قصة شعيبية

[جيانة]

خخخخخخخخخخخخخخخخخخخخ شعيبه قصدي اكملي هعهعهعهعهعهعهعهعهع سلمي على جدتك

جدتي تسلم عليك00
وتخاصم تقول وراها هالبنت ساهرة لهالحزة!!!!

 

[~دلـع الـكــون~]

ههههههاااااي....

روووووعه سواليفكم...

وش هالجده والله لو انا ما راح استحملها...

كل شئ مو عاجبها...

اسلوبك رووووعه جيـــانه ننتظـــر باقي سواليفكم لا تتأخري علينا....

 

[المااسة حساسة]

وااااااااااااااو جيانة ماشاء الله عليك
والله ونستيني وانا طفشانة
على فكرة انا كمان اصغر اخواتي واسمي على اسم جدتي ...ههههه
يعني جيتي على الجرح

 

[جيانة]

ههههههاااااي....

روووووعه سواليفكم...

وش هالجده والله لو انا ما راح استحملها...

كل شئ مو عاجبها...

اسلوبك رووووعه جيـــانه ننتظـــر باقي سواليفكم لا تتأخري علينا....

البقية اتية في الطريق000

 

[جيانة]

وااااااااااااااو جيانة ماشاء الله عليك
والله ونستيني وانا طفشانة
على فكرة انا كمان اصغر اخواتي واسمي على اسم جدتي ...ههههه
يعني جيتي على الجرح

هلا000وغلا000
وشلون جدتك معاك؟!
عسى بس ماهي زي جدتنا شعيبية؟!:thumbdown:

 

[جيانة]

ترى مخي فاضي00حاولت أكمل ماعرفت00بس عشان عيون الغوالي وردودهم00قلت بأدفها بأي شي!!

ان ماعجبكم لاتخانقوني!!
000
طبعاً الجميع كانوا قاعدين على السفرة
ومفتوحة نفسنا للأكل اللذيذ ولكن جدتنا شعيبية مثل عوايدها (لامنها ولاكفاية شرها)!!طايحة في الأصناف تتريق وتتشمت والمشكلة تاكل !مافي صنف إلا و حشت كرشها منه00أجل ليه التطنز بس؟!!!!!!!!!
طاحت عينها على صحن فيه أصابع الدجاج(نجت)00وسألت:وش ذا يارفينة؟!
ريفان:نجت ياجدة00
جدة:وش يعني؟!!!
ريفان:يعني دجاج مطحون ونكوره بشكل اصابع ونغمسه في البيض والبقسماط ونقليه00
جدتي:يامال العمى!!انتم مافي شي تتركون بحاله!!ياحبكم ياذا الجيل لتنكيس الفطرة!!يعني وش كان بيصير لك لو تركتي سوات الله مثل ماهي وطبختيها في قدر وحطيتي من تحتها رز00بالله ماهو بأزين من خويضك ذا؟؟!!
وأنا عاد الود ودي أ00000!ولا0 أقولكم ماني بقايلة لاتقولون ذي عاقة!!!
المهم قامت جدتنا الموقرة تقلب عيونها بين ذا الصحون تدور شيٍ تعيبه00وتشوف صحن سلطة وتصيح وش ذا يارفينة؟؟؟؟!!!!
رفينة يووه أقصد ريفان !ردت وقالت:
سلطة خضاربالمايونيز00
جدة:وش ذا القرف لابارك الله فيكم،انتم لو ماكلين تبن بدالها أصرف لكم!!عساك بس اليوم اللي طلقك فيه زوجك ماكنت مسويتها له؟!!!(كل سالفة تخص ريفان الضعيفة تشبكها جدتي بسالفة الطلاق!!)
رند:ليه بس ياجدة؟!
جدة:والله ياسلطتكم ذي يعافها حتى الحمار00من يجي له نفس ياكلها وهي ماكأنها إلا طراش شايب مريض!!!!(شوفوا التشبيه بس 00عوفتنا ناكل شي عقب هالكلام)
وماشاء الله الأخت ضي بما انها حامل تلاقون نفسها خايسة أدنى ماقرفها00وقامت تهوع!!
لا والمشكلة جدتي ماخلت شي الا وسبت فيه تسب وتحشي بطنها تسب وتاكل وتاكل وتسب!!
غثتنا غثا مابعده00
وفجأة قالت:هالحين كل ماعلى السفرة ريفان بس اللي سوته؟!!!
ردينا وقلنا إيه0
إحنا بس قلنا كذا غسلتنا بشراع ومجداف!!
وقامت تصيح انتم ياللي فيكم ويخطيكم ياللي ياللي(وكلام كثير يصد النفس!!)
ماصدقنا متى خلصت كلامها وقمنا نرفع السفرة وجت الشغالة تساعدنا00ويوم شافتها جدتي صاحت:الحين البيت ذا متروس بنات!!وش هو له جايبين هالفنسى؟!(تقصد الشغالة)لأن خشمها مفنوسٌ فنساً00وليس كخشومنا ممطوطةُ مطاً على قدام!!
وليس كخشم جدتي اللي كأنها فم دلة القهوة!!!!
قلت أنا:وخير ياطير جايبين شغالة ماكفرنا؟؟وبعدين أنا ماأحب الشغل مانقص علي إلا أشتغل بهالبيت!!!
جدتي:أقول تعالي تعالي قبل مالعصا ذي تشتغل على قفاتك!
0000
قلت:هاا000وش تبين ياجدتي؟!
جدة:ياعساك بهوى يشتلك ويرميك في قاعة البير!!
قلت:زين00سمي0
جدة:حية00تسم بدنك!
قلت:طيب خير وش بغيتي؟!
جدة:الخير ماعرفته من يوم تمسيت بهالخشة!!
قلت(بأسلوب عرابجة):أقول ترى احنا شعيبيات ونفهم على بعض00هاتي وش عندك من الاخر!
طبعا جدتي كأنها اخترعت حبتين من اسلوبي! وقامت كهلتنا في الله مددت كراعينها00وصاحت:يالله ياوجه العنز همزي رجيلاتي00قبل لأهمزك بعصاتي على ظهرك!!!!
صحت أنا:وشهو وشهو00ماعاد إلا ذي!
اسمك ويالله تحملته يسموني فيه بعد حتى رجيلاتك بتحطيني عندها!!
إلا مادريت الا بذيك العصا اللي فصلت فقرات ظهري عن بعضها!!(اعقبي ياعجوز الغفلة00من وين تجيبين هالقوة؟!)
صاحت:من هنا يابنت00وأمسكها وتشحطني بعصاها000وترجع من هنا لا من هناك000يمين 00يسار00فوق
بعد00تحت0(مانقص الا تقول عاشوا وأحس نفسي بعرس!!!!)
وأخواتي الرائعات يتضاحكن00مبسوطات ويأشرون لي يقولون :نصرنا فيك ياشوشو!!!!
ماصدقت انها قالت خلاص!!
حسيت عقبها ان روحي رجعت000أعوذ بالله00رجولها مطعجة من كل حدب وصوب كأنها حفريات شوارع جدة!!وسروال خط البلدة أعماني بألوانه أحمر+بنفسجي خطوط عريضة
ويفصل بينهم خط أصفر نحيييف!!!
وكرتة خضراء زم000يلعن أبو الكشخة بس!!!!
وأنا جيت منطلقة بأقوم الا هي تقول اقعدي قاعود باقي ماخلصت!!
(إنا لله من هالعجيز شكلي بأموت قبلها!)تتوقعون ليش قعدتني؟!
فكت الشيلة عن راسها إلا وتفوح ذيك الروايح اللي أزكمتني وبغى يجيني انفلونزا الخنازير الله يجيركم بس!!!
ماشاء الله عليها اثاريها فاتحة فرع من مزرعة جدي على راسها!!مغرسة ريحان ودوش وعطرة00من زود الكشخة!00ومكملتها بزيت زيتون! بس أموت وأعرف وش باقي تتزين له هالكهلة!!!! لا وصاحت فيني:امشطييييني يالفاغرة!!
قلت:وين أمشطك بس وريح شعراتك أعماني!!الصراحة ياجدة زين انك في ذا العمر وباقي في راسك شعر!!!
000000
0000000000وشحطتني بذيك العصا اللي سوت بجسمي خرايط للخط السريع!!
وأمشط والريحة تفوح وأمشط والريحة تتفشى00وعاد توني متعشية والمعدة بدت تقلب00إلا وجدتي تصيح:ياضي قومي جيبي لي المبخرة00!
(طينتها هالعجيز شكلها ناويتن علي!!)
وشوي وتجي ريفان الضعيفة وجايبة معها صينية الشاي00وقالت:ها ياجدة أعجبك العشاء؟!
جدتي:لا والله ماعجبني،الله لايعيده!!!!!لو معكم سالفة كان خليتوا زياد يجيب لي ذبيحة من مطبخ الذبايح!!!!(أأوف ياجدة،شين وقوي عين)!!إلا وين هو زياد ؟من يوم ماجيت ماشفته00
ريفان:والله طلع يتمشى مع خوياه0
جدتي:ليش؟؟ماعلمتوه ان جدته شعيبية بتجي؟؟
عاد أنا من حرتي خليتها هي وكعشة العفاريت اللي فوق راسها وقعدت جنب رند وقلت:
إلا علمناه00بس من فرحته بجيتك هج من البيت!!ياليته خذاني معاه!!
إلا ورند تدقني بخصري وتقول بهمس:علامك انتي ماكفاك ماجاك؟!لازم تزيدينها جمر فوق ماهي شابة!!!
وأشوى اثاريها ماسمعت لأنها قاعدة تسولف مع ريفان00
وأنا قمت أسولف مع ضي ورند ودق جوال رند وقامت تكلم ووجهها يحمر ويصفر فخمنت انه خطيبها00
جدتي:وش ذا بإيد رنيدة؟!
قلت:جوال!!
جدتي:منهو شاريه لها؟!
قلت:خطيبها0
جدتي:ليش؟؟
قلت:عشان يكلمها فيه00
جدتي:ياويلي ويلاه00واعيباه!!
تحاكيه وش تقوله ماتستحي00 ماتنتخي؟
قلت أنا:خير خير،تراه زوجها00ماهو من الشارع!
جدتي:أقول عيب!ماعندنا بنات يثرثرن مع الرجاجيل في البلوة ذا وقامت تزأر بصوت يخرق الأذن:
يارنييييييييييييييدة!!
وجت رند تسعى:يالبيه،نعم ياجدة!
جدتي وبأعلى صوت قالت:قولي لخطيبك يسكر سماعته ولا ترى جدتي بتتوطى في بطنك!!
الرجال من خرعته قفل الخط بوجه رند على طول!!!!!
وشوي الا زياد أخوي داخل علينا00فديت قلبه ياحبي له هالزياد هو أكبر مني بيني وبين رند في العمر
بس فلاااااوي ويحب الضحك والوناسة00حركاتنا مع بعض
واياه تشبه حركات توم وجيري!!
وجاي عاد بكامل أناقته الفلاوية00
الشعرناعم بس بما انه يحب يشابه زملاه في موضة الكدش تلاقونه يوميا يتروش بتايد عشان يخشن شعره!!!!والشعرمنكوش ويلمع من الجل000وفلينة كت(يعني بلا أكمام للناطقين بالعربية)!!!!+بنطلون برمودا طيحني ولا نزلني كله واحد00بس ابشركم ماهو بنطلون سامحني يابابا أخوي عاقل ماهو من ذي الطقة!!!!+اسورة فضي+سلسال جلد أسود+ساعة!!وشايل اللحية والشنب!(بس اش أوصف واش أخلي كشخخخخخخخخة بمعنى الكلمة!!!)


