لاحظت انه اكثر الاسئلة تتعلق بالمنطقة الحساسة
ومحد تطرق بشكل متعمق عن الثقافة الجنسية نفسها
والله انا نفسي مستحية ونا اكتب ثقافه جنسية بس احاول اتغلب على هالشي
من وين ابدا اممممممم
ذكرتي باحد اجوبتك انه الافضل للبنت تبتعد عن المواضيع
الخاصة بالمتزوجات بهالمجال لانه يضرها
يعني هل القصد انه ما نحاول نفهم شو يصير بين المتزوجين ونكون على عمانا احسن :nosweat: .. ؟؟
طيب حتى اوضح قصدي اكثر بتكلم عن نفسي
فعليا ما اعرف شو يصير بالضبط في العلاقة يمكن شغلات سطحية
لكن بالتفصيل ما عندي علم ابدا .. اقدر ببساطة اقرا احد المواضيع وينتهي الامر
لكن عندي خوف من معرفتها .. لانه احس لو عرفت اخاف من العملية كلها
بس اسمع وايد انه البنت تعرف معلومات عن هالسالفه عشان ما تنصدم بعدين
لكني قررت انه اعرف كل شي بعد الزواج
اي بتفاجأ من الموقف وتصير شغلات ما توقعتها قبل
بس بتعود و اتعلم من زوجي وبعدها يكون عندي الامكانية اني اقرا واتثقف اكثر بنفسي
واكتشف شغلات يديدة افاجئ فيها زوجي ..
فهل قراري صائب .. ؟؟
وعلى نفس الموضوع سؤال ثاني
لو البنت عرفت معلومات مسبقة وفهمت العملية كلها
متى الوقت المناسب حتى تبين لزوجها انها فاهمه الموضوع ومسيطره عالوضع
يعني بلغة ثانية متى تطلع عن خجلها وتكون جريئة اكثر
من غير ما يفهم عليها زوجها غلط
سنه مثلا ولا اكثر او اقل ..
............
ندخل بسالفة الدورة الشهرية
المفروض الزوج يمتنع عن زوجته فترة دورتها
لكن هل القصد بمجرد بداية الدوره .. ولا لما يبدى نزول الدم .. ؟؟
لانه عن نفسي ( مادري لو فيني مشكلة ولا لأ ) تبدا دورتي بلون مصفر
وتستمر تقريبا يومين ومرات ثلاث بعدها يبدا نزول الدم
يعني مثل لما تنتهي الدوره لكن بالعكس .. طيب بهالمرحلة المصفره
هل يمتنع عنها ولا عادي .. وما هي الاضرار من وراءها .. ؟؟
مرات اكون مهمومه من هالسالفة
لانه الدوره تاخذ وقت طويل مادري اخاف يمل مني :sadwalk:
ادري تفكيري سابق لاوانه بس بما انه فتحتوا لنا المجال خلونا نتثقف :smoke1:
ولو تذكرت اسئلة ثانية ما بتأخر
والله يجازيكم كل الخير على اهتمامكم الدائم بابتكار الافكار الجديد
