تكفون ردو احترت منه

[segar_uae]

بنات اتخيلو اليم ريلي قالي انا مااحبج بس انتي غاليه عندي شو اسوي وكيف اتعامل معاه من بعد الكلام الي سمعته اتخيلو الي انتي خليني احبج والله كل الي عليه سويته ويالسه اسويه بس مش بين ف عينه اتخيلو ماييلس فالبيت بس الا على الاكل ولا نطلع مع بعض الا مره في الاسبوع او اسبوعين خبروني في شو تنصحوني اطنشه اليوم ولا اتزينله الليله واكلمه واقوله خلنا ننسى ونفتح صفحه يديده الله يخليكم ردو عليه ولا طنشوني

 

[نينو عنوني]

حلو دامه قال انتي غاليه عندي
يعني فيه بوادر انو يحبك
حبيبتي
صيري احلى من اول بكل شي
لا كلام لا لبس لا كشخه لا حركات وغيره
وبتشوفين النتيجه ان شاء الله
وادعي ربك وان شاء الله تفرحين بتصريحه لك بالحب
ربي يوفقك عزيزتي

 

[نايس هواوي]

تزيني له وحببيه في نفسك وقولي له لاتقول مثل هالكلام لانه يجرحني والحب يجي مع العشره خلنا نعطي انفسنا فرصه والايام الي جايه راح تثبت لك كلامي ان شاء الله
وانت ثقفي نفسك في امور الحياة الزوجيه ترى مو باللبس تكسبين الرجال ولا بالحلا بعقلك الواعي وبتصرفاتك المدروسه
الله يوفقك مع زوجك ويصير مايشوف في حياته الا انت
لاتنسين خلك مبتسمه دائما

 

[نور كندا]

اعملى يلى عليك ولاتنتظرى منه ان يحبك او لاء فقط لاتقصرى بواجباتك نحوه وعيشى حياتك عادى ولاتضعى كل كلمة يقولها تحت المجهر

 

[segar_uae]

ثانكس على كل ردودكم الحلوه بس يعني انا قلت خلاص بطنشع ولا كنه موجود او اكلمه واتزينله واسوي كل اليباه احترت حد يقولي خليه وطنشيه يعني الحينه هو زعلان اخاف لما اتزينله يقول اني مصرقعه عليه واني ميته عليه بس انا قلت بكلمه وبحاول معاه

 

[غيمة سحاب]

لازم تجلسين معه وبهدوء تناقشينه .....؟؟؟ يمكن فيه شئ انتي ماتعرفينه !!!

 

[UMmonah]

تبغين احلفلك اني احيانا ما اطلع الا مره بالشهر ,,,,,مع اني احب الطلعات
لكن موسبب ...اما ما احبك وغاليه عليه ,,,,كيف !!؟؟حليها مافهمت؟
وكمان انا مع كلام الأخت غيمة سحاب

 

[أم سكر]

يمكن يقوللك كذا يبغ يمزح معاك بس يشوف ردة فعلك

 

[N&E]

حبيبتي التطنيش غير عن الإهمال
المقصود التطنيش إني تأدين كل واجباته وتتزينين على الأخر
لكن حاولي تشغلين نفسك عنه
يعني ياتقرأين كتاب يا تسوين لك شغله
كذا هو بيدور عنك
وابدا لا تعبسين وتكشرين
يوم يجي يطل عليك ابتسمي وقولي امر بغيت شيء
هو بيحس إن بتصرفه هذا اهو الخسران إنه فقد جلستك

..
انا اول كنت مثلك واتزعل لو قال لي اي كلمه
لكن قرأت هالنصيحه هنا وطبقتها
والحمد لله

الحين يقولي شنو ساحرتني انتِ
ماغير افكر فيك

..
ولا تخلين صلاة الليل والدعاء
ادعي دائما إن الله يسخر لك زوجك ويسخرك له

ودائما الأستغفار على لسانك
ومفعول الأستغفار عجيب لما تصير هالخلافات
وتنحل ببساطه مع الإستغفار ويرجع لك ازين من اول بكثير

والله يوفقك ياقلبي

 

[غربة احساس]

طنشيييييييييييييييييية ولاتهملينة ان مع البنات لايقول ميتة علي وماعندها كرامة
الله يسعدك

 

[شمرية البدائع]

عليك بالدعاء ولالاستغفار الله يسخره لك ويهديه.

 

[كافيه لاتيه]

اعملى يلى عليك ولاتنتظرى منه ان يحبك او لاء فقط لاتقصرى بواجباتك نحوه وعيشى حياتك

 

[القلب المهجور]

بأعتقادي لو مايحبك ماقدر يعيش معك

 

[حرب الأحساس]

كثير يقول لزوجته احبك واموووووووت فيك وماشافت شي من هالكلام
المهم الأحترام والمودة ولا تكثرين عليه فالموضوع نصيحة

 

[عنقود عنب]

كثير يقول لزوجته احبك واموووووووت فيك وماشافت شي من هالكلام
المهم الأحترام والمودة ولا تكثرين عليه فالموضوع نصيحة

عزيزتي

المعزة والمودة تؤدي مع الوقت الى الحب

صدقيني عزيزتي ...المسلسلات والافلام هي من زرع في عقولنا كلمة الحب

نعتبر هذه الكلمة هي مفتاح الحياة

لا ياعزيزتي ...ليست كل البيوت قائمة على الحب

وش فايدة يقول لك احبك ...وهو يخون ...وما يحترمك ...ولايقدرك

والطلعات والفسح ليسة دليل على الحب

اهم شي التقدير والاحترام ..هي اللي تقود الى الحب العميق السليم

انسي ما قاله لك زوجك

هو يحبك ..ولكن تلقين خانة التعبير

ربي يسعدكم

 

[نضوج أنثى]

ياقلبي خلي أمورك متوسطه دامه يغليك صدقيني لك بقلبه محبه ومايقدر يستغنى عنك ولو فرضنا ماحبك مايستاهل إنك تحاولين تخلينه يحبك ليش تيأسين هذا زوجك حلالك سوي المستحيل عشان تكسبين حبه ورضاه لا تهملين بنفسك ابدا دام صارحك لا تعطينه ردة فعل اوك دام ماتبيني انا ليه اهتم فيك وبنفسي بالعكس اعطيه احساس حتى لو ماتحبني انا احب روحي وبدلعها واكشخ لنفسي قبلك انا انثى شيك واتيكيت ونظيفه فيك وبدونك لو تهملينه كأنك تقولين له انا حاقده عليك عشان ماتحبني وبالتالي عمره ماراح يحبك لما تهتمين فيه وبأموره توصلين له رساله كلامك اعطاني دافع اني احاول اكسب قلبك وانت مهم عندي لا تحطين في بالك كأني ارمي نفسي عليه وماعندي كرامه بالعكس حاولي تكسبينه خلك ثقيله ابتسمي معه استقبليه وودعيه قومي بكل واجباتك لكن خلك بعد رسميه شوي فيك غموض انسحبي مرات خليه يفتقدك اشغلي نفسك خليه يحاول يكتشفك من جديد وش الأنثى اللي معي تحترمني وتبتسم معي وتقوم بواجباتها ومرات تتجاهلني ثيري فضووله وش اللي شاغلها عني الشغلات اللي تعجبك اكتفي بابتسامه ومدح بسيط واللي ماتعجبك عطيه نظرة إنك مو راضيه بدون نكد وهواش تعمقي بشخصيته اكتشفيها بكل جوانبها بإيجابياتها وسلبياتها ونقاط ضعفها وحاولي تتعاملين معه على اساسها والله في زوجات ازواجهم قالوا لهم مانحبكم حتى نغليك ماقالوها وسبحان الله مع الصبر وشلون عرفوا يتعاملون معهم بالطريقه الصحيحه كسبوا حبهم ومودتهم الله يسخره لك يارب