ياناااااااااس للمرة الألف يخذلني

[بسمة رجى]

السلامعليكم ورحمة الله وبركاته​

كيفكم بلقيساتي العزيزات ان شاء الله بتمام العافية بصراحة أنا عارفة اني بوجع راسكم معاي شوي بس تحملوني بموت من القهر بطققققق زوجي العزيز للمرة الألف يخذلني أنا عارفة انه منكم من يكون ضدي خصوصاً أنصار الزوجة الأولى بس تكفون لاتحرموني من مواساتكم زوجي العزيز دا~ماً يعشمني بسفريات حلوة ويعملي البحر طحينة ويرسملي آمال حلوة وأصدقه للأسف آتاريه يكون متزاعل مع زوجته الأولى وحاب يهرب من جو الزعل بس هي بصراحة ذهينه ماشا الله عليها تخليه يوم سافر ويدوب وصلنا تنهال عليه بالرسائل الغرامية والأشواق وهو ما يصدق يقله عقله ألحقها قبل لا ترجع بكلامها وعلى طول نرجع من السفريه ولما أسأله ليش غيرت رأيك يتحجج بأي شي أقسملكم بالله إني مأبالغ من أسبوع كنا مسافرين لشغلة تخصه فتركت الأولاد عند أمي قلت سفرة خفافي وهي طبعاً زعلت لسبب يخصهم ماهو بسبب السفر لأنها عاملة ما تقدر تسافر معاه المهم كان مصر أنه نجلس أسبوع قلتله ماني عاملة حسابي بلبس وغيرات وغيره يقلي أشتريلك جديد أقله الأولاد يبهدلو جدتهم يقلي طنشي كلها كم يوم ونرجع المهم كان فارض علي الجلسة وفي اليوم الثالث قام الظهر فجأة وقلي جهزي نفسك بنمشي أنا استغربت قبل لا ينام كان عاملي البحر طحينة قلت أشوف جواله وللأسف لاقيت رسالة اللي إياها أنقهرت بس مابينت ورجعنا وكالعادة بعد ما رجعنا وضمنت الرجعة رجعت للزعل وثاني يوم قلي ايش رايك نسافر سوريا وننبسط وناخذ عشرة أيام هناك في البداية ترددت لأني عارفة اللي بيصير لكن أصر قلتله والأولاد قالي أخدهم مرة جاية قلتله طيب خدهم وانا بعدين (علشان ما أنصدم ) ما رضي المهم قلتله سوي قرعة شرعية وسواها وطلعت علي عاد دزلها رساله أنه مسافر وعاد هي اشتغلت شغلها وقام راحلها ورجعلي راي ثاني وأنا بصراحة مصدومة ليش يخليني سلاح بيده ويتجاهل مشاعري ليش لاصار زعلان يكون انسان رومنسي وحنون معاي ولما يرضى ينقلب علي بدون سبب هو وقت الزعل يبغاني أحتويه وبس ولا ايش السالفة بموت قهرررررر أرجوكم ردو علي رد يبرد اللي في قلبي والله ثم والله أكثر من عشرات المرات يسويها في ويخذلني بليز حطوا نفسكم بمكاني وش تسووو​

 

[DiamondRose]

اللي يتزوج على زوجته من دون سبب حقيقي ( يعني مثل انها ما تجيب اطفال ) رجل اناني ومافيه خير

يعني لا تنتظرين منه شي ,, لان اللي يخذل زوجته الاولى ويتزوج عليها اكيد مارح يكون فيه خير في زوجته لثانية

هذا بصفة عامة

بالنسبة لك انت انا اعتقد ان سبب زواجه منك كان في الاساس انه زعلان منها ,, يعني تزوجك عشان يقهرها وعشان كذا يصير معاك اللي يصير

الله يعينك ويفرج همك

 

[غرشوبة راشد]

الله يكووووووووووووون بعونج فديتج
والله مادري شقولج
مالج الا الدعاء​

 

[انا حلوه]

الله يعينك ويفرج همك








......................................
اللهم صلي على محمد وعلى ال محمد كما صليت على ابراهيم وبارك على محمد وعلى ال محمد كما باركت على ابراهيم وعلى ال ابراهيم في العالمين انك حميد مجيد

 

[بسمة رجى]

اللي يتزوج على زوجته من دون سبب حقيقي ( يعني مثل انها ما تجيب اطفال ) رجل اناني ومافيه خير

يعني لا تنتظرين منه شي ,, لان اللي يخذل زوجته الاولى ويتزوج عليها اكيد مارح يكون فيه خير في زوجته لثانية

هذا بصفة عامة

بالنسبة لك انت انا اعتقد ان سبب زواجه منك كان في الاساس انه زعلان منها ,, يعني تزوجك عشان يقهرها وعشان كذا يصير معاك اللي يصير

الله يعينك ويفرج همك

تصدقي هو شكله كذا بس أنا ايش ذنبي أصدقه وبعدين يخذلني

 

[كيان إمرأة]

باين عليه يموت عليها ويحبها وما يقدر على زعلها لدرجة من يشوفها مسلمة نفسها له يركض ويترك دنيته وراه .. :surrender:

بس حبيبتي المفروض تكشفين سر هالامر

اكيد اهيا مو مقصرة معاه على الفراش

ومسويته يادهينة لا تنكتين وتتدلع ومسوية له الجو جنة

عمدا عشان يرجع لها ويهدج :smoke1:

فيا حبيبتي انتي بعد تحديها وسوي الي تسويه اكثر واحلى

وصبري عليه

وانتي لا تثقين في كلامه

اذا قال بنسافر قعدي قولي له لا مابي اسافر ابي اقعد وياك هني نستانس هني انا مايهمني اني اسافر واغير جو دامك معاي هذا احلى جو وتدلعي و و و و عليه :msn-wink:

الريال يموتون على هالحركات :idea: واحنا الحريم نقصنهم بهالاموور وهذا سلاحنا الي يخلينا نصير ملكات في عيونهم

قعدي وياه فهميه قولي له

اهيا لها حق عليك وانت لك حق عليها ومثلها مثلي

عشان ما تظلمني ولا تظلمها

خل ليلة لي وليلة لها :blush-anim-cl:

وهذا امر الله .. لازم تعدل وانا يا حبيبي مابيك تظلم احد فينا وانت مو قاصد .. ومابي ربي الا يرضى عليك وعلينا

ومن هالكلام يعني

تمسكني عليه :in_love:

عشان لا تظلمين نفسج ولا تظلمينه ولا تظلمين حتى مرته الاولانية

حبيبتي اهتمي بعيالج تراهم لج سند .. واهتمي بنفسج واهمشي النفسية تكون مرتاحة

انتي بمجرد ما وافقتي عليه واهو متزوج .. فلازم تكونين قد المسؤولية وقد قرارج لان انتي الي جنيتيه على نفسج

فخلي هالامر في صفج مب ضدج فاهمة علي ؟ :detective2:

اهيا باين عليها ناوي نية شر والله اعلم

يمكن تبيه يطلقج وتفصلج عنه بجذي تسوي كل هالحركات

فانتي بدورج لا تعطيها فرصة وسوي الي تقدرين عليه عشان تبرين ذمتج ومايكون عندهم اي حجة يمسكونها عليج

والله يوفقج ويوفقنا ان شاء الله

:bye1:​

 

[أميرة راجح]

وانتي بعد ليش ماتتدلعين عليه وتسوين روحك زعلانه مثلها خليه يحس بقيمتك بس طبعا مااقصد زعل قوي يعني شوية ذكاء

 

[بسمة رجى]

باين عليه يموت عليها ويحبها وما يقدر على زعلها لدرجة من يشوفها مسلمة نفسها له يركض ويترك دنيته وراه .. :surrender:​

بس حبيبتي المفروض تكشفين سر هالامر​

اكيد اهيا مو مقصرة معاه على الفراش​

ومسويته يادهينة لا تنكتين وتتدلع ومسوية له الجو جنة
​

عمدا عشان يرجع لها ويهدج :smoke1:​

فيا حبيبتي انتي بعد تحديها وسوي الي تسويه اكثر واحلى ​

وصبري عليه ​

وانتي لا تثقين في كلامه​

اذا قال بنسافر قعدي قولي له لا مابي اسافر ابي اقعد وياك هني نستانس هني انا مايهمني اني اسافر واغير جو دامك معاي هذا احلى جو وتدلعي و و و و عليه :msn-wink:​

الريال يموتون على هالحركات :idea: واحنا الحريم نقصنهم بهالاموور وهذا سلاحنا الي يخلينا نصير ملكات في عيونهم​

قعدي وياه فهميه قولي له​

اهيا لها حق عليك وانت لك حق عليها ومثلها مثلي​

عشان ما تظلمني ولا تظلمها​

خل ليلة لي وليلة لها :blush-anim-cl:​

وهذا امر الله .. لازم تعدل وانا يا حبيبي مابيك تظلم احد فينا وانت مو قاصد .. ومابي ربي الا يرضى عليك وعلينا​

ومن هالكلام يعني​

تمسكني عليه :in_love:​

عشان لا تظلمين نفسج ولا تظلمينه ولا تظلمين حتى مرته الاولانية​

حبيبتي اهتمي بعيالج تراهم لج سند .. واهتمي بنفسج واهمشي النفسية تكون مرتاحة​

انتي بمجرد ما وافقتي عليه واهو متزوج .. فلازم تكونين قد المسؤولية وقد قرارج لان انتي الي جنيتيه على نفسج​

فخلي هالامر في صفج مب ضدج فاهمة علي ؟ :detective2:​

اهيا باين عليها ناوي نية شر والله اعلم​

يمكن تبيه يطلقج وتفصلج عنه بجذي تسوي كل هالحركات​

فانتي بدورج لا تعطيها فرصة وسوي الي تقدرين عليه عشان تبرين ذمتج ومايكون عندهم اي حجة يمسكونها عليج ​

والله يوفقج ويوفقنا ان شاء الله​

:bye1:​

بالعكس هي ماهي عاطيته وجه مو ليه والفراش فهمته انت تزوجت علشان كذا خلاص أنا أم عيال وبس علشان كذا لما تعطيه شوية وجه ما يصدق روحه فهي ما تعطيه ذاك الوجه الا لما يسافر

 

[بسمة رجى]

وانتي بعد ليش ماتتدلعين عليه وتسوين روحك زعلانه مثلها خليه يحس بقيمتك بس طبعا مااقصد زعل قوي يعني شوية ذكاء

أي نوع من الذكاء يمشي مع النوعية هذه

 

[كيان إمرأة]

حبيبتي انتي رافضة اي فكرة

فخلج بعنادج انتي الي راح تنضرين

 

[ألحان الصبا]

اللي يتزوج على زوجته من دون سبب حقيقي ( يعني مثل انها ما تجيب اطفال ) رجل اناني ومافيه خير

يعني لا تنتظرين منه شي ,, لان اللي يخذل زوجته الاولى ويتزوج عليها اكيد مارح يكون فيه خير في زوجته لثانية

هذا بصفة عامة

أختي اتقي الله في كلامك هذا شرع الله .قال تعالى (فانكحوا ماطاب لكم من النساء مثنى وثلاث ورباع فإن خفتم الاتعدلوا فواحدة) فالله سبحانه وتعالى لم يقيد الزواج بشروط.
ويلزم من كلامك ان نقول على بعض الصحابة-رضوان الله عليهم- بأنهم انانيين لأنهم عددوا من دون وجود سبب.


أنا زوجة أولى ولاأتمنى أن يتزوج زوجي علي وأظنه لو تزوج فسأتألم جدا<وهي فطرة في المرأة>ولكن يجب علينا التسليم وعدم الاعتراض على شرع الله فهو خالقنا وهو أعلم بمصلحتنا_ولربما كان هذا الزواج سبب في بلوغنامراتب عليا من الجنان ان صبرنا واحتسبنا_

 

[أمة الودود]

لماذا ترضي لنفسك أن تكوني زوجة تستخدم كوسيلة للضغط على الزوجة الاولى خاصة وأن مدة زواجك سنوات ولديك أكثر من طفل ،، هل زوجك عادل في المبيت والنفقة والمساواة بين الاولاد،،لابد أن تنظري لوضعك بتعقل وتبحثي عن حل فيبدو أن المشكلة فيك ،،يسر الله لك

 

[الرمش الناعس]

الرجال ما يقدر عليهم الا اللي خالقهم

 

[عزيزة.نفس]

باين عليه يموت عليها ويحبها وما يقدر على زعلها لدرجة من يشوفها مسلمة نفسها له يركض ويترك دنيته وراه .. :surrender:
اهيا باين عليها ناوي نية شر والله اعلم​

يمكن تبيه يطلقج وتفصلج عنه بجذي تسوي كل هالحركات​

​

لا حول ولا قوة إلا بالله
إن بعض الظن إثم

كان مصر أنه نجلس أسبوع قلتله ماني عاملة حسابي بلبس وغيرات وغيره يقلي أشتريلك جديد أقله الأولاد يبهدلو جدتهم يقلي طنشي كلها كم يوم ونرجع المهم كان فارض علي الجلسة وثاني يوم قلي ايش رايك نسافر سوريا وننبسط وناخذ عشرة أيام هناك في البداية ترددت لأني عارفة اللي بيصير لكن أصر قلتله والأولاد قالي أخدهم مرة جاية قلتله طيب خدهم وانا بعدين (علشان ما أنصدم ) ما رضي المهم قلتله سوي قرعة شرعية وسواها وطلعت علي

عزيزتي صاحبة الموضوع أنا أرى أن مشكلتكي الحقيقية هي في تعاملكي مع زوجكي
يا عزيزتي عامليه ع حسب شخصيته
( للمعلومية أنا من أنصار الزوجة الأولى )

 

[احلا البشر]

الله يعينكم الثنتين عليه الرجال ماله امان انت تشتكين وهي تشتكي
الله بس يعين الزوجة