أم هيونه ردي على البنات ...
مو معقوله هذه ثاني مشكله تكتبينها و نتفاعل معاج وما تردين ...
ترى يا عزيزتي بينا الكثير مثل مرت حماج و إنت إلي تمشين عكس السرب ...
لبس الدراعه من زمان الناس اتركوه ... عيشي حياتج و عمرج ولا تبخلين على روحج ومو شرط الغالي الرخيص المرتب بعد حلو الشي بالذوق أكثر من السعر ...
إلا بسألك اتكررين لبسك لما تروحين لبيت أهل زوجك ..؟؟؟
جاوبيني خل نفهم ستايلك ... نفس استايل الدراريع إلي تلبسينها لزوجج في البيت و إلي تكلمتي عنها في مشكلتج الأولى ولا غير ...
عزيزتي المشكله يا الغاليه فيج و الغالبية في مشكلتج الأولى قالوا لج لا يشوف زوجج غيرج ولا يطير من بين ايدج ولا يتزوج و سكتي ما رديتي على أحد و الحين لما تحققت نبوءات البنات بدا زوجج يتكلم و يقارن كلنا فزعنا لج بس شكلك مو مقتنعه في كلامنا ,,,
وما تردين ... تبين نقولك إنت صح قعدي أقضي يومج مع الشغاله صديقتج و خلي زوجج و لا اتغيرين الدراعه ...؟؟!!!
لآ حبوبه إحنا علشان فعلا خايفين عليج و على مصلحتج نقولج إصحي لنفسج عزيزتي ولا تبخلين على روحج و على فكره مافي أحد باستطاعته يشتري على طول بدل ب 300 دينار أكيد البنت قاعده اتشكل بلبسها بس اهي بشطاره أقنعتكم باستايلها و لبسها ...
حبوبه تعلمي تلفتين انتباهه ترجعين من العمل تلبسين لبس و بعد الغدا اتبدلين و تلبسين شي ثاني عن ريحه الأكل لا تكون عالقه حتى لو إنت مو طابخه الأكل و على العصر أو المغرب إذا لك طلعه معاه ابهريه باستايلك حتى لو كان بسيط تشكيل الألوان و اللعب فيها يلفت الإنتباه و المكياج الهادي أو حتى الكحل بس يبهر و لما تردون تلبسين شي حلو و خفيف و ستايل طبعا إذا رديتوا بدري وفي وقت لتلفزيون و العشا في البيت أما إذا رديتي وقت النوم فالليل له لبسه الخاص إلي البنات في المنتدى كل اشوي ينزلون صور لأنواع اللبس ...
إنت تعملين كل هذا ... مستمتعه فيه ... ولا عايشه مثل ما كنتي في بيت أهلك و متمسكة في دراعتج وتقولين هذا استايلي ...؟؟؟؟
