موووضوووع رائع
أنا بس اليوم شفت الموضوع............ وكنت في البداية مو متذكرة ولا شي وبعد ما قرأت بعض المواقف اتذكرت انه هناك الكثير من المواقف المضحكة اللي صارت لي ........... وبذكر بعض اللي أتذكره...
* يوم الزفة وقبل ما أروح الصالون صحيت على آلام في بطني فكانت الدورة قد هلت لأنه كان موعدها وأنا كنت مخبره زوجي عن احتمال حدوثها في هذا الوقت لكن مافي مجال نغير الوقت....... المهم اللحين مين بيمهد له الموضوع في هذا اليوم فقامت أختي وخبرت أمه علشان تخبره وما ينصدم ........... بس المسكين محد قاله شئ وبعد ما دخلنا الغرفة وراحوا أهلي أنا أحسب أنه يعرف وهو ياكل بسرعة ويساعدني على فتح التسريحة وبعدها قلت له فحسيته انصدم بس ما بين هذا الشيء وجبر نفسه انه يكون عادي وكأنه رضى بالأمر الواقع بس أب الشباب من داخل يحترق................... ومرت الليلة على خير ولكني عرفت شدة قهره بعد أسبوع أو أسبوعين
* في الايام الأولى من زواجنا طلعنا نتغدى وانا أول مرة أروح مطعم المهم رحنا لمطعم صيني وتعرفون أكلاتهم العجيبة وكان قسم العائلات في الطابق الثاني ..... طلعنا الدرج وتغدينا ... وبعدها عطاني زوجي مفتاح السيارة وقال روحي السيارة وأنا بدفع الحساب وبجي وكانت السيارة مقابل باب المطعم وشوفوا شو صار اختكم حطت رجولها على أول درج وما حست بنفسها إلا وهي طايحة تحت عند آخر درج ونعالها الكعب بصوب وشنطتها بصوب ومفتاح السيارة بصوب وكل العاملات جاءو ليساعدوني ويلمون أغراضي إلا مفتاح السيارة ما حصلناه ....... والحمد لله انه السيارة كانت جديدة وزوجي كان مخلي المفتاح الاسبير معاه فعطاني اياه وقال روحي السيارة وأنا مفتشلة وايد وأبي أخبي ويهي .... ورحت السيارة وقاعدة أشوف الأضرار اللي صارت لي لأني ما كنت حاسة بشئ من الفشلة وشفت شوية خدوش في رجلي وبعدها بشوي جاء زوجي وأونه يطمن علي فقلت له ما صار شئ..... وحرك السيارة وكانت الدنيا زحمة وأنا أحاول ما أضهر الوجع علشان ما ينشغل عينه عن الطريق وبلحظة تلمست رجلي المتوجعة وهو قاعد يشوفني ودعم الباص الي جدامه الحمد لله صدمة خفيفة بس لازم ننتظر الشرطة وتأخرنا وايد وأنا أقول في نفسي أكيد بيقول هذه منحوسة ولما رجع كان رايق ويحسسني انه حصل خير وهو أكيد كان مقهور... ومن يومها ما رحت أي مطعم إلا بعد 4 أو 5 سنوات وكنت كل ما أقوله بنروح المطعم كان يذكرني بهذا الموقف ونضحك عليه
والله ذكرتيني بأم حلوة ياريت تعود ويصير أبو الشباب حساس ويخاف علي مثل ما كان
أعرف اني طولت بس حبيت أذكر لكم بعض المواقف بالتفصيل
