خلاص لا للشكاوي حمله جديده مين ينضم فيها

ب

بس يادنيا

New member
إنضم
2009/10/26
المشاركات
30
انا وحده من اللي اعاني مثلكم وكل الحريم المتزوجات يعانون سواء كانت الاولى الثانيه وربي مافي احد مرتاح خلق الانسان في تعب ومشقه والراحه والله في رضى رب العالمين خلاص يابلقيسيات لازم نسوي حمله لا للشكاوي لازم نطنش الرجال لازم نعيش من غير هموم ولا احزان اللي يخون خليه يخون وين بيروح من الحساب اللي بيتزوج خليه يتزوج لو ماعدل وين بيروح من الحساب الرجال اللحين شايفين شغلهم فينا لكن بعدين يندمون لا جا وقت الحساب حبيباتي تكفون خلاص مابي ضيقه صدر عيشوا حياتكم مثل ايام المراهقه دلعي نفسك وانسيه تدرون انا وش سويت كسرت شريحتي قلت خلاص ماابي ادق ولاابي اوله ابي اشوفه هو اللي يلاحقني مو انا وبعدين نفسي القى منتدى خاص بالرجال يعبرون فيه عن حبهم لزوجاتهم يسألون وشو اللي يرضينا كل شئ علينا والله قهر لازم نتغير لازم نشوف حل للمهزله اللي احنا فيها دورات وحظرنا كشخه وتكشخنا لبس ماسخ ولبسنا رقص ورقصنا ورجالنا الله يحفظهم كانهم يقولون في خواطرهم هذي وش تحس فيه وش تبي هذي-----يالله ابي نسوي حمله نتغير فيها ونعلم بعض وش يصير معانا هاه ياحلوات وش رايكم
 
:icon30::icon30::icon30:

الله يبعد عنج الهم و عن كل متزوجه يارب
و ان شاء الله اي يوم و تلقين زوجج يركض وراج من مكان لين مكان بس يتمنى القعده معاج
مع اني مب متزوجه بس زهقت بصراحه من مشاكل الحريم قمت ما ادخل قسم الزواج لاني احس لو كملت راح اتعقد لاكن لو لقيت موضوع مثل موضوعج بتشجع اكثر و بقرا الطرق اللي تخلي الزوج يذووب ف زوجته و يركض وراها مب العكس كل وحده حاطه ايدها على خذها و تبكي و تنووح جنها الدنيا انتهت و جنه اذا هالزوج ما عطاها ويه خلاص الدنيا كلها تسكرت ف ويهها
ملل ملل زهق زهق:busted_red::busted_red:
نبى مواضيع عن حياه زوجيه سعيده
عن اسره متحابه
عن زوجااات مثيرات مهتمات بانفسهن و انيقات اول اهتمامهن نفسهن وبعدين تي الاشياء الثانيه
اخر اهتمامهن هوه قعد مع منوه هوه تعشى مع منوه هوه ليش طالعني ب هالنظره هوه ليش رد علي ب هالطريقه
حلو انه الوحده تهتم بزوجها بس مب بطريقه تعميها عن نفسها
​
 
ياقلبي عليك اموت على القوه بس بعد الزواج ياويلك اشوفك بقسم الشكاوي بس نصيحتي لاتتغيرين خليك قويه طيب ياعسل
 
بس يادنيا قال:
انا وحده من اللي اعاني مثلكم وكل الحريم المتزوجات يعانون سواء كانت الاولى الثانيه وربي مافي احد مرتاح خلق الانسان في تعب ومشقه والراحه والله في رضى رب العالمين خلاص يابلقيسيات لازم نسوي حمله لا للشكاوي لازم نطنش الرجال لازم نعيش من غير هموم ولا احزان اللي يخون خليه يخون وين بيروح من الحساب اللي بيتزوج خليه يتزوج لو ماعدل وين بيروح من الحساب الرجال اللحين شايفين شغلهم فينا لكن بعدين يندمون لا جا وقت الحساب حبيباتي تكفون خلاص مابي ضيقه صدر عيشوا حياتكم مثل ايام المراهقه دلعي نفسك وانسيه تدرون انا وش سويت كسرت شريحتي قلت خلاص ماابي ادق ولاابي اوله ابي اشوفه هو اللي يلاحقني مو انا وبعدين نفسي القى منتدى خاص بالرجال يعبرون فيه عن حبهم لزوجاتهم يسألون وشو اللي يرضينا كل شئ علينا والله قهر لازم نتغير لازم نشوف حل للمهزله اللي احنا فيها دورات وحظرنا كشخه وتكشخنا لبس ماسخ ولبسنا رقص ورقصنا ورجالنا الله يحفظهم كانهم يقولون في خواطرهم هذي وش تحس فيه وش تبي هذي-----يالله ابي نسوي حمله نتغير فيها ونعلم بعض وش يصير معانا هاه ياحلوات وش رايكم
أنقر للتوسيع...
مع إني مانيب متزوجة إلا مع كثر المشاكل اللي أقراها صرت أحس الزواج شقى وتعب وهم وغم .. ولله العظيم قبل ما أقرا موضوعك بدقيقة كنت أفكر بالكلام اللي كتبيتيه وأقول ليش الحرمة تقطع قلبها والرجال عايش حياته.. ما أقول أن الوحدة تقصر بحقوقه بس أهم شي ما تحطه أكبر همها وتعلق سعادتها كلها بسعادته... وأنا بصراحة من المؤيدين لحملتك وبقووووووة.. بس المشكلة إذا الوحدة ما تزوجت قالوا الناس مسكينة ما تزوجت وكأنها قاعدة على روسهم وإذا تزوجت مشاااكل في مشاكل وهم وغم.. فعلاً الراحة في الجنة أسأل الله أن يجمعني وإياك ووالدينا والمسلمين أجمعين في مقعد صدق عند مليك مقتدر..

أنتم في أيام فاضلة أكثروا من التكبير والتسبيح والتحميد والذكر.. وياليت أن نختم القرآن ولو ختمه في هذه العشر المباركات.
 
اموووووت انا عالتفاااااؤل

ايه كذا

هاذي المواضيع اللي تسر وتشرح الخاطر

فديتك !! (*.^)

والله يا ريت لو العضوات يحطون لنا هنا تجربه حلوه

قصة جميله عاشتها في حياتها الزوجيه

موقف لذيذ او مضحك

يعني.. حاجات تجيب الوناسه

واحنا كمان لا نكون متشائمين والله الزواج فيه حاجات كثيرررر حلوة

والزوج كمان مو هو الغضنفر الجبار طول الوقت

وانا و انتي اكيد فينا حاجات وااايد جميله و رااائعه

تعالو نعطي لنفسنا بريك وناسه و نفرح قلوبنا وننسي الاسى والهم وكل ما يضيق الخاطر

يسعد قلبك الطيوب يا ( بس يا دنيا )

ومن جد بس ... بس ... يا دنيااااا

مشكورة يا عسوله^.^
 
من يفهمني؟ قال:


أنتم في أيام فاضلة أكثروا من التكبير والتسبيح والتحميد والذكر.. وياليت أن نختم القرآن ولو ختمه في هذه العشر المباركات.
أنقر للتوسيع...

ايه والله صدقت اخيتي

جزاك الله كل خير

الله اكبر الله اكبر الله اكبر ولله الحمد
 
والله كلامك صحيح
لازم نطنش ولانخلي الزوج هواكبر همنااا
واللي بيتزوج يتزوج
في ستييييييييييييييين داهيه

مالنا ومااال الهممممممممممممممم
والله كانك حاسه فيني ادخل المنتدى وادورر المواضيع اللي تشرح النفس
ومااريد اقررأ شئ يضايقني او عن المشاكل
خلاص
تعبنا نشتكي مالقينا الرااااااااااحه
الراحه فقط بالتطنيش والاهتمام بالنفس
 
يالبى قلوبكم والله على الردود بجد والله خلاص غيرت اشياء كثيره وزوجي مطير عيونه مو مصدق ميت يبي يعرف وش اللي يدور براسي هذا وانا توني صاحيه من غفلتي والخبال اللي كنت عايشه فيه يالله حلوات كل وحده تسوي تغيير وتقولنا شنو رده الفعل من زوجها وشنو اللايجابيات اللي لقتها من التغيير انا مثلا كنت اول ادق عليه وما اقدر امسك نفسي او ارسل رسايل ولا كان معبرتي واذا رجع للبيت بعد انقطاع طويل مافي اي وله ولاشوق منه عادي الوضع ولا يسولف ابد اللحين تعالوا شوفوا بعد ماكسرت شريحتي تغير كثير تطفون بنات ابي يالله كل وحده وافكارها في التغير مانبي نشكي نبي نتغير
 
إذا نجحنا في النظرة للحياة بجدية ومسؤولية ..
لن نجد من الوقت ما نفتش فيه عن أمور تنقصنا لا حل لها سوى التأقلم عليها وعدم التدقيق بها ..
وإذا استطعنا أن نستغل فراغ أوقاتنا بما يزيدنا قربا من الله ..
سنقترب كثيرا من البوابة الأيسر لحل كل مشاكلنا , دون أن نبذل لها قصارى الجهد ..
تلك هي (( بوابة التوفيق )) التي ربما ظلت أبصارنا عن الاهتداء لموضعها ..
حين انشغلت قلوبنا بدنيانا الفانية ..
هذا ما لدي والله أعلم
** شكــــــــــــــــرا لك ** ​
 
ياللله انا معااااااااااااكم وبقوه طفشت من الملاحق وقال وسوى..

بس مشكلتي ما اعرف كلها يومين ثم ارجع لعادتي القديمه >>>بتتصفق هع

بنات الي بعلها شمالي تقول تجربتها في التطنيش..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل