انا ولدت مرتين وبالمرتين زوجي ما جاب لي هديه لكن جاب لي شي اكبر من كذا ،، شي اغلب الحريم يفتقدوه وما يقدر بثمن..
اولا وجوده جنبي وانا اولد ودموووعه اللي اشوفها بعيونه من خوفه علي..
وبعد الولاده ما يخلي ايش تبغي اكل جواعانه طفشانه وكل شي يوصل لعندي..
لما يطلعني للبيت (اتنفس ببيتي لاني بغربه) يكون معدل ومنظف واكبر باقه ورد لقاها شراها وحطها بفاز بنص الغرفه.. وبصراحه اشوف حالي لما الحريم يشوفو الورد ويسالوني من مين واقولهم من حبيبي..
والله العظيم ما يخليني ابلش ببنتي مثلا بعد ولادتي الثانيه ولا اغسل صحن ولا اتحرك وكل تنظيف البيت وتسليه عياله وياخذهم ويطبخلهم عليه حتى تكنيس البيت قبل لا يزوروني الضيوف يسويه ويجهز الشاي للحريم،،
فالاهتمام والخوف علي عندي اياه بالدنيا هذي كلها والهدايا دايما مغرقني فيها لا عيد ولا سفره ولا حتى زعله الا وجاب لي فيها من الورده حتى ساعه الالماس ،، كله على حسب ضيق الحال وبحبحته،،
الله لا يحرمني منه ولاااااا من حنانه ولا يبعده عني ابدااا،،
ماشــــاء الله تبـــــــارك الرحمن
