اختي عذاري اسمحي لي اعلق على بعض كلامج.
اولا انطباعي عن شخصيتج انج صاحبة شخصية ضعيفه جدا.وطحتي في وحده قويه واللي هي عشيقة زوجج.
ثانيا المغربيه كيف حصلت على صورتج.؟ هل كانت في تلفون زوجج. او كانت دازه زوجج يسرقها منج عشان تسحرج فيها؟
ثالثا قلتي ان المغربيه يوم درت انكم بتروحون المغرب هددتج . شلون عرفت المغربيه انكم بتسافرون؟ انتي قلتي لها؟ اذن انتي حرقتي الكرت اللي بأيدج واللي تقدرين فيه انج ترجعين زوجج. وانا صراحه بعد هذا الكلام ما أأمن اذا رحتوا للمغرب انها تسوي لكم مصيبه وما عاد ترجعون اقل شي بتتهمكم بالسرقه او الاعتداء عليها.
رابعا: اذا انتي كل ما اتصلت فيج او دزتلج مسج علمتيها باللي تسوينه صراحه بتكونين مغفله درجه اولى.وراح تجنين على اخوه واخته.اختي (الحرب خدعه ) والمره اللي بتحارب ماتعلم شنو وراها عشان تكسب حربها.
خامسا تعلمي تعاملينها بالمثل واقصد اذا اتصلت عليج وقالت صورتج عندي وبسحرج قوليلها اشك انها عندج والسبب انه حنا شعب محافظ ما يرضى الزوج ان صورة زوجته تكون معاه او في تلفونه خوفا وغيره عليها لانها شرفه. وقولي لها انا اللي محتفظه بصورتج عندي لاني لقيتها بتلفون زوجي وانا اللي بسحرج واخلي مخج يدود من السحر وزوجي اذا تبنيه احتفظي فيه لانه مسحور ما حبج من نفسه لا حبج مغصوب من سحرج والحين ماعاد يلزمني بشي. لاني قررت اتطلق واتزوج واحد احسن منه وعياله بخليهم عند اهله يربونهم.
خليج قويه وانتي تكلمينها. والله راح تكسبين.
سادسا اللي اعرفه انه في الامارات مافيه هيئة عندكم ولا راح تفيدج الهيئه. اللي عليج استسمحي اهله. وقولي ابي اروح لقاضي الامور المستعجله وارفعي عليه قضيه نفقه. وطلعي برنت من الجوازات يفيد بغياب زوجج كل هالمده خارج الامارات وقدميها للقاضي عشان يستعجل باستقطاع نصف راتبه لكم .ساعتها راح تموت المغربيه من الحره.
والله يوفقج في سعيج
