كيف لي ان اتغير ؟؟

[بيونه]

ابي اتغير ... من مما اني عليه لحال أفضل .. ابي اترك الشيطان الي بيهدم حياتي من الشك ...
(هذا الكلام قبل سنوات) ....
والحمد الله
اتغيرت وصارت عندي إراده قويه بالمواصله وحسيت نفسيتي أحسن ... بس هو مو مساعدني ... لازال يعايرني بظني السيئ والشك فيه .. كلما اقول له أتغيرت يقول لي قولي هالكلام لغيري.... من أبدأ أسأله او اقول له أي شي بحسن نيه أو أي سؤال ,,, يثور فيني ويعايرني بشكي وظنوني ويقول لي عمرش ما بتتغيرين ؟؟؟
شو رايكم بنات اشلون اتعامل معاه واحسسه بتغيري؟؟ :icon1366:
أبي أرائكم لا تردون بليز.. أنتظركم ....:bye1:

 

[يمانيه]

هههههههههه
والله يابيونه أخر جمله ضحكتني
شلون تبين ارائنا وبنفس الوقت ما نرد هههههههه :nosweat:

لا تزعلين امزح بس :icon26:

وبالنسبه لمشكلتج صراحه ما اعرف شارد عليج
بس انتي تحملي تقولين له بالكلام انج تغيرتي
لا خلي افعالج هي اللي تتكلم

لانج لو تكلمتي ولفتي نظره أنج تغيرتي اذا سألتيه عن اي شي مثلا وين كنت وليش تأخرت بيرجع السالفه عليج انج مو واثقه فيه وكله تشكين وتظنين السوء فيه

حتى وان كنتي ما تقصدين شي

بس بيحس انج تحققين وراه لشي في نفسج يعني مو وله او شوق عليه لا بيفهمها بشكل ثاني لانه مآخذ عنج فكره انج شكاكه

انتي اللي عليج تسوينه انه اسلوبج وطريقة اسألتج له تتغير

وخلج واثقه بنفسج أكثر من جذيه
وقولي له اذا بتغير بتغير عشان نفسيتي ترتاح وانت حر تصدق
من باب ان بعض الظن اثم
وان الشك تدمير للحياه الزوجيه
والخ الخ من هاالكلام

وطبعا انتي ادرى بنفسج يمكن انج مزوده العيار حبتين معاه:1eye:

 

[sara_79]

أحيانا الازواج يفسرون ألاستفسار عن الطلعه شك والروحه شك أذا سألتيه عن من يكلم شك .... نصيحتي فعلا لا تسالين الا بحدود ... وغيري اسلوب الاسأله يعني بدل ما تسالينه متى ترجع ؟ سأليه أنطرك ولا بتطول .... ؟ وحاولي أذا كلم أحد من أصدقائه تطلعين كانه مو هامك ... ديري بالك تحركين موبايله من مكانه بيقول تعبثت فيه ... أنا زوجي أذا لقا باب السياره مفتوح بالغلط يتهمني منبشه وراه ..... لاني كنت أشك فيه ......

 

[روتانا سيما]

حبيبتي طنشي كل الرجاجيل كذا يحبووووووووووووووووووووووووون المشاكل وسعي صدرك

 

[عزيزة نفس]

ابي اتغير ... من مما اني عليه لحال أفضل .. ابي اترك الشيطان الي بيهدم حياتي من الشك ...
(هذا الكلام قبل سنوات) ....
والحمد الله
اتغيرت وصارت عندي إراده قويه بالمواصله وحسيت نفسيتي أحسن ... بس هو مو مساعدني ... لازال يعايرني بظني السيئ والشك فيه .. كلما اقول له أتغيرت يقول لي قولي هالكلام لغيري.... من أبدأ أسأله او اقول له أي شي بحسن نيه أو أي سؤال ,,, يثور فيني ويعايرني بشكي وظنوني ويقول لي عمرش ما بتتغيرين ؟؟؟
شو رايكم بنات اشلون اتعامل معاه واحسسه بتغيري؟؟ :icon1366:
أبي أرائكم لا تردون بليز.. أنتظركم ....:bye1:

بسيطة يا بيونة
تقولين تغيرتي طيب اثبتي له هالشئ
يعني لا تسألينه وين رايح ومن وين راد ومع من كنت ولا تفتشين جواله وجيوبه
اقعدي معه وتناقشي انتي وياه بهدوء شوفي وش الأشياء اللي تضايقه ولا تسوينها
بس​

 

[نعوٍِوٍِمه]

ايه مثل ماقالت عزيزة نفس ..
لا تسألينه وين رايح وين جاي بس شلون يعني قعدي اسبوع ومسكي نفسك لا تسألينه خليه طالع رايح جاي نفس الشي .. في هذي اللحظه هو بيحس انه فيه شي متغير هالاسبوع الاهو عدم سؤالك عنه .. ^ ^

وبعد فتره سأليه مو كل يوم لا في الاسبوع مره بس ..

وبعد فتره كثري شوي يعني في الاسبوع 3 مرات ..
هو راح يلاحظ انك تسألينه لانك مهتم فيه مو لانك شكاكه فيه ..

واذا قالك كلمة شي قوليله اذا انا ماسألت عليك منو الا راح يسأل عليك .. ولانك الغالي الوحيد ..

...........................

 

[احـ نجد ــاسيس]

الله يعينك اخت بيونه والله نفس مشكلتي ومعاناتي مع زوجي وحاسه بوضعك بس مثل ما قالوا الاخوات المفروض مانقولهم على التغير .....نخليهم يحسونه بنفسهم والاخوات ما قصروا بالردود الله يوفقك حبيبتي