الزوجات الثانيات ومن لديها الخبرة والنصيحة

[مشاعر خجولة]

فرج الله همك يا / مشا عر خجولة ..

وجعل الله لك من أمرك رشدا .. وسلمك مما تخافينه ..

:idea::idea::idea:​

حياك الله ياطيبـــــة ،،ولك بمثلها
مشورتك استنرت بها ولازلت أدعولك بظهرالغيب
شكرا لنقائك يانقية​

 

[الجوهر بنت م]

اب اب

 

[مشاعر خجولة]

الله يرفع قدرك الجوهرة م
وشكرا لكل قلب نقي شاركني هنا

 

[~أغلى الغاليات~]

جميل ماعقبت به أخية وفعلا الزواج ستر واستقرار​

ولاأعتقد أن جنوبية ستقاتل مع الوحدة!!!
أما الصبر فهذا ماأفعله حاليا وأتصبروأطلب العون من الله،،
قلت (كنت ثانية)هل انفصلت عن المعدد أم ماذا؟​

سلمتي ووفقتي حبيبتي​

لا ما انفصلت بس انا في البدايه ارتبطت بمطلق وبعدين رجع زوجته بعد ما عرفت انه تزوج ما خلت طريقه الا وسوتها عشان ترجع ورجعت برضاي عشان الاطفال وفي النهايه زوجي طلق زوجته الاولى لاسباب كثيره فصرت وحيدة..:shiny:..وصدقيني مرت على ايام سودا وكان زوجي طول الوقت معصب ومتوتر وهي تتفنن في خراب بيتي لكن والله وكلت امري لله والحمدلله رد كيدها في نحرها..حبيبتي ليش تقولين تعيشين في وحده وين اهلج وين ربعج وين حياتج الاجتماعيه هواياتج اهتمامج بطموحج وبجمالج..شوفي الدنيا من منظور ثاني مو بس زوج انا اقولج اغلب معانات الزوجات لانهم يشوفون حياتهم كلها من خلال هالزوج لاحظي عند اي مشكله بين الزوجين تلقين الزوجه شوي وبتموت من الهم والرجال عايش حياته بالطول وبالعرض شجانا من ورى هالمبدأ غير وجع الراس..حبي نفسج وبعدين حبي اللي حولينج ودوم خلي نفسج الاهم في عينج والباقي يهون..والله كل متزوجه عندها مشاكل ومسؤوليات وهموم بس الشاطره هي اللي تطلع من هالمشاكل باقل الخسائر النفسيه والجسديه وتعرف شلون تتحكم في حياتها ..
الله يوفقج يا قلبي ويسعدج..​

 

[مشاعر خجولة]

الله يسعدك ويوفقك يالغالية
أما بالنسبة للوحدة فاحتياجي للزوج كبير
ولن يغنيني أبي ولاكل أهلي عنه
اسألك الدعاء لي بالتوفيق ؛فلكم أحتاج لدعواتكم

 

[رحيل الوقت]

احس توب سكوت حطمتك

وبعدين لا تهتمي عادي عيشي وضعك انا زوجي شمالي شرقي اوقات اقربه لجوي واوقات ما يمدي هو اللي يقربني

تدرين الطباين ما يبيلهم غير انها تغسل مخه خخخخ
اغسلي مخه خليه ما يشوف الا انتي عاد كيف مدري
انتي مثل ما قلتي جاد وحالم شلون يجتمعون

الله ما جمع الا وفق وكلي ربك بتلقين صفه مشتركه تدري وشي انه هو اختارك ثانيه وانتي اخترتيه كمان لان كان بايدك تختاري القبول او الرفض اونتي اخترتي ابدي دوري عاد

 

[الزوجه الثانيه]

ياليت اقدر اساعدج انا كنت زوجه ثانيه بس زوجي جنوبي..وانا جنوبيه ما شاء الله لا يقين على بعض..بس اقدر اقولج ..ان الزواج من معدد صعب والزواج من اعزب او مطلق او ارمل بعد صعب بس الشي الحلو ان عندج يوم تستانسين فيه بالطول وبالعرض مع المعدد واليوم الثاني تعيشين العزوبيه:nosweat:....

الرجال بشكل عام يبي لهم طولت بال..وصبر..الحياه الزوجيه صعبه على اي بنت..والرجال مهما كان نمطه ما تجيبين راسه الا بذكائج و معرفتج لمفاتيحه..سمعتي المثل اللي يقول تتمسكن حتى تتمكن..سوي هالمثل وصدقيني خذي الامور بصبر وحاولى تفهمينه عشان تكسبينه ..عندج المنتدى شوفي المشاكل اللي فيها اغلبها لزوجات وحيدات وبعد مو مرتاحين يعني ما جات على المعدد..
الزواج حببيبتي ستر وغطا واستقرار..

والحب انتي تقدرين تزرعيه بقلبه بالمعامله الطيبه (كوني له أمة يكن لك عبدا)..والله يوفقج ان شاء الله لكل اللي فيه خير لج​

:icon30::icon30::icon30::icon30::icon30:

 

[مشاعر خجولة]

احس توب سكوت حطمتك

وبعدين لا تهتمي عادي عيشي وضعك انا زوجي شمالي شرقي اوقات اقربه لجوي واوقات ما يمدي هو اللي يقربني

تدرين الطباين ما يبيلهم غير انها تغسل مخه خخخخ
اغسلي مخه خليه ما يشوف الا انتي عاد كيف مدري
انتي مثل ما قلتي جاد وحالم شلون يجتمعون

الله ما جمع الا وفق وكلي ربك بتلقين صفه مشتركه تدري وشي انه هو اختارك ثانيه وانتي اخترتيه كمان لان كان بايدك تختاري القبول او الرفض اونتي اخترتي ابدي دوري عاد

أبدا حبيبتي توب كانت تعبر عن وجهة نظر وأحترمها تماما حتى لوخالفتها
أما اللي مااستوعبتيه جاد وحالم فهذه مقارنة بيننا هوجاد وأنا حالمة
أشكرك لتعقيبك وموفقة​

 

[مشاعر خجولة]

الزوجة الثانية
كنت أتمنى أن أسمع رأيك من واقع تجربتك
تسلمين لمرورك

 

[العيون السهرانة]

في كل الحالات كنت زوجة اولى او ثانية الحياة تختلف مع الطبائع ولازم المشاكل ،،بس الإنسان تفكيره وتصرفة حزت المشكلة،، المهم ادرسي موضوعج عدل وشوفيه من كل الجوانب وأسباب زواجه على الأقل وردي استخيري، انا ما أشجعك على الزواج من متزوج لأسباب ولا أريدك تترددي من الزواج من متزوج ونقطع نصيبك ولا أتمنى لأي زوجة اولى زوجة ثانية،،بس حسب طبيعة كل ظرف وسبب ،،ونوع الريال ..والصراحة تقال ولا تزعلين من كلامي،،

 

[أنا وزوجي]

انا زوجه ثانية لكني توي عروسة مالحقت على عالم الزواج

لكن المهم انك تطلعي نفسك من الهم والاحساس بالوحده اشغلي نفسك
وبعدين اروع مافي الزواج بمعدد انه بيكون لكي يوم لحالك ووقت خاص فيكي مايطفشك ولا يجننك بطلباته
وغير انه زوجك يجي مشتاق بعد غيبه وانتي كمان وكل يوم تشوفيه عريس
بالنسبة لي انا قبل زواجي كنت مطلقه ولي ولد والزوجه التانية ناسبتني كتير صار يومي مقسم لولدي ونفسي ولزوجي ومحد يزعل من التاني
وحتى انا استرخيت كتير ورجعت امارس هواياتي الخاصة الي احبها واسوي كل الي ابغاه خاصه انو زوجي مطوع جدا جدا وانا مني مطوعه وهذي نقطه خلاف بيننا لكن مشي الحال

انتي ادعي ربك يوفقك معاه ويحنن قلبه عليكي وسوي زي طنشي وان اتصل عليكي قابلية بالفرح والضحك وامزحي ولاعبيه في الكلام لاتكوني نكدية معاه حتى لو كنتي زعلانه منه عشان لا يملك
انا الاخوات هنا نصوحني اسوي كدا وفعلا ماشية على الخطه لانه اتغير بعد الزواج عن قبل وصار قليل الاتصال بالجوال مو زي اول
وامس وبين المزح قلت له يووة الله يرحم زمان اول والجوالات تتذكر وانا اضحك
قلي اية اية ايامها ماقدر اوصلك الحين كل ماجيتي على بالي اجيكي بلحمي وشحمي مايحتاج جوال
شوفي كيف وجهه نظر الرجال مختلفه عننا احنا نبغا العاطفة ومحتاجين للكلام الحلو وهما عمليين جدا يفكرو بطريقة مختلفه

استرخي والله يوفقك ويوفقنا اجمعين

 

[أمة الودود]

الله يعينك على اختيارك .

 

[دلال العبدالله]

.

الله يعينك على اختيارك .

اتوقع انه ماسوت شئ لاعيب اهو ولا حرام بل بالعكس يمكن تعشين مع هالزوج احسن من حياة البنت البكر مع شاب ماسبقله الزواج
وهذا مااتمناه لك عزيزتي وبالتوفيق

 

[السندريلا1403]

اختي الكريمة .......انا سجلت في المنتدى فقط عشان ارد على مشكلتك
لانني الزوجة الثانية
لاكن احس اني عاجزه عن الكتابة
لاكن بأختصااااار
استخيري الله...استخيري الله...استخيري الله..
تري الموضوع اصعب مما تتوقعين .. ومصيرك تحسين بكلامي..؟
وانشاء الله ربي يوفقك ..ويرزقك.. الزوج الصالح

 

[العنقاء]

انا ماانصحج تكملين في هذا الزواج من واقع تجربه خضتها لان حياتج بتكون اصعب من ماتتخيلين بصراحه المتزوج يبيله طوووووووووووووووووولة باااااااال واذا تبين راحتج لاتكملين بهالزواج لانج لو كملتي اكيد بتندمين الله يعينج ومهما الاعزب او المطلق له عيوب يظل اهون من المتزوج خاصه اذا كنتي غيوره

 

[نعومه كول]

الله يعينك اخى بس ايش جابرك على الزوجه الثانيه؟؟
يمكن لو صبرتي وترويتي شوي كان اله عوضك بزوج فاااضي ماعنده غيرك بحياته ....
زوجه ثانيه وشمالي شرقي يعني ماراح تعرفي تاخذي منه حق ولا بااطل بعد الزواج هاذا من غير الدوامه الي دخلتى نفسك فيها والمشاكل الله يكون في عوونك انا ماعرف وش الي يعجبكم بالرجل المتزوج؟؟
مافي ارمل ولا مطلق ولا شاب خلااص وقفت الدنيا عند هاذا المتزوج....!!!
سبحان الله الدنيا دواااره وكما تدين تودااااان والله يكون في عونك

حبيبتي شنو الدنيا دواره الله يهديك
كانها مسويه ذنب
انتي كانك تعترضي على شرع ربي
حرام عليكي
الزواج الثاني حلال وبشرع ربي مثله مثل الزواج الاول
وربي شرط فيه العدل
حبيبتي ادري تكتبين كذا من الغيره اللي ربي فطرنا كلنا ياحواء عليها وربي ماراح يحاسبنا عليها لاننا انخلقنا فيها

حبيبتي كل الرجال راح يعددون بالجنه
حتى لو مو معدد في الدنيا
بيعدد بالجنه اذا ادخله ربي الجنه برحمته
بتكون له اثنتان من الحور العين
بس حبيبتي زوجات الجنه غير مافي غيره ولا كره ولا حسد
تعلمين اخيتي انه المراه المسلمه اذا رات زوجها مع الحور العين بالجنه تضحك
فسبحان الله الذي نزع الغيره من قلبها:bigsmile:
وعلى فكره انا زوجه اولى وان شالله ابقى الاولى والاخيره لزوجي




حبيبتي صاحبة الموضوع
معروف انه الشمالي جاف ومافي مشاعر رومنسيه ابدا
حتى لو يحبك مايعبر بطريقة الحب
يعني ياقلبي اذا تشوفي نفسك ماتستغني عن هالشي استخيري اولا واخيرا

 

[إحساس جميل]

السلام عليكم
انا عضوه جديده وزوجة ثانيه طبعا الزواج قسمة ونصيب بس اللي ترضى لازم تحط ببالها انه ماراح تكون الوحيده بحياته الزوج المعدد اذا عدل ممتاز بس اكيد راح يكون عنده التزامات وحطي ببالك انه بأي لحضه البيت الثاني راح يتصلو ويطلبو طلبات وتعال وجيب وهذا مريض وهذي عنده مشاكل ولكن اذا حاسه نفسك تقدري تصبري وتتغاضي عن امور كثييير وتتجنبي المشاكل ربي يعينك ويوفقك وعلى العموم مافي احد مرتاح الحياة كلها تعب وربي يسعدك ويوفقك ويسخر لك كل خييير واي سؤال او مساعده بخدمتك وجميع اخواتي هنا