تعالي شوفي ريجيمي بصوري الخاصة -تحديث يومي -!

[المزاجيه]

ماشاءالله لاقوة الا بالله...الله يوفق حبيبتي..ويستر عليك وعلى اسرتك

فعلا انتي قاعده تقدمين مجهوود لابد من شكرك عليه...

تقريبا قاعهد اصور بجوالي طبقي اللي اكل منه..بس لاتنتظروون مني انزله..مااعرف ..ههههههه

بس قمت احسبهااا صح مثل بالليل اذا جيت انام اقلب بجوالي واشوف اللي قااعد ادخله معدتي..فعلا لقيت نفسي قاعده العب بنفسي لعب..واشوف جسمي يجيب المررض بسبة الاكل اللي مامنه فاايده.بس انا ماشيه على رياضة المشي بالبيت..وشاي اخضر بالنعنااع..ومشروب الشمر..تمدحه اختي السهم لانه يزيل الكرش ويشدها...
امممم..حبيبتي..بنصحك نصيحه لوجه الله لاتصورين اطفالك الله يحفظهم لك..والله خفت عليهم..النت مسوي لي رعب..!!!!

ووووووو..وبث
هذا اللي عندي اليووم..

اختك المزاجيه

 

[ريناد 2008]

بالفعل مجهود جبار تستحقين الشكر الكثيررررررررررر عليه والله انك حمستيني كثير مع اني الحمدلله وزني حلو لكن عطيتينا فكرة تصوير الاكل علشان مانلخبط ونعرق ايش ناكل ونعرف اخطائنا
الله يوفقك ويحفظلك عيالك وزوجك وتسلمين ياقلبي

 

[wolfxfox]

Hi everyone
I am in school now so I can't print in Arabic but I will post the pictures for breakfast and lunch . I wish everyone is in good mood and thank you sisters for the sincere advice and I will follow it Inshallah > I will try to post in Arabic when I get home to thank you all​

Breakfast
For kids: I made oatmeal pancakes with sugar free syrup. SOme fruits and half whole wheat toast.​

Here is the plate for kids but they didn't eat it all. Just nips from everything . I had to leave early to school so they were really slow eating.
I gave them also some leftover smoothie drink from yesterday. Just to make sure they have all nutrition they need before taking them to daycare

Here is my breakfast
half whole wheat toast=40 calories
one egg=80calories
wedges of melon=40 calories
one orange=100 calories
two mini pan cake=75 calories
two Tbs Labneh=30 calories

The type of toast I use and the cheese for the kids and my lunch sandwich one slice equals 60 calories
the canned fruits is 120 per half cup for kids

Around 10am , I was low on energy so I had a free sugar redbull for 10 calories only
!:bleh:

Lunch was so simple and tasty. two slices of toast for 150 calories and one slice cheese for 60calories and one beef salami slice for 60
calories as well . One apple for 95 calories and that was my lunch

Afternoon snack was almonds, walnuts and brazilian nuts for 270 calories

That is everything for now and hope to see you soon when I get home. Take care everyone:showoff:












​

 

[desert]

ماشاء الله على قوة ارادتك ربي يديمها عليك ويحفظ صحتك وصحة اهل بيتك

 

[Lost Dream]

ثاااااااانكس

 

[wolfxfox]

السلام عليكم جميعا أخواتي المتابعات والإخوات اللي طابين على غفلة :icon30:
شاكرة لكم الردود الجميلة وأختي الغالية المزاجية لج مني كل حب واحترام ويشهد الله إني حبيتك بالله
ونصيحتج إنشاء الله على العين والراس
كل أخت تكرمت علي بفضل الرد لها مني كل إحترام لأنها عطت من وقتها مثل ما أنا قاعدة أعطي من وقتي ويعلم الله كم المسؤوليات اللي على كتف الواحد لكن أختكم من نوع اللي تحب تعم الفائدة على المسلمين :icon30:يعني مو أي شي :harhar1:

نجي اللحين للدفعة الثانية من وجبات اليوم
اليوم طلعت من الجامعة عشان كان عندي شغل برى ومريت البيت طبعا زوجي أول ما شافتي شنو تتوقعون قال
جوعــــــــــــــــــــــــــــان وصار يلحنها :shiny:
سويت له صمون على السريع وما صورته لكن حشيته لبنة وزيتون وطماط وزعتر ورشيتها بشوية زيت زيتون عشان تتحمش على الصاج وكوب شاي وكان الله غفور رحيم بس أنا يوم كنت أسويله جعت ونا أشوفه يتلذذ باللبنة واللبنة للريجيم أنا شاريتها لي بس هو ضربها علي وكله يقولي حطيلي منها
فقمت وسويت لي سندويش تورتيا باللبنة وهذا من أحسن خبز الرجيم للحين شفته بأمريكا طبعا أنا أستخدمه للبيت كله مو بس لي


وهذي بعد ما حمشتها على الصاج ببقايا زيت الزيتونالمتبقية على الصاج من صمونة سي السيد


لما رجعت قررت إني أسوي عشا خفيف للأطفال لأني واعدة نفسي أوكلهم أيس كريم بالفواكه شاريته البارح وما يحتوي على دهون أو حليب تقدرين تسوين نفسه وأنا دايما أسويه بالبيت
تخفقين فواكه أي نوه بالخلاط مع ماي ومحلي صناعي وتحطينها في قوالب الايس كريم الجاهزة ويكون عندك ايس كريم بيتي بسعرات قليلة-مو أقولكم اسلوب حياة :harhar1:
العشا حمص طمام مقطع وصمونة محشية جبن شرايح ومرتديلا وبرتقال وشوربة جاهزة بالخضروات





بعد العشا


لازم يا بنات تتأكدين من السعرات الحرارية وكمية الدهون في الحصة الغذائية الواحدة من أي شي معلب أو مثلج


وكانوا اليهال يلعبون على ما أنظف المطبخ وأسوي عشا البابا فعطيتهم بسكوت مالح بالجبن
اسمه جولد فش أو السمكة الذهبية وأنا طبعا ما أجيب النوع العادي أجيب النوع اللي فيه حبوب كاملة عشانه أقل سعرات من العادي


عشا بابا كان ستيك مقطع وذرة مسلوقة وسلطة جرجير ونخي طبعا مع البصل والطماط وكأني ما أدري أحطله جزر وسلري
أهو ما يحبه يا بنات بس ياكله والسر التكرار دايما حطي الشغلة اللي ما يحبها الشخص بكميات قليلة واستمري حتى يتعود عليها
هذا السر مو بس مع الصغار ينفع مع الكبار بعد والنتيجة باينة :icon30:
سويت بعد خبز بالثوم والجبن والبقدونس المجفف

أعتذر زاوية الصورة مو على المزاج بس لأنه السكر نزل عند زوجي وكنت ركضة ركضة على ما جهزت الاكل





هذا اكلهم اليوم وأنا قاعدة استمتع بشراب الليمون والكمون والشاي الاخضر شكلي حبيت سالفة سد الشهية هذي :icon30:

شاكرة لكم وإذا أكلت شي بقولكم أكيد :icon31:
أشوفكم على خير

 

[أحلى عسل]

ماشاء الله تبارك الله عليك الله ينحفك من غير شر يارب بصراحه طريقتك رائعه مشكوره ياعسل الله يسعدك يارب

 

[wolfxfox]

مرحبا جميعا
لسبب ما بعد ما تم صيانة المنتدى تم الغاء اخر رد كتبته البارح :icon28: والصور والشكر
وخروا عني ترى دمي فاير :icon28:
ما علينا :shiny:
لعيونكم أرجع أنزل الرد :in_love:

البارح بعد ما عشيت أهل بيتي والكل نام قرصني الجوع على حين غرة وكنت أحس بجوع كبير يمكن لأني ما أكلت عشا ولأني مبرمجة نفسي ما أنام بدون عشا عشان على قولتهم الجسم يحتاج طاقة اذا بيقوم بعمليات حيوية أثناء النوم حتى لو كانت عمليات لاارادية مثل التنفس وحركة الدم والى أخره
قررت أسوي لي عشا وهذي الصورة توضح
[url=http://fashion.azyya.com]

[/url]
نص كوب فراولة=30سعرة
نص كوب جبن الكوتج=80سعرة
جوز=75سعرة
موزة=95-110سعرة
ملعقة عسل على الجبن =60سعرة
كوب حليب الصويا بطعم الكاكاو=100سعرة
سخنته بالميكرويف وحليته بالسبلندا طبعا اللي مو متعودة على طعمه يمكن ما تستسيغه من أول مرة بس الحلو فيه انه مصدرة نباتي وطمعه قريب من التوفو -أنصح كل الأخوات يجربونه على سبيل التغيير عن الحليب العادي وخاصة إني أعاني من الحساسية من الحليب -يسبب لي انتفاخات وعسر هضم والحاله هذي معروفة بظاهرة عدم تحمل اللاكتوز وهو السكر الطبيعي الموجود\ في الحليب وهذي الصور
[url=http://fashion.azyya.com]

[/url]

[url=http://fashion.azyya.com]

[/url]

[url=http://fashion.azyya.com]

[/url]

هذ صورة أدوات قياس الأكل وخاصة السوائل أنا أستخدمهم من 3 سنوات وللأمانة وايد مفيدة في معرفة الحصة الغذائية الطبيعية
راح تفاجئون بحجم الحصة الطبيعية واحنا هات يا نسف من الصواني مباشرة من عيوش وخلافه وهذي النتيجة =كتل كتل بعيد عنكم :in_love:
[url=http://fashion.azyya.com]

[/url]

هذا كل شي وشويه انزل أكل اليوم -صيانة المنتدى هذي لعبت بحسبتي -بس عليكم بالعافية وما قصروا على المجهود

 

[بنت العلوي]

ما شاء الله عليك الله يقويك

 

[wolfxfox]

السلام عليكم ورحمة الله وبركاته
اليوم سويت حميسة مرتديلا ديك رومي مع بصل وطماط أن البروتين لازم تاكلينه مع كربوهيدرات عشان السكر الناتج عن الهضم ما يرتفع بالدم بسرعة وتحسين بالشبع مدة أطول
المرتديلا=30سعرة للشريحة الوحدة وأنا سويت 5 شرايح=150سعرة
أتوقع الاجمالي مع البصل والطمام وملعقة زيت الزيتون 400 سعرة
أنا أكلت نصها=200سعرة
شريحة توست =75 سعرة
نص موزة =55 سعرة

وينتي سويت لها بيض ما كانت تبي مرتديلا
وولدي تقاسمت معاه الموزة :msn-wink:
شربت شاي أخضر بصفر سعرة وأرفقت صورة للسبراي اللي أستخدمه عشان يمنع الالتصاق اثناء الطبخ

للأسف الصورة لأكلي كبيرة وايد حاولت أصغرها مو نافع اعتذر مرة ثانية

هذي صورة أكل ولدي

هذا أكل بنتي

هذا الشاي الاخضر اللي استخدمه شاريته من محل صيني يبيع كل الاكل والملابس الصيبنية

هذي صورة البخاخ اللي أستخدمع عشان لا يلصق الاكل بقاع القدر اثناء الطبخ أنا أستخدمه للبيض وهذا موجود في الدول العربية بس ماركات ثانية وفيه نكهات مثل الزبدة وزيت الزيتون

هذا زيت الكانولا اللي تكلمت عنه بالسابق وانا للأمانة شارية العلبة من زمان كل ما خلص الزيت أشترى العبوة الاكبر من زيت الكانولا وافضيه في العلبة هذي اسهل للسكب واسهل للقياس لأن الغطا يحدد لك

هذا الغطا من قريب

وهذا عصير الاساي وهو مكمل غذائي استخدمه من اول ما بديت الريجيم بسبب احتوائه على مضادات الاكسدة أشرب منه ملعقتين الصبح مع الفيتامينات والادوية
على فكرة الاساي اهو توت بري يزرع في البرازيل وامريكا الجنوبية وطعمه قريب من الرمان والفراولة

لأني أحضر الغدا ووجباتي الخفيفة بالبيت قبل لا اروح الجامعة واخليهم بالثلاجة في مكتبي لغاية وقت الاكل بهذي الطريقة اتحاشى اروح لمكينة الحلويات اللي بجنب مكتبي ويوفر علي اني ما اشتري من الكافتيريا وهذا يسمونه في امريكا brown bag lunch

هذا الشوفان المحضر اللي استخدمه بنكهة الفراولة
الحصة الغذائية = ربع كوب =120 سعرة

 

[wolfxfox]

هذا كوب فراولة =60سعرة لوجبة منتصف الصباح مع نص كوب روب =60سعرة وملعقة عسل =60سعرة وربع كوب شوفان=120سعرة

هذا شراب الالياف متوفر في امريكا وبنكهات يحسسك بالشبع ويوفر 10جرام الياف من اجمالي 35 يحتاجها الجسم يوميا يخلط مع الماء البارد وكمية الماي اهي علبة ماء الصحة الصغيرة
حلو وخفيف ب 20سعرة بس يغنيك عن العصير وكله فايدة

الغدا عبارة عن برتقالة =100سعرة وشريحتين توست أسمر بالقمح الكامل=150سعرة شريحة جبن=60سعرة ومرتديلا وحدة=60سعرة

طبعا اليوم دلعت نفسي لأني اشتغلت وايد وطلعت كذا مشوار برى الجامعة فعوضت عن المجهود بحلى للريجيم =180سعرة واهو مخصص للنساء بس -شفتو دلع الامريكان :blush-anim-cl:

هذي حلاوة بطعم العنب عطتني اياها صديقتي وصغيرة وايد =20سعرة بس
يعني هم ساعة لقلبك وساعة لريجيمك السر ما تحسسين نفسك انك محرومة :nosweat:

 

[wolfxfox]

اليوم تأخرت على ما سويت العشا فأخذت موزة قبل لا أجي البيت عشان تصبرني وأنا أطبخ وأنا اشم ريحة الاكل
وفيني طبع يمكن بغالبية الامهات طول ما تطبخ واهي تذوق وهذا اكبر غلط ممكن ترتكبينه بحق نفسج
على ما تخلصين الطبخ تكونين اكلتي أكثر من حصة غذائية وما تحسين بالشبع برغم الاكل اللي اكلتيه لانك كنتي مشغولة وانتي تاكلين يعني المخ ما برمج انه فيه اكل بالمعدةوهذا نوع واحد من انواع الاكل العاطفي يسمى الاكل اللاواعي

هذا عشا الاطفال بطيخ احمر وفواكه معلبة وعيش مال أمس بس لا تقولون لأحد :blushing:مع دجاج
اطفالي اوكلهم قبل ابوهم لا يجي البيت عشان ينامون مبكر انتو عارفين اكل اليهال اشلون فوضى فأبونا يتضايق من الازعاج فعرفت السر اوكل اليهال وشاور وعلى الفراش على طول
زوجي دايما يقول الاطفال معيشتهم في معسكر :showoff:
بس الاطفال لازم يتعودون على روتين يا بنات وما تعليمنهم الفوضى

هذي سلطة فتوش وسويت الخبز بالفرن واحترق :icon28: رجعت سويته بالتوست الاسمر طبا بعد ما قصصته ورشيت عليه من البخاخ وذريت عليه ثوم مجفف مطحون عشان النكهه
حطي كل الخضروات اللي الله يقدرك عليها
على قولة الامريكان
everything but the kitchen sink

أكل زوجي عيش بالشعرية وفخذ دجاج بدون جلد محمش بالفرن بعد السلق والخلطة اللي على الدجاج
فلفل-كتشب-ملح الليمون-بابريكا-سماق-ثوم مجفف مطحون

الدقوس الكويتي

وعشاي كان السلطة نفسها بعد ما خلص زوجي الاكل وانا نومت اليهال وشوربة سلق الدجاج طبعا أنا حطيت بطاطة كاملة وراس ثوم كامل ونص صدر دجاجة بدون جلد
أتوقع العشا كان باجمالي 500 سعرة

 

[wolfxfox]

طبعا بنات عندي لكم خبر حلو
خلال 4 ايام بس نزلت كيلو والميزان اليوم يهلهل بالرقم الجديد فقررت أكافأ نفسي على المجهود اللي أقوم فيه ورحت الجمعية وحزروا شنو شريت

















شريت خميرة البيرة بعد ما قريت عن فوائدها وسويت بحث عليها وكنت أخر ثلاث اسابيع كل يوم اروح اشوفها على الرف وما اشتريها لأني واعدة نفسي اذا نزلت كيلو هالاسبوع اهدي نفسي الهدية هذي

طبعا شريت كتاب المعالجة بالطعام وهذا هم كتاب وايد حلو كنت اتمنى اشتريه من زمان
وشريت بعد مكملات غذائية واهي الكالسيوم وفيتامين د لأني في اواخر العشرينات والثلاثين ما يقي عليعا الا جم سنة :bleh:
فنقص كتلة العظام المسماة بهشاشة العظام شبب رئيسي لزيادة وزن الحريم بعمر الثلاثينيات وخصوصا للي ما يشربون حليب باستمرار فقررت اليوم اشتريه بعد واهو حبتين باليوم وهذي الصور

خميرة البيرة

شريت بعد توت بري المعروف بالبلو بري أو التوت الازرق ومعروف بفوائده الكبيرة في تأخيير الشيخوخة وهو مصدر كبير لمضادات الاكسدة اللي تقاوم التجاعيد
خبركم لازم نتعب على البشرة :harhar1:

 

[wolfxfox]

هذا كل شي اليوم واشوفكم باجر
هالله هالله بالردود عشان اكمل :in_love:

 

[wolfxfox]

التوت البري

 

[umm yusuf]

أختي الفاضلة شكرا جزيلا على الرد الجميل والاستفسار
لكي هذه الصفحة وفيها الحكم الشرعي وهو ما أستند عليه في أكلي للأكل في المطاعم هنا في أمريكا بالمقابل يا أختي أمريكا تدين بدين النصرانية واليهودية وطعامهم حل لنا نحن المسلمين طالما أنه ليس بخنزير والأصل التحذر من الخنزير
http://www.islamweb.net/newlibrary/display_book.php?flag=1&bk_no=49&ID=375

أنا للأمانة سألت بالموضوع هذا بالكويت قبل لا أجي أمريكا ومثل ما نقول حطها بذمة عالم واطلع منها سالم
واستفتوا اهل الذكر إن كنتم لا تعلمون
وانا استفتيت وأباحوا لي والأصل في الدين اليسر لا العسر واللفظ صريح بالقران بتحليل أكل اهل الكتاب
يا اختي اذا كانوا بعض الناس مغالين بأن الأمريكان مو أهل كتاب فمن هم أهل الكتاب يا أختي ؟!
شاكرة جدا الاستفسار ووفقكي الله

حبيبتي قرات الرابط وانا ماقصدت الا النصح بارك الله فيك
وهذا شبهه والنبي صلى الله عليه وعلى اله قال اجتنبوا الشبهات صحيح؟؟
طالما عندنا محلات حلال ناكل منها وطالما الحلال متوفر بكل ركن ليه نرمي بأيدينا للتهلكه :dunno:
اسأل الله ان يهدينا اجمعين وان تعيدي النظر بالموضوع هذا فمانصيحتي لكِ الا حبا فيك وغيرة على الدين
متابعاك ان شاء الله بموضوعك الجميل

 

[ام حمزه ح ح]

عندي كم استفسار بس الاول عايزه اقولك على شئ لما تاخدي الشاي بكمون وليمون شهيتك تنقفل اوعي تتوقفي عن الاكل خليك ماشيه بالضبط على نظامك لان قلة الاكل دي ممكن تأثر على مسار النظام اللي انت ماشيه عليه وممكن يتوقف نزول الوزن
اما عن استفسااااري
انا ما اشرب الشاااااي ابدا واليوم اول يوم ابدأ بشرب الشاي الاخضر بعد ما عرفت انه مفيد للصحه وللدايت كمان بس عايزه ايه الجمال ده ربنا يعينك يارب
اعرف انت كيف تشربيه وهو بارد او بمعنى ادق بتعمليه ازاي وتحفظيه بالثلاجه كم من الوقت حتى يظل مفيد وايه هو موضوع الكمون والليمون ده عفوا وليه بتحطي القرفه على الكوفي
طولت في اسألتي لكن انا عارفه انك ما شاء الله هتتحمليني اصلي زاد وزني كتييييير وكنت زهقت من الرجيمات والانظمه دي لكن قررت ابدأ من اليوم عشان كده اول ما صحيت من النوم فتحت على الموضعات دي وعجبني موضوعك جدا
بس اللي عجبني بقى حاجه اهم من ده كله هو انك على غير المعتاد والفكره الخطأ اللي احنا واخدنها ان في امهات كتيييير ماتهتم ببيتها واولادها وزوجها لا انت على العكس ربنا يحميك يارب ويبارك لك ويبارك في زوجك واولادك (بسم الله ما شاء الله)(لا اله الا انت سبحانك اني كنت من الظالمين)
يلا بقى انا منتظره ردك وانا معاك اهو وادعيلي ربنا يكرمني وابدأ على خير لاني تعبت وجسمي اصبح ثقيييييييل جدا وانا عمري ما كنت كده بس القعده في البيت وقلة الحركه هم السبب بالرغم ان اكلنا ماهو للدرجه دي زياده او غير صحي
طولت عليك معلش انا هنتظر ردك وسلامي للاولاد وربنا يعينك عليهم في الغربه دي ويبعد عنكم اولاد الحرام ​

 

[وجدان نسيم]

جزاج الله خير

 

[هدوئي سر قوتي]

موفقة حبيتي


حمستيني على اشياء كثيرة اني اسويها

منها الصحن الواحد الي فيه كل شي ...


واشياء ثانية

لكن ما ابغى اتعب في كتابة الرد وينحذف ردي لأن فيه صيانة بالمنتدى .. اخاف العمال يشيلون ردي وهما مو دارين

هههههههههه

 

[المزاجيه]

احبك الله الذي احببتني فيه...انا طبعي احب اللي تنصح وتفيد من قلب..
مو بغش زي مانشووف بالمنتدياات البااقيه..ويعلم الله اني ارتااح لما شووف موضوع صاحبته فعلا مجتهده فيه الله يوفقك ياقلبي..
بالنسبه للي نزلتيهم كلمة رووعه طريقتك قليله فيهم وفي المجهووود..

واللي نفسي فيه من زمااااان ان شاءالله بشتريه قريييب..
هو هذا...


بس انتي تعتمدين عليه في مقااساات الطبخ والا كيف ...؟؟؟تحمليني غاليتي على الاستفسااار
بس عاجبتني طريقتك..

وموفقه ياقلبي..