الى كل بنوته مستعجله على الزواج فكري زين

[الورده الشرقيه]

بالجامعة البنات مررره وضعهم رديء

وإذا سمعوا طاري الزواج تنط عيونهم على برى


ويتحسرون على عزوبيتهم اللي طال مداها


بالرغم ان عمر الوحده فيهم ماتعدى 23

يابناااااااااااات ياعازبااااااات وش سر موتكم عالزواج والعرس
بدري على حبوب ياسمين ومارفيلون

​

أنا بشرح لكم الزواج​

أولانظريةيبدأ الزواج بالهموم منذ اللحظة الأولى​

وهذي النظرية يندرج تحتها الكثير من المفاهيم المهمة​

أبرزها قبل لاتنخطبين وانتي تفكرين وتقلقين


وإذ حصل وانخطبتي تفكرين توافقين ولا ترفضين


وإذا وافقتي تبدين تخططين


لعرسك


لخطوبتك


ملكتك


شقتك


و يعني هواجيس وغثى من أولها

النظرية الثانية​

الخطوبة حلوة وياليتها ماتنتهي​

هالنظرية مهمة​

إذا تمم ربي وتملكتي ​

تبدين أولا خجولة وخايفة لكن أنا أعطيك 12 ساعة


وبعدها انتي فاصخة للحياء من اللهفه


ويييي لو تدري يالعريس بغيت أموت على مالقيتك

المهم ويأخذ رقمك ويدق على جوالك​

وتسولفون سالفة بايخه بعدين يبدأ يصير رومنسي


و يدق في الليل و يسأل تعشيتي نمتي و و وناسسه ورافعن ضغطك بالفيزا


توني جاي من السفارة ورحت وجيت ياكرهي هي له


لاانا اعرفلك واحدن بيفزعلي واخر شيء رايحتن لماليزيا على هالمشورة

بعدها يتدرج ممكن أزوركم ويزوركم ​

ويجيب العشى والهدية والورد وتكرر الزيارات وكل زياره بهدية وكل زيارة تتمادون أكثر

أول شي انتي بكنب وهو بكنبخلال 3 أيام انتو في أصغر كنب بمجلسكم متفاعصيين​

ههههههه​

المهم ولازم ماتصير خناقه عاد خلال هالزيارت وأبشركم هذا أول الغيث يكوون قطرة​

يظنون كل الزواج عسل ووناسة وانه بيستمر على هالمنوال​

النظرية الثالثة : لقد انعميت على عيني وتزوجت​

صار عرسكم​

وطبعا كحال كل المتزوجين حاجزين لماليزيا هو لابس له شورت مشجر وانتي ​

لازم تتخانقون اذا مو في طريق المطار في الانتظار واذا مو في الانتظار في الطيارة​

واذا مو في الطيارة في الفندق أهم شي تتخانقون​

والصلح عاد أحلى شييي​

غلقه بعابتك وعرق وحر وتتروشين 14567864321 مره باليوم ​

المهم هنا تكون البنت تخطت شوط كبير و ينتظرها شوط تعيس​

المهم في السفر هذا بتصير أشياء تقودنا للنظرية الرابعة​

النظرية الرابعه:كل منا اكتشف الآخر​

هنا عاد نقطة الحسم​

يا تتطلقون لا سمح الله​

ياتصبرين وتنطمين وتواصلين الحياة​

لأن مافي انسان بدون عيوب وبتكتشفون بعض هنا​

المهم في بنات يمكن ينصدمون​

وتتزوج واحد لاسمح الله مدمن أو مريض أو سيء الخلق​

وتندم على الزواج من هالمرحلة المبكرة وزي ماقلت ياتنفصل ولا تكمل​

وبنات تكتشف عيوب زوجها انه حنان زنان يحب الطعام سخيف متذمر متطلب كثير النوم أو كثير السهر يدقق​

ثقيل دم ..كريه.مغازلجي,غبي.فيلسوف.يتميلح,ممل,وغيرها من العيوب​

والله يعين كل وحده فيكم​

النظرية الخامسة:وتستمر المناورات​

خناقات تالي الليل​

ودني لأهلي​

النوم بغرف منفصله​

السفهان والحقران​

اعطاء كل منكما ظهره للآخر وغيرها​

النظرية السادسة:لقد فعلناها بنجاح وها نحن ننتظر مقروداً أقصد مولوداً​

هنا عاد ان كثرت كثرت تقعد الفتاه المتزوجه3 أشهر بلا حمل ​

من غبائها و بعدها تشتغل الغيرة

وش معنى فلانه حملت وأنا لا​

أو هو يبدأ يحن​

يلا نبي بزر يملى الحياه​

وهو لا والله بعد غيران من غيره وخايف من كلام أهله وزملائة​

وهنا عاد يبتدي أكبر هم​

النظرية السابعة:مولودي العزيز لقد دمرتني​

نفس البنت بخشمها​

تتوحم​

تسهر​

تقلب كبدها


تتخانق ​

وخخخخر عننننني....​

كله خياس في خياس

استغفرالله بسس​

ويبدى عاد نكد منفرد من نوعه

خناقات على اتفه شي​

ريحة عطرك وع​

أشم فيك خياس​

كارهتك بالعربي​

وغيرهااا وماخفي أعظم

وبعد يندرج تحت هالنظرية الخوف من المسؤولية القادمة والولادة وتفكير ويمكن بكاء من غير سبب​

النظرية الثامنة:انهيااار تااام​

ولدتي يابنت مبررروووك​

وابتدى مشورا الصياح​

المرض ​

السهر ​

التفكير​

تحمل الهم والغم والصبر والتضحية و و و

الله يعين الأمهات​

والله يأجر امهاتنا اللي مروا بهذا كله وصبروا​

مصاريف ومشتريات وتفكير وقلق وتعب وتضحيات​

والله ​

تبدين تحسين الحياة صعبة

وقتها​

بتكتشف البنت ان العزوبية أحلى وأزين​

ويممكن تقص على نفسها وتتحمل وتقول سنة الحياه وتصبر​

وبتقول صدقوا صديقاتي يوم قالو الزواج هم وغم​

تنويه: مهم​

كلامي هذا لايعني بأن البنات لا يتزوجون​

لا بالعكس تزوجوا أساسا كان أموت لو ماتجربون اللي جربناه وتندقون على روسكم من الحنه عالعرس​

لكن ليس قبل​

ان تتمتعي وتفليها وتسهرين وتطلعين وتخرجين وتسوين كل مايخطر على بالك​

وأهم شي تنااااميييين زي ماتبين​

وتشوفين كل الأفلام قبل النكد​

يعني من جد خل نحسبها صح​

يعني مو كل الأزواج جنه ولا كلهم نار​

وفوق هذا انتي تتعبيييين وتتألمين وتولدين وانتي لازتي بعدك في عز ألمك تبتسمين وتضحكين وتكشخين وتتمكيجين وتلبسين وتحفينولازم تزورين أهله وتحترمين أمه وتقدسين أخته​

وياويلك هذول أهلي و و و​

والرجل هناااا مجرد متفرج ومستمتع ​

مايستفاد من هالكلام كله

عيشي حياتك ممديه على الزواج والغثاء والمسؤليه ووجع الراس
الزواج موكله سيء لكن فيه
من المشاكل وعدم التفاهم مايشيب الراس
عيشوا حياتكم وفلوها
وتدلعوا ثم تزوجوا
موفقين
نقلته من ايميلي مع بعض التعديلات
المناسبه لقوانين المنتدى​

 

[بنت آلسعوديه]

كلام واقعى وصحيح ..

طيب اختى انتى متزوجه ؟
واذا كنتى متزوجه بعد ماقريتى موضوعك ليه ماتتطلقي دام الزواج كذا ..
او اذا انتى مو متزوجه بعد قرايتك للموضوع هل بتتزوجي ..
انتظرك ..

 

[*شيخة الزينات*]

ههههههه يعطيك العااافيه

بس بصراحه احس الكلام مبالغ فيه يعني شدعوى كل الحياه قاسيه كذا
والزواج سنة الحياااه وفيه الايام الحلوه وفيه المره
والله يوفق الجميع ياااارب

 

[Lmo0oy]

ياااااااااااااااي ياااحبي لك والللللله
وهـ بس على أجر يالمتزوجااات
ياااعمري يا أنتم قلووووب
أحلى نصيحه سمعتها بحياااااتي
أحسك من قلب تكتبييين
هههههههههه
الله يسعدك يااارب ويقوم حظي وحظك وكل مسلم ياررب


ماااقصرتي عوااافي على هالنصاااائح

 

[الورده الشرقيه]

كلام واقعى وصحيح ..

طيب اختى انتى متزوجه ؟
واذا كنتى متزوجه بعد ماقريتى موضوعك ليه ماتتطلقي دام الزواج كذا ..
او اذا انتى مو متزوجه بعد قرايتك للموضوع هل بتتزوجي ..
انتظرك ..

اضحكني ردك كثير
انا الحمدلله متزوجه
انا ماعممت وقلت كل الازواج كذا مع انه ببدايه زواجي كان كذا واكثر من كذا وتندمت باول زواجي اني تزوجت وكم مره بغيت اتطلق لاني حسيت اني ماعشت حياتي
واستعجلت على الزواج لكن الحمدلله مع الوقت تفاهمنا وعرفنا بعض
لكني اتمنى ترجع ايام العزوبيه كانت فله اتمنى اني عشتها بكل تفاصيلها وبعدها تزوجت لاني تزوجت صغيره عمري 18
وعلى قولتك لو قريتي الموضوع هل بتتزوجي الله اعلم انا الحين الحمدلله متزوجه لكني متندمه اني ماعشت حياتي قبل الزواج
شكله مااعجبك الموضوع
اشكر لك مرورك

 

[الورده الشرقيه]

شيخه الزينات
انا عارفه ان الزواج سنه الحياه انا هنا اقول لاتستعجلين على العرس عيشي حياتك واستمتعي ممديه على المسؤليه والزواج
والزواج فيه الحلو الشين بس ماتحصلين الحلو الا اذا تخلصتي على الشين
موفقه واسعدني مرورك

 

[الورده الشرقيه]

Lmo0oy
يالبا قلبك على هالرد اللي يفتح النفس يارب توفقك وتسعدك وترزقك بولد الحلال اللي يهنيك ويشوف خاطرك

 

[الشرق هواي]

يوووووووووووووه لو مااعرسنا كان نبت فينا نخل
وعادي لازم هاذي الحياة لازم كل واحد يتمرمط شوي بزواج اوغيره

 

[يا حلو البنات]

تصدقيني
كأنك تؤأمي الثاني
أنا بعد كنت مثلك وبنفس عمرك تزوجت وأشوف صديقاتي الي ماتزوجوا أقول لهم أحسن لكم
عيشوا حياتكم لا حقين على الحياة الثانيه

بس من جد كنت أتمنى أني أتزوج بعد سن العشرين تكون الوحده أكثر أدراك
عاد مو تفكروني مخبله :bleh:

بس بصراحه
حلوووووووه مرررره أيام العزوبيه :blow:
والله يديم علينا الصحه والعافيه ويخلي لنا أزواجنا
ويحفظهم ربي من كل شر

 

[أنثى لاتتكرر]

النظريه الاولى والاخيره :

الى متى المتزوجات يتذمرون ويهولون العرس ويعقدون البنات وكأنه محد تزوج وتعب غيرهم ؟؟!!

كل بنت عارفه أنها بتحمل وبتتعب وبتربي وترضع .......والخ

مافي داعي تعقدون البنات أكثر


وغالبا اللي يتشكون من الزواج هم المبسوطين

بصراحه

مااعجبني الموضوع أبد

مع احترامي للكاتبه والناقله ..!!

 

[بدوووره]

ههههههههههههههههههههههههههههههههههههههههههههههههههههههههههههههههههههههههههههه
كلامك عسل رفعتي معنوياتي الله يسعدك دايما احن على امي متى اتزوج يمه

 

[بنت آلسعوديه]

طيب انا ما استعجلت عليه وتوى صغيره وبستمتع بحياتى ..
وفي الاخير الناس ماتبي اللى الصغيره وماراح يناظرو للى اكبر منها الا نادر ..
ومهما عاشت البنت واستمتعت لابد لها من زواج ..

 

[شوووق الغلا]

النظريه الاولى والاخيره :

الى متى المتزوجات يتذمرون ويهولون العرس ويعقدون البنات وكأنه محد تزوج وتعب غيرهم ؟؟!!

كل بنت عارفه أنها بتحمل وبتتعب وبتربي وترضع .......والخ

مافي داعي تعقدون البنات أكثر


وغالبا اللي يتشكون من الزواج هم المبسوطين

بصراحه

مااعجبني الموضوع أبد

مع احترامي للكاتبه والناقله ..!!

كلام الاخت صح ميه بالميه انا بعد ماعجبني الموضووع بس شكلك ياورده شرقيه مو مرتاحه بزواجك
الله يكون بعونك ويرقق قلب زوجك عليك من جد معاناتك قويه...:thumbdown: اكيد فيه حلقة وصل مفقوده بينك
وبينه :sadwalk:

 

[الشوق وبس]

هههههههههههههههههههههههههه

والله ضحكتي من خاطري على الموضوع..

بس الزواج سنة الحياة..لو ما تزوجتي الكل بيسألج ليش ما عرستي؟؟!!


اسأل الله أن يوفق الجميع في حياتهم..

 

[دلوعة سيمو]

ههههههههههه حلو الوحده تتزوج بالعشرينيات انا كمان اتزوجت وعمري 18 ودحين عمري عشرين وعندي بنوته عمرها سنه وشهرين الله يحفظها والزواج حلو ووناسه لكن العزوبيه كمان حلوه لأنه تاااااخذي راحتك وتناااااااامي وماعندك غير نفسك والزواج حلو برومانسيته والحب الحلال وتلاقي احد مهتم فيها وتلاقي حنان غيييييير يعني ماراح تلاقيه ايام العزوبيه بس هي المسؤوليه وهذي سنة الحياه..

 

[نور الشمس 1]

الله يسامحج اختي كاتبه الموضووع

الزواج ستر وبالعكس انا اشجع الكل ع الزواج

واتمنى لو ينحذف الموضوع

كلامج كله خطا عن العرس ...

الزواج حياه يديده .. تبنيه البنت مع فارس احلامها

اكيد فيه الحلوو والمر بس تحصل واحد يسمعها ويفهمهما

صح الاهل يفهمونا بس الزوج غير

الله يرزقني ويرزق حميع البنات الزوج الصالح

ونصيحه للمتزوجات لاتقولون الزواج مب حلووو بالعكس

والله يسامح كاتبت الموضوع

 

[نور الشمس 1]

الله يسامحج اخيت كاتبت الموضوع

بالعكس الزواج احلى لحظه لكل بنت

يعني الحين بتفهميني انج يوم عرستي ندمتي ندم

ماحسيتي انج مرتاحه مع زوجج ولا لحظه ...؟؟

دووم الحريم هذي عوايدهن ... اللهم نفسي >>> السموحه ع الكلمه

بس اتمنى لو ينحذف الموضوع

لان في بنات يوم بيقرون هالكلام يمكن يتاثرون ويفصخون خطوبتهم

وكله بيكون في ذمتج

ترا لازم تشجعين البنات ع العرس لان العرس تكمله لنص الدين

وستر بعد ... مب تقولين لهم بتندمون ووووو

وبالعكس امهاتنا قبل عرسوا ع عمر 15 سنه و 16

يعني الحين عمر 16 والله فاهمين الدنيا والزواج اكثر عن وحده عمرها 40 سنه

الله يرزق كل بنت الزوج الصالح ويرزقني معاهم الزوج الصالح

ويحفظج لزوجج يالغاليه ولاتزعلين ترا هذا كلام الحق ولازم ينقال

الساكت عن الحق شيطان اخرس

والسمووحه لاني طولت في كلامي​

 

[الورده الشرقيه]

غالياتي جميعا
اشكر لكم ردودكم مع ان بعضها كان جارح
لكن اللي انا قصدته من فكره هالموضوع كله
لاتستعجلين على الزواج انتم هنا اخذتم الجانب السيء اللي ذكرته ولافهمتوا الموضوع كله
انا بهذا الموضوع اقصد ان البنت لاتتزوج تخلص دراستها الجامعيه
وبعدها تتزوج انا ماقلت لاتتزوج ابد وان الزواج مو سنه الحياه الحياه الزوجيه فيها الزين وفيها الشين وبالنهايه الكل بيتزوج
لكن اصبري انتظري انضجي اكثر
افهمي الحياه اكثر
انا ماقلت هالكلام او بالاصح نقلته الا من واقع تجربه انا جربتها
انا زي ماقلت تزوجت وانا عمري 18 كنت وقتها اضن اني كبيره وفاهمه بس انصدمت بالواقع
انصدمت بالمسؤليه
عشت الحياه الزوجيه طبخ ونفخ وتنظيف وكرف وهواش واهتمام بالحموله اهل الزوج
ومراعاته ومداراته واشوف طلباته واشوف اللي يريحه واتحمل مزاجه الصعب
واتحمل اشياء كثيره مره
حسيت وقتها اني غلطت غلطه كبيره
وقتها كم مره طلبت الطلاق من زوجي لاني تعبت معاه كثير ماضنيت الحياه الزوجيه صعبه كذا
مشاكل ووجع راس واحيانا تحكم باشياء تخصني
ووحده وملل وضيقه صدر
واشيل همه لاسافر وحده وازعل لاتاخر عن البيت وتركني كل اليوم لحالي
ووووووووو الخ
انا هنا اقصد دلعي عمرك تدلعي ببيت اهلك لاتشيلين الحمل والمسؤليه بدري
خلي عندك خبره ادرسي براحتك لان الدراسه مع الزواج ومسؤليه الزواج جدا صعبه
واغلب البنات تحذف ترم ثم الترم اللي بعده ثم تترك الدراسه كلها
لانها ماتتحمل توفق بينهم حتى لو كان عندها خدامه
ادرسي براحتك واكتسبي خبره اكثر بالحياه
لاني والله وانا متزوجه واشوف البنات اللي ماتزوجوا كيف بالهم مرتاح والله العظيم اغبطهم على النعمه اللي هم فيها
خلصي دراستك وعلى عمر 23 تزوجي
والله العظيم اللي سبوا كلامي بيتذكرون كل حرف شافوا من موضوعي
وانا هنا طرحت وجهه نظري اللي يبي ياخذهاا بكيفه
انا عطيتكم نصيحتي وانتم براحتكم
انا الحمدلله الحين مرتاحه مع زوجي بعد الله ثم هالمنتدى
انا الحين اشوف اني ناضجه وفاهمه للزواج وكيف اتعامل مع زوجي مو مثل اول زواجي
والحمدلله على كل حال
واذا المشرفات يشوفون بالموضوع شي غلط احذفوه
مع كل الشكر للي ردوا علي سواء بالمدح او الذم
موفقين جميعا والله يسعدكم

 

[قلب ناعمه الطيب]

كل وحده تعيش حياتها وتنبسط لان مو كل البنات تتزوج رجل فله ويحب الطلعات والوناسه وبتصير الزوجه اكثر مسؤليه عن الزوج والبيت
يعني باختصار عيشي حياتك ... يعني انا مثلا احس اني انبسطت تزوجت وعمري 23 تمنياتي لكم بالتوفيق ...

 

[صفحات الماضي]

كلام الاخت صح ميه بالميه انا بعد ماعجبني الموضووع بس شكلك ياورده شرقيه مو مرتاحه بزواجك
الله يكون بعونك ويرقق قلب زوجك عليك من جد معاناتك قويه...:thumbdown: اكيد فيه حلقة وصل مفقوده بينك
وبينه :sadwalk:

أنا بعد اضم صوتي لصوتكم
تزوجو يا بنات وفلوها الزواج حلو وحتى المسؤليه الي تجي معاه حلوه
اًصلا مجرد الاحساس انك تزوجتي ودخلتي مرحله جديده يكون حلو وبعدها ا1ا جاءك البيبي
وصرتي أم تنسين كل الالم والمعاناه وسهر الليالي ولجل عين تكرم مدينه وبالاول والاخير
سنة الحياه وتزوجو صغار أحسن ممايفوتكم القطار وانتم تنتظرون تعيشون حياة العزوبيه
يعني بالعربي وقت ماجاء النصيب وافقو وإستخيرور والله يوفق الجميع:shiny: