يلا كل وحده تدخل وتقول لنا وشلون انخطبت وتزوجت

  • بادئ الموضوع بادئ الموضوع بداري5
  • تاريخ البدء تاريخ البدء
بداري5

بداري5

New member
إنضم
2008/11/09
المشاركات
768
صباح الخير او مساءالخير الي تبون
انااليوم جبتلكم موضوع ابيكن تفرفشن شوي
ابي كل وحده تقول وشلون انخطبت وشلون تزوجت هل
الزواج من اقاربك هل زواجك عن حب او صدفه او صديق
اخوك وشلون الشوفه الشرعيه طبعا للجدد اما حنا راحت
علينا بنسبه لي شافتن اخته عن طريق خالتي وكلشي تم
وانا ماشفته يوم الزواج متحمسه ودي اشوفه يوم دخل
انصدمت ماعجبن بس:no: الله يخليه لي اهم شي الاخلاق
يلا مو كل وحده تدخل وتفرفش:clap: وتطلع مابي احد ياخذ ولايعطي
 
أنا زوجي ولد عمي بس والله مانعرف بعض نهائي
عشان أمه تطلقت من عمي وساكنه بعيد عنا أعرفه بأسمه بس
وهو الي أختارني ولا أنا كان ودي بزواج غير زواج الأقارب
والحمدلله كله نصيب




يالا نستنى قصة جميلة مميزة

يالا الي بعدي تفضلي
 
الله رجعتينا لذيك الأيام انا زوجي عمري ماشفته ولاسمعت عنه هو واهله هم قرايب لنا من بعيد لكن مرت ولد عمه تعرفنا وهي الي دلتهم علينا ,,,,,,,,, يوم الشوفه وما أدراك ما يوم الشوفه أختك في الله اول شي مالبست النظاره ولا العدسات عشان ماشوفه وارتبك ويوم دخل لصقت بالجدار حتى ماجلست وهو بعد استحى وماجلس والله ماشفت إلا سنونه :shiny::shiny:لكن شفته زين يوم الملكه والزواج عادي في قصر ومعازيم يعني الزواج المعتاد المهم التوفيق بعدين الله يحفظه لي من كل شر هو وبنوتاتي.... دمتي بالف خير:icon26:
 
اما انا قصتي قصه خخخخ
طبعا خطبتني بنت اخته معي في الكليه هو خالها وكان يدور نفس مواصفاتي وع طول جت قالت لي عنه طبعا ما نعرفهم من قبيلة ثانيه ومنطقه تبعد عن منطقتنا تقريبا نص ساعة ..

يوم الملكة كنا متفقين انها ملكة بس رجال يجون ويملكون ويمشون وهو يمشي بعد واتفقنا يشوفني بعد الملكه باسبوع يعني في يوم الخطوبه وبعد ما اروح المشغل بس اه يالقهررررررر خخخ

جا ونادى ابوي في يوم الملكه قال له ابي اشوفها اهئ اهئ

وابوي وش رد عليه ؟؟

قهرررررررررني ..

قال له ايه من حقك ان شاء الله بعد العشا اناديها لك ..
وجا ابوي قال لي انهرت من جد عصبت ورفضت بس البابا قال يالله انا عطيت الرجال كلمه ..

وقمت تخيلوا في نص ساعة بس جهزت نفسي وطلعت له..

قال انا اسف ادوشتك معي بس تعمدت اشوفك ع الطبيعه بدون مشغل خخخخخ

وقال لي ما يحتاج اصلا هالجمال مشغل ليش بتروحين هههههههههه

هنا عاد انا استانست خخخخ

وبالتوفيق للجميع ..
 
عقبال ماأدخل ع الموضوع وأقولكم وشلووون
أدعولي في ظهر الغيب بنات الله يسعدكم
 
أنا متزوجة من زمان من كان عمري 18 سنة سلفتي كانت صديقتي في المدرسة وهي اللي خطبتني له وكان سبحان الله مو عاجبني ولا في شئ وتقدم لي كثيرين ومناصب وكنت ارفضهم جميعا لأني ابي اكمل تعليمي ولما جاء خطبني المحروس ماقدرت أقول لا على قد أنه غير جميل بالمره وأنا جدا جميلة ولكن لحكمة ربي اني صليت استخارة فكنت اريد الرفض ولكن لا استطيع والآمور تمشي في مجراها الطبيعي إلى ان تزوجت وعرفت فعلا ما خاب من استخار وعيشني كملكة وحتى اهله يقولولي ايش مسويه علشان يحبك الحب دا كله وحتى أهله وامه يموتوا فيا مشاء الله ولا حول ولا قوة الا بالله علشان كذا يجب أن نستخير في كل أمرنا وتوتة توتة خلصت الحدوته ..................... شكلي حكيت قصة حياتي وصدعتكم
 
الموضوع جوناااااااان أما أنا فقصتي قصه من ألف ليله وليله أنا شافني وأنا في تلاته ابتدائي وقال محلها هلا بنوته الله يكتبها من نصيبي ........ تتفلسف الاخت :bleh: المهم مرت الأيام لحد ما وصلت لأول أعدادي رحت البيت بعد المدرسة يوم الأربعاء كنت أموت في يوم الأربعاء وداخله البيت وفرفر يمين ويسار ألا ميمتي تناديني في المطبخه رجه تعالي ابغاكي تساعديني وانا يا غافلين لكم الله في شنو أساعدكي قالت جاكي عريس تخيلو بس في أول أعدادي ضحكت لين بان :shiny::shiny::bigsmile::bigsmile::shiny:البلعوم حلوه المزحه :bleh:بس لا تعيدينها يا ميمتي قالت أركدي بلاشي طفاقه جد فيه عريس:detective2: ما قالت جد :tears::tears:الا الدموووووووووووووع أربع أربع لا والله الا سيييييييييييييييل :tears::tears::tears::tears::tears: هههههههههههههههاي أموت ضحك كل ما تذكرت بيبي بيتزوج لا وبلبس فستان كنت موافقه عشان الفستااااااااان بذات بيكون منفوش وفيه جيبون وطرحه وقفااااز حطو كذا خط على القفاز يا سلام وبمسك مسكه من الورد أمووووووت أنا :bigsmile: ولا بيغنون لي الله يا زين الي حضرت غطت على كل الحضور يعني نسميها ملاك لا هي احلى من كذا ....... صح الاغنيه ولا محرفه المهم لبسنا الفستان ونزفينا والله لا يوريكم الي بعدها ما توقعت:bleh: بيحصلي كل الي :harhar1:حصل وعيونكم ما تشوف الا النور خخخخخخخخ :bleh::bleh:
 
أما أنااااااا خطبتي أغرب خطبة

زوجي يصير ولد خالتي،،، متربين مع بعض و أعرف أخلاقه
هو أكبر مني بسنتين
سبحان الله من طفولتنا ونحن متعلقين ببعض رغم إن إلي أبناء خالة غيره بنفس العمر ويسكنون بنفس بنايتنا
أذكر مرة بالعيد كان هو صغير
شافني زعلانة
جاب لي وردة من بيت الجيران وقال لي: (لا تثيحي أوكي) ---> قصده لا تصيحي بس كان لسانه ثقيل شوي
كبرنا وكبر هالتعلق الطفولي (يعني أنا كنت بالصف الثالث الإبتدائي)،، كنت أحسه واعي و أعقل من باقي الأطفال
كان ما يتكلم كثير ومبين عليه إن شخصيته تجذذذذذذذذذذب
وبما أني ما عندي أخ صرت أحلم بيه كأخ ويدافع عني ومن هالكلام
المهم كبررررررررناااااا وكبر التعلق وصار حب
كان بالعيون بس
مع إن محد اعترف للثاني ولا قال له بس كنت حاسة إنه يبيني و حتى أمي و أبوي كانوا حاسين

لما وصلت أول سنة جامعة هو كان يدرس بأستراليا
جوا يخطبوني وايدين وهو كان يعرف بيهم لأن أكرهم سبحان الله من طرف أمه (خالتي)
وكانوا أهلي يرفضون و أنا بعد

اتصل فيني مرة وقال لي لو خطبتك توافقين؟؟؟!!!
أنا انصدمت وما رديت عليه رد شافي
بنفس اليوم كلم أهله،،، بس قالوله بعدك صغير وهي صغيرة و أكيد أهلها ما بيوافقوا
ورفضوا يروحون معاه عبالهم إنه مو جاد بالذات إن محد من أخوانه الي أكبر منه خطب قبله

هو ما قدر ينتظر
جا لوحده وكلم والدي وطبعا والدي استانس و أمي بعد لأنهم يعرفونه ويعرفون إنه بيريحني
سألوني أهلي عن رايي ورديت عليهم بعد كم ساعة إني موااااافقة :shiny:
ما تتخيلون شكثثثثثثثثثثثثثر فرح زوجي

وبسسسسسسسس طبعا أهله عرفوا بعدين و فرحوووووووووووووووووووا و جو عندنا
واستمرت خطبتي 3 سنوات ونص
عرفت خلالها إني ارتبطت بأروع إنسان في العالم
كل صاحباتي صاروا يحسدوني عالدلال والرومانسية الي أنا بنفسي كنت أنصدم منها
عيشني أحلى الأيام و ألحين بعدما خلصت دراستي إتزوجنا (قبل أقل من شهرين)
وللحين أدعي له ليــــــــــــل نهار يا رب مثلما فرحني فرحه ودخله جنات النعيم

وهاي هي قصتي مع إعجاب الطفولة وحب المراهقة وأحلى زواج
 
والله سولفكن تهبل يازين ذيك الايام
حرب الاحساس علينا ماتعرفون بعض
اشكركن على مروركن
رجه بس برزه شكلي عرفتك انتي من الكون
يحبيلك انتي وسوالفك متابعه لك
يلا نبغاءاحلا ذكريات في حيتنا
 
راح ح تضحكون حيلل من قصتي
قبل عشرين سنه يوم كان عمري 8 او7 كنت عوبه حيل كان شعري منفوش وكنت اتهاوش مع اولاده كان يزورنا ولد عمي من بعيد ومعاه ولده الي الحين هوزوجي كان اكبر مني بسنه ونصف كان بطه حيل حيل واسمر مره وكنت اتهاوش معاه واجمع اشله ونحط عليه ومره بالعيد من كثر ماكنت مشاغبة سرقت منه عياديه (فلوسه)
....وكل مااذكر كل هذا اموووت من اضحك

ومرررت الايام وكبر وتغيرت من مشاغبة عوبه الى وحدة رقييقه وحلوه ومرتبه قولو ماشالله وجاء خطبني طبعا اهو كان ناسي كل شى أما خطبتي اهلي موافقين وانا ماكانت عندي كلمة ممنوع يشوفي ال ابليلة زفاف وانا طبعا ماشفته وبليلة زواج كنت متوقعة اني اشوف نفس الولد بطه واسمراني بس انصدمت منه كان واحد ثاني طول وجسم وهيبه وماكان بطه وكنت خايفه يتذكر طفولي الخايسه طبعا اعجب فيني وعشني بسعادة الله يتتم عليا بس ااهو يذكر اني وحدة من قرباي عوبه ومشاغبه وكشه طبعا أنا فهمة انها وحدة من بنات عمي هاهاها
 
خطبتي عن طريق زوجت اخوه وبنفس الوقت عمت عيال اختي
اما اشوفه امرها عجيب كنت طالعه مع زميلاتي وتصل ابوي وقال تعالي للبيت عندي رجال وابغى شاهي وقهوه وكنت انا الحضره امي مسافره وجيت والحمد لله اني متكشخه وجهزت الشاهي ولسى ماقالي ابوي انه هو
بعدما اخذ الشاهي قالي عندي فلان ويبغى يشوفك انصدمت دارت الدنيافيني ودخلت عليه وانا واقفه وصلته اعطيه العصير وطلعت يعني يادوب لمحته مستحيه
وعقب الزواج اتفاجئ انه ابوي حاطه بالموقف مثل ما حطني يعني بعدماانتهى من الشاهي قاله تشوفها الحين ياسلام عليك بااحلى اب
 
وأنا بعد سالفتي سالفه..امممم يوم كنت صغيره قبل لا أبلغ يعني كان ولد عمي ألي اهو زوجي أكبر مني ب 8سنوات يعني اهو توه ف بداية مراهقته دوووم يظحك علي ويسبني ويتمصخر علي ويقول انا ابي اتزوجكي وانا دووم اصيح واكرهه كره مابعده كره وكان يهبل يجنن حلووو وانا مسكينه الشعر كشه ومبهذله وغبرا وعلى كيفكم واهوو كلما يشوفي يظحك علي ويشيلني عند ربعه ويقول هاذي زوجتي ويتمون يظحكون علي ...ومرت الايام والسنوات ماشفنا فيها بعض..وكبرت وتعدله واستويت رقيه وحلويت وترتبت ..وشافني مره اتخبل علي وماعرفتي وطرشلي خواته وقال ابي اتزوج البنت هاذي..ظحكو خواته قالو ماعرفتها ..قال اول مره أشوف هالجمال ..قالوله هاذي بنت عمك ..انصدم وقال ابيها يعني ابيها وتمت قصة حب سنتين ونص وبعدها زواااج على طول بعد ماخلصت من دراستي..وبسسسس
 
ما شاءالله لاقوة الا بالله
الله يوفق الجميع ياااارب ويوفق كل وحدة ويا زوجها ويرزق العزابيات الازواج الصالحين
آآآآآآآآآآآآميييييين

اممم انا اللي خطبني ولد خالتي ... بعمري ما فكرت انه راح يخطبني
كل اللي في العايلة مرو ببالي الا هو ... سبحان الله
يوم صغار كنا دوم نلعب بيتهم بس بعدين يوم كبرنا شوي خلاص قمنا ما نروح عندهم لانهم ماشاءالله كلهم شباب
ويقول قبل ما يتخرج من الجامعة بسنتين حطني فباله ...
عندهم صورة مصورة وياهم مع كشتي خخخخ وسال اخته منو هذي وقالت له انها انا
بعد ما تخرج وتوظف خطبني وانا انصدمت @_@
صليت استخارة ويوم الشوفة الحمدلله ارتحت له ودخل قلبي من اوسع ابوابه ^_^

الله يتمم لنا على خير يااارب
 
ياحلوووووووو قصصكم

انا زوجي اذكر اخره مره شفته قبل نتزوج لما فتحت راسه بعلبة حليب بوني مليانه لان مسكني وكفخني من بدون سبب قمت طلعت واخذت العلبه ومن الشباك وجات براسه ومن يومها ماشفته غير لما جا وخطبني ماشفته ولا شافني ابد غير يوم الزواج الصباح اول مره اشوفه بالصدفه كان مع اخواني وماكنت ادري بعدين اتصل لاخته لان تصير زوجة اخوي وعطها مواصفاتي بالتفصيل يسئل هو انا ولا لا قزني قز مشاء الله عليه وقالت لي مره مبسوط انه شافني ولما تزوجنا اول شئ وراني هو الضربه حقت العلبه يقولي شوفي العلامه للحين براسي ههههه
 
هلا غاليات انا قصتي طوييييييييييييييييييييييييييييييييله...اللحينة تعبانة ما اقدر اكتب لكم ..
ان شالله راح اكتبها لما لي نفس ......بس والله عشت مغامرات وافلام هندية ....
 
ماشاءالله
قصص رووعه الله يسعدكم ويتمم عليكم يارب ودوووم تعيشوون بسعاده
والله يرزق جميع العزوبيات ويرزقني يارب بالزوج الصالح عاجلا غير اجل
لان فعلا الوحده شئ متعب والتفكير بالمستقبل
 
ام يو قال:
ياحلوووووووو قصصكم

انا زوجي اذكر اخره مره شفته قبل نتزوج لما فتحت راسه بعلبة حليب بوني مليانه لان مسكني وكفخني من بدون سبب قمت طلعت واخذت العلبه ومن الشباك وجات براسه ومن يومها ماشفته غير لما جا وخطبني ماشفته ولا شافني ابد غير يوم الزواج الصباح اول مره اشوفه بالصدفه كان مع اخواني وماكنت ادري بعدين اتصل لاخته لان تصير زوجة اخوي وعطها مواصفاتي بالتفصيل يسئل هو انا ولا لا قزني قز مشاء الله عليه وقالت لي مره مبسوط انه شافني ولما تزوجنا اول شئ وراني هو الضربه حقت العلبه يقولي شوفي العلامه للحين براسي ههههه
أنقر للتوسيع...

هلكتيني ظحك يا أم يوسف ..،،

شكل الظربة أثرت براس الريال و خظــّت له الذاكرة !

ليكون متعمدة بس ؟ خخخخخخخخخخخخخخ


،


،

أمزح معاج مب تزعلين
..

:blow:

:shiny:


​
 
•••
تسلمي الغلا ع الفكرهـ
ومره انبسطت بسواليفكم وعقبال ماقول كيف
ياارب يتمم عليكم .. اكثرواكثر
..]|•••

 
مرحبا ..
اولا يسعد ايامك انشاءالله.. كتيييييييييييييير موضوعك حلو
ههههههههههه وخليتيني انفض غبار قديم في داخلي
اسمحولي اقولكم قصتي في شئ من الجرئه
ياحياتي انا وزوجي العزيز كنا بنعرف بعض عن طرق الهاتف طبعا قبل الجولات ههههههههههه وكمان الكاشف
لمدة تقريبا سنتين وعلى السنه الثالثه امي الغاليه عرفت واعترف لها بكل شئ وانه ناوي يتقدم لي طبعا ابد ابدا
امي ماصدقة وقالت انه كذاب واكلت علقه معتبره هههههههههههههههههههههههههه والله ماانسها طول عمري
وانقطعت عنه ثلاث اشهور وماادري الاوهو متقدم لاهلي وطبعا لانه هو من قبيله ثانيه اهلي ماردو عليه يعني
طنشوه ياحياتي كان حيموت ورجع اتقدم تاتي بعد شهر وصار النصيب وطبعا مااحد عرف غير امي ان احنا كنا نعرف بعض
وهذي كل السالفه واسفه على الاطاله
لكن انت السبب ههههههههههههههههههههه خليتينا نتذكر اشياء
وشكرا كتير على الموضوع الحلو
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل