بديتها غلط وسلمته معاشي....شسوي؟؟؟؟؟؟

[تسلملي هالطله]

:blush-anim-cl:السلام عليكم...ابي مساعدتكم :sadwalk::sadwalk::sadwalk:
صار لي سنه متزوجه...غلطتي أني خليت معاشي بأيده
واهو والله ظليمته شينه يحاول انه مايقصر علي اذا طلبت منه مصرف او بغيت اشتري شئ....مع العلم انه صرف اللي عنده تقريبا كله مو على خرابيط ..لا والله على اشياء اساسيه لأنه دايم يبلغني واشوف الفلوس وين راحت..((معاشه حيل ضعيف...بس قلبه طيب)) فصار عندي احساس بضرورة عدم التمتع بما هو من حقي الا بعد سين وجيم واهو صار يدقق ويسأل ليش؟؟ وبجم؟؟ واذا بغيت اروح خياط ولاسوق لازم نقدم طلب وبعد اسبوع نروح لا والبوز شبرين..ويتعمد يحسسني اني معطله كل اشغاله( الدوانيه)
:schmoll::schmoll::schmoll::schmoll::schmoll::schmoll:

المشكله اني بدأيت أحس بالضيق لأن المبلغ الصغير ((مقارنه بمعاشي ..وايام العزوبيه)) مايكفيني...حتى اني بدأيت اتحاشى اروح السوق مع خواتي او خواته عشان ماتهف نفسي على شئ وتطيح جبدي عليه...وأنا اعرف ان الجيب فاضي

والله والله اني حيل متساهله معاه بسالفه المشتريات...يعني احاول اقلل قد ما اقدر بس حق المناسبات..رمضان<< عيد <<عرس ..سوالف حريم """ وحيل اداري خاطره بسالفه مصروفاتي الخاصه...اهو يقول اهم شئ ندفع الاجار ونشتري اغراض البيت ونسدد اقساطنا والباقي مو مهم..
صار لي قبل امس موقف معاه...بعد الفطور اشتهيت كاكاو..وطرشت له مسج (ما ابي اتكلم قدام اهله قاعدين)....قلت ابي كاكاو :essen:
شاف المسج بس كمل طريجه وراح شقتنا بالشارع الثاني وانا عند اهله...وبدل ملابسه وتبخر وركب السياره بعدين دق علي وانا بين خواته وقال اشتبين ..قلت بصوت خافت ابي كاكاو ..قال مالي خلق ومستعجل واي نوع تبين وقام يخربط بالحجي واهو احس انه معصب وكنت اكلمه بهدوء بس احس صوته خلى اللي حولي ينتبهون...حسيت بأحراج جان اقوله خلاص خلاص ما ابي شئ

حسيت بضيق وبسرعه سلمت وطلعت وقعدت ابجي بالسياره :tears::tears::tears:...وطرشته مسج قلت""(( ليش تحسسني كل ما طلبت منك شئ ولو بسيط ,,كأني طالبتك عيونك))
واهو ماصدق خبر جنه ناطرها..........على طول دق وقال اكيد تبجين انتي موقلتي ما أبي ..أنا مقصر عليج طلباتج موقاعد اسويها (وانا ابجي وماني قادره اتكلم ارتبكت) بس تدرين ان طلبتي مني شئ مره ثانيه اشق حلج وسبني وسد التلفون...انهرت وقعد ابجي طول الليل حتى السحور ماتسحرت ويم جاء وجه الفجر ويسمعني ابجي ماكلف خاطره يراضيني قعد شوي وطلع مره ثانيه راح الدوانيه وما رد الا قريب الضحى
المهم انا طول الليل ابجي ومنصدمه بعد كل هالضغوط اللي حاطتها على نفسي يقولي هالكلام...طول اليوم ما تكلمنا بس كل واحد ملتزم بغرفه...انا اتحاشى اكلمه واسوي روحي تعبانه ونايمه واهو يقلب بالريمونت بين القنوات ومانام امس كله...
شسوي...اهو مو راضي يراضيني وانا احس انا كرامتي انهانت...ابي حل والله صاكه فيني الدنيا؟؟؟؟؟ :tears::tears::tears:

 

[Hno0odah]

انا اقول اتجاهليه
بس لبيله كل طلباته المهم والخاصه
عشان ما يحصل عذر عشان يتضارب معاج

والله يهديكم

 

[حنين احمد]

انا اقول
لا تعطية راتبك كامل و لا تسلمية كل الراتب
هو طيب و حنون ما اختلفنا ساعدية بس مش بكل المبلغ
قولي له مثلا انا داخلة جمعية و باستلمها بعد كم شهر
من هالكلام
او انا تسلفت من فلانه و باسددها على دفعات
او اختي تسلفت مني و ما قدرت اردها
دبري نفسك و لا تعوديه على هالشي من البداية
حتتعبي جدا و كل ما تاخرتي كل ما كان تغييره اصعب
الله يوفقك و ييسر لك اللي فيه الخير و الله المستعان
اكثري من الدعاء و الاستغفار و الله كريم

 

[بقلاوة]

[QUOTE=حنين احمد;3438830]انا اقول
لا تعطية راتبك كامل و لا تسلمية كل الراتب
هو طيب و حنون ما اختلفنا ساعدية بس مش بكل المبلغ
قولي له مثلا انا داخلة جمعية و باستلمها بعد كم شهر
من هالكلام
او انا تسلفت من فلانه و باسددها على دفعات
او اختي تسلفت مني و ما قدرت اردها
دبري نفسك و لا تعوديه على هالشي من البداية
حتتعبي جدا و كل ما تاخرتي كل ما كان تغييره اصعب
الله يوفقك و ييسر لك اللي فيه الخير و الله المستعان
اكثري من الدعاء و الاستغفار و الله كريم[/QUOTE]

كلام اختي حنين عين العقل

 

[عطر الأماكن]

طيب حنووون مواصفااااااات الدنيا كلها فيها اوكيييي وبعدين

ليييييييش تعطينه معاشج
حبيبتي هذي حقج محد له خص حتى يحاسبج وين وديتيه وشسويتي فيه
وفوق ذيه لوو فلووسج مغرقتج من واجبه يصرف عليج وهو ساكت

يعني شلون تبينه يحترم رغباتج ويلبيها اذا انتي في الاصل ماقدرتي نفسج وعطيتيها حقهاا

والله سمحي لي ع الكلااام
بس قلبي يعورني لين اجوف النسوان جذي والريايل مايفتكرون فيهم

 

[أحلى مدام]

الله يحنن قلبه علييك

 

[سمراء وافتخر]

السلم عليكم
يا الغاليه الله يعينك قهر لما تغلين انسان وتسوين له كل شي ولما تبين شي بسيط يتمنن شوفي اول شي يا ليت لو تغيرين البطااقه البنكيه وخليها بيت اهلك ولما تستلمين المعاش خذي نصه بس ورالباجي حطيه في حساب في بنك ثاني ما يعرف عنه وخلي الوراق في بيت اهلج وبعدين اذا سالك قولي دخلت جمعيه اوعطيت امي ولا يعرف اي شي عن احوالك الماليه وخليك عادي وسي كل شغلك ومهما يسوي لا تتاثرين واذا تحبين خذي قرض اسلامي وخشيها بحساب ثاني وخليه وديعهمل شهر ينزل لج عائد واخذي اجازه واقعدي بالبيت وقليله خلاص بارتاح انت ملزوم فيني
وان شاء الله خير ولا تسين الدعاء وربي يسخر لج زوجج

 

[ياسمين الاردنية]

الله يكون معك حبيبتي
انا متل هيك صار معي وصرت بس اشوف
اي حد بصرف وبشتري اللي بدو اياه صرت
اغار....... وقررت وفتحت معاه الموضوع
وحكيتلو انو هاد راتبي والي حق اني
اخذ اللي بدي اياه وصرت احكيلو اذا ما بدك تعطيني شي رح ابطل من الشغل وراحتي اهم من كل شي ........سكت واعطاني اللي بدي اياه وصرت بس استلم الراتب
اخذ مصروف واعطي الباقي مصروف البيت
و انتي لا تكوني هبلة وشدي حيلك وخذي اللي بدك اياه
والله الموفق
وكل سنة وانتي طيبة

 

[عيون عزيز]

خلي بطاقة البنك معاج ودلعي فيها روحج .....ما قلنا لا تساعدين ريلج....لأ...ساعديه باقل القليل بعد ما تتاكدين انه دفع الأساسيات للبيت من فواتير واقساط والجمعية....يعني عوديه عالمسؤليه....
حارمة روحج من حقج شله؟؟؟؟؟؟
أحبك وتحبني ايه..بس بطاقتي عندي وبطاقتك عندك ما سوينا غلط..ترا الحق حق وما ينزعل منه.....

 

[وشحيلتي]

سبحان الله يارجاجيل العرب .........أنا زوجي لاااااااااااااااااااااااااازم هو اللي يسحبلي كل صغيره وكبيرهيعني ماأتصرف بالبطاقه بس ماياخذ ولاريال واحد وياويلي لو أخلي أحد يسحبلي أوأنا.........إلا بحاله واحده إذا كنت بسوق وأكون مضطره للسحب لاويقعد يهاوش يقول مولازم تتعودين تسحبين.........الحلال حلال أبونا والقوم طردونا....يابخت اللي جالسين بالبيت ........شعاري ..ماأحب الدوااااااااااااااااااااااااااااااااااااااااااااااااااااااااااااااام

 

[um_noora]

ليه تعطينه راتبك
الراتب من حقك
الراتب يكون عندك
وانتي تعطيه برظاك
وفكروا قبل الصرف في ويش بتحطوا الراتب

 

[ذهب ماسي]

ياحبيبي يعني انتي اللي اللي تصرفين على البيت عاشو...... عاشو ......بكره يسدد ديونه ويدور على الثانية ويصرف عليها من جيبه عشان يحس انه رجال وتقولين طيب والله انتي اللي طيبة وهو مستخسر فيك كاكاو ومن راتبك لا تبكين خلي عينك قوية هذا راتبك وماهو من حقه لاياخذه ولا يسألك فين صرفتيه كل يوم اطلبي منه شي وشي عليه القيمه موكاكاو بريال يوم قولي
أبغى عطر من جفنشي بذيك القيمة.....وقولي له من فلوسي اللي عندك
ويوم أطلبية شنطة ماركة ................وقولي من فلوسي اللي عندك
ويوم أطلبية فستان بحدود ألف ......... وقولي من فلوسي اللي عندك
ويوم هدية لامي ........................... وقولي من فلوسي اللي عندك
ويوم المستشفى
ويوم خياطة
ويوم ملاهي
ويوم كوفيره روحي سوي بدكير وتنظيفات
ويوم نقاشة
ويوم مساج
دلعي نفسك وعقدية كل ماطلبتي شي قولي مأبغى منك شي من فوووووووووووووووووووووولوسي اللي عندك اذا مأعطاك اذا راتبك جامد روحي طلعي قرض بذيك القيمة اللي يمسح نص الراتب عشان مايبقى معه شي ولاتعلمينه وحطيه في مشروع واذا سألك قولي له أخوي في ورطه وأنا ساعدته ولا تتكلمين معه كثير بس فهميه ان هذا راتبك وماهو من حق أحد يحاسبك وقدمي شغالة وخلية يدفع من الباقي اللي عنده وطالبيه يصرف عليك من راتبه وقولي له ان وحد من صاحباتي تطلقت عشان الفلوس مع انها تستلم راتب جامد وزوجها بعد لا كن طلبت الطلا ق لان مايصرف عليها من راتبه هي من يوم ماتزوجت تصرف على نفسها من راتبها وانه الوحده اذا ماصرف عليها زوجها ماتحس برجولته والله يهديك .

 

[فديت اعيالي]

السلام عليكم و رحمة الله و بركاته
حبيبتي الاخوات كفوا و وفوا
انا كنت مثلك عطيت زوجي البطاقة و وهو و مزاجه طلبات بنظرة ما لها داعي يرفضها صرت اطر منه طرارة ..................و في النها ية سمعت انه خطب على طول عالبنك الغيت بطاقتي قلت لهم ضاعت ...
و لا تقولين طيب و مسكين ما يسويها لا اول ما تتجمع فلوس عنده ما يفكر يهنيكي و يريحك .....لا............. يريح نفسه و يمتع نفسه بزوجه ثانية
فالغي بطاقتك و خلي ابوكي او اخوكي ياخذك للبنك ... و بعدين
قولي انه سالك عن راتبك و انحرجتي و قلتي انج مسرفه ..فقال انا اخذ البطاقة عندي و اطلبي مني كلما احتجتي او يعطيك مبلغ معين كل شهر ( و احسبي كم يحتاج زوجك مساعدة حقيقية يعني يخلص راتبه و تساعدينه مب يخلص راتبج و يخزن فلوسه )
انا اتوقع انه يستحي يطلب بعد ما صار الموضوع بينكشف عند اهلج
و فكرة الاخوات انج تقولين انج تساعدين اخوج او ابوج ممتازة عشان تخلينه ما يطلب و يعتمد على نفسه
لان صديقتي كانت تساعد زوجها تزوج عليها و صارت طلبات الثانية اوامر و كل شي تبيه يتنفذ بعكس االمسكينة :tears:رغم ان الثانية مشاكلها كثير و طلباتها وايد و لسانها متبري منها و نتوقع باستمرار انه يطلقها لكن العكس يصير مع ان صديقتي شايلته على كفوف الراحة علشان جذي احنا متوقعين ان الزوج ما يحس باهميته الا اذا طلبتي منه و يدفع بفلوسه عشان يحس له قيمة و هدف بالحياة :santa_1:
و طبعا لا تنسين النصايح الموجودة بالموقع و عدلي علاقتج معاه لان خروجه المستمر معناه انه يحب نفسه اكثر مما يحبك
الله ييسر امورك

 

[من إماراتي]

السلم عليكم
يا الغاليه الله يعينك قهر لما تغلين انسان وتسوين له كل شي ولما تبين شي بسيط يتمنن شوفي اول شي يا ليت لو تغيرين البطااقه البنكيه وخليها بيت اهلك ولما تستلمين المعاش خذي نصه بس ورالباجي حطيه في حساب في بنك ثاني ما يعرف عنه وخلي الوراق في بيت اهلج وبعدين اذا سالك قولي دخلت جمعيه اوعطيت امي ولا يعرف اي شي عن احوالك الماليه وخليك عادي وسي كل شغلك ومهما يسوي لا تتاثرين واذا تحبين خذي قرض اسلامي وخشيها بحساب ثاني وخليه وديعهمل شهر ينزل لج عائد واخذي اجازه واقعدي بالبيت وقليله خلاص بارتاح انت ملزوم فيني
وان شاء الله خير ولا تسين الدعاء وربي يسخر لج زوجج

مع سمراء قلبا و قالبا ... انتي خذيها فرصة و غيري البطاقة و اذا سألج قوليله عشان يوم اشتهي شي اقدر أحصله بدون مذلة.

 

[*الصمت*]

ذهب الماسي ..و..فديت عيالي كفوا ووفوا
والله يالغاليه اذا عرف الرجال ان وراك ضهر وسند وهم اهلاك وفلوسك بيدينك يحترمك اكثر ويقدرلاك
خلي عنك الدموع والرومانسيه ماراح تنفعك

 

[! نبض !]

من صج تتكلمين الحين من كل عقلج مسلمته الخيط والمخيط !! ووواااااي ياقلبي هو الملزوم فيج وملزوم بمصرفج حبيبتي مو انتي الي تعطينه هو الي يعطيج ويصرف عليج واذا انتي تكرمتي وتعطفتي وحبيت تساعدينه اشترى بين فتره وفتره شوية مقاضي للبيت اذا حسيت كلش طفر ماكو عنده شي مو يوفر فلوسج ويتزوج بهم عليج بالاخير!! غلطانه اننتي من البدايه احين مالج الي تسووين الي نصحوج به البنات ومانصحج بعد تعطينه فلوس كاش!!

 

[هلااا]

ما اقول الا حسبي الله ع الظالم والمفتري

وادعي دايما اللهم اني اعوز بك من قهر الرجال

 

[هلااا]

تعرفي اختي انا لما كنت اقولة جيبلي شي ويرفض اقوم اقولة من فلوسي مش من فلوسك

تعرفي شو بيكون ردة

تخيلوا







فلوس شو هو انتي عندج فلوس؟؟؟







تخيلوا





اشتغل طول السنة وهو ياخد راتبي








وبعدين يقولي كدا؟؟؟؟؟؟؟؟؟؟؟؟





سبحان الله

 

[كلمات مبدعة]

صحيح كلام الاخوات
لا تعوديه على كدا
بعدين بتحسي انك مخنوقه
مشتهيه شىء وماتقدرى تشتريه
ليه لان ابو العيال ماخد حقك
بصراحه ده شىء مهو بسهل التعامل معاه
اتصرفى بحكمه
اعطيه جزء والباقى شقاك وتعبك انتى خليه لك

 

[تعبت اكابر]

اقول اختي الي صار صار والحين لازم تعدلين الوضع مثل ماقالوا الاخوات قولي تسلفت دخلت جمعيه رجعت السلف وماعليك من مصروف البيت ماعليك الا من نفسك وبس انا ماقول اسرفي لا بس استانسي بفلوسك وخبي لو ربع الراتب لضروف ترى الرجال مالهم امان والله يكون في عونك.