مشكلة تقههههههههههههههههر شورو علي؟؟!!!

[البرنسيسة 2]

السلام عليكم ورحمة الله وبركاته
يابلقسيات شوفو مشكلتي واعطوني الرد المقنع منكم وبمشي علي وللي يصير يصير
نبدأ بسم الله
انا من زماااااااان وانا نفسي ادخل التحفيظ احفظ القرءان
ونفسي يكون في تحفيظ جنب بيتي
اللين قدر الله ولقيت مسجد قريب من بيتي وفيلو تحفيظ
كلمت زوجي ورحب بالفكرة وداني التحفيظ عشان اتسجل وقالي بشرط تسجلي امي معاكي
قلتلو ابشر من عيوني
وبعدين قلتلو خليها تجي معايا عشان نروح نتسجل سوى قال ماتبغى تروح تقول سجليلها انتي
قلتلو طيب
ورحت التحفيظ ودخلت للإدارة وسألتهم عن التسجيل قالو مررررررررة مزحومين قلتلهم يعني مرة مافي مجال قالت مدرسة في وحدة دايما تغيب وبنفصلها وانتي تعالي بدالها قلت الحمدلله
وبعدين سألتها قلتلها وفي كمان امي(اللي هيا عمتي اقولها امي)
قالت مررررررررررررة مافي مجال للحريم الكبار مضغوطين مررررررة
الموهم وقالتلي تعالي يوم السبت تكملي التسجيل
رجعت البيت وحكيت لزوجي كل شي قالي اجل مافي مدام امي مابتسجل انتي ماتروحي
انا انقهررررررررررررررررررررت قولتلو طيب مافي مجال خليها تتسجل الترم الثاني
قالي بروح اسألها واشوف
راح كلمها مارضيت قالت مدام انا مابروح زوجتك ماتروح
آآآآآآآآآآآآآآآآآآآآآآآآآآآآآآآآآآآآه من جد مقهورة مني عارفة ايش اسوي اصر على كلامي واروح
ولا ابطل كلو عشانها
من جد شي يقهر كنت اتمنى التحفيظ ولما خلاص بروح تطلعلي مشكلة مني عارفة كيف اسوي
الله يخليكم شورو علي
استنا ردودكم
والف شكر

 

[احاسيس منسيه]

تبين الصرااااحه بعد بيكون موقف رجلك قدام امه واهله مب حلووو.. حاولي تاخذين ام ريلك معاك عشان تسمع كلامهم ان مافي مكان للتسجيل يمكن هالشي يقنعها..او خلي تسجيلك للدفعه اليايه عشان تكونين مع ام ريلك

 

[زهرا55]

انه من راي اختي منسيه

 

[البرنسيسة 2]

تبين الصرااااحه بعد بيكون موقف رجلك قدام امه واهله مب حلووو.. حاولي تاخذين ام ريلك معاك عشان تسمع كلامهم ان مافي مكان للتسجيل يمكن هالشي يقنعها..او خلي تسجيلك للدفعه اليايه عشان تكونين مع ام ريلك

ايوا انا قلت باخذها معايا لما اروح عشان تقتنع
وبالنسبة ليا اني اتسجل ولا استنى الدفعة الثانية مرررررررة مترددة والترم الثاني بقيلو شهرين
احسها طويلة
ما ادري بفكر اللين يوم السبت وبستنى باقي الردود

 

[chorook]

خديها سجليها مكانك يمكن تخجل وتلين سبحان الله مكتووووب

 

[حرم فواز]

حبيبتي يمكن تكون خيره لك خليها للترم الثاني ماعليه لاتدققين على حركات الحريم الكبار صدقيني ربي بيوفقك لو طعتي زوجك موفقه

 

[البرنسيسة 2]

خديها سجليها مكانك يمكن تخجل وتلين سبحان الله مكتووووب

المشكلة انو عندنا مافي مكان بالقوة قبلوني عشان وحد بتنفصل حطوني مكانها

 

[قطرة في بحر]

حبيبتي أنت تبين تروحي التحفيظ عشان طمع في الأجر والثواب من الله صح ؟
طيب ممكن يكون صبرك وطاعتك لزوجك فيه أجر أكثر

صح هي المفروض ما توقف في طريق روحتك للتحفيظ يعني إسلوبها خطاء ، لكن هي أمه وهو مايبي يكسر بخاطرها ويزعلها

قوليلو طيب عشانك بلاش ها الترم وأروح الترم الجاي مع أمك
وبإذن الله الله يبارك لك في حفظ القرآن

 

[البرنسيسة 2]

حبيبتي يمكن تكون خيره لك خليها للترم الثاني ماعليه لاتدققين على حركات الحريم الكبار صدقيني ربي بيوفقك لو طعتي زوجك موفقه

والله اني مادققت يشهد الله اني احبها
وكل شي تقولو اسمع كلامها
بس اذا كان الشي يخوصني انا اللي اخذ القرار
وانا دحين مترددة عشان كذا استرشتكم

 

[احمر الورد]

حبيبتي اكرمي زوجك عشان ربي يكرمك

 

[nunaa]

اسمعي حبيبتي قوليلها انك متنازلة عن مكانك لها وانك راح تسجلي بعد كدا او انك تقوليلها انها تروح معاك للمدرسة لانه لازم كل وحدة تسجل بنفسها وخليها تشوف وتسمع بإدنها كلامهم وبكدا ماتدري الخيرة فين ويمكن تنحل العقدة وربنا يسهلكم وتدخلوا سوا وعسى ان تكرهوا شيء وهو خير لكم..

الله يوفقك حبيبتي ويفتح عليك ويسهلك من امرك ..

ودمت بخير,,

 

[البرنسيسة 2]

مدام رايك كذا خلاص شوركم وهدايت الله
خلاص بأجلها للترم الجاي
وان شاء الله القى مكان انا وياها
انا والله كتبت عشان ماعرفت كيف اتصرف انا من زمان نيتي التحفيظ وحفظ القرءان
وطرت من الفرحة لما فتح المسجد كنت استنا بفارغ الصبر حملت وولدت وانا انتظرو
بس ياللا امكن يكون خيرة ليا
الله يعطيكم الف عافية

 

[مايصحش هالحتسي]

اكسبي رجلك واجرك فيه

 

[أم لوسي]

انا اقول خيره واذا عندك همه وعزيمه تقدرين تحفظين في البيت وشوي شوي كل يوم احفظي 3 او خمس ايات والله يوفقك ويسر لك

 

[من يفهمني؟]

وفقت لكل خييييييييييير شوفي يالغالية دقي تلفون على أم زوجك وقولي لها أن التحفيظ مزحوووووووم مررررررة وما عندهم الآن إلا مكاااان وحدة ..وأنا أبغاااااااك تسجلين قبل ما تجي وحدة ثانية وتاخذ المكاااااااان يمكن تستحي وتقووووول لا أنت اللي سجلي .. جربي وشوفي.

 

[امال الحاضر]

حبيبتي الخير فيما ختاره الله

 

[أم جديدة]

قولي له لاتحرمني الخير

.
وخذي ام زوجك معك اذا رحتي تسجلين

 

[البرنسيسة 2]

وفقت لكل خييييييييييير شوفي يالغالية دقي تلفون على أم زوجك وقولي لها أن التحفيظ مزحوووووووم مررررررة وما عندهم الآن إلا مكاااان وحدة ..وأنا أبغاااااااك تسجلين قبل ما تجي وحدة ثانية وتاخذ المكاااااااان يمكن تستحي وتقووووول لا أنت اللي سجلي .. جربي وشوفي.

ياحياتي تسلمي على اللرد
بس هيا تقول لو انتي رحتي بروح ولو مارحتي مابروح
يعني لو قلتلها روحي اتسجلي في مكان مابترضى
بتقول لو دخلتي بدخل ولو مادخلتي مابدخل