يصير نورط وحدة بموضوع لمصلحتها؟؟

[صوت الصمت]

السلام عليكم ورحمة الله وبركاته..
خواتي البلقيسات ما بطول عليكم بس ابي نصيحة قوية منكم لربيعتي..

اربيعتي تعاني من اخت زوجها.. مو شخصيا.. يعني اخت زوجها ما تضرها شخصيا..
اشرح لكم : اخت زوجها تكلم شباب وتقولهم عن اسمها الحقيقي ومكانها واسم العايلة
وساعات تطرش صورها الشخصية للشباب.. صور شخصية يعني من غير حجاب..
وألحين ربيعتي خيفانة على سمعة زوجها لأنه اخته مصختها قامت تكلم اكثر من واحد
وتقولهم عن زوجةااخوها.. واخوها وغيره..
فربيعتي خيفانه من الإخت لا تقوم تطرش صور زوجة اخوها للشباب.. واذا عرف زوجها يعني حياتها انتهت
وطبعا ربيعتي تعبت كثر ما تنصحها.. ماشي فايدة..

فأنا وربيعتي فكرنا بفكرة يمكن البنت تتوب من بعدها.. والخطة هي:

انطرش صورة الاخت إلى خوانها الاولاد الكبار هم 2..
من رقم غريب ونكتب تحت الصورة حافظ على اختك لا تنتشر الصور بالنت..
او اي كلام ثاني..
وبهذي الطريقة اخوانها بيسحبون عنها التلفون واللابتوب وبتكون تحت الانظار
ويمكن تحس وتنحرج لانه امرها بينفضع عند اخوانها الاولاد
علما انها تخاف منهم..​

فشوووو رايكم..؟؟
تحسونها طريقة صحيحة..
او يمكن نظلمها..
بس احنا منتبلا عليها بشي واقعي.. فما ادري حرام او عادي..؟؟؟
بلييييز النصيحة

 

[طيف الروح]

السلام عليكم ورحمه الله وبركاته

المصارحه احسن اذا زوجهاااا من النوع المتفهم ومراح يقووول انتي تفترين على اختي


تصارحه

وتقدرين تسوين الخطه احسن متروح فيهااا الضحيه الى هيه الزوجه

بس انتبهووو تنكشفوووون

سبحان الله والحمدلله والله اكبر واستغفر الله كثيرا

 

[توما]

انا من رايي لا!

خل تكلمها شخصيا

لا توصل لاخوانها السالفه لان بتكبر

والافضل ان تشيل يها من الموضوع

عشان اذا صار او ما صار لا يقولون زوجة الاخ قالت لي جذي وسوت جذي يعني القيل والقال ما يخلص!!!

 

[بحرينية وافتخر]

اولا صديقتج شدراها بانهااا بتتكلم عنهم عند الشباب

واشلووون حكمت عليهاا انها راح اطرش صورهااا حق الشباااب

من الاحسن تشيل ايدهااا عن الموضووع ولا تسوي حق روحهااا سووااالف لانها نصحتهاا وما تابت ولاااا تقول حق زوجهااا ابدااا لانهاا ما تدري شنو هي العوواقب وبتطلع اخته البريا لانه ما فيه احد يبوووق ويقول انا باايق

 

[صوت الصمت]

مشكورين خواتي على الردود
بس المصيبة ان اخت الزوج تتكلم بكل شي جدام زوجة اخوها..
فكيف تسكت وهي تعرف انه هذا يمكن يودي سمعتهم بداهية..
وربيعتي وزوجها مايستاهلون تدمر حياتهم عشان الاخت بس ترضي غرورها
وربيعتي ماتقدر تصارح زوجها عشان مايقول انها تخرب بينه وبين اخته
هي تبي تبعد نفسها..

 

[جوهرة الشمال]

أنا من رأيي تجمع عليها أدلة وبعدين تهددها بها وإذا ما ارتدعت لازم أخوانها يدرون حتى يوقفونها عند حدها وترى الشرف ما في أغلى ندمنه وترى إذا ما تصرفت الحين بتكون هي المُلامة عند ما يدرون الأخوة وما أحد بيعذرها حزتها

 

[أكسجين]

الحركة اللي اقترحتيها ممكن هالبنت اللعابة اللي تتكلمين عنها تنكرها بكل بساطة..
يمكن تقول هذي بنت حاقدة علي وتبي تفضحني وتسوي لي مشاكل ,, ومن ها الكلام..

أما من ناحية تتدخل ولا لأ فأنا من رأيي لازم تتدخل .. مايصير تشوف هالشيء يصير قدامها وتسكت عشان تبعد نفسها عن المشكلة.. المفروض تنصحها واذا ماتنصحت تقول لأمها أو حد من خواتها تتصرف معها

 

[~| Ť я 7 ά ℓ ••]

وعليڪم السلآمَ وآلٍرحمهً ..

آختًيَ انصحڪ انګ مآتورطيًن نفسڪ بشيً
خليهآ آتركيهآ لو سويتيُ اليً قلتيهْ ترىً اللومْ بيرجعً عليكمْ
وترىً انتيْ مآتعرفينْ اخوآنهآ يمكنْ يضربونهآأ ويمكنً البنت يجيهآ
شي بسبتكم ..
وان شاءلله مآيصيرشيَ لآتخآفينً .. وادعوآ ربيْ يهديهآ ويصلحً بآلهآٍ ..
والله يوفقكْ .. }

 

[حور الكويت]

من راقب الناس مات هم. دعي الخلق للخالق.انتي وش دراكم عن البنت . ياختي من ستر مؤمنا ستره الله يوم القيامه. خلي ربيعتج تهتم بزوجها وبنفسها والبنت عندها اهل يشوفونها.

 

[الحلووه]

من راقب الناس مات هم. دعي الخلق للخالق.انتي وش دراكم عن البنت . ياختي من ستر مؤمنا ستره الله يوم القيامه. خلي ربيعتج تهتم بزوجها وبنفسها والبنت عندها اهل يشوفونها.

لا يأختي الستر اللي تتكلمين عنه مو في الموقف هذا ولا مع البنت المراهقه اللي بتضيع سمعة اهل وممكن تفكك أسر..
:shutup(والساكت عن الحق شيطان أخرس)):shutup:
وهي تعتبر ساكته عن قول الحق..
واذا كانت بنتك تكلم شباب وترسل صورها لخلق الله هل ترضين لها بأنهم يسترون على بنتك.؟؟
حنا مانتكلم عن حقد وكره وحسد..
حنا نتكلم عن مصلحة البنت ونعدها اختنا او بنتنا:icon26:..
نصيحه لصديقتك تعلم عليها بأي شكل من الاشكال المهم تنقذها قبل ماتصير سمعتها بالتراااااب

 

[نظرةعيوني ذلتهم]

انتبهي
الخطة تعتمد بنجاحها على مدى تفهم اخوانها او اهلها
اذا اخوانها عصبيين ابتعدي عن الخطة
بس اذا زوج رفيجتج متفهم وهاادي ويعرف يمسك اعصابه خلييه تخبره عنها وهو يكلمها وينصحها
بس اذا كان عصبي اخاف يسوي لها شي وتروح فيها البنت واخوهاا
وبعدين ما انصحج ان رفيجيتج تهددها انها راح تقول لزوجها الا وهو اخوها
لان ممكن تكذب عليها بانها راح توب وما ترجع للسوالف
وتكمل خرابيطها من وراها ...
الله يهديها ويبعدها عن هالطريق ويرزقها الزوج الصالح عاجلا يا رب