ابا اكون عشيقة انا صح او لا؟

[حرم حمزة]

امم انا وزوجي علاقتنا عاديه جدا امم مااحس انه في بيننا حب قوي احس علاقتنا قايمة على مبدأ هو على راحته وانا على راحتي يعني اطلع بكيفي ويطلع بكيفه وزي كذا طول اليوم في البيت اكون على كمبيوتري وهو على كمبيوتره مافي بننا نقاش كثير الا نادرا حاولت اصلح الوضع كثير بس مليت وقلت مدام هو مايهتم ليش انا اهتم
بس انا احتاج حب احتاج دلع وما ابا ذا الشي يكون بالحرام
فقررت اني اسوي يوز جديد واكلم زوجي على المسن على اني وحدة ثانيه
بس خايفه اورط نفسي في مشكله مني قدها
اش رايكم

 

[و ضحكت الدنيا]

مثلك تقريبا اللهم اني ما أخرج بكيفي ربك يعين
انا خطرت هالفكرة براسي بس بايميلي الي يعرفه فكرت اقوله خلينا نتعرف من جديد
لو نص ساعه باليوم
الله المستعان الدنيا فتن وهما مايفهمو انو حتى احنا ممكن نفتن
ربي يميتنا قبل لانفتتن

 

[نظرةعيوني ذلتهم]

ابتعدي عن هالفكرة وشيليييها من بالج
يمكن زوجج ماله في هالسوالف وانتي اللي تفتحين عيونه عليها وبعد ما يكلمج ويمل منج رااح يدور على وحدة ثانية وبكذا رااح تكوني انتي السبب في خراب بيتج
في وااايد طرق حتى دخليين الاثارة والمرح لحياتج وتقدريين تكسريين الروتين
شوفي زوجج من اي شخصية ودرسيها زيين
واختاري الحركاات اللي تناسبج وتناسبه
في بعد قسم الحياة الجنسية في المنتدى تقدرين تاخذيين افكار بس الا فكرتج شيليييها من بالج
وبالتوفيق

 

[lyale]

نوووووووووووووووو أقصد لااااااااااااااااااااااااااااااا
لا تسوينها ترى بتندمين حبيبتي سويها على أرض الواقع ليش هالغموض بحياتكم اعوذ بالله انتي على راحتج و هو على راحته و الله الحياة مش حلوة كذا حلو يكون عندج زوج يكرهج في حياتج ههههههه امزح والله اقصد يكون عندج زوج يهتم فيج وين رايحة وين ياية و لا تسوين كذا و سوي كذا انتي بعد المفروض تبدين بنفسج يعني حاولي تهتمين فيه يا عمري الرجال إذا ما لقى حد يهتم فيه يدور الأهتمام برة انتبهي ترى تزعلين بعدين المهم يا حلوة ابدي بنفسج و غيري اسلوبج و ياه و خليج عشيقة على ارض الواقع احسن لج بوايد من تمثيل دور العشيقة على المسن و الله بتضيعينه و بتضيعين هذا ريلج حلالج يعني لا تخلينه على راحته ابد و خففي قعداتج على الكمبيوتر و ابدى انتبهيله و اهتمي فيه و قبل كل شي ابعدي وساوس شوشو اقصد الشيطان ما أدري شو فيني اليوم اوكي يا حلوة و خليج شطورة و قومي العني شوشو يعني الشيطان و سوى غدا سنع حق ابو الشباب و خذي شور حار ( مش حار حار لا تنصلخين ) يعني دافي و ناديه على الغدا بكل دلع اوكي يا شاطرة فديت الشطار انا اللي يسمعون الكلام هههههههه احسج اختي اللي اصغر عني نفس تفكيرج (هبله )ههههههه سوري ما اقصد انتي اقول شكلي مشوطة الدوام دوخ راسي يالله بامان الله

 

[حنين احمد]

وفري مجهودك اللي بتدخلي بيه باسم واحدة ثانية على المسن ووفري عليك وجع القلب و الكلام اللي يوجع لانه علاقتكم مش كويسة
و استعيني بالله لتغيير الوضع و اصدقي النية و ثقفي نفسك و جربي الكثير من الافكار و لا تيأسي و احتسبي الاجر في مرة تحاولي حتى لو فشلتي
و اكيد الله كريم و الا ما يجي يوم تزبط معاكي و ينصلح الحال
اكثري من الدعاء و الاستغفار و الله ييسر امورك و يهدي بالك و يصلح حالك انت و سائر بنات المسلمين

 

[اقدار22]

ماحد راح يخسر الا انتي..اذا تويتي هذا الشي ..

يمكن زوجك ماله في ذا السوالف ...وتفتحين عيونه

 

[حرم حمزة]

ابتعدي عن هالفكرة وشيليييها من بالج
يمكن زوجج ماله في هالسوالف وانتي اللي تفتحين عيونه عليها وبعد ما يكلمج ويمل منج رااح يدور على وحدة ثانية وبكذا رااح تكوني انتي السبب في خراب بيتج
في وااايد طرق حتى دخليين الاثارة والمرح لحياتج وتقدريين تكسريين الروتين
شوفي زوجج من اي شخصية ودرسيها زيين
واختاري الحركاات اللي تناسبج وتناسبه
في بعد قسم الحياة الجنسية في المنتدى تقدرين تاخذيين افكار بس الا فكرتج شيليييها من بالج
وبالتوفيق

زوجي ما اعرفه لان مافي تواصل كبير بيننا بس احسه جنوبي لانه يعشق اصدقائه بشكل كبير هو مايقعد مع احد الا الكمبيوتر واصدقائه كل يوم لازم يقابلهم ويسهر معاهم للفجر ومرة يتضايق لو اتصلت عليه يقول لي اطلعي اشغلي نفسك لا تتصلين علي :sad_1:فكيني :sad_1:هو مايحب اني اتقرب منه وفي الجنس مايحب التغير يعني اطلب حركة جديدة اجيب العاب مايحب يحب يخلص بسرعه ويقوم:tears: دايما احاول ادلعه وما اناديه الاحبيبي وعمري بس ماتفرق عنده:sad_1:اطبخ له وكذا ياكل ويطلع:sad_1:

 

[كافيه لاتيه]

الله يعينك ياخرم حمزه,بس الفكره مررررره ماانصحك فيها ياانها تفتح عينه على امور انتي في غنه عنها,او ينقلب السحر على الساحر,بلاش منها,انا اقول صلحي زي ماقالوا البنات ابدي بنفسك بعدين حاولي تغيرينه,مرره مانفع اقعدي معه جلسة مصارحه ياحمزه والله ودي في كذا وكذا ’وحاولي تتقربين منه,وحددو يوم اويومين تخرجون فيها مع بعض اكسروا الروتين,وموفقه حبيبتي.

 

[ألماسة نادرة]

لا تفتحين على نفسج باب من نار لا يمكن إغلاقه
شوفي سوي الآتي
لما يرجع من دوامه كوني على أهبة الاستعداد حتى لو كنت تداومين
خليج شيك وعطر نفاذ ووجبة حلوة وبوسة حلوة على خده
تلصقي فيه لما تشوفينه يالس بروحه
سويله حركات تخليه يتخبل عليج
صدقيني بتشوفيه يلحقج
ما في ريال جامد وما يحس
بس خلو الحركات المايعة والخطيرة للحريم
شوفي هو حلالج وسوي أفضع شي وياه
كوني قليلة أدب وياه
ما أقصد باللسان لأ بالحركات الحلوة والمفاجآت
والله يوفقج