غرفة بناتي وردي فله

[مشتاقه لريلي]

السلام عليكم حبيباتي حبيت أستشيركم بستاره لغرفة بناتي الغرفه لونها نص أبيض ونص وردي طبعا الوردي اهو جهة الشباك والسراير اللون مثل ماقلتلكم لون فله يعني مايعجب إلا البنات الصغار والمشكله خليت بنتي تختار أرضية الغرفه عباره عن فينايل قلوب صغيره يعني كل الأرضيه القلوب لونها وردي وأبيض وشوي برتقالي وسرايرهم لون الخشب الفاتح المفارش لونها وردي بقلوب حمراء 000 مشكلتي أبي أحط ستاره مناسبه لو بغير المفارش بأي لون وأبي لون ساده وانا أضيف حركات قلوب انا متعبني زحمة التشجيره اللي بالأرض مع المفارش فهل من اقتراحات لستاره وممكن أجيب مفارش جديده 0

 

[في مهب الريح]

لون تفاحي
او نفس الللون اللي بالفرشه اللي مع الابيض والزهري(البرتقالي)



ويارب يسكنونها بالعافيه

ويخليهم لك

 

[رمانه العود]

روحي هوم بلازا عندهم ستاير حلوة لغرف الاطفال وان شالله تناسبك

واذا كانت المفرشة تشجيرتها كثيرة والوان كثيرة حاولي تكون الستاره الوانها اخف يعني مثلا

تفاحي فاتح مثل ماقالت الاخت والافضل تكون سادة وحطي شرايط بسيطة بلون قريب للمفارش وبكذا تكون انعم

ومناسبة للديكور

تكون الستارة بالشيفون التفاحي سادة ومن فوق الشال يكون وردي يطلع اتوقع حلو

وانا حطيت كذا صور لديكور الغرف يمكن يفيدك

 

[مشتاقه لريلي]

في مهب الريح مشكوره على اقتراحك جا في بالي لون تفاحي بس مساحة الشباك عريضه اخاف يكون مساحه تفاحيه كبيره خاصه إن الوردي طالع مثل لون آيس كريم فراوله اغمق شوي (هذي غلطة اللي يرد عالجهال ياريتني سويتها على كيفي قال بسوي لهم شخصيه قال!!00 طيب شرايك بلون فوشي غامق ولااحمر مثل اللي يطلع بالسبيس تون ولواني موبالعه الاحمر بس نفسي باللون الأبيض لكن المشكله هذي غرفة أطفال واكيد بتتوصخ على طول رمانة العود هلا بهالطله اسعدني وجودك ياكنز رايكم فعلا حلو بس مثل ماقلت لكم الشباك عريض تقريبا متر ونص 00 البارح مريت هوم سنتر العثيم قالو خلاص مافي ستاير أطفال ومشكوره عالصور بس فعلا احترت هل احط لونين لون بالأطراف ولون بالنص وماهو القماش الأنسب وأفكر أخلي الستاره قصيره حد الشباك حركات بباي يعني ومهاها فيونكات عالجوانب 000 ولا شرايكم

 

[غاليه]

ليه ماتسوينها افتح من الجدر بدرجه او درجتين لكن لاتسوينها لون غامق كذا بتغمق الغرفه
وفكرتك حلوه خليها قصيره احلى
او اشرايك تخلينها ابيض وفيها ورود او قلوب نفس لون الجدار والارضيه

 

[في مهب الريح]

شوفي لون الفرشه اللي فيه برتقالي ورى ماتبرزينه بالستاره

بيطلع عليها شي

وحطي مع الجوانب اللون الغامق ومن الوسط الفاتح

مثل ذا الفكره

ادور لك ان شاء الله مجموعه


وارد عليك

 

[مشتاقه لريلي]

غاليه فكرتك عجبتني مشكووووووووووووره فكرت بدرجه أفتح من الجدار بس بتصير ادنيا ورديه الأبيض احلى يعطيك العااااافيه

في مهب الريح ان شاالله عدوينك اللي بمهب الريح مشكوه حبيبتي على المشاركه جبتيلي فكره أحط الستاره أبيض والجوانب ورديه مع القلوب اللي بلون الغرفه كذا احلى حتى تقلل من منظر الدريشه العريض 000 ماودي اتعبك بس أطمع بكرمك طالما مافصلت ليما الحين

 

[في مهب الريح]

اللي قلتيه حلو لكن لا ماتع من اخذ فكره ^_*

تفضلي ياقلبو يتهنون فيها ان شاء الله

ذا الموديل حلو اللي تقولين تبين فيه الملون وفيه قلوب حطيه فوق ومن تحت ابيض
والشرايط معطيه لوك جناااااااااااان

ما اعتقد شباككم بيكون اعرض لكن الفكره حلوه اللي على الجدار من نفس لون الستاره على الجدار

 

[كريستاله لامعه]

حبيبتي روحي لأيكيا عندهم اقمشه مرررره روعه للستائر روحي واختاري وانا من رأئي تفصلين الموديل الروماني احسن لغرف النوم ...
اتمنى اكون افتدكـ ...

 

[~كل الوفا~]

السلام عليكم حبيباتي حبيت أستشيركم بستاره لغرفة بناتي الغرفه لونها نص أبيض ونص وردي طبعا الوردي اهو جهة الشباك والسراير اللون مثل ماقلتلكم لون فله يعني مايعجب إلا البنات الصغار والمشكله خليت بنتي تختار أرضية الغرفه عباره عن فينايل قلوب صغيره يعني كل الأرضيه القلوب لونها وردي وأبيض وشوي برتقالي وسرايرهم لون الخشب الفاتح المفارش لونها وردي بقلوب حمراء 000 مشكلتي أبي أحط ستاره مناسبه لو بغير المفارش بأي لون وأبي لون ساده وانا أضيف حركات قلوب انا متعبني زحمة التشجيره اللي بالأرض مع المفارش فهل من اقتراحات لستاره وممكن أجيب مفارش جديده 0

لو تقدري تصوري الغرفة
عشان أساعدك​