يتبببببببببببببببببببببببببببببببببع

 

[جيانة]

000
0000نستكمل ياحلوين00يوم دخل علينا شيخ الزين(أخوي زياد)!!أبوالصرقعة والاستفزاز00
بمنظره السابق ذكره فوق!!
وقام البكاش يرحب بجدتنا الموقرة ويقول:جدة شعيبية عندنا؟!
يابختنا ياسعدنا!!!
00وماأخفيكم جدتي يوم شافته بغت تنجلط00وقالت:زيااادوه؟وش هالشيفة ياشبيه الرجال؟!!
زياد: يمة!اسم الله علي!ليش شيفة إلا يازيني وش حلاتي؟!!
جدة:مالت عليك إلا مالت عليك 0أي حلاة؟0وإنت كأنك عنز مخترعة مع ذا الكشة!!!
زياد بأسلوب مستفز:وش علامك علي؟مستكثرة علي هالوسامة؟!وأنا وارثها منك!!!!!!
جدة:الله لايقوله!!استح على عمرك استح00وانت مايندرى عنك00حرمة أو رجال!!!والله إنك واقف بخسارة بهالبيت
إن كان علي00فأنا مااعتبرك إلا الأخت الخامسة لذول البنات!!!!
طبعا احنا فاطسين ضحك على حوارات المحششين ذي!!فقمت أقول لزياد من باب التطنز:جاك الموت ياتارك الصلاة00
خذ دورك لاهنت00حنا شبعنا!!
قال زياد:وعساكم من أول الليل على ذي الحالة؟؟!!
قلت:إيه0أبشرك!!!
زياد يوجه كلامه لجدتي:حشاشة جوفي يالشعيبية!!ترى نَفَسي طوييييل00ومابتقدرين تاخذين مني حق ولاباطل!!
جدة:أقول ياحسرتي على وليدٍ جابك!
وإنت لانخوة ولامروة ولامرجلة00والعقل ضاربن عليه سيفووون(عجيبة جدتي يوم تنطق سيفون !!تقولون صعيدي بالجامعة الأمريكية!!!)والله على عهدنا00كان الواحد ماياصل عمره 18 سنة إلا وهو رجال فاتح بيت وبحلقه كوم بزارين000موب إنت مانتكل عليك حتى تجيب لنا بريالين خبز!!
زياد:أقول مدام شعيبية00إذا بتبدين تبثين لنا برنامج (صراع الأجيال)فأنا أقترح إنك تشترين راحتك وتدقين النومة لأن اثار السفر واضحة عليك!!!
جدة:اسكت جعلك ماتربح!!أنا ناويتها السهرة اليوم ناويتها لك إنت وخواتك00عيلة متردية اللهم ياكافي!!
زياد:إنتي قد السهر ياميمتي شعيبية؟؟!!!
جدة:قدها وقدود00يالجاهل!
قام زياد يستخف دمه عليها ويقول:
أقول جدتي00ماعندك عروسن لي منّا
منّاك؟!
جدة:ومين هالمهبولة اللي بترضى فيك؟ لاوأزيدك من الشعر بيت00الحياة علمتني دروس كثيرة00صرت لاناظرت الواحد عرفته وعرفت نفسيته00فمليون ألف قسم ماظنتي إنكم بتلاقون من يضفكم وتضفونه إنت وشعيبية المقرودة أختك!!!!
زياد:وليه الغلط ياجدتي؟ والله ياظفر أختي شعيبية يسواله مليون وحدة من هالعجنجز جيرانك!!!000مال قهاوي الضحى!!!(ينصردينك يازياد00ويقولون لي ليش تحبينه؟؟!!)
جدة:وش حارِّك من قهاوي الضحى؟00ماهي بأحسن من هسهسة الليل؟مالك انت وربعك؟!!!!!!!!!
0000
المهم استكمل معكم بوقت لاحق لأني مشغوووووووووووووولة!!
بس اشوف الردود

 

[انا الزين كله]

مشكره على الموضوع

 

[جيانة]

0000000000000000

 

[لاتغرك الضحكه]

هههههههههههههههههههههههههههههههههههههههههههههههههههههههههههههههههههههه يعطيك العافيه يا قمر



تقبلي مرروري وتحياتي

 

[جيانة]

هههههههههههههههههههههههههههههههههههههههههههههههههههههههههههههههههههههه يعطيك العافيه يا قمر



تقبلي مرروري وتحياتي

تقبلنا!!!

 

[ريحانة الروح1]

ههههههههه

والله انك عسل

بلغة الجدة (والله انتس تهيضين القلب لاانقطعت علومتس ياووخيتي)

تمسي على خير ههههههههه

 

[جيانة]

ههههههههه

والله انك عسل

بلغة الجدة (والله انتس تهيضين القلب لاانقطعت علومتس ياووخيتي)

تمسي على خير ههههههههه

تسلمين ياحلوة مرورك مثل الشهد
فديت قلبتس00:icon26::icon26::icon26:

 

[جيانة]

00000000000000000000

 

[~دلـع الـكــون~]

ههههههاااااي جياااانو>>>دلع اسمكـ...

ضحكتيني فديتكـ...

صدق مايعرف لهالجده الا زياد...

اما انتي مسكينه حزنت عليك من كثر ماكليتي من ذا العصا...

متابعينك ياقلبي بكل شغف....​

 

[جيانة]

ههههههاااااي جياااانو>>>دلع اسمكـ...​

ضحكتيني فديتكـ...​

صدق مايعرف لهالجده الا زياد...​

اما انتي مسكينه حزنت عليك من كثر ماكليتي من ذا العصا...​

متابعينك ياقلبي بكل شغف....​

شكرا ياعمري000على الرد
وبأحاول أكمل إذا زارني الالهام!!!

 

[برده]

عوافي يا عسلللللللل

اسمعي وانا اختك
جدتك شعيبيه ماتعرف اكل المطاعم والوجبات المفحطه مره ثانيه سوي لها حنينه جوف الخبازه او مشرق مع لبن او صغيره عصيده(تعرفينها) وان كان شي سنفا بعد احلا العجايز يموتون فيها.......

مشكوره قصه كوميديه رائعه احيان ادخل بس عشان اشوف آخر تطورات الجده شعيبيه والاجر على الله
.

 

[جيانة]

عوافي يا عسلللللللل

اسمعي وانا اختك
جدتك شعيبيه ماتعرف اكل المطاعم والوجبات المفحطه مره ثانيه سوي لها حنينه جوف الخبازه او مشرق مع لبن او صغيره عصيده(تعرفينها) وان كان شي سنفا بعد احلا العجايز يموتون فيها.......

مشكوره قصه كوميديه رائعه احيان ادخل بس عشان اشوف آخر تطورات الجده شعيبيه والاجر على الله
.

هلا ياقلبي يسعدني تواصلك ومتابعتك للأحداث000
نفسي أكمل بس المخ فاضي--

 

[جيانة]

تكملة الجزء الماضي

استكمل مادار00في مجلس جدتنا المصون عقب ماجاء فارس القوم (زياد)امحق فارس!!!!:harhar1:
زياد:ظلمتينا ياجدة!أنا وأختي00!وحنا الزين عندنا والشين حوالينا!!!حشا قاعد ببسطة!!
جدة:وععععععع!!إنت والغافر الله ماودي أتكلم عن شيفتك000وأما إختك فالله يرحمنا برحمته ماجاها الزين ولايقرب لها00ومافيها شي ن يستاهل الا اسمها!!!!!!!!!
زياد يستهبل:الله يصبرنا على مابلانا!!
ادعي لنا00انت بس!!
جدة وهي رافعة ايدها تدعي:ياالله يامطلوب00ثبت عليه العقل مثل ماثبَّت عيونه براسه!!ياالله تعفي عنه وتشفيه بهيم ومايفهم!!ياالله ترزق شعيبية بسنافي ن يشلها00وترفع سوقها عقب ماطاح!!!
عاد أنا قمت أتناقز وأقول: امييين امييين
بس من قال لك ان سوقي طاح؟!بايرة والا على حل شعري دايرة!!
جدة: ولو اني مافهمت شي من اللي قلتيه ولكن احتياطاً كلي تبن!!!!!!!!
زياد:ياجماعة الخير غيروا السالفة الله يرحم والديكم!بالعربي اقلبوا المحطة على العام وخلونا من المشفر!!!!
أقول ياجدة وش اكثر شي تحبينه بهالدنيا؟!!!!
جدة:نفسي!!
زياد:وأكثر شي تكرهينه؟!!
جدة:إنت!
00000000
000000000يتبع بانتظار ردودكم!!

 

[جيانة]

--------------------------------