ابغي اسجل مكالمات زوجي ؟

[ورديه 123]

كيف اقدر اسجل مكالمات زوجي حد عندها فكره بليز لاا تبخلوون علي ابغي
اعرف وشوووف كيف اقدر اوقفه عند حده بدوون مشااكل بليز ساعدوووني :icon1366:

 

[الشك باليقين]

انا جبت ام بي ثري فايف صغير الحجم جدا ووضعته بمكتبه بحكم اننا بنشتغل مع بعض وكل يوم لما يطلع من مكتبه اخده واسمعه بقالي اسبوع هو ماحس وانا ما سمعت شيء

 

[ورديه 123]

ابا شي ينحط بتلفوون شي يكون صغير ينحط بتلفوون بدون لاا يحس

 

[شايلة جروحها]

لاحول ولاقوة إلا بالله العلي العظيم

بتتعبن أنفسكن صدقوني


الله يسخره لكم

 

[lyale]

كيف اقدر اسجل مكالمات زوجي حد عندها فكره بليز لاا تبخلوون علي ابغي
اعرف وشوووف كيف اقدر اوقفه عند حده بدوون مشااكل بليز ساعدوووني :icon1366:

هلا بكونان اقصد وردية ليش تدورين عوار الراس حق عمرج شاكه في شي خذي الرقم و شيكي عليه ليش تحتارين و تدورين الموضوع مش محتاج تسجيلات ياماما الجواب باين من عنوانه الله يهديكم بس

 

[ورديه 123]

بس هو عنده اكثر من علااقه انا شيكت وكلمت ربيعته القهر القهر انها خسفه ولاا فيها حلاا وتقول لريلي عندك الزين شو تبا مني
تقوول هااذا الرياال يضحك يحب البنات ويكلم مااعرف منووه وانا اضحك ودااخلي نااااااااااااااااااااار
علشاانكذي ابا اسجل مكاالماااته اعرف يحب امنووه علشاان اعرف اسيطر عليه مااباا البناات يقصوون عليه

 

[ورديه 123]

بلييييييييييييييز

 

[lyale]

كيف كلمتيها اكيد اترجيتيها تخليه الله يخليج الله يخليج هيييييه هاذوله ما يبيلهم كلام جي يبيلهم حد يهددهم بالفضيحة او الشرطة و تهديدات انه لو شفتي رقمهم راح تبلغين عليهم و عندج ادله عليهم و مسجات و مكالمات مسجلة بس كلام و خليج قوية ما ينفع تنخين لهم اوكي و خلي بو الشباب يعرف انج ناوية تخربيها على روسهم و روس اهلهم بعد و انج راح تشوهين سمعتها اكثر و بتخلينها ما بتعرف تعيش نفس الناس صدقيني بتموت من الخوف حتى بوالشباب لان هالشخصية جبانة و تحترم الحرمة القوية صاحبة القرار

 

[ورديه 123]

لالالالالا مااقلتلها انا حرمته لاالاالاا
سويت عمري مغلطه وسولفنااا ودخلنا موااضيع بس انا ابا اعرف ريلي اكثر ابا اشووف من غيرها ابا اعرف لااني اقول بخاطري انا حلووه و و اكيد الي يكلمهن احلاا مني بس اكتشفت اشيااء انهن عاادياات واسلووبهن باايخ
بس ابغر تسجييل يانااااااااااااااس سااعدوووني بلييييييييييييييييييييييييييييييييييييييييز

 

[lyale]

يا بنت الأجاويد خل عنج المسجل و التسجيل هذا التسجيل اللي تقولين عنه بس في الاستخبارات ما بتلاقينه في الدولة و ممنوع ينجاب من برة ما كنت ابي اقولج بس انتي الله يهديج ما تبين تقتنعين ها الحين ارتحتي يعني ما راح تقدرين تسجليله و صدقيني عوار راس ووجع قلب ليش تعذبين عمرج خلج صريحة معاه و الحلوات اللي عنده الله لا يردهم نفس ما قلت لج و ضروري يعرف انج ناويالهم شر و شر كبير ( تأبط شرا) اوكي لا تفكرين وايد تتعبين على الفاضي ترى اتمنى تكونين بردتي شوي

 

[ورديه 123]

مممممممممممممممممممممممممممم
لا ابا ابا ابا انتي مب فااهمتني
ابغيه يستلب وبعيدين كيف الي في القصص ان الحريم يسجلوون خيناات ريايلهم ؟؟

 

[lyale]

مممممممممممممممممممممممممممم
لا ابا ابا ابا انتي مب فااهمتني
ابغيه يستلب وبعيدين كيف الي في القصص ان الحريم يسجلوون خيناات ريايلهم ؟؟

يا حليلج لا انا فاهمتج عدل بعد ما ادري احسج بنوتة صغيرة مش معرسة احلفي انج معرسة الأول و بعدين بهربلج مسجل هههههههههههه اييييييييه لا تصدقين امزح ترى :harhar1:

 

[lyale]

تصدقين ضحكتيني و انا مالي خاطر اضحك الدوام مصدع لي راسي

 

[ورديه 123]

هههههههههههههههه
وانا معرسه والله حتي انا راسي عورني من الدواام طفشه افف متي بخلص الدواام ورووح السووق ودور جهااز تسجيل ههههههههههههههههههههههههههههههههه وااكتشف الاموور
انزين بذمتج يوم تقريين القصص ويوم الوحده كيف تنغذ بيتها وريالها وعايلتها من الدماار انا بعد ابا انقذ حيااتي صح ولاا ؟؟ طلبت شي كثيرر ؟؟

 

[دندونة الحلوة]

تعذبين عمرك وبس ابو طبع ما يغير طبعة سجلت اولا صدقيني ما حايتغير لا تجيبي الوجع لقلبك كل الرجال وللاسف كذا زمن جدي وابوي انتهى وصار زمن كل واحد يتفاخر كم خوية يعرف وبنات مين والاحلى لوكانت لبنانية اومغربية .اشتري راحة بالك واستمتعي بحياتك مادام انة ما يكلم امامك ومحترم مشاعرك .

 

[مدمنة شوكلت]

حبيبتي ..
بعد عمري انتي ما اصريتي على التسجيل إلا لأنك فعلا شاكة بشيء قوي

بصراحة..
انا انصحك وبقوه تسجلين وتلحقين على ريلك قبل مايضيع


التسجيل له مميزاتة وعيوبه
من مميزاتة
انك تقطعين الشك باليقين لان الوحدة فينا لما تكون شاكة في شيء تعامل زوجها بقسوه وقد يكون مظلوم
ولو اكتشفتي انه في وحده تعرفين ساعتها من التسجيل هل العلاقة سطحية او عميقة وعلى هذا الاساس ترسمين خطتك
من عيوب التسجيل
انك بتتعبين وبتنهارين ويمكن تكرهين زوجك فإذا انتي من النوع المتهور او ماعندك صبر فما انصحك تسجلين
اما اذا انتي مستعده تطبخين الطبخة على نار هادية ومستعده للحرب الباردة فسجلي له

عن تجربه..
زوجي ركب في سيارته جهاز مكبر لصوت الجوال فيتكلم من دون ما يرفع الجوال على اذنه وعلى ما اضن ان اسم الجهاز (كاركت) ركبة للأمان لأنو اكثر من مره كان على وشك يسوي حادث بسبب الجوال
فستغليت هذي التقطة وحطيت جهاز التسجيل في سيارته وسمعت بلاوي

وكان يدخل الماسنجر كثير على جهازه الخاص فحطيت براسي اني بسجل له محادثاته
فما قدرت لأنه مسوي رقم سري للجهاز وللإيميل
فصرت لما اشوفة يفتح الجهاز اجلس جنبة واسولف له عن سالفه شيقة فيدخل الرقم وهو يقول ((ايوه ويعدين وش صار)) وانا عيني على الكيبورد لحد ما حفظت الأرقام السريه وبعد ما ينام وبكل هدوء اخد الجهاز واسوي تسجيل للمحادثات
وبعد شفت بلاوي

وتقدري اختي تحطين برنامج تسجل المكالمات في جوالة او تقدرين تشترين له جوال كهدية وتطليبن من صاحب المحل يضيف هذا البرنامج وميزت هذا البرنامج انه يحفظ لك المكالمات بملف داخل الجوال برقم سري
بصراحه انا ما قدرت اسوي هذي الحركة لأن الي عندي خبير جوالات فخفت يكشفني

اهم شيييييييييييييييييييء انك تتماااااااااااااالكين اعصلبك وتسوين نفسك ما عرفتي شيء
لحد ما تعرفين شو ناقصة وشو مشكلتة بالضبط <<<< اغلب الرجال ما يقولون شو يبون وش يحبون ويبون الحرمة تسوي لهم كل شيء من دون ما يتكلمون <<< يبونها ملاك ملهم <<< الله يعيننا عليهم

 

[ام على +]

احلى شي بدون مشاكل ..........................انتى متفائله فى بيوت واسر تفككت بدون مشاكل اختى الشيطان يلعب فيج اتعوذى من شر الشيطان الرجيم وادعى الله يبعده عن بيتكم

 

[مدمنة شوكلت]

احلى شي بدون مشاكل ..........................انتى متفائله فى بيوت واسر تفككت بدون مشاكل اختى الشيطان يلعب فيج اتعوذى من شر الشيطان الرجيم وادعى الله يبعده عن بيتكم

وفيه بيوت واسر تفككت لسذاجت الزوجات وغبائهن
لازم الوحده منا تفتح عيونها على زوجها وتنتبة لحركاتة وتصرفاتة
طبعا ماتكون جندي عند الباب وين كنت وين رحت
لا لا
وانما
تراقب بصمت مع حرات الدلع والكلام الين والنظرات الحنونه مع الابتسامة الحلو تقدر تعرف منه كل شيء

اما ان شكت
فانصح وبقوه ان تراقب مراقبة فعلية
وتثبت الشك باليقين
فإما
ان تخرج من هذه التجربة فرحة مستبشرة لوفاء زوجها
او
ان تخرج بخطة محكمة تدمر فيها من تقترب لزوجها

وانصح جميع المتهورات والعصبيات والغير صبورات بعد التسجيل لان النتيجة ستكون عكسية

 

[lyale]

مرحبا
اختي مدمنة شوكليت ( اشتهيت شوكليت ) الله يهديج صحيح كلامج بس من فينا مش متهورة انا عن نفسي دمي حار و بسرعة يفور و يرتفع ضغطي احاول اضبط اعصابي وايد بس في النهاية تفك معاي ما ادري ليش بس في طريقة احلى من التسجيل و شغل التحريات هذا انتي شكيتي يعني أكيد هذه هي القاعدة الذهبية يعني شكج في محلة سبحان الله غريزة الأنثى او ما ادري هل هي الحاسة السادسة لدينا نشم لو في حرمة ثانية لو على بعد كيلو فدام عرفتي انه يعرف وحده ليش تسجلين و تضيعين وقتج والله يعرف وحدة و يكلمها اكيد بتقوله كلام حب و كلام جنسي على كيف كيفك يعني ما بيكلمها يقولها كيف حال العيال و لا شو دوامج و اهلج طيبين شو مشاريعج و خططج أكيددددد فو شور لاااااااااااا ليش ترفعين ضغطج و تعورين راسج خذي الرقم و لعوزيها كرهيها في حياتها و هدديها بكل ثقة شو تبين تسمعين سوالفها و إذا عشان تخلينه دليل يا عمري تقدرين تهددين انه في تسجيلات و هو ما فيه شي و صدقيني بتموت من الخوف
وردية يا وردية
الله يعينا على هالدوام إلا قوليلي وين تداومين ( انتي من الأمارات و لا من السعودية) ( لقافة ) شو اسوي فيني فضوووووووول لا تخافين ما بخبر عليج يا حبيبتي نفس ما قلت لج تبين تكشفين ريلج انتي متأكدة انه فيه وحدة خلاص خذي الرقم و سوي نفس ما قلت لج ليش تطولينها و هي قصيرة و صدقيني كل ما كنتي اسرع في اتخاذ الإجراءات ( يا عيني على العربي الفصييييييح) كل ما كان افضل
تمنياتي لكي بالتوفيق و كشف المستور

 

[رومنسية حيل]

والله نصيحتي لج يااختي اطنشين الموضوع لانه مب في صالحج