عسل كامل الدسم
New member
- إنضم
- 2009/08/11
- المشاركات
- 221
بسم الله الرحمن الرحيم
السلام عليكم ورحمة الله وبركاته
كيفكم بنوتات مملكتنا ان شاء الله تمام انا عندي مشكله واتمنى القى لها حل عندكم لإنها كبيره ومعقده شوي هي ماتخصني شخصياً بس اضرارها راح تلحقني وتضرني؟؟
( انا وصديقاتي مسجلين في باص يودي البنات من الحي اللي ساكنين فيه للكليه وهو الباص الوحيد اللي موجود في حينا "غير الحكومي حق الكليه اللي اهلنا رافضين اننا نروح معاه" وراعي الباص سعودي عمره تقريبا في الاربعين متزوج من ثنتين المهم راعي الباص بدأ يتحرش بصديقتي واحيانا يتصل فيها ويرسل لها رسائل غراميه بس كانت ماتعطيه وجه وقرر يتزوجها وجاء وطلبهامن ابوها ورفض ابوها وعلى طول راح لها ابوها بغرفتها وضربها والله أنها يابنات جايه للكليه واثار الضرب على يدينها يقول ليش من بين عشرين بنت خطبك انتي اكيد انك مسويه شي غلط معاه وحرمها من الدراسه ورجع راعي الباص وخطبها من جديد بس ابوها فتح تحقيق معاه انت وشلون عرفت بنتي؟؟ وليش خطبتها؟؟ وليش ماخترت وحده غيرها؟؟ <وش بيقول الرجال اكيد بيقول مو واثق في بنته> قاله اصلاً انا ماكنت حاط عيني عليها بس يوم جيت اخذ فلوسي آخر الشهر شفت اخوانها الصغار قلت اكيد هي تشبههم وبعدين يكفي انها بنتك وانا عرفت ليش رفضتني المره اللي راحت عشان بنتك انخطبت 3 مرات وماصار نصيب وسألت وعرفت ليش ماصار لها نصيب عشان جدها فيه برص وانا موافق عليها وابيها تجيب لي عيال لان زوجتي الاولى ماعاد تقدر تحمل والثانيه عندها بنت وحامل واللي في بطنها بعد بنت وانا ابي عيال يشلون اسمي والدكتور مانعها من الحمل مره ثانيه لإن فيها انيميا حاده وعندها سكر ومو زين لها الحمل؟؟
بس ام صديقتي وخوالها وعمامها رفضوا راعي الباص لانه صديقتي صغيره عليه وعمرها18 فحرام تاخذ واحد كبير ورد عليه ابوها وقال ان اهلها رافضين وعيال جماعتها يبونها"ماعندها عيال عم الاصغار يعني اعمارهم تقريبا 11 او12 سنه" وجاء مره ثالثه وخطبها وزادت شكوك اهلها وش معلقه في بنتهم وقتها عاد تدخل عمها وقال ما اصر الرجال على بنتك الا لإنها طالعه معه ويبي يكفر عن ذنبه و يستر عليها
"تفكير متخلفين بس تدرون ان عمها هذا دكتور ودارس برا المملكه خمس سنوات" وش تتوقعون سوا جاب مسدس وحطه براسها وقعد يهددها ويقولها اعترفي انك طالعه معاه والبنيه ميته خوف وتحلف له ان ماعمرها كلمته اصلا ًفكيف اطلع معاه تخيلو عاد كل البيت صار يشك فيها تقول حتى اختي الصغيره اللي بأول ابتدائي اللي ماتخلي احد يذاكرلها دروسها غيري صارت تهرب مني تقولي يازباله"أكرمكم الله" وحرموها من الدراسه ورجع راعي الباص لبوها وقاله إذا كنت حارم بنتك من الدراسه بسببي انا والله ماراح اتعرض بس حرام خلها ترجع تكمل دراستها حرام مابقى الا اسبوع عن اختبارات نهاية السنه وماراح من عندهم الا وهو مقنع ابوها "مسوي فيها طيب ويخاف الله" واتصلت علي امها توصيني عليها راقبيها وراقبي تصرفاتها والله لولا تربيتي كان تكلمت على امها يعني شي غريب والله شكيت انها مو امها وغيرو لها رقمها يقولون عشان مايتصل فيك وآخر يوم بالاختبارات تأخر الباص علينا واتصلت عليه من رقمها الجديد ومن وبعد ذاك اليوم قفلت جوالها ومافتحته الا بدايه الدراسه يعني الاسبوع اللي فات وتقول اول مافتحته جاني اتصال منه ومارديت عليه وبعدها صار يهددها برسائل ويقولها على بالك اني ناسي السالفه رفضكم لي ولا مشت عليكم سالفه الدراسه وعلى بالك اني خايف على مصلحتك ومستقبلك اصحي ياماما!! مدام اهلك ارفضوني كزوج والله لاخذك حلال ولاحرام حتى لوتكونين على ذمة رجال ثاني انا لي رغبه فيك ولازم اسويها ان شاء الله اجي واسكن جنب بيتكم بس اهم شي اكسر خشمك وخشم ابوك مابقى الا انتم ترفضوني واهلك مصدقين يعني لو تزوجتك ابيك تجيبين عيال ليه مابقى الا انا اجيب عيال فيهم برص بس هي ماقلت لاهلها عن سوالفه ابد لان اهلها لو درو عنها بيشكون فيها من جديد وبيجبرونها تترك الدراسه لانه هو اللي يودينا كل صبح للكليه واهلها من الناس اللي متشددين مره يعني هالامور مافيها تفاهم وهي ماتبي تترك دراستها بس اللي حنا خايفين منه انه يقولها اذا ماوصلت لك ابوصل لوحده من صديقاتك واكسر راسك فيها عشان كل ماتشوفينها تتألمين زياده
وهي المسكينه اول وحده ياخذها راعي الباص وبعدها يأخذ بنت جيرانهم اللي على راس الشارع بس هو هالحين حاط بنغالي يودينا ويجيبنا وحنا خايفين انه يكون متفق مع البنغالي انه يساعده ويخطفها ويحط اهلها قدام الامر الواقع
"فلم هندي ههههه بس والله كل شي جايز" وخاصه ان البنغاليين اهم شي عنده الفلوس فقلنا لها خلي معاك بجيب تنورتك آله حاده عشان لو تعرضلها لاسمح الله تقدر تدافع عن نفسها بس هل تصرفنا صحيح يعني سالفه الآله الحاده يعني لو سوت به شي راح تدخل السجن والله كلنا عايشين بكابوس ومانبي نغامر ونقول لإهلنا لإنهم ماراح يسمعوووون لنا لإن بنظرهم أن الرجال ماغلطون ابد وبنطلع حنا الغلطانين ؟؟؟؟؟؟؟؟؟؟ والله صارت تجينا كوابيس وكل حياتنا تفكير والمصيبه انه متمشكل مع كذا بنت بالباص وهم بعد مثلنا ساكتين يعني خايفين على سمعتهم وعلى مستقبلهم ومتحملين؟؟؟؟؟ "أدري والله طولت عليكم بس مالي الا انتم تساعدوني "
السلام عليكم ورحمة الله وبركاته
كيفكم بنوتات مملكتنا ان شاء الله تمام انا عندي مشكله واتمنى القى لها حل عندكم لإنها كبيره ومعقده شوي هي ماتخصني شخصياً بس اضرارها راح تلحقني وتضرني؟؟
( انا وصديقاتي مسجلين في باص يودي البنات من الحي اللي ساكنين فيه للكليه وهو الباص الوحيد اللي موجود في حينا "غير الحكومي حق الكليه اللي اهلنا رافضين اننا نروح معاه" وراعي الباص سعودي عمره تقريبا في الاربعين متزوج من ثنتين المهم راعي الباص بدأ يتحرش بصديقتي واحيانا يتصل فيها ويرسل لها رسائل غراميه بس كانت ماتعطيه وجه وقرر يتزوجها وجاء وطلبهامن ابوها ورفض ابوها وعلى طول راح لها ابوها بغرفتها وضربها والله أنها يابنات جايه للكليه واثار الضرب على يدينها يقول ليش من بين عشرين بنت خطبك انتي اكيد انك مسويه شي غلط معاه وحرمها من الدراسه ورجع راعي الباص وخطبها من جديد بس ابوها فتح تحقيق معاه انت وشلون عرفت بنتي؟؟ وليش خطبتها؟؟ وليش ماخترت وحده غيرها؟؟ <وش بيقول الرجال اكيد بيقول مو واثق في بنته> قاله اصلاً انا ماكنت حاط عيني عليها بس يوم جيت اخذ فلوسي آخر الشهر شفت اخوانها الصغار قلت اكيد هي تشبههم وبعدين يكفي انها بنتك وانا عرفت ليش رفضتني المره اللي راحت عشان بنتك انخطبت 3 مرات وماصار نصيب وسألت وعرفت ليش ماصار لها نصيب عشان جدها فيه برص وانا موافق عليها وابيها تجيب لي عيال لان زوجتي الاولى ماعاد تقدر تحمل والثانيه عندها بنت وحامل واللي في بطنها بعد بنت وانا ابي عيال يشلون اسمي والدكتور مانعها من الحمل مره ثانيه لإن فيها انيميا حاده وعندها سكر ومو زين لها الحمل؟؟
بس ام صديقتي وخوالها وعمامها رفضوا راعي الباص لانه صديقتي صغيره عليه وعمرها18 فحرام تاخذ واحد كبير ورد عليه ابوها وقال ان اهلها رافضين وعيال جماعتها يبونها"ماعندها عيال عم الاصغار يعني اعمارهم تقريبا 11 او12 سنه" وجاء مره ثالثه وخطبها وزادت شكوك اهلها وش معلقه في بنتهم وقتها عاد تدخل عمها وقال ما اصر الرجال على بنتك الا لإنها طالعه معه ويبي يكفر عن ذنبه و يستر عليها
"تفكير متخلفين بس تدرون ان عمها هذا دكتور ودارس برا المملكه خمس سنوات" وش تتوقعون سوا جاب مسدس وحطه براسها وقعد يهددها ويقولها اعترفي انك طالعه معاه والبنيه ميته خوف وتحلف له ان ماعمرها كلمته اصلا ًفكيف اطلع معاه تخيلو عاد كل البيت صار يشك فيها تقول حتى اختي الصغيره اللي بأول ابتدائي اللي ماتخلي احد يذاكرلها دروسها غيري صارت تهرب مني تقولي يازباله"أكرمكم الله" وحرموها من الدراسه ورجع راعي الباص لبوها وقاله إذا كنت حارم بنتك من الدراسه بسببي انا والله ماراح اتعرض بس حرام خلها ترجع تكمل دراستها حرام مابقى الا اسبوع عن اختبارات نهاية السنه وماراح من عندهم الا وهو مقنع ابوها "مسوي فيها طيب ويخاف الله" واتصلت علي امها توصيني عليها راقبيها وراقبي تصرفاتها والله لولا تربيتي كان تكلمت على امها يعني شي غريب والله شكيت انها مو امها وغيرو لها رقمها يقولون عشان مايتصل فيك وآخر يوم بالاختبارات تأخر الباص علينا واتصلت عليه من رقمها الجديد ومن وبعد ذاك اليوم قفلت جوالها ومافتحته الا بدايه الدراسه يعني الاسبوع اللي فات وتقول اول مافتحته جاني اتصال منه ومارديت عليه وبعدها صار يهددها برسائل ويقولها على بالك اني ناسي السالفه رفضكم لي ولا مشت عليكم سالفه الدراسه وعلى بالك اني خايف على مصلحتك ومستقبلك اصحي ياماما!! مدام اهلك ارفضوني كزوج والله لاخذك حلال ولاحرام حتى لوتكونين على ذمة رجال ثاني انا لي رغبه فيك ولازم اسويها ان شاء الله اجي واسكن جنب بيتكم بس اهم شي اكسر خشمك وخشم ابوك مابقى الا انتم ترفضوني واهلك مصدقين يعني لو تزوجتك ابيك تجيبين عيال ليه مابقى الا انا اجيب عيال فيهم برص بس هي ماقلت لاهلها عن سوالفه ابد لان اهلها لو درو عنها بيشكون فيها من جديد وبيجبرونها تترك الدراسه لانه هو اللي يودينا كل صبح للكليه واهلها من الناس اللي متشددين مره يعني هالامور مافيها تفاهم وهي ماتبي تترك دراستها بس اللي حنا خايفين منه انه يقولها اذا ماوصلت لك ابوصل لوحده من صديقاتك واكسر راسك فيها عشان كل ماتشوفينها تتألمين زياده
وهي المسكينه اول وحده ياخذها راعي الباص وبعدها يأخذ بنت جيرانهم اللي على راس الشارع بس هو هالحين حاط بنغالي يودينا ويجيبنا وحنا خايفين انه يكون متفق مع البنغالي انه يساعده ويخطفها ويحط اهلها قدام الامر الواقع
"فلم هندي ههههه بس والله كل شي جايز" وخاصه ان البنغاليين اهم شي عنده الفلوس فقلنا لها خلي معاك بجيب تنورتك آله حاده عشان لو تعرضلها لاسمح الله تقدر تدافع عن نفسها بس هل تصرفنا صحيح يعني سالفه الآله الحاده يعني لو سوت به شي راح تدخل السجن والله كلنا عايشين بكابوس ومانبي نغامر ونقول لإهلنا لإنهم ماراح يسمعوووون لنا لإن بنظرهم أن الرجال ماغلطون ابد وبنطلع حنا الغلطانين ؟؟؟؟؟؟؟؟؟؟ والله صارت تجينا كوابيس وكل حياتنا تفكير والمصيبه انه متمشكل مع كذا بنت بالباص وهم بعد مثلنا ساكتين يعني خايفين على سمعتهم وعلى مستقبلهم ومتحملين؟؟؟؟؟ "أدري والله طولت عليكم بس مالي الا انتم تساعدوني "
