تعالو نشوف خالد شمالي ولا جنوبي وندى شماليه ولاجنوبيه؟؟

[queen lady]

عزيزاتي البلقيسيات ارحب بكم من جديد وسوف اطرح لكم قصه واتمنى من الجميع الاستفاده..

تزوجا بعد قصة حب دامت لاكثر من عامين حاربا ليتم هذا الزواج وان يكونا معا وان لايفرقهما الا الموت وفعلا تم الزواج واغلق عليهما اول باب في عش الزوجيه..
خالد..ماني مصدق واخيرااااا..
ندى.. نزلت راسها بخجل وابتسامه وصوت بالكاد يسمع ولا انا مو مصدقه..
خالد.. حبيبتي متى تبدلين ملابسك؟؟
ندى.. تناظر الارض وابتسامه خجوله طيب الحين بس انتظرني بالصاله..
خالد.. اوكي حبيبتي ماتبين اساعدك؟
ندى.. بضحكة دلع وخجل لا شكرااا..
بدلت ندى ملابسها ولبست قميص نومها الابيض الطويل وهي تبدو فيه كالملاك وفتحت باب غرفة النوم وجلست على السرير
دخل خالد ويكاد ياكلها بعينيه ينظر اليها بلهفة ويستأذنها لتبديل ملابسه وهي تنزل راسها استحياءا وتخرج لتنتظره بالصاله وامامها سفرة العشاء المحضره من قبل الفندق..
يخرج خالد ويمسك بيدها ويفتح لها الكرسي تجلس بخجل ويجلس امامها ويبدأ في الا كل وينتبه الى ان ندى لم تبادر في الاكل ..
خالد.. ندى كلي لاتستحين.. ويكمل الاكل
ندى.. طيب باكل وهي لاتعرف كيف تبدأ بالاكل ولا كيف ستنتهي من خجلها..
أكلت القليل ثم قامت الحمدلله وقام خالد خلفها..
مسك يدها واجلسها على السرير وقال لها ..
ماودك ننام؟
ندى.. بخجل اوكي شلحت روبها ونامت على طرف السرير واقترب منها خالد وارتعشت ففهم انها خائفه قبلها على جبينها وقال لها تصبحين على خير حبيبتي ردت عليه بصوت مرتاح نوعا ما وانت من اهله وناما ..

من الحوار الاول عزيزاتي البلقيسيات هل تستطعن الحكم على خالد هل هو شمالي ام جنوبي , وكذلك ندى هل هي شماليه ام جنوبيه؟
طبعا الحوارات الجايه يمكن تغير رايكم بس مبدئيا عطيني رايك:bigsmile:

 

[**الماسه**]

مبدئيا احس كلهم جنوبييييين

 

[queen lady]

مبدئيا احس كلهم جنوبييييين

حلو الماسه تخمينك يمكن صح ويمكن غلط نشوف!!:blush-anim-cl:
راح اخذ 5 ردود واكمل الحوار الثاني ونشوف التطورات

 

[اسوار2009]

يمكن خالدجنوبي وندى ياشماليه اوشرقيه اتمنى يكون تحلليلي صح

 

[النظره البريئه]

اتوقع خالد شمالي وندى جنوبيه

 

[فاصله]

صعب نحكم من البداية بس مبدئياً
خالد جنوبي
و هي(ندى) الله يستر عليها مستحيه...بس عمليه يمكن شماليه

 

[الزين كويتي]

اتوقع خالد جنوبي وندى شمالية

 

[birda]

برأيي انه مو باين من الحوار الاول لان هذا الموقف ممكن يحصل بين اي عروسين بغض النظر عن انماط شخصياتهم ممكن اذا كملتي راح يبين

 

[queen lady]

حبيباتي اشكركم على تفاعلكم بس مبدئيا حلوه ردودكم وتخميناتكم وبكمل الحوار الثاني ونشوف من بيغير رايه ومين بيزيد اوكي نكمل.. يلا

خالد وندى انتقلا الى عش الزوجيه..بعد يوم كان حافلا ومتعبا ..
خالد.. ندى ابي اقولك شي..
ندى.. قول حبيبي بخجل العروس..
خالد.. ترا ماقدر الحين نسافرشهر العسل يعني ناجلها شوي بس شهر عسلك محفوظ ويبتسم..
ندى.. عادي حبيبي ولايهمك.
خالد.. طيب وفي شي ثاني بس لاتزعلين..
ندى.. ايش؟؟
خالد.. انا لازم اداوم بعد اسبوعين تعرفين توني متوظف وشغل جديد وبالموت عطوني اسبوعين اجازه بس تعرفين القطاع الخاص وكيف يذلون الواحد.. لاتزعلين وقدري الموقف.
ندى..تضايقت شوي بس تنازلت ولابينت وقالت مو مشكله حبيبي اهم شي شغلك.
خالد.. يبتسم يازينك ندو لا ترا ماقدر على كذا لاتعوديني على كذا بعدين يمكن يغمى علي.
ندى.. تبتسم باستحياء ان شالله اقدر اسعدك..
خالد..ان شالله يلا ياعسل قومي ننام..
ندى.. اوكي ..

اتوقع شوي اتضحت الصوره نشوف ردود الافعال..
برضو 5 اصوات واكمل الحوار:shiny:

 

[روان 2009]

خالد شمالي و ندى جنوبية

 

[ام جوجو وسوسو]

خالد شمالي وندى جنوبية

 

[إلا صلاتي]

شكرا لك أختي
queen lady
أحس ما يبين النمط حبيبتي إلا لما تكثر الحوارات و يتعمقون في الحياة أكثر
بس فيما يبدو لي من البداية أن ندى جنوبية وخالد شمالي.
وتسلمين.​

 

[birda]

من يوم قال خالد ماراح نسافر قلت بس شمااااااااااااااااااااااالي حتى النخاع ههههههههههه
ورقة ندى وتنازلها جنوووووبيه

 

[إلا صلاتي]

يالله يالغالية كملي أنا عن عشرة يعني صرنا (14) والله متشوقة أفهم أكثر نورينا الله يعطيك العافية​

 

[queen lady]

يالله يالغالية كملي أنا عن عشرة يعني صرنا (14) والله متشوقة أفهم أكثر نورينا الله يعطيك العافية​

هههههههههه فديتك يالغاليه الحين يجيك الحوار الثالث لعيونك وحماسك بس والله عطيني 10 دقايق

 

[إلا صلاتي]

شكرا حبيبتي لتجاوبك ونحن في الانتظااااااااااااار​

 

[queen lady]

والله فيه بنات ماشالله عليهم عطوا التخمين الصحيح بس نشوف يمكن يغيرون رايهم او يظلون مصرين على نفس الراي نكمل الحوار.. يلا
بعد مرور اسبوعين من العسل والدلع والرومانسيه بدا خالد اول يوم دوام..
الساعه 7 يصحى خالد على رنة المنبه وتنتبه ندى وهي نعسانه تفتح عينيها وتقول..
حبيبي تبي فطور؟
خالد.. لا شكرا
ندى.. اوكي تبي اكوي لك شي للشغل؟
خالد.. بس شماغي
ندى .. تقوم متكاسله وتتمدد وتذهب لكي الشماغ
خالد.. يذهب الى دورة المياه ويغسل اسنانه ويلبس ملابسه ويصيح ندى ندى وين الشماغ؟؟
ندى .. طيب الحين لحظه بس..
خالد .. يذهب اليها يوووه لين الحين ماخلصتي خلاص جيبيه بس موب لازم تكملين كوي ويسحب الشماغ ويطلع.
ندى.. تقف باستغراب مجروحه من هذا التصرف ومصدومه ليش كل هالعصبيه؟؟ تذهب الى سريرها وتبدأ بالبكاء وتتصل على خالد ولايرد عليها تتصل مره مرتين وثلاث.... ولايرد تبكي اكثر
وتفكر ترسل مسج..
المسج.. حبيبي انا اسفه ماقصدت اني أأخرك بس كنت ابي اكوي لك الشماغ كويس ولاتاخذ علي توني عروس وماعرف اتمنى انك ماتزعل .. احبك.
تنتظر تنتظر ان يرد خالد ولكن دون جدوى فيغلبها النعاس وتنام وهي غارقه بدموعها..
تصحى ندى من النوم لتحضير الغداء وهي حزينه ولاتعرف لماذا انقلب عليها خالد فجأه ولماذا جرحها وتصرف معها بمثل هذا التصرف؟
يدخل خالد الى البيت وندى حزينه فهي لاتستطيع ان تبتسم بوجهه بعد ان طنش مكالماتها ومسجها ..
خالد.. بابتسامه عريضه السلام عليكم.
ندى.. بكل حزن وتكشيره وعليكم السلام.. احضر الغدا؟
خالد .. ايه الله يعافيك انا بس دقيقتين اغير ملابسي واجي..
ندى .. تنتظر على السفره وهي زعلانه.
خالد.. يسألها ويبي يصلح الموقف شخبارك؟
ندى.. بخير
خالد.. خير ليه مبوزه..
ندى.. في نفسها تقول ياسلام ولاكانك مسوي شي.. ترد عليه مافيني شي.
خالد.. يبدا ياكل بصمت..
ندى.. انت ليش مارديت على مكالماتي اليوم؟
خالد.. كنت مشغول
ندى.. بس انت اول ماطلعت دقيت ولارديت علي قبل ماتوصل الشغل.
خالد.. يكمل الاكل اممم طيب!!
ندى.. وارسلت مسج ولارديت ممكن اعرف ليش؟
خالد.. مانتبهت له..
ندى .. طبعا انا مسجاتي ماتنتبه لها ومكالماتي ماترد عليها بس لو احد من ربعك كنت رديت وتترك السفره وتروح السرير وتبدا بالبكاء..
خالد.. يدخل الغرفه الحين ممكن اعرف ليش تبكين؟
ندى.. انت ماتحس انت قاسي انا ماقدرت انام لانك طلعت زعلان وانت ولاهمك اتصل ارسل ماترد ياخي انت قلبك حجر انت وانت وانت.... الخ
خالد.. اوكي خلاص ندى لاتخربين اليوم علينا سالفه وانتهت خلاص عاد ويتقرب اليها وهي تتمنع ويتقرب اليها ويطالع عيونها خلاص عاد يالله ابتسمي عشان خالد ابتسمي
ندى بكل خجل تبتسم والدموع تملأ وجهها وبعدها ياخذون غفوة وقت العصريه..

في احد بيغير رايه او بيزيد واللي يقول عن الشخصيات هل هي شماليه او جنوبيه يقول ليه؟ عشان اللي مو فاهم نمط الشخصيات تتضح له بعض الصفات الخاصه بالشماليين والجنوبيين ولنا رجعه مع الحوار التالي..

 

[birda]

ترى حتى انا متحمسه شمعنى
ههههههههههههههههههههههههههههههههههههههه

 

[سيدة ( أعمال )]

فكرة حلوة ..

من أول القصة اتضح لي أن خالد شمالي وندى جنوبية ^_^


وتأكد من هالشي لما قريت باقي الردود..

 

[queen lady]

ترى حتى انا متحمسه شمعنى
ههههههههههههههههههههههههههههههههههههههه

لعيوووووووووووووووووووووون :icon26:Birda الحوار هذا ويلا بنات اللي تعلق شمالي او جنوبي تقول ليش؟؟:bye1: