ابي افكار حق بيتي الجديد

[وأورق الشجر]

سلام ياغليات :surrender:
كل كم شهر ونسكن بيتي الجديد باذن الله تعالى
وحبيت استشيركم في الالوان والاشكال ومنكم نستفيد (ماخاب من استخار ولاندم من استشار):blush-anim-cl:
المهم نبدا من واجهة البيت:clap:
هل نحط حجر او جرانيت احسن
الصبغ معتق او مخملي مع اني الصراحة ما اعرف المخملي (ياريت الي عندها صور تفيدني )
سراميل الحمامات (اكرمكم الله )غامق احلى او فاتح والي عندها صور لحماما ت اطفال ياريت ماتبخل :msn-wink:علي
طيب سراميك الارضيات وش الاحلى غامق ولا فاتح او كل غرفة لون مثل لون الصبغة
والمطبخ وش احلى لون
واواني المطبخ التيفال احسن او السنيستيل
ارجو المعذرة طولت عليكم بس اعرف ان عندكم افكار حلوة ويمكن في احد ساكن جديد ويفيدني
وسلامتكم
اختكم واورق الشجر ادعوا لي يكون البيت خير علي وعلى اولادي

 

[Dan Dan]

جعله الله منزل مبارك عليكم يارب

 

[^غلا دبي^]

عزيزتي بالنسبه لواجهة البيت فأنا افضل الحجر لانه يتحمل طبيعة الجو وفي نفس الوقت يحجب الحراره عن جدران البيت وفي نفس الوقت يحمي الطابوق من التشقق

وبالنسبه للون فالاختيارات كثييييره




الصبغ حلوه لو كان منوع يعني غرف النوم لها نوع والصاله تدخلين فيها نوعين كحركه


هذا المخملي لكنه ما يناسب لغرف النوم الا اذا كامن جهه وحده مثلاُ خلف السرير وما ينفع لغرف الاطفال

سيراميك الحمام الفاتح يكون افضل لكن لازم يناسب لون غرفة النوم



بالنسبه لحمامات الاطفال الافضل انج تختارين لهم حمام عادي وانتي تتحكمين بالاكسسوارات وتكون للاطفال

لانهم ان شاء بيكبرون فالحمام صعب انج تغيرينه بعد فتره




سيراميك الغرف يكون لونه فااااتح ويناسب الاثاث افضل لانه يوسع لج المكان

وبعد اسهل في التنظيف لان الغامق يتجمع عليه الغبار ويكون واضح




لون المطبخ يعتمد على ذوقج

وان شاء الله يكون البيت خير عليج وعلى عيالج

 

[رموش نمله]

غلا الدبي ماشاء الله ماقصرت
حبيبتي بنسبه دوره المياه فياليت يكون الوانه غامقه افضل والافرنجي يكون ابيض والعربي 0000الخ ابيض ليسهل تنضيفه تعقيمه
اما السراميك يكون ابيض ساده حتا يكون في المستقبل لوغيرتي الاثاث انه يناسب
اما الصاله يكون ارضيتها خشب لها اسماء بس انا ماعرف شو الافضليه
اما البويه فتعتيق مع الوقت ممل فنصحك بساده مع رسومات في الزوايه او المتناثره انشاء الله ببحثلك عن الصور لتفهميني ما اقصد
اما الاضاءه تكون في الممر اضاءه خفيفه رومانسيه بسيطه مع التحف الفخمه والابجوره الخاصه بلممر
الاسقف يكون بلجبس الخفيف غير متكلف في الزغرفه دارج يكون لون الابيض او الالوان الفاتحه
اما الثريات يكون بلكسوارات الملونه او المسماه كرستالات ملونه

 

[وأورق الشجر]

تسلمون خواتي ماقصرتوا وعقبالكم ان شاء الله كل وحدة تسوي بيتها على ذوقها يارب واشكر غلا دبي على الصور

 

[نجمه مضئه]

مبروك اختي الله يهنيكم فيه شوفي ياقلبي اي رقم تبغينه عمال شئ عندي مره ممتازين مشتغلين في بيتناا وعلى وشك يخلص عندي عمال حجر وقرميد - سباك - كهربائي -مبلط - رسم عالزجاج اذا بتحطين ترى مرره يجنن - عندي حداد شغله خرافه ورخيص - اناا ابغى اخدمك واخدمهم لاني وعدتهم اسوي لهم دعايه هههه

 

[وأورق الشجر]

مبروك اختي الله يهنيكم فيه شوفي ياقلبي اي رقم تبغينه عمال شئ عندي مره ممتازين مشتغلين في بيتناا وعلى وشك يخلص عندي عمال حجر وقرميد - سباك - كهربائي -مبلط - رسم عالزجاج اذا بتحطين ترى مرره يجنن - عندي حداد شغله خرافه ورخيص - اناا ابغى اخدمك واخدمهم لاني وعدتهم اسوي لهم دعايه هههه

تسلمين اختي انا ساكنة الدمام انتي وين

 

[هجوره]

منزل مبارك انشالله والله يوفقك يارب ويبعد عنك الحسد
شوفيب ياقلبي انا اعرف وحده ماشاء الله عليها مصصمة
ديكورات واثاث واكسسورات وكل شي ماشاء الله عليها انتي عليك تكلمينها
وهي تجي عندك وتشوف بيتك وتصمملك وش الاوان المناسبه والتنسيق ماشاءالله عليها
مبدعه او انك ترسلين لها شكل بيتك وهي تعلمك التصميم واذا تبيغي رقمهامن عيوني وسعرها مره
معقول ولا فيه تكليف والله يوفقك انشاءلله

 

[نجمه مضئه]

انا من الرياض خساره - بس اعرف مصممه بالدمام عندكم شفت شغلهاا حتى تجئ عندنا بالرياض تعطي دورات اذا حابه اعطيكي الرقم قولي .

 

[~كل الوفا~]

ما شاء الله ال
أخوات ما قصرو


و أنا أأيد غلا في كلامها


و أحب أضيف ان الحمامات إلي يغلب عليها الأبيض روعه
من ناحية هي موضة و من ناحية تقدري كل فترة تغيري الوان الفرش و الإكسسوار و الستاير و يطلع حمام ثاني كل مره


http://www.niswh.com/vb/showthread.php?t=129387

هذا موضوعي عن الحمامات أعزك الله

و الله يجعله بيت سعد و خير لكم جميعا

و لو حبيتي نفصل كل غرفة لوحدها أنا بإنتظارك
بس أفضل تحطي أسألتك في


اللي عندها استفسار عن الديكور..تحطه هنا..والجواب عندنا بإذن الله..



لاني بستمرار أتابعه
​

 

[ام لموره]

نجمه مضيئه ياليت ترسلين ارقام العمال لاني بسكن في بيت شوي قديم وابغى اجدده

شكرآآآ_

 

[وأورق الشجر]

مشكورة اختي كل الوفا حطيت الموضوع مرة ثانيه عندك وياريت تردين علي هناك

 

[نجمه مضئه]

حاضر ياقلبي من عيوني اشيك عليهم وارسلهاا لكي .بس ابغى دعوات حلوة منك .

 

[نجمه مضئه]

شيكي ام لموره عالخاااص

 

[ALBDEWEYA]

سلام ياغليات :surrender:
كل كم شهر ونسكن بيتي الجديد باذن الله تعالى
اختكم واورق الشجر ادعوا لي يكون البيت خير علي وعلى اولادي

عن أبي هريرة رضي الله عنه أن رسول الله صلى الله عليه وسلم قال : "لا تجعلوا بيوتكم مقابر إن الشيطان يفر من البيت الذي تُقرأ فيه سورة البقرة" رواه مسلم والنسائي والترمذي