دخيلكم ساعدوني قبل ماينهدم زواجي دخيلكم ...

بدويه ماركه قال:
انشا الله اكيد راح اروح ,, بس انا صارلي سنه ونص ومانزل دم ,,!!! وسلمتي على المرور ...
أنقر للتوسيع...
الغشاء عندي ما كان مطاطي ومع ذلك نزل أكتر من مره
 
والله يا أختي الدكتوره ماتقدرتثبت عذريتج قبل الزواج بعد ما مر على الزواج سنه ونصف حتى بالكشف المفروض كنتي سايره حقها أول أيام الزواج كانت تقدر تساعدج . الله يهدي ريلج المفروض توقفينه عند حده هذي مسألة شرف , ليش ماتكلمين وحده من كبار عيلتكم من الحريم يكلمه ويشرحله هالشي أو تفتحين النت بتحصلين عن أنواع الغشاء والشرح وتراوين ريلج عشان يشوف وبقولج شي بعد انتي اتصلي على دكتوره نسائيه وخبريها بمشكلتج وقوليلها انج انتي وريلج بتمرونها عشان يسمع منها عن أنواع الغشاوه ويتأكد من برائتج واذا فرضا ماصدق لازم تلجأين لأهلج لأنه سكوتج غلط يخليه يظن انج خايفه من الفضيحه عشان جي لازم تبينين انه عندج أهل يساندونج وواثقين من بنتهم وأخلاقها وتربيتها ولا راح يذلج طول حياته وهذا رايي والسموحه
 
مرحبا حبيبتي
حابة أطمنك إن مو بس إنتي حتى أنا بالدخلة مانزل مني ولانقطة دم
لكن الحمدلله زوجي كان شخص مثقف وقالي إنه قرأ عن أنواع الأغشية
وإن بعض النساء ماينزل منهم دم
وبعدين الواحد يحس إذا هذي البنت ماحد لمسها أو لأ ومو شرط بالدم
وخليه يقرأ ويستفسر وقوليله انك ظلمتني وطنيت فيني السوء
واذا ماغير نظرته لك حبيبتي لاتستمري معه لإن الشك بيكبر مع الأيام
وبتكبر المشاكل ..والله يهديه لك ويسخره لك
 
كان من المفروض اليوم الثاني بنفسج تروحين لو ماكان راضي وتجيبين له تقرير الطبيبه الحين انتي روحي وخله وياج وقوليلها
واذا قدرتي تروحين ع قوقل وتشوفين انواع اغشيه البكاره وتنسخينه له عشان يعرف انه مو شرط ينزل دم
الله يعين
 
انتي غلطانة الف مرة بسكوتك هذا اسمه قذف وما يقبله الدين لكن انشاالله تقدرين لان فيه حريم غشائهم مطاطي وبعد اول ولادة ينفك الله معاكي
 
انا من راي الاخوات
رووحي لدكتورة انتي و اياه مع انك تاخرتي كثير
بس الله كريم و الله عالم انك عفيفة و الا ما يثبت برائتك و يجزي صبرك خير
اكثري من الدعاء و الاستغفار و راجعي دكتورة
لانه ممكن يكون غشاء مطاطي و ما ينفض الا مع الولادة
الله ييسر لك امورك ويسخر لك قلب زوجك و يفتحها عليكي انشاء الله
 
يالله كيف تسكتين لهالوقت !!

المفروض كرامتك وشرفك قبل كل شي

روحي الدكتوره وانتي اكيد كان غشاءك مطاطي ..


.
.


الغريب ان كثير مانزل معهم دم بس ازواجهم ماشكوا​
 
نواره1 قال:
والله يا أختي الدكتوره ماتقدرتثبت عذريتج قبل الزواج بعد ما مر على الزواج سنه ونصف حتى بالكشف المفروض كنتي سايره حقها أول أيام الزواج كانت تقدر تساعدج . الله يهدي ريلج المفروض توقفينه عند حده هذي مسألة شرف , ليش ماتكلمين وحده من كبار عيلتكم من الحريم يكلمه ويشرحله هالشي أو تفتحين النت بتحصلين عن أنواع الغشاء والشرح وتراوين ريلج عشان يشوف وبقولج شي بعد انتي اتصلي على دكتوره نسائيه وخبريها بمشكلتج وقوليلها انج انتي وريلج بتمرونها عشان يسمع منها عن أنواع الغشاوه ويتأكد من برائتج واذا فرضا ماصدق لازم تلجأين لأهلج لأنه سكوتج غلط يخليه يظن انج خايفه من الفضيحه عشان جي لازم تبينين انه عندج أهل يساندونج وواثقين من بنتهم وأخلاقها وتربيتها ولا راح يذلج طول حياته وهذا رايي والسموحه
أنقر للتوسيع...


السموحه بس مافهمت قصدك بالضبط ,, يعني لو رحت للدكتوره ألحين بعد ما مر على زواجي سنه ونص ماراح تقدر تثبت هالشي لزوجي؟
 
الله يهديه لج يارب... ومثل ما قالوا الخوات... روحي عند الطبيبة أحسن... ولا تنسين اتطمنينا عليج
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل