زوجي يتفشل من اسم ابوي وعيلتي

ج

جينيفر777

New member
إنضم
2008/09/17
المشاركات
18
السلام عليكم
انا اماراتيه وزوجي سعودي واهو من قبيله كبيره بس مستواهم المادي عادي جدا
وانا من قبيله عاديه بس مستواي المادي عالي جدا لاني ابوي عنده بزنس كبير

المشكله اني لاحظت انه اذا بغى يعرفني على زوجة احد اصدقائه يقولهم اسم ابوي واسم العائله غير
يعني باختصار يستحي ويتفشل من اسماء اهلي

اسم ابوي جدا عادي واهو من اسماء الله الحسنى طبعا بعطيكم مثال عشان تفهمون مثلا
نفرض ان اسم ابوي عزيز يجي زوجي ويقولي ترى اذا مرت صديقي سألت عن اسم ابوكي قولي عبدالعزيز ااااااااااااااه انا اموت قهر ماحب هالطريقه احسن اني مب انا كاني وحده ثانيه وانا بالعكس مفتخره في ابوي وفي عيلتي ومع ان اسم ابوي عادي بس اهو مو عاجبه

الشي الثاني اسم عائلتنا ما يحب يقوله ويحب يقول اسم القبيله الكبيره
مثلا اذا انا من الشهواني او الخيارين يجي اهو ويقولي اذا حد سالك قولي انك هاجريه وبس

ويقول لكل اصحابه ان ابوي وكيل وزارة ااااااااااااااااااااااه ياناس انا اموت قهر
وطبعا هالشي اكتشفته على دفعات واخرها امس في اسم ابوي والله والله انصدمت
لما قالي اذا مرت رفيجي سالتك قولي اسم ابوج عبدالعزيز

انصدمت وااااااااااااااايد اهو على طول بدا يبرر وقالي حزات لما اقول عزيز اهم يستغربون
لان هالاسم مب متداول عندنا

مع العلم انه يفتخر فيني وااااااااايد واني دوم ارفع راسه جدام الناس بالذات عند
حريم اصحابه لاني وايد ذووق ومثقفه جدا وجميله جدا جدا يعني والله ما اكذب
اني دايم اكون محور الحديث ومحط الانظار من الكل

بس انا الحين معصبه وايد وماعرف شاسوي هل ابين له اني معصبه ؟؟او اني زعلانه

ودي اقوله خلاص ما بروح لمرت رفيجك وعيش باوهامك بروحك

ااااااااااه انا في داخلي شغلات وايد ودي اقولها له يعني اهو لو مو عاجبه اسم ابوي وعائلي ليش يتزوجني اصلا

اتمنى تفيدوني عشان اعرف شلون اتصرف معاه​
 
حبيبتي الموضوع مش مستاهل تناقشي معة وشوفي ايش مشكلتة وعلى العموم هذا مايغير شي في اسم ابوك وعيلتك وانتي يجب تفتخرين وهو حر​
 
هذا انسان عنده نقص ,,,
ليش خطبك وهو يعرف اسم الوالد وثاني شيء الأسم هذا مجرد علم لتعارف بين الناس
يمكن قصده ان اسم عزيز من اسماء الله وحرام انك تسمي باسمه لازم تقولي عبدالعزيز
انتي اعرف بشخصيته هل هذا قصده لو قصده التفاخر بالالقاب ,,
 
احسه صدق عايش باوهام ويفتخر فيك وانك بنت الملياردير

بجد صحيه من اوهامه لايصدق

الله يكون بعونك

انا لو منك مارد عليه وقول بنت عزيز الشهواني الهاجري ونعم وسبعة انعااااااااااااااااااااام واللي مو عاجبه يصك راسه بالجدار
 
على فكرة ترى مايجوز ينسمى بأسماء رب العباد الا وقبلها عبد فهمتي يالغاليه لان مافيه عزيز الا الله ونحنا عبيد العزيز وابوك يكون عبد العزيز
 
أسماء الله معرفةيعنيلازم يكون فيها الـ

عزيز عادي لكن العزيز هواسم من أسماء الله الحسنى مثال الجبار القهار ووووووووو

وهذه التي لا يجوز التسمي بها

يعني لا يجوز تسمية ولد "العزيز"


حبيبتي هذا اسم ابوك الذي تزوجك زوجك به وهو شيء لا يحتاج ان يخجل منه

لا تناقشية كثيرا .. والفتي ابنتاهه أن هذا هو اسم والدك وهذه قبيلتك وهذه هي وظيفة والدك التي لا يستطيع أن يزورها الآن ..

ولما حد يسألك عن اسم ابوك اذكريه بكل فخر

ماذا كان سيفعل إن كان اسمه : الهباش ولا الفراش ولا و لا

وما شاء الله والدك وظيفته حلوة وليست مجلبة للإحراج ​
 
زوجك عنده نقص و شخصية استعراضية تتفاخر بالمظاهر و الالقاب ...........قولي له انه اتزوجك و هو يعرف اصلك و فصلك و الانسان مو باسمه الانسان بعمله الصالح و عمله بشكل عام بالحياة ............. واهلك ماشاء الله راعيين نجاح و بيزنس يعني اي احد يتشرف بهم ............... و انك ما تحبين الكذب و ما يعلمك اياه ............. و اذا يبغى يكذب براحته هو المحاسب امام ربه لكن انتي ما تكذبين خاصة انك تفتخرين باهلك و انهم فوق راسك ............ الله يهديه !
 
حبيبتي هذا ريلج عنده نقص وعقدة من شيء قاعد يفرغه بهالطرقة

ناقشيه بهدوء وبدون توتر وفهميه ان هالشيء يضايقج وينرفزج

بس عاد زهبي عمرج لمبررات مالها معنى شكل ريلج من النوع الي يحب المفاشر ^^
 
والله يا اختي
انا لو مكانج
من البدايه برفض
وبقوله هذا اسمي وانا اعتز فيه
واذا سألني حد بقوله الحقيقه ..وكوني قويه وحازمه
لانه هالمره بيطلب منج تكذبين باسم ابوج المرات اليايه الله واعلم بشو
 
بالعكس كل هذا مش لأنه يتفشل مثل ماقلتي
هو حاب ينفخ عمره قدام زملائه
كثيييير ناس عندهم عقدة نقص وتلقينهم من النوع اللي يبالغ بكل شي بحياته
هو لأنه من عايله كبيرة ويحس ان الناس شايفينه شي!!(فهميه ان الناس تغيرت..الناس بأخلاقها ودينها..مو بقبيلتها!!)
يعني هو يبي يبين انه (اوبّهى)لاأكثر
وبالعكس من مثلك يفتخر فيها وبأصلها وفصلها
انتي بنت ناس..واخلاقنا هي الأساس بالتعامل
موفقة
 
والله استانست بردودكم وايد
انا قلت ان اسم ابوي مثلا انه جذي بس ابوي اسمه مو بهالطريقه
ومو حرام ههههههههههه مثل الاخوات ما قالوا
في اسامي تكون عاديه مثلا اسم عبد ربه هالاسم المصري اسم عادي
ومعناتها عبدالله يعني هالامثله الي قدرت اجيبها وحسيتها مناسبه

واهو صح اذا من النوع الي يحب يفوشر وينفخ نفسه قدام الناس بس لا يجي يقولي
لان هالشي ضايقني واهو اصلا يحب اهلي وااااااايد ويتمنى نعيش في الامارات عندهم
وابوي عليه افضال وايد عليه واهله كلهم يحبون ابوي وامه دوم تقول ان ابوي اكرم
نسيب واحب نسيب لقلبها

بس انا ارسلت له مسج اقوله ان هالشي مو حلو وينقص من شخصيته قدام الناس
واهو مارد علي ولما رجع البيت قالي اني فهمت قصده غلط
وحاولت اني اخليه يتكلم بس زوجي من النوع الي يسكت وقت الخلافات

وقلت له هالشي واضح ما يبيله فهم وانا مره ثانيه ماراح اتعرف على حد من طرفك
ومرت رفيجك هاذي اصلا ما بروح لها

بس اختي تقولي اروح لها عشان اكون اعقل منه ولان الناس ينطرونا بكره
بس مادري انا قلت اني عقب ما اقوم واتريق بقوله الساعه كم بنروح اذا قالي
انه خلاص لغى الموعد من صديقه واعتذرلهم بقوله والله توقعتك اعقل من كذا
واذا قالي الساعه الفلانيه خلاص بروح ومعناتها ان هقوته فيني ان عقلي
كبير واني بروح الموعد

مشكورين وايد وما قصرتوا والله​
 
جينيفر777 قال:
والله استانست بردودكم وايد

انا قلت ان اسم ابوي مثلا انه جذي بس ابوي اسمه مو بهالطريقه
ومو حرام ههههههههههه مثل الاخوات ما قالوا
في اسامي تكون عاديه مثلا اسم عبد ربه هالاسم المصري اسم عادي
ومعناتها عبدالله يعني هالامثله الي قدرت اجيبها وحسيتها مناسبه​

واهو صح اذا من النوع الي يحب يفوشر وينفخ نفسه قدام الناس بس لا يجي يقولي
لان هالشي ضايقني واهو اصلا يحب اهلي وااااااايد ويتمنى نعيش في الامارات عندهم
وابوي عليه افضال وايد عليه واهله كلهم يحبون ابوي وامه دوم تقول ان ابوي اكرم
نسيب واحب نسيب لقلبها ​

بس انا ارسلت له مسج اقوله ان هالشي مو حلو وينقص من شخصيته قدام الناس
واهو مارد علي ولما رجع البيت قالي اني فهمت قصده غلط
وحاولت اني اخليه يتكلم بس زوجي من النوع الي يسكت وقت الخلافات​

وقلت له هالشي واضح ما يبيله فهم وانا مره ثانيه ماراح اتعرف على حد من طرفك
ومرت رفيجك هاذي اصلا ما بروح لها​

بس اختي تقولي اروح لها عشان اكون اعقل منه ولان الناس ينطرونا بكره
بس مادري انا قلت اني عقب ما اقوم واتريق بقوله الساعه كم بنروح اذا قالي
انه خلاص لغى الموعد من صديقه واعتذرلهم بقوله والله توقعتك اعقل من كذا
واذا قالي الساعه الفلانيه خلاص بروح ومعناتها ان هقوته فيني ان عقلي
كبير واني بروح الموعد​


مشكورين وايد وما قصرتوا والله​
أنقر للتوسيع...


فاهمينك حبيبتي وفاهمة مثالك وعلى أساسه أنا كتبت ردي بنفس امثلتك ...

مثل ما قالت لك أختك روحي ليس فقط لأن الناس منتظرينكم لكن ... لن تسير الحياة بتلك الطريقة!!
قولي له: ما يبنى على غلط ... غلط

ويوما ما لا بد أن ينكشف الكذب

وإذا حاول يعدل لك ويغير في المسمى قولي له هذا ليس له إلا مسمى وااااااااااااحد .. ك ذ ب

كذب - وليس له ألواااااااااااااااان ... ​
 
طبعا روحي بس لاتنفذين طلبه وقولي اسم والدج الصحيح وبكل فخر ولما يسالج قولي له عادي كأنه ماوصاج ولا شي
انا حسيت فيج لاني اعاني من تعليقات اهلي الدايم على اسمي وانه قديم واللي يجرحني منهم واللي ينغز بس انا ماهمني ابد مع انه يسبب لي موقفهم الضيج ومايدرون شكثر يجرحوني بس ارجع واقول هذا اسمي وماعلي من احد
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل