مصيري مجهول

  • بادئ الموضوع بادئ الموضوع soft-girl
  • تاريخ البدء تاريخ البدء
S

soft-girl

New member
إنضم
2009/10/03
المشاركات
83
مادري اذا تذكرون قصتي بس باختصار انا اللي زعلت من زوجي بسبب هجرانه لي بالكلام وبالفراش وخروجي لبيت اهلي بعد ماعرفت انه يشاهد ايميلات اباحية وقد تدخل اهلي للاصلاح ولكن لم اشعر بانه استجاب للاصلاح وانا لازلت ببيت اهلي داخله بشهري الثاني وإلى الان لم يرسل لي ولا مسج او حتى اتصال مادري شاللي ناوي عليه لازلت ثابته ولله الحمد ومتقربة من ربي وبالدعاء ولكن لا اعلم بمصيري وهذا مايقلقني ​
 
الله يعينك واكثري حبيبتي من الاستغفار
والله الرجال مشاكلهم مشاكل الله يعينك ويكتب لك الي فيه الخير
 
انتي جالسه عند اهلك ليه ؟؟

تبينه او تبين الفراق ؟ اذا تبينه اتصلي عليه وقولي تعال برجع البيت وشوفي هل تغير او لا ؟؟
واذا ماتغير حاولي معه وادعي له ... ترى بعض الرجال يشتاق لزوجته بس مايسأل عليها يبيها هي اللي تسأل عليه بعدين المفروض المشاكل تكون حلها بطريقتك وذكائك لان احيانا دخول الاهل يسبب ازعاج للرجل وضيق منك

والله مدري شقول بس بادري بالاصلاح انتي مسجي له مسج شوق او اسألي عن اخباره كبدايه قبل ماتقولين تعال خذني وشوفي ردة الفعل اذا رحب فيك قولي تعال واذا طنشك سايريه بالكلمه الطيبه , صحيح هو الغلطان بس وش تسوين لازم تتنازلين عشان تحافظين على زوجك وبينتك ..

الله يصلح ذات بينكم ويهديه ويصلحه ويسخره لك ويرجعكم حق بعض ويسعدكم يااااارب ..

دعووواتك لي بالحمل السليم المعافى ,, ودمتي بحفظ الرحمن ..
 
اختى والله مو عارفه ايش اقولك يعني انا ما اطعلت علا تفاصيل قصتك سابقااا لكن

انااااااااااااااااااا ضد الخرروج من البيت تحت اى ظرررررررررررررررررف

ممكن تهجرينه تعاقبينه وانتي ويااه في اللف ومليون طررريقه

حاولي ادخلب طرف ثالت بس غير هلك مو عارفه يعني حاولي تشوفي طرق للصلح وصدقيني وانت مستوره في بيتك ممكن تلقين الحلول لو اجهدتي نفسك جيدا في البحث ربما انتي تفعلين ولكن ليس بالاسلوب الي تعاطه او يتقبله هذا الزوج

اتمنى مااتوصل لا سمح الله لي الطلالالاق
حاولي تصلحي الامور وتراه هالدور تلعبه الانثى مع انو يباان امام الناس انو الزوج اهو الي صالحها ورضاهاا لكن في كثير من الاحياان يجب عليك استعمال كيد الحرريم واعطاء هذا الزوااج فرصه بتدخيلك لطرف موثوق يقدرك ويقدر زوجك يعني قريب منكما معاااا

فكرري ورتبي خطواتك بعفويه لاتنظري حل من الاخرين وهو بين يديك
ترااه البعد جفااا ومن غااب نسا
الله يسعدك يارب ويهديكم لبعض
 
اااااعذوري غلطاتي الاملائيه نعسااانه الباين

الله يسترنا جميعااا
 
اختي صمت الزهور الله يتمم عليك حملك ويرزقك بالذرية الصالحة...لا اريد الفراق وبلحظة غضب طلبت الطلاق وعندما تدخل اهلي سالوه ان كان يريد الانفصال فقال الطلاق صعب...يعني الرجال مايبيني بس متصعب الطلاق ما ادري ليه وقد قال لي انا ساكت عشان اخوانك بس:(...يعني مو لانه يحبني ويبيني بس مستحي من اهلي..انا عندي ولد منه مابعد كمل سنة وزواجنا من سنة ونصف..ارسلت مسج عشان ارجع البيت وقال لاترجعين..من بعد تصرفاتك ما ابي اشوفك الحين..والى الان ساكت:(
 
اختي اصبري....

ولا تخطي أي خطوه إلا بعد تفكير عميق....

وركزي على هدفج يعني لا تفكري تتنقمين منه او اتفكري كيف تردي كرامتج .....

ركزي انتي شو اللي تبينه ....وطبعا بيكون انج اتردين لزوج ويكون هو المبتدأ في الاصلاح ....


كل اللي أقدر اقوله :
استمري في الدعاء وياليت اتقومين قبل الفحر بنص ساعه وتصلين وتدعين وسبحان الله بتنفتح ابواب رحمته .....


ثاني شي حاولي ادخلين احد من اهله او اهلج ويكون شخص قريب منه بس بدون مايعرف ريلج انج لجأتي لهالشخص ....


وفي شي مهم لازم تسوينه بما انج قاعده في بيت اهلج استغلي هالوقت في شي مفيد .....
وياليت اخبارج الحلوه توصل لريلج ....يعني اشتركي في دوره ...احضري محاضرات ...شاركي في مناسبات وخلج مميزه فيها ...

فاهمه اللي اريد اوصله يعني خلي يوصل لريلج انج مب عايشه في حزن وهم علشانه خلي الاخبار اللي توصله تشده لج ويحتار في امرج ....

ماادري اذا رأي المتواضع بيفيدج وان شاء الله الخوات يفيدونج اكثر ......والله يفرجها عليج
 
اخواتي زوجي ارسل مصروف لولده الصغير توه متذكره وشهرين مايدري عنه ..انا انقهرت بصراحة حسيت باهانة ومذله وهو مرسل الفلوس حسيت ان ولدي مسكييييييييييييييين يظن ان العيال محتاجين لفلوس وبس وشلون مايفكر بولده اللي عايش بعيد عن ابوه وهو توه ببداية حياته يشوفه ساعة بس كل عشر ايام :(..قلبي يتقطع على ولدي ..من القهر ارسلت له مسج قلتله الحركة هذي معناتها ماتبي ولدك يعيش معزز ببيت ابوه واذا على كذا وفر فلوسك لك لنفسك:(
 
سوري اختي بس انتي شنو مسوية عشان يكرهك انا ماقريت قصتك قيل
 
ياحبيبتي اسمحيلي اني اقولج ريحتيه منك كيف تبغينه يرجعك
مفروض ماتطلعين من البيت وتجلسين على قلبه هو مبسوط الحين يتفرج براحته وماعنده احد يذكره او يهاوشه ويقوله هذا حرام
تبغين رأيي خذي ولدك وروحي بيتك حبذا لو يكون وقت ماهو موجود في البيت واذا جاء رحبي فيه
واذا سالك قولي رجعت لبيتي وماني طالعه منه ولاتطلعين منه مهما قالج حتى لو قلك اطلعي برى قوليله انا زوجتك وهذا ولدك ولنا حقوق عليك
ولاتعبرينه بعدها ابدا طنشيه وعيشي حياتك ولاتدورين وراه في الايميل فهمتيني
خليه اخر اهتماماتك والبسي واتكشخي واطلبي مصروفك ومصروف ولدك لاتتخلين عن حقكوحقك ولدك اهلك مو مسوولين يصرفون عليكم وزوجك موجود
تغيري وادخلي النت واقراي المواضيع واهتمي بنفسك واعملي خلطات واقنعه وكل شي
لاتقولين انه مايبغاني بس استصعب الطلاق اي رجل تشتكيه زوجته لاهلها وتكبرر السالفه هيزعل ويقول اكثر من كذه
ادعي ربك انه يسخره لك يارب
 
انا موظفة وانا اللي اصرف على نفسي وعلى ولدي ..زوجي عايش مع عياله ..عايش لنفسه ووناسته ووناسة عياله وفعلا مايبي احد يقوله وين رحت وايش سويت ..يبي يبسط نفسه بالسهر والسفر والايميلات الاباحية ..وشوره بخصوص رجعتي له بايد عياله ..هم اللي يقولون له الحرمة ماتصلحلك وهو يتاثر بكلامهم بشكل كبيرررر يعني مايصدق يلقى مبررات عشان يفتك مني..بس اللي راده انه مستحي من اهلي وبس ..حاسة بالقهر واني بلحالي بهالدنيا واكثر مايقهرني هو احساسي اني مرفوضة من رجل بلا ذنب :(
 
تكفون ياجماعة ابي ردود تبرد خاطري انا مرررررة مهمومه:(
 
اختي اكبر غلط انج تطلعين برا البيت .. وبعدين انتي رحتي بيت هلج على طلبج ليش تحاتين الحين ؟ يعني انتي كان ببالج انج لو رحتي بيت هلج بيتغير ؟؟ الحين هو ماتغير وانتي عنده بيتغير وانتي بعيد ؟؟ تلاقينه ماصدق ومرتاح .. الحل في رايي يكلمه ابوج او اخوج العود لازم ريال يتدخل ويسأله انتي ليش عندهم للحين وان المفروض لمن طلعتي يجي يكلم الرياييل ..
 
رجاءا اللي تشوف بنفسها القدرة على اعطاء حلول عقلانية ترد اما اللي داخله عشان تتفلسف ومسوية حكيمة زمانها فتحتفظ برايها لنفسها ..المنتدى لطرح الهموم وحل المشكلات برحابة صدر ورغبة بالاصلاح والتخفيف عن صاحبة المشكلة ..غير كذا لحد يرد :icon26:
 
أنا مع الأخت ريمان 1981 في كل كلمة
وأضيف : خلاص بما انك ارسلتي مسج وتعذرك وسويتي اللي عليك اتركيه هالفترة والباقي بيكون عليه ....انتي عملتي اللي عندك والله ييسر امورك ....وخلي هالفترة فترة استرخاء لكم الأثنين واذا ربي أراد ورجعتي حاولي تغيرين من حياتك ومن روتينها
 
ممكن تكون فترة (استرخاء) وممكن بعد يتولد الجفا والتعود على الحرية ويستثقل رجعتي له...بصراحة هناك تنافر قوي في شخصياتنا ولكنني لا ارغب بالطلاق ليس لانني احب زوجي ولكن حتى يعيش ابني عيشة كريمة امام الناس:(
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل