرحي لي القصة!
رانية:أبد.. ورد وجاني هدية..أخطيت؟؟!
أبلة جوهرة: لا سلامتك! أنا اللي أخطيت وجيت أعطيتك إياه...مع إنه من الواجب علي إني ماأسلمك إياه!!
رانية: ليش؟؟ ماعندك أمانة؟؟
أبلة جوهرة: احترمي نفسك!! وخلك واقفة على جنب ماودي أسمع صوتك!....تعالي يانجلاء..
وتقدمت نجلاء خطوتين....وسألتها أبلة جوهرة:
وش تعرفين عن سالفة الورد؟؟
نجلاء(باستهبال): نفس اللي تعرفينه انتي بالضبط!!
ورد ووصل وسلم واستلم!!
أبلة جوهرة:يعني متفقة مع صاحباتك ماتتكلمين؟ زين تعالي ياأفنان وأفيديني بشي!
أفنان: مدري عن شي شفتك تعطينه رانية وبس!
أبلة جوهرة: واش جاب الورد بيد اسمهان مادامه لرانية؟؟؟؟؟
نجلاء:عجبتها ريحته وشالته..عادي يعني!!
أبلة جوهرة:عموما إنتم كالعادة محد ياخذ منكم حق ولاباطل..بس أنا بأروح للحارس وأسأله عن اللي عطاه الورد وبأحقق مع كل اللي بالادارة اشلون وصل هالورد على مكتبي؟؟؟؟؟؟
رانية: وليش هاللفة العريضة؟؟ انسي السالفة أحسن!
أبلة جوهرة: انتي بالذات انطمي!! ماأستبعد إن هالورد جاك من معجب!! لذا بس استدعاء خاص لأمك اليوم ونشوف اش سالفتك!!
تدخلت مرام بالموضوع وقالت: مدام السالفة فيها أمها وسمعتها ومعجب إحنا بنقول لك القصة من أولها!!!!
وبالفعل حكوا لها كل شي عن مقلبهم السخيف فقالت:
وبعدين اش استفدتوا من هالمقلب؟؟؟؟؟
رانية: أبد..ضحكنا على اسمهان..
أبلة جوهرة: أنا اللي المدرسة كلها ضحكت علي بسببكم!
عموما لاتقولون لاسمهان شي!! ولاتجيبون لها طاري خليها عايشة بجوها وأحلامها!! أما إنتم لو تكرر منكم بلوة عقب اليوم فاعرفوا إن عقابكم عسير!!
وانصرفت الشلة من الغرفة...وتنفست أبلة جوهرة الصعداء لأن اسمهان وعبدالرحمن طلعوا براءة!!هههه
ومشى اليوم طبيعي ومحد قال لاسمهان أي شيء..
ودارت دردشة بينهم:
أفنان: الله ماني مصدقة اليوم ربوع يعني بأطقها نومة لين ماأشبع!!
نجلاء:وليش النوم؟؟ إلا قولي بأهج من البيت وأطيح تفرفر بهالمولات!
مرام:أنا عن نفسي رايحة لبيت خالتي..يعني اليوم بأقضيه فلة ووناسة..كل بنات العيلة بيجون..
رانية: أنا أحسنكم كل أبوكم!! رايحة لعرس ومو أي عرس بفندق يجنن..من هالحين شامة رايحة الطرب والدجة!!
أفنان: مدري ليه ماتستهويني الأعراس؟؟
رانية:أكيد لأنك ماتنعزمين إلا بأعراس أبو فقسة!! مال استراحات وقرنبع!! وجه فقر أعرفك!!
أفنان:لاياحبيبتي! تحسبيني مثلك أروح أطامر بالأعراس كأن فيني زار...عبالك الناس بيعجبون بــ رجتك!!
رانية:اسكتي واللي يسلم عمرك! أنا أشوف روحتي للأعراس فيها فوائد ثقافية عظيمة!!
نجلاء:ههههه...وش هي ياحسرة؟؟؟؟
رانية: أتثقف في موضة الملابس+الماكياج+التسريحات+روايح العطور+ديكورات القصر+الضيافة+الطقاقة!!+الكوشة!!!! يعني كل شي كل شي!
اسمهان(بصوت عالي):بـــــــــــــــــــــــــــــــــس
تكفون تكفون طاري العرس لاتطرونه!!
رانية: عساك هونتي؟! ماتبينه دزيه لي!!
نجلاء: انتي عاد بالذات أبلة جوهرة ماتواطنك ولاتداني ريحتك كل بلوة بالمدرسة انتي سببها! وكل فضيحة إلا مايكون لك يد فيها!!لكن أنا غير!
اسمهان: الله يقلعكم تتعازمون على خطيبي قدامي؟!
ماهونت ولاشي...بس بإذن الله لو الله كتب أتزوج.. راح تكونون أول ناس بأحطهم في القائمة السوداء وأمنعهم من حضور عرسي!!!!!!
رانية: انتي الخسرانة!! محد بيجمل عليك ويرقص من أول الزواج لآخره إلا أنا!!
اسمهان: إلا قصدك محد بيجي عشان يبقق عيونه ويتشمت بالزواج من أوله لآخره إلا انتي!!
وضحكت الشلة على رانية الخفيفة وكملوا دردشتهم وانقضى اليوم الدراسي وكلن رجع بيته...
وصلت اسمهان بيتها..ودخلت على أمها وسلمت..
إلا وأمها تقول:روحي يابنتي خذي لك راحة ساعتين أختك ابتسام جاية اليوم من السفر وأبوك بيسوي عشا وبيعزم أخوك محمد وزوجته وأختك أسماء وزوجها..
وراحت اسمهان تطق النومة...
أكمل بوقت لاحق.....لأن الالهام انقطع!!!

 

[بشريكو]

حماااااااااس ننتظرك جيونه ....

الله معك ياااحلوه ....

ياااااااااليت تعطينا روابط رواياتك في هالمنتدى او غيره ....

 

[الوفاء كله]

أكمل بوقت لاحق.....لأن الالهام انقطع!!!

يآآآآآآآآآآآآآآربـــي عساه يرجع هههههههههههههههه:shiny:

والله انك عسل انت وقصتك:icon26:

عجبوني البنات فلللللللللللللللللللله:harhar1:

ننتظرك قموووووووووووووووره

 

[اسيل]

جيانة العسل ..كم انتي رائعة وفنانة وراقيةومبدعة ...ودمك عسل ..
ماشاء الله تبارك الله ..ربي يسعدك ويحفظك ياااااااااااااااارب
احترامي الشديد لك

 

[حقل اللؤلؤ]

هههههههههههههههههههههههههههههههههههههه
ضحكتيني
الالهام انقطع
هههههههههههههههههههههههههههههه
الله يرده يارب

 

[ام الحسين]

ياه
ذ:icon26:

 

[ام الحسين]

ياه
ذكرتيني بأيام المدرسه (كلنا حماس للقصه)

 

[لولوn]

يالله جيانه وينك أتأخرتي علينا

 

[تميمية(1)]

هلا جيانة ..
الله يعطيك الف عافية و يبارك في وقتك..
بس عندي سؤال خاااااااااااااااارج الموضوع...
اسم جيانة مرة عاجبني... و بما اني حامل و يمكن الله يرزقني بنوتة فحبيت اسألك عن معناه...
و الي اعرفه ان جيان بتشديد الياء مدينة في الاندلس...قديما ايام عز المسلمييييين هناك..
يالله حبوبة في امان الله...

 

[*ملكة الرومنسيه]

خطييييييييييييييييره
ماشاء الله اسلوبك يجنن
ونستيني

 

[طبعي الطيبه]

الله يعطيك القوه والله موتيني ظحك وشوقتيني للمدرسه

يالله ودي اعرف ايش راح يسير في وقت الشوفه

مسسسسسسسستعجلين