دلوعة بودي
New member
- إنضم
- 2007/05/06
- المشاركات
- 116
أنا أعرف البنت معرفه شخصيه والقصه حقيقيه 100%
بسم الله الرحمن الرحيم
(اعذروني ترى اسلوبي فالانشاء لكم عليه ماعليه تحملوني !!)
اولا نبذه بسطه عن حياتي : انا عمري 22 متزوجه من 4 سنوات وعندي طفلين زوجي أكبر من بسنتين عايشين مع اهله في ملحق
بداية حياتنا كانت عاديه صج كان يسهروايد برا ولين اللحين ماتعود على المسؤوليه بس شوي شوي حاولت اصلح من تصرفاته
حاولت اجذبه للبيت احاول اسوي له جو مريح مثل اي زوجه لاني كنت فعلا (أحــــبــه ) ولا ابيه يلجأ لحد غيري يعوضه بأي شي كنت اعطيه قد ماأقدر حب وحنان واهتمام وكنت احاول أكون له الام والزوجه والحبيبه والصديقه والعشيقه وكل اللي يحتاجه
وبعد زواجنا ب6 شهور تقريبا مر زوجي يضائقه ماليه وحاولت اساعده بكل ماأملك فقمت قدمت سلفه على قرض شخصي وقرض سياره وبعت الاسهم اللي كان ابوي شاريها لي قبل لا أتزوج ووصل المبلغ حوالي(1000000) وعطيته اياه وحلفته وحلفت له ان ماحد يدري لامن أهلي ولا من أهله لين اموت (سر)
وهو قالي انه بيدخل به مشروع يرجع الارباح 3اضعاف ويكون المردود حق بيتنا
ومرت الايام فيها الحلو والمر والحمدالله الله رزقنا بطفل مثل القمر وحسيت الريال وااااااااايد تغير صار عنده مسؤوليه يحاتي البيبي فرحان به تغيرت حتى معاملته معاي صار يهتم تغير وايد صار رومنسي استانست وحمدت ربي الف مره
وعشنا أيام حلوه صج فيها بعض المشاكل العابره بس كانت احلى فتره كنت مرات اصحى من نومي ابوسه وارد انام احسه ولدي وكنت اذا هو يلبس ثوبه امسك له الغتره والعقال لين يخلص واذا دخل يتسبح انتظره عند الباب بالفوطه وكنت اذا اوقضه لدوام ادلكه شوي شوي لين يقوم لان ظهره كان متعور من حادث من قبل لا أخذه وكنت مستحيل اخليه يطلع بدون مايتريق مع انه كان دوامه بدري كنت اقوم الساعه 4 عشان اسوي له ريوق
مرت هالفتره ولاحظت الريال بدى يرجع اسوء من قبل مع أني ماقصرت معاه بشي بشهادة اهله بس مادري شصار له قام يدور المشاكل ويتسبب الهواش ولا يعجبه العجب وكل شي انا اسويه غلط
ملاحظه
هالفتره كنت توني ادري اني حامل ونفسيتي زفت وخدامتي شردت والبيبي عمره شهرين وشغلي رافضين اجازة الامومه بحكم اني ماكملت 4سنوات من اشتغلت ولا اقدر اقدم استقاله بسبب القرض اللي علي )
قلت في خاطري يمكن من هالظروف اشوفه جذيه حرام اظلمه خلني ادور له اعذار واتجنب المشاكل
· اي نسيت اقولكم عن أهله كانوا وااااااايد حليوين معاي ويحبوني خاصه أمه كانت تدلعني أكثر من بناتها مرات اذا مرضت تجيب لي أكلي لين السرير ولاترضى علي بشي وكانت تعاملني كني بيبي وتموت فيني ماتغدى لين اجيها وتتصلي فالشغل مشتهيه شي معين اقولهم يسون لج وكانت تمسك بنتي وانا فالدوام يعني ماتقصر (الله يذكرها بالخير)
· بس زاد وزاد وزاد
في السهر لين الصبح مع هالربع وفي عدم تحمل المسؤوليه (خلي اهلج يودونج ويجيبونج) في كل شي صار لايطاق
وانا اتحمل واتقاضى واحاول اتجنبه بس هو مايقدر ومضت الايام وبقى عن ولادتي الثانيه 5 أيام تقريبا وتهاوشنا فالتلفون على موضوع تااااااااااافه وقال خلج عند اهلج انصدمت من كلمته لو الموضوع يسوى ماعليه بس والله مايسوى
وقعدت عند اهلي وجاني الطلق وامي اللي ودتني وانا اتألم واصيح بس من من الولاده من حركته البايخه
ودخلت غرفة الولاده وكل شوي يغمى علي من الالم ومن الاكسجين اللي اشمه وارجع اقوم اسألهم جا (حطو له أسم )
ويقولون ايه برا وهو ماجا بس عشان يريحوني
تخيلوا
المهم ربيت وطلعوني في غرفة النقاهه واتصل لي وياليته ما اتصل
هو:الووو
أنا:هلا
هو: شعندج قاليه حق الخدامه لاتسولف مع باقي الخدامات
(على فكره انا قايله حق الخدامه لاتدخلين المطبخ وتسولفين مع الخدمات وهم يطبخون وانتي شاله بنتي) وكانت توها جايه جديد أقهرتني انها رايحه تشكى له مني مع اني اعاملها احسن معامله مب عشان سواد عيونها يمال العمى عشان بنتي
وبس
وجاني يوم ودوني فوق ولاكأنه مسوي شي وانا مشيت الموضوع اتجنب المشاكل
وطلعت رحت بيت اهلي نفاس وكان يجيني ويتسبب شفيج شاله البزر جذيه ليش مب ملحفته لاتمهدينه لاتسوين ولاتحطين ولا ولا زهقني يعني انه الخبره
المهم بعد تهاوشنا على سالفة تضحك تخيلوا يقول :انتي ماتعرفين تسولفين !!!!!!!!!!!!!(هذا سبب)
المهم ماعاد يجيني ولا يكلمني اسبوعين وانا قلبي معورني على اللي في حضني توها قطعة لحم جايه على الدنيا واحنا كل واحد في صوب وقمت طرشت له مسج ((اذا انا ركبت راسي وانت ركبت راسك ماحد بيضيع الا عيالنا حرام احنا أكبر من جذيه وانا لو ماأحبك ماطرشت لك هالمسج ))
اتصل وتأسف ورجعت بيتي وكنت مسويه نيو لوك عقب الاربعين وعلى قولة امه صايره عروس
المهم ومرت الايام وانا ملاحظه شي وبالعه مووس وساكته كثر الانتظار ورمز القفل والتلفون المدعوس فالسياره والسهر والتصدد عن البيت بحجة الشغل
كله يبيني اطلع وهو يقعد فالبيت واذا انا فالبيت يطلع (اشكره مبينه أن له علاقات)
وانا اسوي نفسي مادري واصلي وادعي هذا كل اللي اقدر عليه
المهم مره سبحان الله اللي يبي يكشفه كنت رايحه بيت اهلي وهو ناسي او بالاصح خاش تلفونه فالسياره وشفته وقمت اتعبث وشفت رقم مكرر وااااااااااااايد فالليل والظهر المهم دقيت من تلفون اخوي وطول ماهو يرن اقول في قلبي يارب اني ظالمته وردت وحده وكنه حد راشني بماي بارد قلت سوري غلطانه
واتصلت لها من رقمه قامت تقول :الوووووووووووووو الوووووووو(بدلع )ماخلت شي حق حليمه بولند مالت عليها
المهم قلت :الوو
انصدمت قالت من انتي قلت لها مرت اللي تكلمينه قالت وخير ياطير ارفعت ضغطي صج أنها(.............)
قلت لاتوقعين انه بيضيع بيته وعياله عشان (...........) انتي الا تسليه لاشبع بيقطج
المهم حاولت تشبكني مع واحد بمكالمه جماعيه عشان تسجل صوتي
سكرت التلفون ورجعت البيت وانا فالطريق كلمت امه وعلمتها اسبقتني ملحقنا وهاوشته هواش وقالت انت ماتستاهل وانت واللي فيك ومافيك المهم اعتذر وحلف لي عالقرآن انه ماعاد يرجع حق هالسوالف
ومرت الايام واعتدل شهرين بس ورجع على سوالفه بس أنا كنت ابي ادور اثبات عليه عشان اكسر عينه
وحطيت جهاز تسجيل في سيارته وسمعت الطاااااااااااااااااااااااااااااااامه الكبرى
سمعت التسجيل من بدايته كان يكلم واحد (استانست وقلت حرام ظلمته وانا اتنافض مابي انصدم ولا ابي اخسره)
وسكر من الواحد واتصل بأحد مادري من المهم ذاك سكر في ويهه مرتين ورجع اتصل هو أو بالاحرى هي
زوجي:الووو شلون تسكرين في ويهي
الحقيره: اخوي العله حمود كان عندي
زوجي: حمود ذيه رافع ضغطي والله لاخليه صبي عندي يقلط الرياييل(شلون ترضى على اخوها صج حثاله)
زوجي:قال ولد أخوي فلان بن فلان (عارفه العائله كامله) من كان عمره سنه كنت اخليه يشل الطير عشان يصير ريال (بس هذا المرجله عنده)
زوجي :تعرفين الباب اللي دايما تطلعين منه ودي اسوي هناك خيمه واخلي حمدوه مقهوي J
هي تقول أن عندها امتحان (الله لايوفقها)
زوجي:عاد ذبحتي عمرج كلتي شي وخلي الدراسه اهم شي راحتج (حنون ياحليله)
زوجي (تغيرت نبرت صوته) :شلون منسدحه
والباقي أسمحولي ماتجرأ اكتبه
بس قعدت اصيح يوم سمعت التسجيل كان فليل وكان نفس اليوم المغرب مطلعني نشرب عصير يا بلفيت (شلون له قلب )
المهم خذت الجهاز ونسخت سي دي وخشيته وقعدت انطره كالعاده ولا كأنه صاير شي (متكشخه ومرقده عيالي ومبخره قسمي ومغطيه عشاه انتظره)
جا بس لاحظ ان فيني شي
ارد عليه ببرود ولا اطالعه وانا اتكلم
هو: شتطالعين؟؟؟؟
أنا: فلم
هو : شفلمه؟؟
أنا : شي ماتعرفه !!!
هو: وشو عاد
أنا :فلم رومانسي كله حب وأخلاص
هو:سااااااااااكت مصدوم
أنا : تامر على شي تعبانه وبارقد (دموعي تنزل في هاللحظه)
هو :قعدي بنتكلم
أنا: آمر ؟؟؟؟؟
هو :بدون حبيبي
أنا: لو تنفع هالكلمه كان انفعت من زمان بس الظاهر لازم اصفي حسابات وااااااااايد
هو: أنتي شفيج ؟؟؟؟؟؟؟
أنا : بسألك سؤال واحد بس وجاوبني على قد السؤال بدون ليش!!!!
أنا مقصره معاك بشي ولا أنت مب مرتاح معاي فيني شي مب عاجبك!!!!!!
هو : يمكن اول ماخذتج كنتي ماتعرفين شخصيتي بس اللحين لا والله مب مقصره ومريحتني واااايد في كل شي يكفي أنج حافظه بيتج ومربيه عيالج وقايمه بي وأهلي يحبونج ولا عليج قاصر من جميع النواحي اكثر من اللي كنت اتمناه جمال واخلاق واسلوب وكل شي يتمناه اي ريال في مرته
(وتزيد الدموع مع كل كلمه وهومستغرب )
قلت له : عيل شحادك عالحرام اذا انت ماهموك بناتك انا يهموني واللي تسويه بيستوي بكره في بناتك حرام عليك
قال : انتي شدراج
قلت : وحده قالت لي
قال: خلي رفيقاتج اللي بيخربون بيتج وبيضيعونج أمشي وراهم خلهم ينفعونج وهذي اللي وصلتلج الكلام خليها تواجهني (بكل قواة وجه) وقام معصب (راح رقد) وانا طول الليل اصيح ماهقيت ان بيصبح الصبح وانا بخير من كثر الصياح
ثاني يوم قمت سويت له ريوق ولا قعدت معاه كالعاده ودشيت اتسبح
اول ماطلع حسبت له 2\1 ساعه لين يوصل الدوام عارفه اوقاته بالضبط لانه كان دايما يكلمني ومعاه عالخط (ايام الحب الصادق) وطرشت له مقطع صوته مع صوتها يوم كان يقول(شلون منسدحه)
رحت حق امه الصبح لقيتها تريق هي تخرعت من شكلي (تعبانه من السهر والصياح)
قالت :شفيج عطيتها الجهاز تسمعه
تغير ويها وانصدمت 5 دقايق الا هو داش علينا كنه لاحق حد
المهم قال هذيه صوتي هذيه صوتي هذيه رفيقي كان منزلني عند الشغل و ماخذ سيارتي !!!
قلت انا غبيه ومافهم امك ماتعرف صوتك وبعدين رفيقك عنده ولد اخو نفس الاسم ماشاء الله عالصدف بعد وهي تطالعه بنظرات ودها تزنطه قالت امبلا صوتك اطلع برا
قال: اسمعي عاد لا رحتي بيت ابوج والله لو يقوم ابوي من قبره مارديتج !!!!!!!
ووطلع
وقعدت امه تهديني وتقول لاتخلين بيتج حق هالخياس اني اكبر من هالاشياء وبتبقين معززه مكرمه وهو يحبج وانا ادري به
ومن هالكلام
قالت بدي ثيابج خلينا نطلع تغيرين جو!!!!!!!!
رحت بيتي ابي ابدل الا هو يتصل على تلفون الغرفه يعتذر ويقول الصراحه هذا صوتي ومافيه حد معصوم من الغلط والله أنها رفيقة رفيقي متزاعلين وانا بصلح بينهم (استغفر الله مشتغل ,,,,,,, على آخر عمره)
بس حاولت اهدى طلعنا انا وهي عيالي رحنا البحر اللي صوب الوكره وكلنا ايس كريم ورجعت البيت رجع يتأسف الظهر وحاولت اسامحه بس كل ماحطيت راسي عالمخده تذكرت كلامه واحس الدم يغلي في راسي واكرهه والعن الساعه اللي وافقت عليه فيها بس مر اسبوعين وانا ادوس على قلبي واحاول انسى
وهو ينبر المشاكل بطرق آخرى مثلا شفي مشيتج جذيه شفي صوتج جذي ماينسمع وليش مسويه موكا المغرب وانا متغدي متأخر
وليش وليش بسبب وبدون سبب طفرني عيشتي بس
جا ذاك اليوم اللي كان اخوه داخل المستشفى عشان يسوي ربط معده كلمت أمه سألتها عنه مرتين الصبح والمغرب قالت طيب وبخير والعمليه بسيطه
المهم جاني فليل مشووووووووط : كلن سأل عن أخوي الا انتي الغريب يسال وانتي ولا همج بس شاقول ؟؟؟؟؟
قلت له لانك عادني غريبه ماكني شريكة حياتك أنا آخر وحده تفكر فيها واذا عالواجب مب انت اللي تعلمني انا سالت امك عنه بدال المره 3
بس اللي يدور المشاكل بيلقى
وكنت اساسا حاجزه ورد وماعطتهم رقم الغرفه وكاتبه كرت بسم عيالي حق عمهم وقايله لهم يودونه الصبح بس هو ماواهلني
المهم زاد الكلام واشتدت المناقشات وقال(( أنا ماتحسفت على شي في حياتي الا أني خذت وحده مثلج )) << الشعره اللي قصمة ظهر البعير ولميت اغراضي وطلعت ولاهمه طرش مسج قال (ابركها من ساعه)
المهم جيت حق اهلي بعدها بيومين طاحت بنتي وانكسرت رجلها وكلمني قال انتي مب كفو تحفظين عيالج وانا باخذهم وتشادينا بالكلام فالتلفون وجا حق ابوي قال له عن سالفة السلفه (السر)
انصدموا اهلي شلون تصرفين هالتصرف مافيه مره عاقله تسوي جذيه وانا انصدمت انه قال لهم وهو واعدني بأنه ماحد يعرف.
دار حوار بينه وبين ابوي واشتد الحوار بينهم من حرقة قلب ابوي من تصرفاته ولانه شاف حالتي الصحيه تدهورت
يعني كنت ارجع دم (الله يعزكم) ولاوقفت مافيني توازن واتنوم باليومين فالمستشفى ومادري عن عيالي كانت ايام سووووووده (الله لايعيدها)
قال حق ابوي ان لي فلوس عنده واني ماخذه سلفه ومطلعه سياره له بالتقسيط
وقال بكل برود :ان مافيه نصيب ومتفاهمنا وكلن يروح في حاله لاني ما أصلح له
ومن زود الوقاحه قال حق ابوي عن سالفه البنت انها رفيقة رفيقه مب رفيقته !!!!!
مادري شلون ابوي تمالك اعصابه مع اني اعرفه لاعصب مايعرف اللي قدامه لايحشم ولا يحترم وكنت نفس الوقت خايفه على ابوي بما انه فيه القلب والسكري وزوجي من النوع اللي ينرفز وماعنده اسلوب ويستفز بطريقة كلامه
ولايعرف ينقي الكلمات المناسبه حق الموقف يقط كلام عوود مايعرف شمعناه
المهم دخل علينا ابوب معررررق ومعصب (اذا ابوي معصب حده مايحب يتكلم) طالعني بنظره حسيت كنه يقول ضاع تعبج مع واحد مايستاهل جاحد ياخسارة صبرج عليه وحبج له
وباس عيالي ولممهم رواح غرفته (عسااك ذخر لي ولهم بدال ابوهم اللي ماقدر نعمة الله عليه غيره يتمنى ظفر ياهل)
عقب ربع ساعه راحت له أمي
وجاتني قالت لي الكلام اللي دار بينهم انقهرت وابتسمت قلت حق امي دام ابوي وخواني موجودين ماعلي خوف
كنت ابتسم ابتسامة لاني شاده ظهري بخواني وابوي بس الدموع اللي كانت تسيل افضحت حبي اللي مازال موجود
رحت غرفتي وطرشت مسج هذا الوعد بخصوص السر خل شي واحد يذكرني فيك بالخير
طرش مسج ( فكيني بس انا مب مجبوراتحمل غثاج طول عمري)
اللحين انا اللي صرت غثى وهاللي يعرفهم عسل على قلبه
سكت عنه ومرت الايام
أمي تكلم امه وتحاول تصلح وامه نفس الشي بس هو راكب راسه وكانت امه تكلمني وتسأل عني
نسيت اقولكم يوم لميت اغراضي بطلع من البيت رحت حبيت أمه على راسها وقلت (أنا طلعت من بيت ابوي وخليت امي وراي لقيت قدامي ام ثانيه الله لايحرمني منج حتى لو افترقنا انا وياه انتي بتبقين امي وجدة بناتي وأم ابو عيالي )
كلنت تحاول تخش دموعها عني بس ماقوت
طلعت وانا قلبي متعلق بذاك البيت اللي كنت اتمنى تكون سعادتي فيه مالقيت الا حرقة القلب اللي نستني أحلى ايام عمري
دمر سعادتي وحياتي وبناته
المهم مرت الايام وانا اقول مستحيل يتخلى عني أنا مرته حبيبته أم عياله عشان بنات .....
وخاب ضني فيه نطرت يوم يومين اسبوع
ما اتصل ولا جا
عقب اسبوع كنت قاعده فالحوش عالمرجيحه وافكر في حياتي وبناتي وفيه
الا اسمع صوت سياره ادخلت الحوش التفت الا سيارة بيتهم بس مب هو اللي فيها
الدريول جايب اسرة عيالي يوم شفت هالمنظر حسيت كنه داس قلبي وفرمه تحت رجله قطع كل الأمال وقفت كني مشلوله مب مصدقه باعني بهالسهوله وعشان وشو ...........
(ماشوف الشاشه عدل من الدموع _ قلبت المواجع على نفسي )
يبيع وحده عرفت الحب بين يديه حفظت عمرها له وحفظت بيته في غيابه مارفعت عينها في رجال لان ماحد يستاهل يجي عقبه عطته كل اللي قدرت عليه بحب ومن كل قلبها
هذا جزاي
(في ذيك اللحظه رفعت يدي لربي وقلت:اللهم آجرني في مصيبتي واخلفني خير منها)
هذيك الايام اشوف الشفقه في عيون كل اللي حولي أخواني امي ابوي حتى الخدامات أحس انهم متعاطفين معاي
ومرت الايام وكنت احاول اعرف أخباره
جاتني فكره اتي اضيفه من ايميل مايعرفه وفعلا سويت ايميل وضفته وقبل الاضافه وقمت أكلمه على اني وحده غير
وكان يسولف معاي بالساعات
ويقولي كل شي ويحط صور عيالي على انهم عيال أخوه وان مرته متوفيه من فتره (يفاول علي جعل يومه قبل يومي)
وكان يقولي فالمسنجر أسرارنا وشكنا نسوي قبل (ذكرياتنا الحلوه)
قلت ليش ماتزوج ؟؟ قال بتزوج بس عقب فتره قلت خاطب قال لا حاط عيني على وحده قلت تعرفها قال ايه كانت تشتغل معاي من 3 سنين من العائله الفلانيه قلت اشمعنى هالعائله قال لان بناتهم حلوين قلت ليش مرتك مب حلوه قال لا سباله انقهرت
قلت وماعندك منها عيال قال امبلا قلت مب يمكن الجديد تكون كريهه مع عيالك قال بسرحها بيت ابوها نفس اللي قبلها
قلت ماعرفنا لك ميته ولا عند اهلها قال كانت عند اهلها وماتت ..... (طلع فيني عذاريب الدنيا)
قلت طيب باي
قال اشوفج بكره قلت له ان شاء الله
وقعدت على هالحاله شهر بعدين صارحته اني أنا انصدم
وطلعت وقعدت فتره ما أشبك
بعد ماطلعت من بيتي بشهرين سويت تحليل دم عشان الترجيع المستمر (الله يعزكم) قالت امي أكيد صادج فقر دم على هالحاله
ونزلت 16 كيلو في في هالفتره وكل من شافني قال شفيج ؟؟؟؟؟؟؟؟
وكنت خاشه الموضوع عن صديقاتي فالشغل وعن أهلي على امل انه ترجع المياه لمجاريها
المهم يوم سويت التحليل قالت لي الدكتوره :أنتي حامل ياماما !!
انصدمت شلون حامل وانا ماحسيت بشي (طبعا عرفتوا شقصد) كانت كل الاوضاع عاديه امي كلمت امه وقالت لها الموضوع
رحت حق دكتور نساء وولاده سوى لي تلفزيون قال الجنين ميت والنمو موقف من ثالث اسبوع وروحي سوي غسيل بسرعه قبل لاتسممين
طبعا ولا اتصل ولا سأل
المهم رحت المستشفى وسويت غسيل وطلعت في نفس اليوم ولما خلصت رحت العمره عشان اريح نفسي
ورجعت
ومرت الايام
وكانوا عيالي يروحون لهم يوم فالاسبوع (انا مابي احرم عيالي من أهلهم ولا ابي اقطعهم عشان يبروني عيالي لاكبرت)
مره طرشوا الخدامه والدريول بروحهم بدون حد من أهل البيت ورديتهم قلت حق الخدامه قولي لهم ماما تقول :لا
عيالي صغار على انهم يركبون مع خدامه ودريول بروحهم لو يصير لهم شي فالطريق الله لايقوله
اتصلت امه وقامت تصارخ وتهاوش وتقط كلام (اصدمتني) كلهم انقلبوا علي فجأه
وعقب هالسالفه انقطعت العلاقات بيني وبينهم
وجا هو وابوه حق ابوي على اساس ان العيال مالهم ذنب ولازم يروحون (انا مامنعتهم بس يجي حد منهم الله لايهينهم)
قالهم ابوي هي ماتبي تقطعهم بس لاطرشون الدريول والخدامه بروحهم قالوا : ان شاء الله
وقال ابوي :أنتوا مافيكم خير المره ميت اللي في بطنها ورقدوها ماحد سأل فيكم ...
قال زوجي: اصلا هي مب حامل صج مسويتها حركه عشان ارجعها وهي قالت لي
(صدمه )
تنرفزت وقلت خله يواجهني متى قلت هالكلام ليش يكذب علي
رحت طلعت تقارير من المستشفى وطرشتها لهم بطيت عيونه بالتقارير طلعته هو الكذاب
ومرت الايام
عقب 6 شهور من الفراق كلمته
عقب 6 شهور من الصبر قررت أحط حد حق هالمسأله عطيته فرصه يراجع نفسه وقت على ماأعتقد كافي
وكلمت وحده فالأستشارات العائليه وقلت لها القصه بتلخيص قالت تعالي خلينا نراجع الموضوع مع بعض انا وهي أسمها د.سهام انسانه خلوقه وحبوبه وتدخل القلب بسرعه وتحسين أنسانه مؤمنه وواعيه واسلوبها يجنن (قد مامدحها ماوفي)
قالت لي فالتلفون انتي حاليا مشوشه ومتلخبطه مب عارفه شتسوين تعالي خلينا نرييح نفسيتج أول وكل شي بعدين هين
خذت موعد عقب 3 ايام ورحت لها المغرب أول مارحت الرسبشن شرطي قاعد حق المطلقين يشوفون عيالهم هناك والياهل جايين مايدرون هم ليش يشوفون ابوهم في هالمكان مب مثل باقي اصدقاءهم فالمدرسه والبيت وعاهدت نفسي أني مادخل عيالي هالمكان من نظرات اليهال اللي شفتها في عيونهم عووورت قلبي
المهم رحت الدور الثاني وسألت عنها قالوا:مكتبها أخر الممر وانا امشي فالممر اسمع اصوات ناس فالغرف يتهاوشون ومريت على غرفه فيها وحده تنطر طليقها عشان يسلمها العيال ياللللللللللللله وشو ذيه وانا ماشيه وقلبي مقبوض وخانقتني العبره
دخلت غرفة د.سهام قالت :انتي فلانه(أختاروا لي اي اسم يعجبكم ويصلح لي على ذوقكم)
قلت:امممممممممم (كني بزر اول يوم له فالروضه)
اشهقت وقالت:ما شاء الله شو هيدا (لبنانيه هي)
تخرعت وشو شفيج؟؟؟؟؟؟؟؟؟
قالت : حرام عليه والله هيئتك كتير صغيرا ومهتمه بحالك
لان كتير من اللي يجونا بتكون ماعندها اسلوب فالكلام ولاتعرف تهتم بحالها هيدول نعطيهون دوره كيفية التعامل مع الزوج
بس انتي لازم تجين معانا تعطين دوره (هههه)
المهم قلت لها كل اللي في قلبي ومسكينه لين اللحين وهي كل فتره تدق لي تطمن شصار
قالت :باخذ رقمه وبستدعيه قلت :لا اعرفه عنيد وممكن انه بدال مايلين يزيد ويقول بعد رايحه تشكى علي
قلت انتي قولي لي شسوي وانا بسوي!!!!!!!!!
قالت :تواعدي معاه في كوفي ولا مطعم ولا في بيت ابوج واللي يريحج ويريحه
وتكلموا انتي حطي شروطج وهو بعد يحط شروطه وتقيدون بها وتعاهدون انكم تغيرون حياتكم للأفضل عشان هالصبايا(بناتي)
وفعلا ثاني يوم كلمته
ترررررررررن ترررررررررررن (وقلبي يدق)
(جـــــــــــــــــاري الانتظار ) لين اللحين على خبري ماعقل
هو :الوووو
أنا:الووو هلا شلونك !!
هو : تمام انتي شلونج ؟؟
أنا :طيبه الله يعافيك
أنا :أقدر اتكلم معاك ولا مشغول!!!!
هو:لا قاعد بروحي ماعندي شي!!!
أنا: ابي اشوفك اي مكان يريحك بيتنا مطعم كوفي أي مكان!!!
قال :ليش؟؟؟
انا :ابي اقول لك شي مايصلح ينقال في تلفون لازم فيس تو فيس!!!
قال:أنا مشغول وبسافر عقب اسبوع
قلت:ماتقدر تفضي عمرك ساعه في هالاسبوع الموضوع مهم بالنسبه لي وماعاد في مجال لتأجيل
قال:لا صعب
قلت: اوكي خلاص باي سوري عالازعاج
وسكرت
بعد 5 دقائق اتصل
أنا :الوووو
هو: وشو الموضوع
أنا :ماقدر اقولك فالتلفون لازم اشوفك
قعد يلح علي
قلت :أنا بقولك شيين وانت اختار منهم
أما اننا نرجع حق بعض لكن قبل كل شي تحط شروطك واحط شروطي ونتعهد انا نمشي عليها وتعتبر نفسك متزوج وحده جديده تنسى كل اللي راح نفتح صفحه جديده ونغير كل شي غلط في حياتنا وانا نفس الشي بعتبر نفسي تزوجت واحد جديد خالي من العيوب يحترم شروطي واحترم رغباته
قال :والشي الثاني وشو
قلت ننفصل وكل واحد يروح في حاله والله يوفقك ويوفقني
قال : انا اخترت الشي الثاني (صـــــــدمه)
انقهــــــــــــرت
حسيت اني انفخ في جربه مقطوعه
سكرت وانا ودي اذبحه
تعوذت من بليس ورقدت
وكنت هالفتره أعاني من تدهور حالتي كنت افقد وزني بسرعه فضيعه كل يوم كنت انزل كيلو
وكنت احس دايما بألم في رقبتي من تحت
رحت المستشفى اسوي فحوصات واتابع حالة الترجيع (الله يكرمكم)والم معدتي الدائم وطلعت النتايج
آآآآآآآآآآآآآآآآآآه ياقلبي أنا ناقصه
قالوا :فيني ورم حميد بس لازم يشلونه لانه اذا خلوه ممكن من الضغط عليه يتحول خبيث (الله يكفينا الشر)
ورحت سويت العمليه برا ورجعت
وعقب شهر رجع نفس الم القديم وفي نفس المكان بس كانت المنطقه بارزه أكثر وواضح انه فيه شي
رحت اعيد الفحوصات قالوا رجع مره ثانيه ولازم نسوي العمليه ونسوي مكنها كي عشان نذبح الخلايا قبل لاتجدد
ورحت اسويها مره ثانيه ولاحد كان يسأل علي منهم الا واحد من أخوانه كنت احس انه واعي من زمان راكد صج مالي احتكاك به بس من خلال عشرتي وسوالفهم عنه أذا حد منهم طاح في مشكله اول من يفكرون فيه هو(ن)اختاروا له أسم
كان يتصل بين فتره وفتره يسال عن بنات اخوه ويحسسني انه مب عاجبه والوضع اللي صاير وانه يشوفني على حق وانا أحاول ماطول ولا أعطيه مجال أحسسه اني مشغوله مع عيالي ولا طالعه ولا أهلي ينادوني يعني اتصدد مابي افتح له مجال
مهما كان مب حلال علي اسولف معاه سلام وبس
وهو يسوي نفسه مب فاهم ويدق كل فتره وفالاعياد المهم من كلامه حسيت فيه شي مب طبيعي احس أنه يحاول يتقرب ومن ضمن الكلام قال:الواحد يتفشل يقول هذا اخوي وماعنده سالفه يوم قالج غيري مشيتج من رايي الشخصي ان مشيتج كلها أنوثه (انصدمة شيقول هذيه)
قلت :لو سمحت حدك عاد ورجاء لا عاد تتصل على رقمي تبي شي تفاهم مع ابوي واخواني اظن تعرف ارقامهم والعيال يجونكم كل اسبوع وتطمن عليهم اذا قلبك عليهم صج باااااااااااااااااي
قال :شدعوه زعلتي
طوووووووط طووووووووط طوووووووووووووووط
طرش كذا مسج يتأسف وانا ولا رديت عليه مرات اقول انه يبي يجس النبض هي سيده ولا لاعابه مهما كان بتربي عيالنا ومرات اقول (الحمو الموت)
وحست ان الدنيا خايسه مافيها شي عدل استغفر الله شصار فالناس شبلاهم صاروا جذيه ماعاد فيه حد يخاف ربه ويراقب تصرفاته واسودت الدنيا في ويهي وحسيت اني انا اللي فيني الغلط معقوله كل ذولا غلط وانا صح
واحس الدنيا تلف فيني ابي اي شي صح اتعلق فيه يوديني مكان نظيف بعيد عن هالدنيا اللي لامشى فيها الواحد صح حس انه غير عن الناس وناقص وشاذ والغلط صار عادي نشوفه ونبتسم ولا كنه فيه شي عاااااااااااااادي
نسيت اقول لكم في هالفتره شفت أمه بالصدفه في مجمع وسلمت عليها وحبيتها على راسها ولا كنه صار شي وكانت ماتبي تحط عينها في عيني بس لاحظت انها كانت تدمع (كسرت خاطري) قلت سلمي عليهم كلهم........ ومشيت عنها
ومرت الايام وانا مع هالمستشفيات والفحوصات واتابع مع المستشفى اللي بألمانيا ويرسلون تقاريري كل فتره والحمدالله تحسنت حالتي وبديت ارجع فلانه القديمه البشوشه اللي تضحك ولاهمتها الدنيا وحسيت انفتح لي كذا باب من ناحية شغلي تحسنت ومسؤولي ملاحظ هالشي ومستانس من تقدمي والبنات اللي معاي بعد لاحظوا اني تغيرت وهم اساسا مب عارفين الموضوع ولاداريين بشي ولا حبيت اقول حق اي حد وفي نفس هالفتره وحده معاي فالشغل كانت على خلاف مع زوجها وبينهم مشاكل وتجي تشكي وكن الدنيا وقفت وكله متضايقه مع ان الخلافات كانت جدا عاديه بين اي زوجين وقلت لها ترى الشيطان اللحين يزيد كل شب في عينج لاتستسلمين ولاتخربين بيتج بيدج احنا كلانا ندري ان ريلج يحبج وانتي اولنا فلا تسوين جذيه قالت:اي اللي يده فالماي مب مثل اللي يده فالنار(اي ماي واللي يرحم والديج لو يدري عمير .......)
سكت عنها ومرت الايام والاسابيع والحال على ماهو عليه لاهو اللي طلق ولاهو اللي علق مادري شناطر وانا مابي يلحون عليه يمكن يكون رجع حق عقله وفكر ان مرده لبيته وعياله والايام تمشي
والايميل اللي كنت اكلمه منه خلاص تسكر لاني مادخلت مدة طويله بس هو ضافني من ايميلي العادي اللي كل الناس يعرفونه وقال خليه بينا عشان اذا بغيت اسأل عن العيال وانتي بعد لابغيتي تسألين عنهم يعني همزة وصل بينا وافقت
ومرت الايام
ويوم من الايام كنا نستعد لسفر في عطلة الربيع وانا مستانسه اني بغير جو مع اهلي وبنات خوالي وخالاتي كلنا كنا بنسافر مع بعض
فتحت ايميلي العادي الا جايني ايميل من مصدر مجهول ماعرف من اللي مطرشه مكتوب فيه (ياللي ماتستحين يعني خلصوا الرياييل عشان تكلمين ذيه وانتي اللي مسويه نفسج بريئه وشريفه وانتي ساس البلا من تحت راسج الله يبلاج في عمرج واهلج وعيالج ) ومطرشين محادثه بين ايميلي اللي كنت مسويته وايميل واحد ماعرفته من الا بعدين )
اخوه المحترم حب ينتقم لاني فشلته وحسسته انه حقير سرق ايميلي القديم وقعد يسولف منه على ايميله على انه بيني وبينه علاقه وقال حق خواته (حسبي الله ونعم الوكيل) مادري شيبون يوصلون له ماكفاهم اللي سووه مادري شضريتهم فيه بس
وخواته احتروا اني كشفت اخوهم ووالله اني ساتره عليه ولا علمت حد حتى اهلي ماجبت لهم طاري التسجيل بس خاشته عندي عشان اذا حاول يأخذ عيالي اهدده اني اعطيه القاضي بس ولا هو مهما كان ابو عيالي وسمعته من سمعتهم ومابي عيالي بكره يكرهوني بسبة هالتسجيل هو الله حسيبه بس مب عارفه شالعصابه اللي طحت فيهم
نكدوا علي السفره بس مابينت حق حد شي كاتمه في قلبي واكابر قدام اهلي اضحك واسولف ولا كنه فيني شي ولاجا الليل حطيت راسي عالمخده وقعدت ابكي لين ادوخ وانام وادعي ربي يدبرني بدبرته وانه اقوى منهم والله يرد كيدهم في نحورهم
ومرت الايام وانا مب عارفه هم شيبون يوصلون له ولا شهدفهم ودوافعهم ومادري شناويين عليه بس ادعي ان الله يهون علي كل اللي يصير وفي نفس الوقت مب مصدقه كل اللي يصير أحس اني في حلم لا كابوس وبقوم منه لان هالاشياء أحسبها تصير في مسلسلات رمضان بس ماكنت اتوقع فيه ناس فالواقع بهالنذاله وكله حاطه ان الناس ابرياء ونفس تفكيري وماحب اظلمهم ولا أسيء الظن بحد ولا أحكم عليهم بسرعه
ومرت الايام ورجعنا من السفر سلمت على ابوي بس لاحظت انه فيه شي مب طبيعي مايطالعني ويتجاهلني (وين لهفته اللي دايما كنت لادخلت البيت يلمني ويحبني كني لين اللحين هذيك الطفله اللي يذكرها أم سنتين )
جا ثاني يوم قمت الظهر بروح اسوي لي نسكافيه ولا شي أشربه عشان اصح صح الا أمي تناديني
رحت لها قطت علي اوراق (سجل المحادثات ) آآآآآآآآآآآآآآآآآآآآآآآآآآآآآآآآآآآآه دارت الدنيا فيني مع اني والله بريئه بس مادري ليش حسيت بالذنب
وكان مبين على امي أنها كانت تبكي (يايمه تصدقين فيني هالكلام حرام عليكم من وين بلقاها)حلفت ان مالي خص ولا لي علاقه بالموضوع وكلهم هم مفبركين الحركه مادري ليش ولا حد صدقني بكيت صارخت ضحكت (حاله هستيريه ) جننوني حسبي الله عليهم (كل هالموضوع لا زوجي ولا أمه مايدرون عنه بس اخوه وخواته) اهلي كلهم وقفوا ضدي ابوي مايكلميني ولا يبي يشوف وجهي يقول :خلوها تذلف ان شفتها ذبحتها الشياطين قدام عيوني ولا يبي يشوف عيالي كنت أتحاشى اطلع من غرفتي وأخواني يتحلفون ويهددون بس أمي تهديهم بس هي نفسها مب مقتنعه ان هالكلام كذب
ومنعوني من الشغل قدمت اجازه بكل رصيدي لين يهدى الموضوع وقلت حق اهلي طيب مب مداومه واني قدمت استقالتي
وخذوا مني الجوال والاب توب ومنعوني استعمل تلفون الصاله وامنعوني من الطلعه (سوولي سجن ) وقالوا خلي عيالج يتكفل بهم ابوهم كنا واقفين معاج يوم كنتي كفو بس اللحين تخسين وطرشوا عيالي بأغراضهم حق بيت ابوهم وكان قلبي يتقطع (ماعندي مانع يحرموني من كل شي الا عيالي لا لا هذا اللي بقى لي من الدنيا)
وكنت دايما صلي وادعي بحرقه وانا ساجده أن الله يراويني فيهم عجائب قدرته (الله لايحلهم ولا يبيحهم واحد واحد)
مر شهر على هالحال بس كنه سنين
والله يا بنات ان تمر علي ايام اسمع صوت عيالي يلعبون فالصاله واطلع اركض احسبهم جاوووا طلعت اتوهم رجعتهم
كنت على وشك اني استخف خست كل اللي بنيته (بيتي _ زوجي _عيالي _وظيفتي ) انهار كل شي قدام عيني وانا واقفه اطالع ومب قادره اسوي شي
في هالفتره تعرفت على واحد او بالاحرى انتبهت له شلون راح عن بالي ويني عنه من زمان هذيه اللي كنت أكبر قدامه ويحب لي الخير بس أشغلتني عنه الدنيا ومشاكلي وحياتي كان يراقبني من قريب بس انا مب منتبهه له عارف كل ظروفي وشايف الظلم اللي جاني وعارف الحقيقه بدون ما حلف له عارفني عدل مستحيل اسوي جذيه يفهمني بدون ما أردد عليه لاتفهم غلط وانت فاهم شاقصد؟؟؟ يساعدني واجد كان يحبني وانا بعد زاد حبي له مثل اي وحده تلقى حد يهتم فيها حب حقيقي مب حب مصلحه ولا ينتظر مني اي شي وكان موصيني اني اذا احتجت اي شي بس أقوله وهو الوحيد اللي يقدر يساعدني لانه يعرفني عدل ولا أحتاج اتعنى عشان اوصل له موجود دايما قريب مني ساكن معاي صرت احرص كل يوم اني أخصص له وقت كان ينطرني من الساعه 2 فليل لين الفجر ينطرني أكلمه واشكي له عشان يخفف عني طرش لي كتاب بس ماقريته كل ماشوف الكتاب تذكرته بس مادري ليش ماكنت أقدر اقراه وكان قلبي يعورني واقول معليه بقراه بعدين وكان يدري اني ماقريته ويرسل لي ناس يذكروني به وانه بيوقف معاي اذا انا طلبت منه بس اذا نسيته واهملته بيهملني وينساني بس انا كنت واثقه انه مب ناسيني ولا كارهني وكنت الجأ له وقت الحزن وادري انه بيصبرني على هموم الدنيا ولابكيت عنده كنت ارتاح وادري انه مب فاضحني عند حد وضعفي قدامه هو الوحيد مب عيب بالعكس كنت أحس اني قويه دامني بين ايديه وماحد فالدنيا مهما دورت مثله وتأكدت ان مردي له طال الزمن ولا قصر عطيته توكيل عني وعن عيالي وبكل ما أملك أكيد كلكم تبون تعرفون حبيبي الجديد من هو .........................
................(ادري كلكم تنطرون السر !!!!! حبيبي الجديد )
الله يابنات ايه الله ماعاد بقى لي غيره ولا عاد ابي غيره اصلا .................... وقويت علاقتي به
دخل علي واحد من اخواني الغرفه وشافني وانا ساجده واصيح بصوت مسموع وادعي (يارب الا عيالي ياربي الا عيالي ) طاح علي اخوي ولمني وانا ساجده وقال : والله لو على قص رقبتي ماحد بيزخ منج شعره وعيالج اللحين بجيبهم وجابهم وقال (ياويل اي واحد يقرب منها ولا يغثها بكلمه وعيالها مالكم خص بهم )
الحمدالله عيالي ارجعوا لي أهم شي ورجعت شغلي وردوا علي الجوال والاب توب عرفت ان كل هذا رحمه من الله
وقررت اني اقوي نفسي واعتبر زوجي ميت وخلاص هذا آخر حل توصلت له أما انا بعيش حياتي مع حبيبي الجديد اقوي علاقتي به وانفذ كل أوامره بدون تفكير وتغير كل شي في حياتي ماتصدقون شلون صرت وحده ثانيه واثقه في نفسي ان اللي عندي احسن من اللي عند غيري وانا اللي صار الله يبيه يصير ولو بيغيره بيغيره حزنت ولا فرحت فالاحسن اني اعيش حياتي
ومرت الايام عااااااااااااديه ماتغير شي بس مافيها مشاكل جديده يعني الاوضاع مستقره الحمدالله وكنت شوي شوي اتغير للأفضل في كل شي قمت اهتم في نفسي زياده وخذت دورة انجليزي ودورة اتيكيت وبروتوكول سويت لي جدول اسبوعي خصصت يوم حق الالعاب اطلع عيالي وخصصت يوم احفظ فيه قرآن والحمدالله كملت جزئين (ادعوا لي أكمل)
وتغيرت نظرتي للحياه وتحسفت على العذاب اللي تعذبته وعشان من؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ماحد يستاهل ...................
في يوم من الايام جاتني مكالمه خارجيه وانا رايحه المعهد من البحرين رديت
أنا :الوووو
المتصل:الوووووووو (صوت يخرع كنه يتكلم في درام)
أنا :نعم من معاي؟؟؟؟
المتصل :أنت ....... بنت (اسم أمي ) مرت .............. ولد (أسم أمه )
((قلبي بيوقف ويدي تنتفض واحس اني برجع (الله يعزكم ) من الخوف ))
أنا : ايه انت من وشتبي ؟؟؟؟؟؟
المتصل (المشعوذ): وحده جاتني مسويه لج ربط عن زوجج عشان ماتجيبين غير هالبنتين واذبحت اللي كان في بطنج وانتي ماتدرين والاورام اللي تطلع في جسمج كله من العمل وهي اللي فرقتكم هو يبي يرجع بس مايقدر !!!
أقولج أسمها ورقم تلفونها وأفك الربط تعالي لي فالزلاق _منطقه فالبحرين (ماكنت اعرف وشو كنت احسب هاويه ولا نهايه)
قلت : استغفر الله أنت تدري ان الله أقوى منك ومنها والله يرد كيدكم فنحوركم أنت وياها
وانت عارف لو الله مايبي يصيبني شي مب صايدني مب انا اللي الجأ حق هالاشكال
المتصل المشعوذ : الكلام اللي قلتيه كله ماينفعني ولا اسمعه فكري وردي لي خبر !!! انطرج
أنا : أعوذ بالله وسكرت
(طفى التلفون 15 دقيقه ماقدر اشغله وعقب الموت اشتغل بس مافيه ولا رقم ولا مسج ولا شي كنه جديد _مت من الخوف شلون يعرف كل هالمعلومات عني قعدت ارجع ورجعت البيت قلت حق امي وانا انتفظ واصيح أنا مب خايفه ولا مصدقه طبعآ أنا موكله أمري لله بس ليش جذيه أنا شسويت في حياتي ليش كلن يكرهني وأنا ماشيه في حالي ولا قد ضريت حد يشهد علي الله أمي كلمت الدعوه والارشاد وسألتهم : عطوها رقم مطوع زين وقريب من بيتنا كلمته أمي وقالت له قال بجي أقرى عليها وزين منها تصرفت هالتصرف الحكيم ولاجاها اي اتصال من برا لاترد عليه لاتحداهم لان ذولا ماعندهم ضمير ممكن يضرها انتقام وانا بجيكم بعد المغرب بس خلي حد من اخونها ولا ابوها يكون موجود يعني (محرم)
وفعلا جا وقرى ماتصدقون يابنات .....
كنت احس بشي غريب في بطني تطلع أصوات كني جوعانه واحس بطعم مررررررررررررررر في حلجي كنت أتأوه بقوه أبي ارجع ماقدر والله كنت اصيح من اللوعه وأخوي اللي أصغر مني كان يصيح معاي ويضربني بكل قوته على ظهري عشان ارجع بس بدون فايده وجهي تنقط وحبب من قوه التأوه تعبت واااجد وعطاني المطوع ماي وزيت من عندنا بس هو قرى فيه وقال كل يوم حطي منه وانا بجيكم بكره وعقبه وراح
وحطيت تخيلوا ماكنت اقدر أنام من اللوعه وكان بطني يتكور كني حامل فالثاني مع أني ضعيفه بس فيه بروز غريب (أنا ماكنت اصدق بالأشياء _استغفر الله_)
وقام يجيني كل يوم لين خفيت الحمدالله ورجعت عاديه وقال لازم هو بعد يرقي نفسه بس شلون والعلاقات منقطعه ؟؟؟؟؟؟؟؟؟
مرت الايام ومن فتره بسيطه الله كتب ومرضت بنتي الصغيره جاتها نزله معويه حاده ورقدوها فالمستشفى وكنت معاها وعطيت ابوها خبر أنها منومه بعد نص ساعه الاهو يطق الباب ودخل !!!!!!!!!!!!!!!!!!!!!!!
الصدمه هالمره كانت له مب لي لانه شاف وحده غيـــــــــر عن اللي عرفها
شكليا كنت نازله 30 كيلو نفسيآ كنت قويه وثابته وواثقه تصدقون يا بنات أنا ماتوقعت من نفسي هالتصرف كنت أحسب أني لاشفته عقب فراق سنه بنهار بصيح وبصارخ ويمكن يغمى علي بس ولا أهتزت فيني شعره
كان هو اللي يده ترتجف طول الوقت صوته مايطلع ومايقدر يقول كلمتين على بعض ويخورها فالكلام يقط خيط وخيط ولا يقدر يرفع عينه فيني بس كان يسرق النظر ولا التفت عليه صد بقوه عشان ماشوفه كان يتلكك عشان يقعد ويطول
كنت قاعده عالكنب وهو واقف جنب السرير من الصوب الثاني يلعب بنته وقال بروح أجيب لها غدا لانها ماتبي تاكل من أكل المستشفى قلت :طيب وراح
أتصل : شتبين اجيب لج دجاج ولا لحم قلت شكرا مب مشتهيه قعد يلح علي شدعوه بتقعدين بدون غدا ماكلتي شي من الصبح قلت له مالي خاطر وسكرت
رجع جايب معاه وجبة أطفال وعصير لي عطاني اياه وحطيته عالطاوله وقعد هو يغدي بنته (صاير حنون) قعد عندنا
حوالي الساعتين تقريبا المهمعقب الغدا قعد يلعب بنته ويسولف معاها سوالف تضحك عشان يضحكني ويشغل لها أشياء من جواله تضحك مع أنه بنتي صغنونه ماتفهم ودريت أنه يقصد أمها وأنا قاعده عالكنب حاطه رجل على رجل وأبرد أظافري ولا كنه أحد موجود ارقدت بنتي بس مادري شمقعده ماخش عليكم (كان قلبي يرقع من الفرحه بس كنت خايفه أعشم قلبي ارجع أعيد كل اللي راح )وهو يتلكك عشان يقعد المهم قال :أنا باترخص بمركم العصر قلت طيب قال: طمنيني عليكم قلت : خير أن شاء الله وطلع
قعدت اور فالغرفه لانه ظهري عورني من القعده وشفت العصير رحت فتحته (آآآآآآآآآآآآآآآآآه يابعد عمري ) لين اللحين يذكر أني أحب عصير الجوافه مادري ليش بكيت ذيك اللحظه ؟؟؟؟؟؟؟؟؟؟
شلت بنتي من السرير وحطيتها في حضني وقعدت العب في شعرها لين نمت عالكنب
قمت على صوت الممرضه جايه تاخذ الضغط والحراره كالعاده شفت تلفوني فيه 4 مكالمات و3 مسجات
المسج الاول :حد جاكم ؟؟؟؟؟؟؟؟
المسج الثاني: اتصلت 4 مرات ماحد رد خفت عليكم وجيت لقيتكم راقديين لاقمتوا طمنوني !!!!!
المسج الثالث :كيوتل (متفرغين )
المهم جات أمي المغرب وجايبه لي ثياب عشان ابدل لانها كانت تحن علي ارجع البيت ارتاح بس أنا ماهياني قلبي
بدلت وقعدنا شوي وراح أمي لانه في ذاك اليوم كان عند أختي أمتحان ولازم أمي اللي توديها وتجيبها وبعد كان أخوي بيسافر في نفس اليوم عشان يكمل دراسته برا يعني لازم أمي بتروح تبرز أغراضه وتودعه
راحت أمي قعدنا شوي الا هو جاي جايب معاه دونت بالشوكليت (لان بنتي تحبها ) وجايب كيس حلويات وخرابيط لها
وجايب كابتشينو لي (يعرفني مدمنة قهوه ) استغربت أنه متذكر كل هالتفاصيل
قلت له بتقعد عندها ؟؟؟؟؟؟؟؟؟ لاني ابي أروح أصلي المغرب فالاستراحه قال :اي باقعدعندها لاتحاتين
رحت اصلي ومريت عالنرسات اسأل عن فحوصات الدم وصلت ولا لأ !!!!!!!!!!!!! ورجعت
لقيته ساحب الكنب عشان أقعد قريب منه (سويت نفسي مانتبهت انه غير مكانه ) رحت قعدت وأنا قبل كنت موصيه وحده تتصلي بعد 5 دقايق حركات يعني المهم كنت اسولف معاها ومهملته بالعماله وهو (يتحرقص) وسكرت قعد شوي أتصلوا له الشغل يبونه يروح وكان حاط على السبيكر عشان يثبت لي انه خلا خرابيطه وكل مادق تلفونه حط على السبيكر
وقال :الشغل يبيوني اذا طلعت من وقت برجع أتطمن عليكم (بصيغة الجمع )
قلت : اوكي
وراح وكل نص ساعه تقريبا يدق ولا يدز مسج (حد جاكم _ كلتي شي _ شخبار البنت _مركم الدكتور _ اطرش لج خدامه تساعدج )
وانا مارد عليه ألا ب أيه ولا لأ (ثقل وهذا اللي جننه)
جا على الساعه 7 تقريبا وقعد ليت 11 مع انه بنتي في سابع نومه من الساعه تسع وهو قاعد معاي وانا اتعبث بجوالي واروح الحمام (الله يعزكم ) وافرفر التلفزيون وأكلم أمي يعني اسوي نفسي مشغوله ولا مهمني وجوده (وانا ودي أرقص من الفرحه )
وجات الممرضه تاخذ الحراره وقالت :هذي بنتج قلت أيه قالت ماشاء الله شكلك صغيره وكيوت !!! (اللحين بيقول هي موصيتها)
وقام عقب ماراحت طفى الليت وخلا بس أنارة الممر (كان جو شاعري) تذكرت أشياء واجد ذيك اللحظه وكانت خانقتني العبره بس تمالكت نفسي يوم شفته كان قاعد عالسرير جنب بنتي ويمسح على راسها شفت دموع في عينه مادري شمعناها؟؟؟
قعد شوي وترخص بس طول الليل مانامت ولا هو بعد
كان طول الليل يطرش مسجات (قفلي الباب عليكم (مستشفى أبوي ) _ البنت نايمه عدل _خلي حد من خوانج يقعد عندج )
ومسج غرام (
فيني ألم غربه مع فرقا أعز الناس
سفينه تايهه تبحث عن موانيها
ذكرتك يوم ودعتك وضاقت فيني الأنفاس
بكت عيني على فرقاك لكن..من يواسيها؟
حرام أشوف أفراحي بأقدام الألم تنداس
أداري دمعة هلت ومالي ..غير أداريها)
بعدين طرش أنه كان مرسله بالغلط حركات يعني
المهم جا ثاني يوم قمت على صوت أمي تكلم بنتي وعلى طول التفت على تلفوني الا فيه 7 مكالمات لم يرد عليها هو طبعا طرشت له مسج أن البنت تحسنت واليوم بنطلع خلاص
وفعلا رخصونا وطلعنا أول يومين كان يطرش مسجات (تستاهلين سلامتها _تعبتي الله يعطيج العافيه ) وبعدها ارجعت أنقطعت الاعلاقات مجددا (طبعآ كلكم تتسائلون وين أهله كانوا مسافرين من حظي لاني ماأبي أشوفهم)
في هالفتره غير التوبيك ماله (شفتك وزاد بي الوله والشوق وأنا قدام أشوفك براحه )
ومرت الأيام بالأصح عقب شهر ونص الله راد وتوفت مرت خالي فالكويت
(طبعا لازم بنروح نعزي ومستحيل أودي عيالي معاي خليتهم عنده طبعآ أمه وخواته مايقصرون يتكفلون فيهم )
ورحنا سافرنا طريق بر أنا وأخوي خالتي الصغيره بس أمي أسبقتنا بيوم مع جدتي بالطياره
وأحنا عالطريق لف علينا واحد طلعنا من الخط ودخلنا تحت شاحنه مخالفتنا (هذا أخر شي أذكره )
كنت آخر شي اذكره يوم طلعنا عالخط المخالف وفي ومقابلتنا شاحنه وكانت خالتي تصرخ (حاااااااااااسب)
والباقي كان كنه حلم اذكر واحد يقول فتحي فتحي اذا تسمعيني بطلي عيونج واسمع واحد يقوله : مشعل أرفع راسها عشان النزيف .........)
وابي أفتح عيني بس ماقدر وأسمع صراخ وحشرت ناس بس ماقدر افتح عيوني تحرقني وااااااااااايد
أحاول أتحرك بس ماقدر ,احس حد ماسكني ومره ناس يشلوني يغمى علي وارجع أقوم بس ماقدر أفتح ولا أتحرك وألم فضييييييييع في كتفي وخلاااااااااااااااااااااص (حسبت نفسي مت)
توعيت عقبها بفتره مادري شكثر (عقب قالوا يومين كانوا يعطوني بنج فالمغذي عشان ماحس بالكسر اللي في كتفي)
ماقدرت أفتح عيني عليها لفاف وكنت منسدحه بس أسمع أصوات فالغرفه (حسيت بشعور الاعمى الله يرحمنا برحمته )
سمعت صوت أمي : تقول لين اللحين مالقوا حجز ؟؟؟؟؟؟؟؟
وصوت أبوي رايح (من الصياح فديت دموعه) يقول: لاتحاتين بدبر
وصوت أعرفه بس من زمان ماسمعته (زووووووووووووجي ) يتكلم فالتلفون : احنا فالمستشفى اللي فالخبر ان شاء الله بكره بنرجع لا لقينا حجز لانهم بينقلونها بالسرير لا الحمدالله بس كسر فالكتف ولافين عيونها لان القزاز تنثر عليها بس ماصار شي فالشبكيه عقب اسبوعين بيفتحون اللفاف
وكنت احس بشي ثقيل ودافي على بطني حطيت يدي أتحسس هالملمس مب غريب شعر!!!! والويه !!!!!!!!!! أيه بنتي سادحينها على بطني وهي راقده
وفجأه سمعت صراخهم :قامت قامت الحمد الله وصياح بس ماعرف من يصيح ومن يصارخ زحمة أصووووات
سألتهم عن أخوي وخالتي !!!!!!!!!
أخوي :كسرين مضاعفيين فالفخذ الايسر ورضوض متفرقه وجرح غزير فالراس سواو له 16 غرزه .
وخالتي :كسر فالحوض ويدها اليمين وجروح متفرقه في جسمها .
كان ذاك اليوم زوجي ماسك يدي طووووووووول الوقت كنه حاس بالذنب ومتحسف
هو اللي كان يأكلني.... ولاني ماشوف كان يقولي: ( هذا خبز ويعطيني هذي سلطه هذا عصير هذي محلبيه ) مايروح عني الا اذا بيبدلون لي حتى أهلي أستغربوا وانا قبلهم بس كنت متأمله أن مرده لي
وكل شوي قرب حلجه من أذني وقال : (لاتحاتين أنا معاج ولا عادني مخليج )
وكنه يبي يعوضني حرقة القلب اللي سببها لي وكان يبات عندي توعيت فليل أبي مسكن بموت من الم طبعا ماقدرت أقوم حركت يدي عالسرير عشان ادور الجرس مال النرسات لمست راسه (يابعد عمري ) راقد عالكرسي وحاط راسه عالسرير
فز (مع أنه نومه ثقيل لما كنت أقومه لدوام ) : هاه فديتج تبين شي ؟؟؟؟؟؟؟؟
سكت آآآآآآآآآآآآآآآآآآآآآآآآآآه من متى ماسمعت هالكلمه ياكثر مااشتقت لها
قلت : كنت ابي مسكن (وفي قلبي أقول كلمتك سكنت كل مافيني )
راح جاب لي حط الحبه في حلجي وشربني ماي ومسح الباقي على شفايفي بيده
(كنت خايفه أن هذا حلم )
ثاني يوم أنقلونا من مستشفى المانع اللي فالخبر حق مستشفى حمد فالدوحه كانوا ( خالاتي وعماتي وعمامي وخوالي وأمه ) يستقبلونا فالمستشفى
حبتني أمه وقالت: تمنيت أشوفج عقب هالغيبه بأحسن من هالحال (وهي تصيح )
قلت : ارادة الله يايمه الحمدالله أنها جات على جذيه !!!!
وكان هو دايما عندي خذ إجازه بدون راتب من شغاله وجابلني ماكان يطلع الا لاجاوني زوار
وطول ماهو قاعد حذاي يسولف عشان ماتملل !!!!!!!!
يذكرني بأشياء واجد راحت عن بالي واستغربت أنه يتذكرها
من ضمنها ( تذكرين يوم كنتي تسوين لي سندويجات السلاحف خخخخخخخ (نوع سندويجات جيب التاجر اذا تعرفونه كنت أسميه سلاحف لانه يشبه السلحفاه مدور منتفخ )يالله عاد قومي عشان تسوينه خاطري فيها
تذكرين يوم نروح الشاليهات وانتي تحنين تبين تركبين معاي عالبطبطه بس في ناس ولبستج ثوبي عشان يحسبونج ولد خخخخخخخخخخ
تذكرين يوم كنت فالدوام واتصلتي لي عشان أرجع أذبح الزهيوي اللي فوق الباب خخخخخخخخ
تذكرين يوم تسأليني متى صحت من الفرحه ؟؟؟؟؟؟؟ ولاجاوبت اللحين بجاوب
يوم أملجت عليج !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!)
(حسيت أن الله أستجاب دعائي وعوضني بصبري خير )
ظميته بقوووووه كني أبي أعوض بعاد السنه وشهريين
قال : تذكرين يوم كلمتيني وخيرتيني نرجع وبتغيريين ولا نتطلق أبي أغير اختياري أختار الاول وراضي فيج بكل عيوبج !!!!!!!!!!!!!!!
ومرت الايام حلووووووووووووووه.........................................
والحمدالله تحسنت وفتحوا اللفاف اللي على عيني وفتحت من جديد (الحمدلله والشكر مليون مره ) أخيرآ بشوف عيالي وحبيبي وباقي يومين وأطلع بس ماشفته وهو ماعاد يجي وأنا أقول في بالي أكيد قاعد يجهز الملحق حق رجعتي اكيد مشغول بمفاجأه جديده يمكن يحجز حق سفره
يمكن !!!!!!!!!! ويمكن !!!!!!!!!!!!!!!!!!!!
طلعت من المستشفى مالقيته واستغربت ولما وصلت البيت أتصلت له من تلفون الصاله مارد علي قمت أتصل وأتصل واتصل
(لاحياة لمن تنادي)
جا عقب 4 أيام طلب من أخوي اني اطلع له فالمجلس الخارجي يبيني في كلمتين طلعت له وجهه متغير وقال : (حتى لو أننا متزاعلين ما يحق لج تسوين علاقات ومع من مع أخوي صج ماتستحيين ولا تقارنين نفسج فيني أنا ريال وأنتي مره مستعجله واجد عالاقل أنتظري لين أطلقج وباللي مايحفظج )
آآآآآآآآآآآآآآآآآآآآآآآآآآآآآآآآآآآآه ياقلبي (كل ماقلت هانت جد علمآ جديد)
ماقدرت أرد بكلمه مب عشاني مذنبه لابس مادري ليش أنشليت ذيك اللحظه وراح....................
رااااااااااااااااح طلع من بيتنا وخذ روحي معاه يافرحه ماتمت
واتصل ثاني يوم على أبوي وقال له : ( انا بطلق بطلق بس الفلوس بتجيني شهر 10 أذا تبون تنطرون لين ارجع الفلوس كيفكم واذا تبون أطلق وبعدين أرجع الفلوس بعد كيفكم شوفوا اللي يناسبكم وردوا علي )
استغرب أبوي من تصرفه شفيه مب صاحي كل يوم بحال !!!!!!!!!!!!!!!!!!!!!!!!!!!!!!
كان ابوي في ذيك اللحظه قاعد مع واحد من كبار الشخصيات فالبلد بحكم شغله يحتك بشخصيات مرموقه في المجتمع
خلنا نسميه (خالد) بعطيكم نبذه عنه : رجل أعمال ورجل غني بكل ماتحمله الكلمه من معنى (فاحش الثراء) متوسط العمر من عائله معروفه ولها نفوذ فالبلد متدين وسيم الى حد ما (هذا اللي عرفته عنه )
لما شاف أبوي متضايق ويتكلم عن الفلوس ........
سأله : عسى ماشر ؟؟؟؟؟؟؟
جاوبه أبوي بالنفي ومع الحاحه واصراره وكلمته لبوي : (أنا حسبت واحد من أهلك الا اذا عادني غريب)
قاله أبوي السالفه بأختصار شديد (مادري شقال له )
قال خالد : الله يكتب لها اللي فيه الخير ويصلح الحال لها ولعيالها ........ وغير الموضوع
وثاني يوم سأل أبوي شصار على سالفت البنت ؟؟؟؟؟؟؟؟؟؟؟؟؟؟؟؟؟؟
جاوبه ابوي خير ان شاء الله وسكت
(طبعا من خلال سوالف أبوي مع أمي ذكر لها هالموضوع وقالت لي سالفه عاديه)
بعد هالسالفه بأسبوع
جاني أتصال من رقم غريب وسبيشل من قلب من كثر ماهو سبيشل خفت
أنا : الو
هو : مرحبا
أنا : اهلين من معاي
هو : أنا بقولج كلمتين وبسكر وانتي فكري بالموضوع !!!!!!!!!!!!!!!!!!!
أنا : من أنت ؟؟؟؟؟؟؟؟؟؟؟ (بعصبيه )
هو : أنا خالد بن فلان آل فلان وعرفت سالفتج بالصدفه ومن وقتها أنتي مب راضيه تروحين عن بالي طبعا حركات المغازل وخرابيط المراهقين مب لي أنا أكبر من هالشي ولو قصدي لعبه ماقلت أسمي الكامل بس حبيت أعرض عليج أفكاري وبعدين أنتي حره في قرارج
أنا كنت شال فكرة الزواج من بالي لأني من 8 سنوات جاني مرض السرطان وتعرضت لكيماوي فتره طويله وقالوا لي أني أصبحت عقيم ولا أقدر أنجب ولاحبيت أتزوج وأظلم وحده معاي طوول عمرها بس أنتي خليتني أتراجع عن قراري أنا واي ريال عقله في راسه يبي وحده مثلج ماشاء الله معروفين بنات فلان بأخلاقهم واذا بغيت الوحده أسال عن أمها وامج ماعليها كلام وأوعدج أن عيالج عيالي يمكن الله حرمني من العيال وبيعوضني بعيالج ولج مني كلمة رجال أنه ما أحس ولا أحسسهم أنهم مب عيالي وأزيد واللي خلاني أتمسك فيج أكثر أنج ماتغيرتي لانه نادر البنت تقعد على طبع أهلها من اللي نشوفه فالمجمعات وانتي حره عالعموم أنا مابي رد اللحين لأني بتقدم رسمي عند أبوج وبيجيني ردج عن طريقه بس حبيت أوصل لج فكرتي لانه صعب حد غيري يوصلها )
والله يحفظج ويكتب اللي فيه الخير لج ولي ......... وآسف عالازعاج
طوووووووووط طووووووووووووط طووووووووووط
قعدت طول الليل أفكر ولاجاني نوم يمكن يكون هذا الفرج اللي من الله ويمكن حاله حال لاهالشباب
اللحين أبي شوركم هل أتطلق من زوجي وأتزوج خالد مع مصير مجهول وشخصيه يبيلها دراسه من أول وجديد عشان أتأقلم مع الوضع ويمكن زوجي ياخذ بناته اذا تزوجت بحكم المحكمه ويمكن تكون وعوده كلها أغراءت وكلام ويتغير بعد الزواج وممكن أني ما أقدر اتفاهم معاه وأصير بدال ماكنت مطلقه مره اتطلق مرتين وشلون بقدر أعيش معاه وأنا قلبي متعلق بزوجي الاولي يمكن ينسيني ويمكن لا وأنا ما أقدر أخون أحد حتى لو بالتفكير؟؟؟؟؟؟؟؟؟
أو أني اتطلق وأعيش حياتي على هالاساس وارضى بها كيف ماجات واسخر عمري حق تربيت بناتي بس بعدين بيتزوجون وببقى وحيده وكل وحده محتاجه رجل في حياتها يساندها ويخلص أمورها أقلها اذا تبي تحج تلقى محرم بتقولون أخواني بس بكره كل واحد بيتزوج وبيلتهي في حياته وممكن الزمن يغير أشياء واجد ؟؟؟؟؟؟؟؟؟؟؟
أنا محتاره ومب عارفه شختار اعتبروني أختكم وشوروا علي تكفوووووون .............................................. النهايه
بسم الله الرحمن الرحيم
(اعذروني ترى اسلوبي فالانشاء لكم عليه ماعليه تحملوني !!)
اولا نبذه بسطه عن حياتي : انا عمري 22 متزوجه من 4 سنوات وعندي طفلين زوجي أكبر من بسنتين عايشين مع اهله في ملحق
بداية حياتنا كانت عاديه صج كان يسهروايد برا ولين اللحين ماتعود على المسؤوليه بس شوي شوي حاولت اصلح من تصرفاته
حاولت اجذبه للبيت احاول اسوي له جو مريح مثل اي زوجه لاني كنت فعلا (أحــــبــه ) ولا ابيه يلجأ لحد غيري يعوضه بأي شي كنت اعطيه قد ماأقدر حب وحنان واهتمام وكنت احاول أكون له الام والزوجه والحبيبه والصديقه والعشيقه وكل اللي يحتاجه
وبعد زواجنا ب6 شهور تقريبا مر زوجي يضائقه ماليه وحاولت اساعده بكل ماأملك فقمت قدمت سلفه على قرض شخصي وقرض سياره وبعت الاسهم اللي كان ابوي شاريها لي قبل لا أتزوج ووصل المبلغ حوالي(1000000) وعطيته اياه وحلفته وحلفت له ان ماحد يدري لامن أهلي ولا من أهله لين اموت (سر)
وهو قالي انه بيدخل به مشروع يرجع الارباح 3اضعاف ويكون المردود حق بيتنا
ومرت الايام فيها الحلو والمر والحمدالله الله رزقنا بطفل مثل القمر وحسيت الريال وااااااااايد تغير صار عنده مسؤوليه يحاتي البيبي فرحان به تغيرت حتى معاملته معاي صار يهتم تغير وايد صار رومنسي استانست وحمدت ربي الف مره
وعشنا أيام حلوه صج فيها بعض المشاكل العابره بس كانت احلى فتره كنت مرات اصحى من نومي ابوسه وارد انام احسه ولدي وكنت اذا هو يلبس ثوبه امسك له الغتره والعقال لين يخلص واذا دخل يتسبح انتظره عند الباب بالفوطه وكنت اذا اوقضه لدوام ادلكه شوي شوي لين يقوم لان ظهره كان متعور من حادث من قبل لا أخذه وكنت مستحيل اخليه يطلع بدون مايتريق مع انه كان دوامه بدري كنت اقوم الساعه 4 عشان اسوي له ريوق
مرت هالفتره ولاحظت الريال بدى يرجع اسوء من قبل مع أني ماقصرت معاه بشي بشهادة اهله بس مادري شصار له قام يدور المشاكل ويتسبب الهواش ولا يعجبه العجب وكل شي انا اسويه غلط
ملاحظه
هالفتره كنت توني ادري اني حامل ونفسيتي زفت وخدامتي شردت والبيبي عمره شهرين وشغلي رافضين اجازة الامومه بحكم اني ماكملت 4سنوات من اشتغلت ولا اقدر اقدم استقاله بسبب القرض اللي علي )قلت في خاطري يمكن من هالظروف اشوفه جذيه حرام اظلمه خلني ادور له اعذار واتجنب المشاكل
· اي نسيت اقولكم عن أهله كانوا وااااااايد حليوين معاي ويحبوني خاصه أمه كانت تدلعني أكثر من بناتها مرات اذا مرضت تجيب لي أكلي لين السرير ولاترضى علي بشي وكانت تعاملني كني بيبي وتموت فيني ماتغدى لين اجيها وتتصلي فالشغل مشتهيه شي معين اقولهم يسون لج وكانت تمسك بنتي وانا فالدوام يعني ماتقصر (الله يذكرها بالخير)
· بس زاد وزاد وزاد
في السهر لين الصبح مع هالربع وفي عدم تحمل المسؤوليه (خلي اهلج يودونج ويجيبونج) في كل شي صار لايطاق
وانا اتحمل واتقاضى واحاول اتجنبه بس هو مايقدر ومضت الايام وبقى عن ولادتي الثانيه 5 أيام تقريبا وتهاوشنا فالتلفون على موضوع تااااااااااافه وقال خلج عند اهلج انصدمت من كلمته لو الموضوع يسوى ماعليه بس والله مايسوى
وقعدت عند اهلي وجاني الطلق وامي اللي ودتني وانا اتألم واصيح بس من من الولاده من حركته البايخه
ودخلت غرفة الولاده وكل شوي يغمى علي من الالم ومن الاكسجين اللي اشمه وارجع اقوم اسألهم جا (حطو له أسم )
ويقولون ايه برا وهو ماجا بس عشان يريحوني
تخيلوا
المهم ربيت وطلعوني في غرفة النقاهه واتصل لي وياليته ما اتصل
هو:الووو
أنا:هلا
هو: شعندج قاليه حق الخدامه لاتسولف مع باقي الخدامات
(على فكره انا قايله حق الخدامه لاتدخلين المطبخ وتسولفين مع الخدمات وهم يطبخون وانتي شاله بنتي) وكانت توها جايه جديد أقهرتني انها رايحه تشكى له مني مع اني اعاملها احسن معامله مب عشان سواد عيونها يمال العمى عشان بنتي
وبس
وجاني يوم ودوني فوق ولاكأنه مسوي شي وانا مشيت الموضوع اتجنب المشاكل
وطلعت رحت بيت اهلي نفاس وكان يجيني ويتسبب شفيج شاله البزر جذيه ليش مب ملحفته لاتمهدينه لاتسوين ولاتحطين ولا ولا زهقني يعني انه الخبره
المهم بعد تهاوشنا على سالفة تضحك تخيلوا يقول :انتي ماتعرفين تسولفين !!!!!!!!!!!!!(هذا سبب)
المهم ماعاد يجيني ولا يكلمني اسبوعين وانا قلبي معورني على اللي في حضني توها قطعة لحم جايه على الدنيا واحنا كل واحد في صوب وقمت طرشت له مسج ((اذا انا ركبت راسي وانت ركبت راسك ماحد بيضيع الا عيالنا حرام احنا أكبر من جذيه وانا لو ماأحبك ماطرشت لك هالمسج ))
اتصل وتأسف ورجعت بيتي وكنت مسويه نيو لوك عقب الاربعين وعلى قولة امه صايره عروس
المهم ومرت الايام وانا ملاحظه شي وبالعه مووس وساكته كثر الانتظار ورمز القفل والتلفون المدعوس فالسياره والسهر والتصدد عن البيت بحجة الشغل
كله يبيني اطلع وهو يقعد فالبيت واذا انا فالبيت يطلع (اشكره مبينه أن له علاقات)
وانا اسوي نفسي مادري واصلي وادعي هذا كل اللي اقدر عليه
المهم مره سبحان الله اللي يبي يكشفه كنت رايحه بيت اهلي وهو ناسي او بالاصح خاش تلفونه فالسياره وشفته وقمت اتعبث وشفت رقم مكرر وااااااااااااايد فالليل والظهر المهم دقيت من تلفون اخوي وطول ماهو يرن اقول في قلبي يارب اني ظالمته وردت وحده وكنه حد راشني بماي بارد قلت سوري غلطانه
واتصلت لها من رقمه قامت تقول :الوووووووووووووو الوووووووو(بدلع )ماخلت شي حق حليمه بولند مالت عليها
المهم قلت :الوو
انصدمت قالت من انتي قلت لها مرت اللي تكلمينه قالت وخير ياطير ارفعت ضغطي صج أنها(.............)
قلت لاتوقعين انه بيضيع بيته وعياله عشان (...........) انتي الا تسليه لاشبع بيقطج
المهم حاولت تشبكني مع واحد بمكالمه جماعيه عشان تسجل صوتي
سكرت التلفون ورجعت البيت وانا فالطريق كلمت امه وعلمتها اسبقتني ملحقنا وهاوشته هواش وقالت انت ماتستاهل وانت واللي فيك ومافيك المهم اعتذر وحلف لي عالقرآن انه ماعاد يرجع حق هالسوالف
ومرت الايام واعتدل شهرين بس ورجع على سوالفه بس أنا كنت ابي ادور اثبات عليه عشان اكسر عينه
وحطيت جهاز تسجيل في سيارته وسمعت الطاااااااااااااااااااااااااااااااامه الكبرى
سمعت التسجيل من بدايته كان يكلم واحد (استانست وقلت حرام ظلمته وانا اتنافض مابي انصدم ولا ابي اخسره)
وسكر من الواحد واتصل بأحد مادري من المهم ذاك سكر في ويهه مرتين ورجع اتصل هو أو بالاحرى هي
زوجي:الووو شلون تسكرين في ويهي
الحقيره: اخوي العله حمود كان عندي
زوجي: حمود ذيه رافع ضغطي والله لاخليه صبي عندي يقلط الرياييل(شلون ترضى على اخوها صج حثاله)
زوجي:قال ولد أخوي فلان بن فلان (عارفه العائله كامله) من كان عمره سنه كنت اخليه يشل الطير عشان يصير ريال (بس هذا المرجله عنده)
زوجي :تعرفين الباب اللي دايما تطلعين منه ودي اسوي هناك خيمه واخلي حمدوه مقهوي J
هي تقول أن عندها امتحان (الله لايوفقها)
زوجي:عاد ذبحتي عمرج كلتي شي وخلي الدراسه اهم شي راحتج (حنون ياحليله)
زوجي (تغيرت نبرت صوته) :شلون منسدحه
والباقي أسمحولي ماتجرأ اكتبه
بس قعدت اصيح يوم سمعت التسجيل كان فليل وكان نفس اليوم المغرب مطلعني نشرب عصير يا بلفيت (شلون له قلب )
المهم خذت الجهاز ونسخت سي دي وخشيته وقعدت انطره كالعاده ولا كأنه صاير شي (متكشخه ومرقده عيالي ومبخره قسمي ومغطيه عشاه انتظره)
جا بس لاحظ ان فيني شي
ارد عليه ببرود ولا اطالعه وانا اتكلم
هو: شتطالعين؟؟؟؟
أنا: فلم
هو : شفلمه؟؟
أنا : شي ماتعرفه !!!
هو: وشو عاد
أنا :فلم رومانسي كله حب وأخلاص
هو:سااااااااااكت مصدوم
أنا : تامر على شي تعبانه وبارقد (دموعي تنزل في هاللحظه)
هو :قعدي بنتكلم
أنا: آمر ؟؟؟؟؟
هو :بدون حبيبي
أنا: لو تنفع هالكلمه كان انفعت من زمان بس الظاهر لازم اصفي حسابات وااااااااايد
هو: أنتي شفيج ؟؟؟؟؟؟؟
أنا : بسألك سؤال واحد بس وجاوبني على قد السؤال بدون ليش!!!!
أنا مقصره معاك بشي ولا أنت مب مرتاح معاي فيني شي مب عاجبك!!!!!!
هو : يمكن اول ماخذتج كنتي ماتعرفين شخصيتي بس اللحين لا والله مب مقصره ومريحتني واااايد في كل شي يكفي أنج حافظه بيتج ومربيه عيالج وقايمه بي وأهلي يحبونج ولا عليج قاصر من جميع النواحي اكثر من اللي كنت اتمناه جمال واخلاق واسلوب وكل شي يتمناه اي ريال في مرته
(وتزيد الدموع مع كل كلمه وهومستغرب )
قلت له : عيل شحادك عالحرام اذا انت ماهموك بناتك انا يهموني واللي تسويه بيستوي بكره في بناتك حرام عليك
قال : انتي شدراج
قلت : وحده قالت لي
قال: خلي رفيقاتج اللي بيخربون بيتج وبيضيعونج أمشي وراهم خلهم ينفعونج وهذي اللي وصلتلج الكلام خليها تواجهني (بكل قواة وجه) وقام معصب (راح رقد) وانا طول الليل اصيح ماهقيت ان بيصبح الصبح وانا بخير من كثر الصياح
ثاني يوم قمت سويت له ريوق ولا قعدت معاه كالعاده ودشيت اتسبح
اول ماطلع حسبت له 2\1 ساعه لين يوصل الدوام عارفه اوقاته بالضبط لانه كان دايما يكلمني ومعاه عالخط (ايام الحب الصادق) وطرشت له مقطع صوته مع صوتها يوم كان يقول(شلون منسدحه)
رحت حق امه الصبح لقيتها تريق هي تخرعت من شكلي (تعبانه من السهر والصياح)
قالت :شفيج عطيتها الجهاز تسمعه
تغير ويها وانصدمت 5 دقايق الا هو داش علينا كنه لاحق حد
المهم قال هذيه صوتي هذيه صوتي هذيه رفيقي كان منزلني عند الشغل و ماخذ سيارتي !!!
قلت انا غبيه ومافهم امك ماتعرف صوتك وبعدين رفيقك عنده ولد اخو نفس الاسم ماشاء الله عالصدف بعد وهي تطالعه بنظرات ودها تزنطه قالت امبلا صوتك اطلع برا
قال: اسمعي عاد لا رحتي بيت ابوج والله لو يقوم ابوي من قبره مارديتج !!!!!!!
ووطلع
وقعدت امه تهديني وتقول لاتخلين بيتج حق هالخياس اني اكبر من هالاشياء وبتبقين معززه مكرمه وهو يحبج وانا ادري به
ومن هالكلام
قالت بدي ثيابج خلينا نطلع تغيرين جو!!!!!!!!
رحت بيتي ابي ابدل الا هو يتصل على تلفون الغرفه يعتذر ويقول الصراحه هذا صوتي ومافيه حد معصوم من الغلط والله أنها رفيقة رفيقي متزاعلين وانا بصلح بينهم (استغفر الله مشتغل ,,,,,,, على آخر عمره)
بس حاولت اهدى طلعنا انا وهي عيالي رحنا البحر اللي صوب الوكره وكلنا ايس كريم ورجعت البيت رجع يتأسف الظهر وحاولت اسامحه بس كل ماحطيت راسي عالمخده تذكرت كلامه واحس الدم يغلي في راسي واكرهه والعن الساعه اللي وافقت عليه فيها بس مر اسبوعين وانا ادوس على قلبي واحاول انسى
وهو ينبر المشاكل بطرق آخرى مثلا شفي مشيتج جذيه شفي صوتج جذي ماينسمع وليش مسويه موكا المغرب وانا متغدي متأخر
وليش وليش بسبب وبدون سبب طفرني عيشتي بس
جا ذاك اليوم اللي كان اخوه داخل المستشفى عشان يسوي ربط معده كلمت أمه سألتها عنه مرتين الصبح والمغرب قالت طيب وبخير والعمليه بسيطه
المهم جاني فليل مشووووووووط : كلن سأل عن أخوي الا انتي الغريب يسال وانتي ولا همج بس شاقول ؟؟؟؟؟
قلت له لانك عادني غريبه ماكني شريكة حياتك أنا آخر وحده تفكر فيها واذا عالواجب مب انت اللي تعلمني انا سالت امك عنه بدال المره 3
بس اللي يدور المشاكل بيلقى
وكنت اساسا حاجزه ورد وماعطتهم رقم الغرفه وكاتبه كرت بسم عيالي حق عمهم وقايله لهم يودونه الصبح بس هو ماواهلني
المهم زاد الكلام واشتدت المناقشات وقال(( أنا ماتحسفت على شي في حياتي الا أني خذت وحده مثلج )) << الشعره اللي قصمة ظهر البعير ولميت اغراضي وطلعت ولاهمه طرش مسج قال (ابركها من ساعه)
المهم جيت حق اهلي بعدها بيومين طاحت بنتي وانكسرت رجلها وكلمني قال انتي مب كفو تحفظين عيالج وانا باخذهم وتشادينا بالكلام فالتلفون وجا حق ابوي قال له عن سالفة السلفه (السر)
انصدموا اهلي شلون تصرفين هالتصرف مافيه مره عاقله تسوي جذيه وانا انصدمت انه قال لهم وهو واعدني بأنه ماحد يعرف.
دار حوار بينه وبين ابوي واشتد الحوار بينهم من حرقة قلب ابوي من تصرفاته ولانه شاف حالتي الصحيه تدهورت
يعني كنت ارجع دم (الله يعزكم) ولاوقفت مافيني توازن واتنوم باليومين فالمستشفى ومادري عن عيالي كانت ايام سووووووده (الله لايعيدها)
قال حق ابوي ان لي فلوس عنده واني ماخذه سلفه ومطلعه سياره له بالتقسيط
وقال بكل برود :ان مافيه نصيب ومتفاهمنا وكلن يروح في حاله لاني ما أصلح له
ومن زود الوقاحه قال حق ابوي عن سالفه البنت انها رفيقة رفيقه مب رفيقته !!!!!
مادري شلون ابوي تمالك اعصابه مع اني اعرفه لاعصب مايعرف اللي قدامه لايحشم ولا يحترم وكنت نفس الوقت خايفه على ابوي بما انه فيه القلب والسكري وزوجي من النوع اللي ينرفز وماعنده اسلوب ويستفز بطريقة كلامه
ولايعرف ينقي الكلمات المناسبه حق الموقف يقط كلام عوود مايعرف شمعناه
المهم دخل علينا ابوب معررررق ومعصب (اذا ابوي معصب حده مايحب يتكلم) طالعني بنظره حسيت كنه يقول ضاع تعبج مع واحد مايستاهل جاحد ياخسارة صبرج عليه وحبج له
وباس عيالي ولممهم رواح غرفته (عسااك ذخر لي ولهم بدال ابوهم اللي ماقدر نعمة الله عليه غيره يتمنى ظفر ياهل)
عقب ربع ساعه راحت له أمي
وجاتني قالت لي الكلام اللي دار بينهم انقهرت وابتسمت قلت حق امي دام ابوي وخواني موجودين ماعلي خوف
كنت ابتسم ابتسامة لاني شاده ظهري بخواني وابوي بس الدموع اللي كانت تسيل افضحت حبي اللي مازال موجود
رحت غرفتي وطرشت مسج هذا الوعد بخصوص السر خل شي واحد يذكرني فيك بالخير
طرش مسج ( فكيني بس انا مب مجبوراتحمل غثاج طول عمري)
اللحين انا اللي صرت غثى وهاللي يعرفهم عسل على قلبه
سكت عنه ومرت الايام
أمي تكلم امه وتحاول تصلح وامه نفس الشي بس هو راكب راسه وكانت امه تكلمني وتسأل عني
نسيت اقولكم يوم لميت اغراضي بطلع من البيت رحت حبيت أمه على راسها وقلت (أنا طلعت من بيت ابوي وخليت امي وراي لقيت قدامي ام ثانيه الله لايحرمني منج حتى لو افترقنا انا وياه انتي بتبقين امي وجدة بناتي وأم ابو عيالي )
كلنت تحاول تخش دموعها عني بس ماقوت
طلعت وانا قلبي متعلق بذاك البيت اللي كنت اتمنى تكون سعادتي فيه مالقيت الا حرقة القلب اللي نستني أحلى ايام عمري
دمر سعادتي وحياتي وبناته
المهم مرت الايام وانا اقول مستحيل يتخلى عني أنا مرته حبيبته أم عياله عشان بنات .....
وخاب ضني فيه نطرت يوم يومين اسبوع
ما اتصل ولا جا
عقب اسبوع كنت قاعده فالحوش عالمرجيحه وافكر في حياتي وبناتي وفيه
الا اسمع صوت سياره ادخلت الحوش التفت الا سيارة بيتهم بس مب هو اللي فيها
الدريول جايب اسرة عيالي يوم شفت هالمنظر حسيت كنه داس قلبي وفرمه تحت رجله قطع كل الأمال وقفت كني مشلوله مب مصدقه باعني بهالسهوله وعشان وشو ...........
(ماشوف الشاشه عدل من الدموع _ قلبت المواجع على نفسي )
يبيع وحده عرفت الحب بين يديه حفظت عمرها له وحفظت بيته في غيابه مارفعت عينها في رجال لان ماحد يستاهل يجي عقبه عطته كل اللي قدرت عليه بحب ومن كل قلبها
هذا جزاي
(في ذيك اللحظه رفعت يدي لربي وقلت:اللهم آجرني في مصيبتي واخلفني خير منها)
هذيك الايام اشوف الشفقه في عيون كل اللي حولي أخواني امي ابوي حتى الخدامات أحس انهم متعاطفين معاي
ومرت الايام وكنت احاول اعرف أخباره
جاتني فكره اتي اضيفه من ايميل مايعرفه وفعلا سويت ايميل وضفته وقبل الاضافه وقمت أكلمه على اني وحده غير
وكان يسولف معاي بالساعات
ويقولي كل شي ويحط صور عيالي على انهم عيال أخوه وان مرته متوفيه من فتره (يفاول علي جعل يومه قبل يومي)
وكان يقولي فالمسنجر أسرارنا وشكنا نسوي قبل (ذكرياتنا الحلوه)
قلت ليش ماتزوج ؟؟ قال بتزوج بس عقب فتره قلت خاطب قال لا حاط عيني على وحده قلت تعرفها قال ايه كانت تشتغل معاي من 3 سنين من العائله الفلانيه قلت اشمعنى هالعائله قال لان بناتهم حلوين قلت ليش مرتك مب حلوه قال لا سباله انقهرت
قلت وماعندك منها عيال قال امبلا قلت مب يمكن الجديد تكون كريهه مع عيالك قال بسرحها بيت ابوها نفس اللي قبلها
قلت ماعرفنا لك ميته ولا عند اهلها قال كانت عند اهلها وماتت ..... (طلع فيني عذاريب الدنيا)
قلت طيب باي
قال اشوفج بكره قلت له ان شاء الله
وقعدت على هالحاله شهر بعدين صارحته اني أنا انصدم
وطلعت وقعدت فتره ما أشبك
بعد ماطلعت من بيتي بشهرين سويت تحليل دم عشان الترجيع المستمر (الله يعزكم) قالت امي أكيد صادج فقر دم على هالحاله
ونزلت 16 كيلو في في هالفتره وكل من شافني قال شفيج ؟؟؟؟؟؟؟؟
وكنت خاشه الموضوع عن صديقاتي فالشغل وعن أهلي على امل انه ترجع المياه لمجاريها
المهم يوم سويت التحليل قالت لي الدكتوره :أنتي حامل ياماما !!
انصدمت شلون حامل وانا ماحسيت بشي (طبعا عرفتوا شقصد) كانت كل الاوضاع عاديه امي كلمت امه وقالت لها الموضوع
رحت حق دكتور نساء وولاده سوى لي تلفزيون قال الجنين ميت والنمو موقف من ثالث اسبوع وروحي سوي غسيل بسرعه قبل لاتسممين
طبعا ولا اتصل ولا سأل
المهم رحت المستشفى وسويت غسيل وطلعت في نفس اليوم ولما خلصت رحت العمره عشان اريح نفسي
ورجعت
ومرت الايام
وكانوا عيالي يروحون لهم يوم فالاسبوع (انا مابي احرم عيالي من أهلهم ولا ابي اقطعهم عشان يبروني عيالي لاكبرت)
مره طرشوا الخدامه والدريول بروحهم بدون حد من أهل البيت ورديتهم قلت حق الخدامه قولي لهم ماما تقول :لا
عيالي صغار على انهم يركبون مع خدامه ودريول بروحهم لو يصير لهم شي فالطريق الله لايقوله
اتصلت امه وقامت تصارخ وتهاوش وتقط كلام (اصدمتني) كلهم انقلبوا علي فجأه
وعقب هالسالفه انقطعت العلاقات بيني وبينهم
وجا هو وابوه حق ابوي على اساس ان العيال مالهم ذنب ولازم يروحون (انا مامنعتهم بس يجي حد منهم الله لايهينهم)
قالهم ابوي هي ماتبي تقطعهم بس لاطرشون الدريول والخدامه بروحهم قالوا : ان شاء الله
وقال ابوي :أنتوا مافيكم خير المره ميت اللي في بطنها ورقدوها ماحد سأل فيكم ...
قال زوجي: اصلا هي مب حامل صج مسويتها حركه عشان ارجعها وهي قالت لي
(صدمه )
تنرفزت وقلت خله يواجهني متى قلت هالكلام ليش يكذب علي
رحت طلعت تقارير من المستشفى وطرشتها لهم بطيت عيونه بالتقارير طلعته هو الكذاب
ومرت الايام
عقب 6 شهور من الفراق كلمته
عقب 6 شهور من الصبر قررت أحط حد حق هالمسأله عطيته فرصه يراجع نفسه وقت على ماأعتقد كافي
وكلمت وحده فالأستشارات العائليه وقلت لها القصه بتلخيص قالت تعالي خلينا نراجع الموضوع مع بعض انا وهي أسمها د.سهام انسانه خلوقه وحبوبه وتدخل القلب بسرعه وتحسين أنسانه مؤمنه وواعيه واسلوبها يجنن (قد مامدحها ماوفي)
قالت لي فالتلفون انتي حاليا مشوشه ومتلخبطه مب عارفه شتسوين تعالي خلينا نرييح نفسيتج أول وكل شي بعدين هين
خذت موعد عقب 3 ايام ورحت لها المغرب أول مارحت الرسبشن شرطي قاعد حق المطلقين يشوفون عيالهم هناك والياهل جايين مايدرون هم ليش يشوفون ابوهم في هالمكان مب مثل باقي اصدقاءهم فالمدرسه والبيت وعاهدت نفسي أني مادخل عيالي هالمكان من نظرات اليهال اللي شفتها في عيونهم عووورت قلبي
المهم رحت الدور الثاني وسألت عنها قالوا:مكتبها أخر الممر وانا امشي فالممر اسمع اصوات ناس فالغرف يتهاوشون ومريت على غرفه فيها وحده تنطر طليقها عشان يسلمها العيال ياللللللللللللله وشو ذيه وانا ماشيه وقلبي مقبوض وخانقتني العبره
دخلت غرفة د.سهام قالت :انتي فلانه(أختاروا لي اي اسم يعجبكم ويصلح لي على ذوقكم)
قلت:امممممممممم (كني بزر اول يوم له فالروضه)
اشهقت وقالت:ما شاء الله شو هيدا (لبنانيه هي)
تخرعت وشو شفيج؟؟؟؟؟؟؟؟؟
قالت : حرام عليه والله هيئتك كتير صغيرا ومهتمه بحالك
لان كتير من اللي يجونا بتكون ماعندها اسلوب فالكلام ولاتعرف تهتم بحالها هيدول نعطيهون دوره كيفية التعامل مع الزوج
بس انتي لازم تجين معانا تعطين دوره (هههه)
المهم قلت لها كل اللي في قلبي ومسكينه لين اللحين وهي كل فتره تدق لي تطمن شصار
قالت :باخذ رقمه وبستدعيه قلت :لا اعرفه عنيد وممكن انه بدال مايلين يزيد ويقول بعد رايحه تشكى علي
قلت انتي قولي لي شسوي وانا بسوي!!!!!!!!!
قالت :تواعدي معاه في كوفي ولا مطعم ولا في بيت ابوج واللي يريحج ويريحه
وتكلموا انتي حطي شروطج وهو بعد يحط شروطه وتقيدون بها وتعاهدون انكم تغيرون حياتكم للأفضل عشان هالصبايا(بناتي)
وفعلا ثاني يوم كلمته
ترررررررررن ترررررررررررن (وقلبي يدق)
(جـــــــــــــــــاري الانتظار ) لين اللحين على خبري ماعقل
هو :الوووو
أنا:الووو هلا شلونك !!
هو : تمام انتي شلونج ؟؟
أنا :طيبه الله يعافيك
أنا :أقدر اتكلم معاك ولا مشغول!!!!
هو:لا قاعد بروحي ماعندي شي!!!
أنا: ابي اشوفك اي مكان يريحك بيتنا مطعم كوفي أي مكان!!!
قال :ليش؟؟؟
انا :ابي اقول لك شي مايصلح ينقال في تلفون لازم فيس تو فيس!!!
قال:أنا مشغول وبسافر عقب اسبوع
قلت:ماتقدر تفضي عمرك ساعه في هالاسبوع الموضوع مهم بالنسبه لي وماعاد في مجال لتأجيل
قال:لا صعب
قلت: اوكي خلاص باي سوري عالازعاج
وسكرت
بعد 5 دقائق اتصل
أنا :الوووو
هو: وشو الموضوع
أنا :ماقدر اقولك فالتلفون لازم اشوفك
قعد يلح علي
قلت :أنا بقولك شيين وانت اختار منهم
أما اننا نرجع حق بعض لكن قبل كل شي تحط شروطك واحط شروطي ونتعهد انا نمشي عليها وتعتبر نفسك متزوج وحده جديده تنسى كل اللي راح نفتح صفحه جديده ونغير كل شي غلط في حياتنا وانا نفس الشي بعتبر نفسي تزوجت واحد جديد خالي من العيوب يحترم شروطي واحترم رغباته
قال :والشي الثاني وشو
قلت ننفصل وكل واحد يروح في حاله والله يوفقك ويوفقني
قال : انا اخترت الشي الثاني (صـــــــدمه)
انقهــــــــــــرت
حسيت اني انفخ في جربه مقطوعه
سكرت وانا ودي اذبحه
تعوذت من بليس ورقدت
وكنت هالفتره أعاني من تدهور حالتي كنت افقد وزني بسرعه فضيعه كل يوم كنت انزل كيلو
وكنت احس دايما بألم في رقبتي من تحت
رحت المستشفى اسوي فحوصات واتابع حالة الترجيع (الله يكرمكم)والم معدتي الدائم وطلعت النتايج
آآآآآآآآآآآآآآآآآآه ياقلبي أنا ناقصه
قالوا :فيني ورم حميد بس لازم يشلونه لانه اذا خلوه ممكن من الضغط عليه يتحول خبيث (الله يكفينا الشر)
ورحت سويت العمليه برا ورجعت
وعقب شهر رجع نفس الم القديم وفي نفس المكان بس كانت المنطقه بارزه أكثر وواضح انه فيه شي
رحت اعيد الفحوصات قالوا رجع مره ثانيه ولازم نسوي العمليه ونسوي مكنها كي عشان نذبح الخلايا قبل لاتجدد
ورحت اسويها مره ثانيه ولاحد كان يسأل علي منهم الا واحد من أخوانه كنت احس انه واعي من زمان راكد صج مالي احتكاك به بس من خلال عشرتي وسوالفهم عنه أذا حد منهم طاح في مشكله اول من يفكرون فيه هو(ن)اختاروا له أسم
كان يتصل بين فتره وفتره يسال عن بنات اخوه ويحسسني انه مب عاجبه والوضع اللي صاير وانه يشوفني على حق وانا أحاول ماطول ولا أعطيه مجال أحسسه اني مشغوله مع عيالي ولا طالعه ولا أهلي ينادوني يعني اتصدد مابي افتح له مجال
مهما كان مب حلال علي اسولف معاه سلام وبس
وهو يسوي نفسه مب فاهم ويدق كل فتره وفالاعياد المهم من كلامه حسيت فيه شي مب طبيعي احس أنه يحاول يتقرب ومن ضمن الكلام قال:الواحد يتفشل يقول هذا اخوي وماعنده سالفه يوم قالج غيري مشيتج من رايي الشخصي ان مشيتج كلها أنوثه (انصدمة شيقول هذيه)
قلت :لو سمحت حدك عاد ورجاء لا عاد تتصل على رقمي تبي شي تفاهم مع ابوي واخواني اظن تعرف ارقامهم والعيال يجونكم كل اسبوع وتطمن عليهم اذا قلبك عليهم صج باااااااااااااااااي
قال :شدعوه زعلتي
طوووووووط طووووووووط طوووووووووووووووط
طرش كذا مسج يتأسف وانا ولا رديت عليه مرات اقول انه يبي يجس النبض هي سيده ولا لاعابه مهما كان بتربي عيالنا ومرات اقول (الحمو الموت)
وحست ان الدنيا خايسه مافيها شي عدل استغفر الله شصار فالناس شبلاهم صاروا جذيه ماعاد فيه حد يخاف ربه ويراقب تصرفاته واسودت الدنيا في ويهي وحسيت اني انا اللي فيني الغلط معقوله كل ذولا غلط وانا صح
واحس الدنيا تلف فيني ابي اي شي صح اتعلق فيه يوديني مكان نظيف بعيد عن هالدنيا اللي لامشى فيها الواحد صح حس انه غير عن الناس وناقص وشاذ والغلط صار عادي نشوفه ونبتسم ولا كنه فيه شي عاااااااااااااادي
نسيت اقول لكم في هالفتره شفت أمه بالصدفه في مجمع وسلمت عليها وحبيتها على راسها ولا كنه صار شي وكانت ماتبي تحط عينها في عيني بس لاحظت انها كانت تدمع (كسرت خاطري) قلت سلمي عليهم كلهم........ ومشيت عنها
ومرت الايام وانا مع هالمستشفيات والفحوصات واتابع مع المستشفى اللي بألمانيا ويرسلون تقاريري كل فتره والحمدالله تحسنت حالتي وبديت ارجع فلانه القديمه البشوشه اللي تضحك ولاهمتها الدنيا وحسيت انفتح لي كذا باب من ناحية شغلي تحسنت ومسؤولي ملاحظ هالشي ومستانس من تقدمي والبنات اللي معاي بعد لاحظوا اني تغيرت وهم اساسا مب عارفين الموضوع ولاداريين بشي ولا حبيت اقول حق اي حد وفي نفس هالفتره وحده معاي فالشغل كانت على خلاف مع زوجها وبينهم مشاكل وتجي تشكي وكن الدنيا وقفت وكله متضايقه مع ان الخلافات كانت جدا عاديه بين اي زوجين وقلت لها ترى الشيطان اللحين يزيد كل شب في عينج لاتستسلمين ولاتخربين بيتج بيدج احنا كلانا ندري ان ريلج يحبج وانتي اولنا فلا تسوين جذيه قالت:اي اللي يده فالماي مب مثل اللي يده فالنار(اي ماي واللي يرحم والديج لو يدري عمير .......)
سكت عنها ومرت الايام والاسابيع والحال على ماهو عليه لاهو اللي طلق ولاهو اللي علق مادري شناطر وانا مابي يلحون عليه يمكن يكون رجع حق عقله وفكر ان مرده لبيته وعياله والايام تمشي
والايميل اللي كنت اكلمه منه خلاص تسكر لاني مادخلت مدة طويله بس هو ضافني من ايميلي العادي اللي كل الناس يعرفونه وقال خليه بينا عشان اذا بغيت اسأل عن العيال وانتي بعد لابغيتي تسألين عنهم يعني همزة وصل بينا وافقت
ومرت الايام
ويوم من الايام كنا نستعد لسفر في عطلة الربيع وانا مستانسه اني بغير جو مع اهلي وبنات خوالي وخالاتي كلنا كنا بنسافر مع بعض
فتحت ايميلي العادي الا جايني ايميل من مصدر مجهول ماعرف من اللي مطرشه مكتوب فيه (ياللي ماتستحين يعني خلصوا الرياييل عشان تكلمين ذيه وانتي اللي مسويه نفسج بريئه وشريفه وانتي ساس البلا من تحت راسج الله يبلاج في عمرج واهلج وعيالج ) ومطرشين محادثه بين ايميلي اللي كنت مسويته وايميل واحد ماعرفته من الا بعدين )
اخوه المحترم حب ينتقم لاني فشلته وحسسته انه حقير سرق ايميلي القديم وقعد يسولف منه على ايميله على انه بيني وبينه علاقه وقال حق خواته (حسبي الله ونعم الوكيل) مادري شيبون يوصلون له ماكفاهم اللي سووه مادري شضريتهم فيه بس
وخواته احتروا اني كشفت اخوهم ووالله اني ساتره عليه ولا علمت حد حتى اهلي ماجبت لهم طاري التسجيل بس خاشته عندي عشان اذا حاول يأخذ عيالي اهدده اني اعطيه القاضي بس ولا هو مهما كان ابو عيالي وسمعته من سمعتهم ومابي عيالي بكره يكرهوني بسبة هالتسجيل هو الله حسيبه بس مب عارفه شالعصابه اللي طحت فيهم
نكدوا علي السفره بس مابينت حق حد شي كاتمه في قلبي واكابر قدام اهلي اضحك واسولف ولا كنه فيني شي ولاجا الليل حطيت راسي عالمخده وقعدت ابكي لين ادوخ وانام وادعي ربي يدبرني بدبرته وانه اقوى منهم والله يرد كيدهم في نحورهم
ومرت الايام وانا مب عارفه هم شيبون يوصلون له ولا شهدفهم ودوافعهم ومادري شناويين عليه بس ادعي ان الله يهون علي كل اللي يصير وفي نفس الوقت مب مصدقه كل اللي يصير أحس اني في حلم لا كابوس وبقوم منه لان هالاشياء أحسبها تصير في مسلسلات رمضان بس ماكنت اتوقع فيه ناس فالواقع بهالنذاله وكله حاطه ان الناس ابرياء ونفس تفكيري وماحب اظلمهم ولا أسيء الظن بحد ولا أحكم عليهم بسرعه
ومرت الايام ورجعنا من السفر سلمت على ابوي بس لاحظت انه فيه شي مب طبيعي مايطالعني ويتجاهلني (وين لهفته اللي دايما كنت لادخلت البيت يلمني ويحبني كني لين اللحين هذيك الطفله اللي يذكرها أم سنتين )
جا ثاني يوم قمت الظهر بروح اسوي لي نسكافيه ولا شي أشربه عشان اصح صح الا أمي تناديني
رحت لها قطت علي اوراق (سجل المحادثات ) آآآآآآآآآآآآآآآآآآآآآآآآآآآآآآآآآآآآه دارت الدنيا فيني مع اني والله بريئه بس مادري ليش حسيت بالذنب
وكان مبين على امي أنها كانت تبكي (يايمه تصدقين فيني هالكلام حرام عليكم من وين بلقاها)حلفت ان مالي خص ولا لي علاقه بالموضوع وكلهم هم مفبركين الحركه مادري ليش ولا حد صدقني بكيت صارخت ضحكت (حاله هستيريه ) جننوني حسبي الله عليهم (كل هالموضوع لا زوجي ولا أمه مايدرون عنه بس اخوه وخواته) اهلي كلهم وقفوا ضدي ابوي مايكلميني ولا يبي يشوف وجهي يقول :خلوها تذلف ان شفتها ذبحتها الشياطين قدام عيوني ولا يبي يشوف عيالي كنت أتحاشى اطلع من غرفتي وأخواني يتحلفون ويهددون بس أمي تهديهم بس هي نفسها مب مقتنعه ان هالكلام كذب
ومنعوني من الشغل قدمت اجازه بكل رصيدي لين يهدى الموضوع وقلت حق اهلي طيب مب مداومه واني قدمت استقالتي
وخذوا مني الجوال والاب توب ومنعوني استعمل تلفون الصاله وامنعوني من الطلعه (سوولي سجن ) وقالوا خلي عيالج يتكفل بهم ابوهم كنا واقفين معاج يوم كنتي كفو بس اللحين تخسين وطرشوا عيالي بأغراضهم حق بيت ابوهم وكان قلبي يتقطع (ماعندي مانع يحرموني من كل شي الا عيالي لا لا هذا اللي بقى لي من الدنيا)
وكنت دايما صلي وادعي بحرقه وانا ساجده أن الله يراويني فيهم عجائب قدرته (الله لايحلهم ولا يبيحهم واحد واحد)
مر شهر على هالحال بس كنه سنين
والله يا بنات ان تمر علي ايام اسمع صوت عيالي يلعبون فالصاله واطلع اركض احسبهم جاوووا طلعت اتوهم رجعتهم
كنت على وشك اني استخف خست كل اللي بنيته (بيتي _ زوجي _عيالي _وظيفتي ) انهار كل شي قدام عيني وانا واقفه اطالع ومب قادره اسوي شي
في هالفتره تعرفت على واحد او بالاحرى انتبهت له شلون راح عن بالي ويني عنه من زمان هذيه اللي كنت أكبر قدامه ويحب لي الخير بس أشغلتني عنه الدنيا ومشاكلي وحياتي كان يراقبني من قريب بس انا مب منتبهه له عارف كل ظروفي وشايف الظلم اللي جاني وعارف الحقيقه بدون ما حلف له عارفني عدل مستحيل اسوي جذيه يفهمني بدون ما أردد عليه لاتفهم غلط وانت فاهم شاقصد؟؟؟ يساعدني واجد كان يحبني وانا بعد زاد حبي له مثل اي وحده تلقى حد يهتم فيها حب حقيقي مب حب مصلحه ولا ينتظر مني اي شي وكان موصيني اني اذا احتجت اي شي بس أقوله وهو الوحيد اللي يقدر يساعدني لانه يعرفني عدل ولا أحتاج اتعنى عشان اوصل له موجود دايما قريب مني ساكن معاي صرت احرص كل يوم اني أخصص له وقت كان ينطرني من الساعه 2 فليل لين الفجر ينطرني أكلمه واشكي له عشان يخفف عني طرش لي كتاب بس ماقريته كل ماشوف الكتاب تذكرته بس مادري ليش ماكنت أقدر اقراه وكان قلبي يعورني واقول معليه بقراه بعدين وكان يدري اني ماقريته ويرسل لي ناس يذكروني به وانه بيوقف معاي اذا انا طلبت منه بس اذا نسيته واهملته بيهملني وينساني بس انا كنت واثقه انه مب ناسيني ولا كارهني وكنت الجأ له وقت الحزن وادري انه بيصبرني على هموم الدنيا ولابكيت عنده كنت ارتاح وادري انه مب فاضحني عند حد وضعفي قدامه هو الوحيد مب عيب بالعكس كنت أحس اني قويه دامني بين ايديه وماحد فالدنيا مهما دورت مثله وتأكدت ان مردي له طال الزمن ولا قصر عطيته توكيل عني وعن عيالي وبكل ما أملك أكيد كلكم تبون تعرفون حبيبي الجديد من هو .........................
................(ادري كلكم تنطرون السر !!!!! حبيبي الجديد )
الله يابنات ايه الله ماعاد بقى لي غيره ولا عاد ابي غيره اصلا .................... وقويت علاقتي به
دخل علي واحد من اخواني الغرفه وشافني وانا ساجده واصيح بصوت مسموع وادعي (يارب الا عيالي ياربي الا عيالي ) طاح علي اخوي ولمني وانا ساجده وقال : والله لو على قص رقبتي ماحد بيزخ منج شعره وعيالج اللحين بجيبهم وجابهم وقال (ياويل اي واحد يقرب منها ولا يغثها بكلمه وعيالها مالكم خص بهم )
الحمدالله عيالي ارجعوا لي أهم شي ورجعت شغلي وردوا علي الجوال والاب توب عرفت ان كل هذا رحمه من الله
وقررت اني اقوي نفسي واعتبر زوجي ميت وخلاص هذا آخر حل توصلت له أما انا بعيش حياتي مع حبيبي الجديد اقوي علاقتي به وانفذ كل أوامره بدون تفكير وتغير كل شي في حياتي ماتصدقون شلون صرت وحده ثانيه واثقه في نفسي ان اللي عندي احسن من اللي عند غيري وانا اللي صار الله يبيه يصير ولو بيغيره بيغيره حزنت ولا فرحت فالاحسن اني اعيش حياتي
ومرت الايام عااااااااااااديه ماتغير شي بس مافيها مشاكل جديده يعني الاوضاع مستقره الحمدالله وكنت شوي شوي اتغير للأفضل في كل شي قمت اهتم في نفسي زياده وخذت دورة انجليزي ودورة اتيكيت وبروتوكول سويت لي جدول اسبوعي خصصت يوم حق الالعاب اطلع عيالي وخصصت يوم احفظ فيه قرآن والحمدالله كملت جزئين (ادعوا لي أكمل)
وتغيرت نظرتي للحياه وتحسفت على العذاب اللي تعذبته وعشان من؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ماحد يستاهل ...................
في يوم من الايام جاتني مكالمه خارجيه وانا رايحه المعهد من البحرين رديت
أنا :الوووو
المتصل:الوووووووو (صوت يخرع كنه يتكلم في درام)
أنا :نعم من معاي؟؟؟؟
المتصل :أنت ....... بنت (اسم أمي ) مرت .............. ولد (أسم أمه )
((قلبي بيوقف ويدي تنتفض واحس اني برجع (الله يعزكم ) من الخوف ))
أنا : ايه انت من وشتبي ؟؟؟؟؟؟
المتصل (المشعوذ): وحده جاتني مسويه لج ربط عن زوجج عشان ماتجيبين غير هالبنتين واذبحت اللي كان في بطنج وانتي ماتدرين والاورام اللي تطلع في جسمج كله من العمل وهي اللي فرقتكم هو يبي يرجع بس مايقدر !!!
أقولج أسمها ورقم تلفونها وأفك الربط تعالي لي فالزلاق _منطقه فالبحرين (ماكنت اعرف وشو كنت احسب هاويه ولا نهايه)
قلت : استغفر الله أنت تدري ان الله أقوى منك ومنها والله يرد كيدكم فنحوركم أنت وياها
وانت عارف لو الله مايبي يصيبني شي مب صايدني مب انا اللي الجأ حق هالاشكال
المتصل المشعوذ : الكلام اللي قلتيه كله ماينفعني ولا اسمعه فكري وردي لي خبر !!! انطرج
أنا : أعوذ بالله وسكرت
(طفى التلفون 15 دقيقه ماقدر اشغله وعقب الموت اشتغل بس مافيه ولا رقم ولا مسج ولا شي كنه جديد _مت من الخوف شلون يعرف كل هالمعلومات عني قعدت ارجع ورجعت البيت قلت حق امي وانا انتفظ واصيح أنا مب خايفه ولا مصدقه طبعآ أنا موكله أمري لله بس ليش جذيه أنا شسويت في حياتي ليش كلن يكرهني وأنا ماشيه في حالي ولا قد ضريت حد يشهد علي الله أمي كلمت الدعوه والارشاد وسألتهم : عطوها رقم مطوع زين وقريب من بيتنا كلمته أمي وقالت له قال بجي أقرى عليها وزين منها تصرفت هالتصرف الحكيم ولاجاها اي اتصال من برا لاترد عليه لاتحداهم لان ذولا ماعندهم ضمير ممكن يضرها انتقام وانا بجيكم بعد المغرب بس خلي حد من اخونها ولا ابوها يكون موجود يعني (محرم)
وفعلا جا وقرى ماتصدقون يابنات .....
كنت احس بشي غريب في بطني تطلع أصوات كني جوعانه واحس بطعم مررررررررررررررر في حلجي كنت أتأوه بقوه أبي ارجع ماقدر والله كنت اصيح من اللوعه وأخوي اللي أصغر مني كان يصيح معاي ويضربني بكل قوته على ظهري عشان ارجع بس بدون فايده وجهي تنقط وحبب من قوه التأوه تعبت واااجد وعطاني المطوع ماي وزيت من عندنا بس هو قرى فيه وقال كل يوم حطي منه وانا بجيكم بكره وعقبه وراح
وحطيت تخيلوا ماكنت اقدر أنام من اللوعه وكان بطني يتكور كني حامل فالثاني مع أني ضعيفه بس فيه بروز غريب (أنا ماكنت اصدق بالأشياء _استغفر الله_)
وقام يجيني كل يوم لين خفيت الحمدالله ورجعت عاديه وقال لازم هو بعد يرقي نفسه بس شلون والعلاقات منقطعه ؟؟؟؟؟؟؟؟؟
مرت الايام ومن فتره بسيطه الله كتب ومرضت بنتي الصغيره جاتها نزله معويه حاده ورقدوها فالمستشفى وكنت معاها وعطيت ابوها خبر أنها منومه بعد نص ساعه الاهو يطق الباب ودخل !!!!!!!!!!!!!!!!!!!!!!!
الصدمه هالمره كانت له مب لي لانه شاف وحده غيـــــــــر عن اللي عرفها
شكليا كنت نازله 30 كيلو نفسيآ كنت قويه وثابته وواثقه تصدقون يا بنات أنا ماتوقعت من نفسي هالتصرف كنت أحسب أني لاشفته عقب فراق سنه بنهار بصيح وبصارخ ويمكن يغمى علي بس ولا أهتزت فيني شعره
كان هو اللي يده ترتجف طول الوقت صوته مايطلع ومايقدر يقول كلمتين على بعض ويخورها فالكلام يقط خيط وخيط ولا يقدر يرفع عينه فيني بس كان يسرق النظر ولا التفت عليه صد بقوه عشان ماشوفه كان يتلكك عشان يقعد ويطول
كنت قاعده عالكنب وهو واقف جنب السرير من الصوب الثاني يلعب بنته وقال بروح أجيب لها غدا لانها ماتبي تاكل من أكل المستشفى قلت :طيب وراح
أتصل : شتبين اجيب لج دجاج ولا لحم قلت شكرا مب مشتهيه قعد يلح علي شدعوه بتقعدين بدون غدا ماكلتي شي من الصبح قلت له مالي خاطر وسكرت
رجع جايب معاه وجبة أطفال وعصير لي عطاني اياه وحطيته عالطاوله وقعد هو يغدي بنته (صاير حنون) قعد عندنا
حوالي الساعتين تقريبا المهمعقب الغدا قعد يلعب بنته ويسولف معاها سوالف تضحك عشان يضحكني ويشغل لها أشياء من جواله تضحك مع أنه بنتي صغنونه ماتفهم ودريت أنه يقصد أمها وأنا قاعده عالكنب حاطه رجل على رجل وأبرد أظافري ولا كنه أحد موجود ارقدت بنتي بس مادري شمقعده ماخش عليكم (كان قلبي يرقع من الفرحه بس كنت خايفه أعشم قلبي ارجع أعيد كل اللي راح )وهو يتلكك عشان يقعد المهم قال :أنا باترخص بمركم العصر قلت طيب قال: طمنيني عليكم قلت : خير أن شاء الله وطلع
قعدت اور فالغرفه لانه ظهري عورني من القعده وشفت العصير رحت فتحته (آآآآآآآآآآآآآآآآآه يابعد عمري ) لين اللحين يذكر أني أحب عصير الجوافه مادري ليش بكيت ذيك اللحظه ؟؟؟؟؟؟؟؟؟؟
شلت بنتي من السرير وحطيتها في حضني وقعدت العب في شعرها لين نمت عالكنب
قمت على صوت الممرضه جايه تاخذ الضغط والحراره كالعاده شفت تلفوني فيه 4 مكالمات و3 مسجات
المسج الاول :حد جاكم ؟؟؟؟؟؟؟؟
المسج الثاني: اتصلت 4 مرات ماحد رد خفت عليكم وجيت لقيتكم راقديين لاقمتوا طمنوني !!!!!
المسج الثالث :كيوتل (متفرغين )
المهم جات أمي المغرب وجايبه لي ثياب عشان ابدل لانها كانت تحن علي ارجع البيت ارتاح بس أنا ماهياني قلبي
بدلت وقعدنا شوي وراح أمي لانه في ذاك اليوم كان عند أختي أمتحان ولازم أمي اللي توديها وتجيبها وبعد كان أخوي بيسافر في نفس اليوم عشان يكمل دراسته برا يعني لازم أمي بتروح تبرز أغراضه وتودعه
راحت أمي قعدنا شوي الا هو جاي جايب معاه دونت بالشوكليت (لان بنتي تحبها ) وجايب كيس حلويات وخرابيط لها
وجايب كابتشينو لي (يعرفني مدمنة قهوه ) استغربت أنه متذكر كل هالتفاصيل
قلت له بتقعد عندها ؟؟؟؟؟؟؟؟؟ لاني ابي أروح أصلي المغرب فالاستراحه قال :اي باقعدعندها لاتحاتين
رحت اصلي ومريت عالنرسات اسأل عن فحوصات الدم وصلت ولا لأ !!!!!!!!!!!!! ورجعت
لقيته ساحب الكنب عشان أقعد قريب منه (سويت نفسي مانتبهت انه غير مكانه ) رحت قعدت وأنا قبل كنت موصيه وحده تتصلي بعد 5 دقايق حركات يعني المهم كنت اسولف معاها ومهملته بالعماله وهو (يتحرقص) وسكرت قعد شوي أتصلوا له الشغل يبونه يروح وكان حاط على السبيكر عشان يثبت لي انه خلا خرابيطه وكل مادق تلفونه حط على السبيكر
وقال :الشغل يبيوني اذا طلعت من وقت برجع أتطمن عليكم (بصيغة الجمع )
قلت : اوكي
وراح وكل نص ساعه تقريبا يدق ولا يدز مسج (حد جاكم _ كلتي شي _ شخبار البنت _مركم الدكتور _ اطرش لج خدامه تساعدج )
وانا مارد عليه ألا ب أيه ولا لأ (ثقل وهذا اللي جننه)
جا على الساعه 7 تقريبا وقعد ليت 11 مع انه بنتي في سابع نومه من الساعه تسع وهو قاعد معاي وانا اتعبث بجوالي واروح الحمام (الله يعزكم ) وافرفر التلفزيون وأكلم أمي يعني اسوي نفسي مشغوله ولا مهمني وجوده (وانا ودي أرقص من الفرحه )
وجات الممرضه تاخذ الحراره وقالت :هذي بنتج قلت أيه قالت ماشاء الله شكلك صغيره وكيوت !!! (اللحين بيقول هي موصيتها)
وقام عقب ماراحت طفى الليت وخلا بس أنارة الممر (كان جو شاعري) تذكرت أشياء واجد ذيك اللحظه وكانت خانقتني العبره بس تمالكت نفسي يوم شفته كان قاعد عالسرير جنب بنتي ويمسح على راسها شفت دموع في عينه مادري شمعناها؟؟؟
قعد شوي وترخص بس طول الليل مانامت ولا هو بعد
كان طول الليل يطرش مسجات (قفلي الباب عليكم (مستشفى أبوي ) _ البنت نايمه عدل _خلي حد من خوانج يقعد عندج )
ومسج غرام (
فيني ألم غربه مع فرقا أعز الناس
سفينه تايهه تبحث عن موانيها
ذكرتك يوم ودعتك وضاقت فيني الأنفاس
بكت عيني على فرقاك لكن..من يواسيها؟
حرام أشوف أفراحي بأقدام الألم تنداس
أداري دمعة هلت ومالي ..غير أداريها)
بعدين طرش أنه كان مرسله بالغلط حركات يعني
المهم جا ثاني يوم قمت على صوت أمي تكلم بنتي وعلى طول التفت على تلفوني الا فيه 7 مكالمات لم يرد عليها هو طبعا طرشت له مسج أن البنت تحسنت واليوم بنطلع خلاص
وفعلا رخصونا وطلعنا أول يومين كان يطرش مسجات (تستاهلين سلامتها _تعبتي الله يعطيج العافيه ) وبعدها ارجعت أنقطعت الاعلاقات مجددا (طبعآ كلكم تتسائلون وين أهله كانوا مسافرين من حظي لاني ماأبي أشوفهم)
في هالفتره غير التوبيك ماله (شفتك وزاد بي الوله والشوق وأنا قدام أشوفك براحه )
ومرت الأيام بالأصح عقب شهر ونص الله راد وتوفت مرت خالي فالكويت
(طبعا لازم بنروح نعزي ومستحيل أودي عيالي معاي خليتهم عنده طبعآ أمه وخواته مايقصرون يتكفلون فيهم )
ورحنا سافرنا طريق بر أنا وأخوي خالتي الصغيره بس أمي أسبقتنا بيوم مع جدتي بالطياره
وأحنا عالطريق لف علينا واحد طلعنا من الخط ودخلنا تحت شاحنه مخالفتنا (هذا أخر شي أذكره )
كنت آخر شي اذكره يوم طلعنا عالخط المخالف وفي ومقابلتنا شاحنه وكانت خالتي تصرخ (حاااااااااااسب)
والباقي كان كنه حلم اذكر واحد يقول فتحي فتحي اذا تسمعيني بطلي عيونج واسمع واحد يقوله : مشعل أرفع راسها عشان النزيف .........)
وابي أفتح عيني بس ماقدر وأسمع صراخ وحشرت ناس بس ماقدر افتح عيوني تحرقني وااااااااااايد
أحاول أتحرك بس ماقدر ,احس حد ماسكني ومره ناس يشلوني يغمى علي وارجع أقوم بس ماقدر أفتح ولا أتحرك وألم فضييييييييع في كتفي وخلاااااااااااااااااااااص (حسبت نفسي مت)
توعيت عقبها بفتره مادري شكثر (عقب قالوا يومين كانوا يعطوني بنج فالمغذي عشان ماحس بالكسر اللي في كتفي)
ماقدرت أفتح عيني عليها لفاف وكنت منسدحه بس أسمع أصوات فالغرفه (حسيت بشعور الاعمى الله يرحمنا برحمته )
سمعت صوت أمي : تقول لين اللحين مالقوا حجز ؟؟؟؟؟؟؟؟
وصوت أبوي رايح (من الصياح فديت دموعه) يقول: لاتحاتين بدبر
وصوت أعرفه بس من زمان ماسمعته (زووووووووووووجي ) يتكلم فالتلفون : احنا فالمستشفى اللي فالخبر ان شاء الله بكره بنرجع لا لقينا حجز لانهم بينقلونها بالسرير لا الحمدالله بس كسر فالكتف ولافين عيونها لان القزاز تنثر عليها بس ماصار شي فالشبكيه عقب اسبوعين بيفتحون اللفاف
وكنت احس بشي ثقيل ودافي على بطني حطيت يدي أتحسس هالملمس مب غريب شعر!!!! والويه !!!!!!!!!! أيه بنتي سادحينها على بطني وهي راقده
وفجأه سمعت صراخهم :قامت قامت الحمد الله وصياح بس ماعرف من يصيح ومن يصارخ زحمة أصووووات
سألتهم عن أخوي وخالتي !!!!!!!!!
أخوي :كسرين مضاعفيين فالفخذ الايسر ورضوض متفرقه وجرح غزير فالراس سواو له 16 غرزه .
وخالتي :كسر فالحوض ويدها اليمين وجروح متفرقه في جسمها .
كان ذاك اليوم زوجي ماسك يدي طووووووووول الوقت كنه حاس بالذنب ومتحسف
هو اللي كان يأكلني.... ولاني ماشوف كان يقولي: ( هذا خبز ويعطيني هذي سلطه هذا عصير هذي محلبيه ) مايروح عني الا اذا بيبدلون لي حتى أهلي أستغربوا وانا قبلهم بس كنت متأمله أن مرده لي
وكل شوي قرب حلجه من أذني وقال : (لاتحاتين أنا معاج ولا عادني مخليج )
وكنه يبي يعوضني حرقة القلب اللي سببها لي وكان يبات عندي توعيت فليل أبي مسكن بموت من الم طبعا ماقدرت أقوم حركت يدي عالسرير عشان ادور الجرس مال النرسات لمست راسه (يابعد عمري ) راقد عالكرسي وحاط راسه عالسرير
فز (مع أنه نومه ثقيل لما كنت أقومه لدوام ) : هاه فديتج تبين شي ؟؟؟؟؟؟؟؟
سكت آآآآآآآآآآآآآآآآآآآآآآآآآآه من متى ماسمعت هالكلمه ياكثر مااشتقت لها
قلت : كنت ابي مسكن (وفي قلبي أقول كلمتك سكنت كل مافيني )
راح جاب لي حط الحبه في حلجي وشربني ماي ومسح الباقي على شفايفي بيده
(كنت خايفه أن هذا حلم )
ثاني يوم أنقلونا من مستشفى المانع اللي فالخبر حق مستشفى حمد فالدوحه كانوا ( خالاتي وعماتي وعمامي وخوالي وأمه ) يستقبلونا فالمستشفى
حبتني أمه وقالت: تمنيت أشوفج عقب هالغيبه بأحسن من هالحال (وهي تصيح )
قلت : ارادة الله يايمه الحمدالله أنها جات على جذيه !!!!
وكان هو دايما عندي خذ إجازه بدون راتب من شغاله وجابلني ماكان يطلع الا لاجاوني زوار
وطول ماهو قاعد حذاي يسولف عشان ماتملل !!!!!!!!
يذكرني بأشياء واجد راحت عن بالي واستغربت أنه يتذكرها
من ضمنها ( تذكرين يوم كنتي تسوين لي سندويجات السلاحف خخخخخخخ (نوع سندويجات جيب التاجر اذا تعرفونه كنت أسميه سلاحف لانه يشبه السلحفاه مدور منتفخ )يالله عاد قومي عشان تسوينه خاطري فيها
تذكرين يوم نروح الشاليهات وانتي تحنين تبين تركبين معاي عالبطبطه بس في ناس ولبستج ثوبي عشان يحسبونج ولد خخخخخخخخخخ
تذكرين يوم كنت فالدوام واتصلتي لي عشان أرجع أذبح الزهيوي اللي فوق الباب خخخخخخخخ
تذكرين يوم تسأليني متى صحت من الفرحه ؟؟؟؟؟؟؟ ولاجاوبت اللحين بجاوب
يوم أملجت عليج !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!)
(حسيت أن الله أستجاب دعائي وعوضني بصبري خير )
ظميته بقوووووه كني أبي أعوض بعاد السنه وشهريين
قال : تذكرين يوم كلمتيني وخيرتيني نرجع وبتغيريين ولا نتطلق أبي أغير اختياري أختار الاول وراضي فيج بكل عيوبج !!!!!!!!!!!!!!!
ومرت الايام حلووووووووووووووه.........................................
والحمدالله تحسنت وفتحوا اللفاف اللي على عيني وفتحت من جديد (الحمدلله والشكر مليون مره ) أخيرآ بشوف عيالي وحبيبي وباقي يومين وأطلع بس ماشفته وهو ماعاد يجي وأنا أقول في بالي أكيد قاعد يجهز الملحق حق رجعتي اكيد مشغول بمفاجأه جديده يمكن يحجز حق سفره
يمكن !!!!!!!!!! ويمكن !!!!!!!!!!!!!!!!!!!!
طلعت من المستشفى مالقيته واستغربت ولما وصلت البيت أتصلت له من تلفون الصاله مارد علي قمت أتصل وأتصل واتصل
(لاحياة لمن تنادي)
جا عقب 4 أيام طلب من أخوي اني اطلع له فالمجلس الخارجي يبيني في كلمتين طلعت له وجهه متغير وقال : (حتى لو أننا متزاعلين ما يحق لج تسوين علاقات ومع من مع أخوي صج ماتستحيين ولا تقارنين نفسج فيني أنا ريال وأنتي مره مستعجله واجد عالاقل أنتظري لين أطلقج وباللي مايحفظج )
آآآآآآآآآآآآآآآآآآآآآآآآآآآآآآآآآآآآه ياقلبي (كل ماقلت هانت جد علمآ جديد)
ماقدرت أرد بكلمه مب عشاني مذنبه لابس مادري ليش أنشليت ذيك اللحظه وراح....................
رااااااااااااااااح طلع من بيتنا وخذ روحي معاه يافرحه ماتمت
واتصل ثاني يوم على أبوي وقال له : ( انا بطلق بطلق بس الفلوس بتجيني شهر 10 أذا تبون تنطرون لين ارجع الفلوس كيفكم واذا تبون أطلق وبعدين أرجع الفلوس بعد كيفكم شوفوا اللي يناسبكم وردوا علي )
استغرب أبوي من تصرفه شفيه مب صاحي كل يوم بحال !!!!!!!!!!!!!!!!!!!!!!!!!!!!!!
كان ابوي في ذيك اللحظه قاعد مع واحد من كبار الشخصيات فالبلد بحكم شغله يحتك بشخصيات مرموقه في المجتمع
خلنا نسميه (خالد) بعطيكم نبذه عنه : رجل أعمال ورجل غني بكل ماتحمله الكلمه من معنى (فاحش الثراء) متوسط العمر من عائله معروفه ولها نفوذ فالبلد متدين وسيم الى حد ما (هذا اللي عرفته عنه )
لما شاف أبوي متضايق ويتكلم عن الفلوس ........
سأله : عسى ماشر ؟؟؟؟؟؟؟
جاوبه أبوي بالنفي ومع الحاحه واصراره وكلمته لبوي : (أنا حسبت واحد من أهلك الا اذا عادني غريب)
قاله أبوي السالفه بأختصار شديد (مادري شقال له )
قال خالد : الله يكتب لها اللي فيه الخير ويصلح الحال لها ولعيالها ........ وغير الموضوع
وثاني يوم سأل أبوي شصار على سالفت البنت ؟؟؟؟؟؟؟؟؟؟؟؟؟؟؟؟؟؟
جاوبه ابوي خير ان شاء الله وسكت
(طبعا من خلال سوالف أبوي مع أمي ذكر لها هالموضوع وقالت لي سالفه عاديه)
بعد هالسالفه بأسبوع
جاني أتصال من رقم غريب وسبيشل من قلب من كثر ماهو سبيشل خفت
أنا : الو
هو : مرحبا
أنا : اهلين من معاي
هو : أنا بقولج كلمتين وبسكر وانتي فكري بالموضوع !!!!!!!!!!!!!!!!!!!
أنا : من أنت ؟؟؟؟؟؟؟؟؟؟؟ (بعصبيه )
هو : أنا خالد بن فلان آل فلان وعرفت سالفتج بالصدفه ومن وقتها أنتي مب راضيه تروحين عن بالي طبعا حركات المغازل وخرابيط المراهقين مب لي أنا أكبر من هالشي ولو قصدي لعبه ماقلت أسمي الكامل بس حبيت أعرض عليج أفكاري وبعدين أنتي حره في قرارج
أنا كنت شال فكرة الزواج من بالي لأني من 8 سنوات جاني مرض السرطان وتعرضت لكيماوي فتره طويله وقالوا لي أني أصبحت عقيم ولا أقدر أنجب ولاحبيت أتزوج وأظلم وحده معاي طوول عمرها بس أنتي خليتني أتراجع عن قراري أنا واي ريال عقله في راسه يبي وحده مثلج ماشاء الله معروفين بنات فلان بأخلاقهم واذا بغيت الوحده أسال عن أمها وامج ماعليها كلام وأوعدج أن عيالج عيالي يمكن الله حرمني من العيال وبيعوضني بعيالج ولج مني كلمة رجال أنه ما أحس ولا أحسسهم أنهم مب عيالي وأزيد واللي خلاني أتمسك فيج أكثر أنج ماتغيرتي لانه نادر البنت تقعد على طبع أهلها من اللي نشوفه فالمجمعات وانتي حره عالعموم أنا مابي رد اللحين لأني بتقدم رسمي عند أبوج وبيجيني ردج عن طريقه بس حبيت أوصل لج فكرتي لانه صعب حد غيري يوصلها )
والله يحفظج ويكتب اللي فيه الخير لج ولي ......... وآسف عالازعاج
طوووووووووط طووووووووووووط طووووووووووط
قعدت طول الليل أفكر ولاجاني نوم يمكن يكون هذا الفرج اللي من الله ويمكن حاله حال لاهالشباب
اللحين أبي شوركم هل أتطلق من زوجي وأتزوج خالد مع مصير مجهول وشخصيه يبيلها دراسه من أول وجديد عشان أتأقلم مع الوضع ويمكن زوجي ياخذ بناته اذا تزوجت بحكم المحكمه ويمكن تكون وعوده كلها أغراءت وكلام ويتغير بعد الزواج وممكن أني ما أقدر اتفاهم معاه وأصير بدال ماكنت مطلقه مره اتطلق مرتين وشلون بقدر أعيش معاه وأنا قلبي متعلق بزوجي الاولي يمكن ينسيني ويمكن لا وأنا ما أقدر أخون أحد حتى لو بالتفكير؟؟؟؟؟؟؟؟؟
أو أني اتطلق وأعيش حياتي على هالاساس وارضى بها كيف ماجات واسخر عمري حق تربيت بناتي بس بعدين بيتزوجون وببقى وحيده وكل وحده محتاجه رجل في حياتها يساندها ويخلص أمورها أقلها اذا تبي تحج تلقى محرم بتقولون أخواني بس بكره كل واحد بيتزوج وبيلتهي في حياته وممكن الزمن يغير أشياء واجد ؟؟؟؟؟؟؟؟؟؟؟
أنا محتاره ومب عارفه شختار اعتبروني أختكم وشوروا علي تكفوووووون .............................................. النهايه
