,.‘؛`,.‘؛`ســـــــــــوالف زوجات الجنـــــــــــوبي(2)فضفضة,.‘؛`,.‘؛`

[المجروحة*]

والله انج شجعتيني يالمهاجرة الله يجزاج خير
عندي سؤال لج أنتي من أي دولة
والشي الثاني أنا خاطري والله اتغيروابي اعوضه عن اللي كان يدوره برى لأنه هو قالي انتي ما تمدحين وماقوله كلام حلو وايد ويبي يشوف هالشي مني وانا اصلا ماقعد امدحه طول الوقت واقوله اشياء بسيطة احس ماعرف وايد او ما اتجرء اقولها وحتى لوحطيت في بالي اني اقوله او اسويله شي يوم يومين وبعدين ارجع نفس قبل مادري ليش
واللي لاحظته من المسجات بينه وبين البنات كلها شوق وحب وانه يقولون له انت وسيم وجسمك حلو عاد هو يتشقق وكل مرة يحب وينطر منهم شي وبعد وحده تكتبله في المسج (يالسكسي) والله انا استحي اقوله هالكلمه وانا مب جريئة واستحي
انا كنت اقول قبل مابي اقوله شي امدحه عشان مايشوف نفسه علي بس اكتشفت العكس اذا قلتله يستانس وكأن هالشي يغذيه
أنا ودي اتغير واقوله كلمات اكثر واكثر جرأة واتدلع وأخليه يتقرب مني أكثر بس أحس بصعوبة لأني مب متعودة وهو ماتعود مني هالشي
أنا الحين الصراحة مركزة على عمري وقمت امتع نفسي براتبي عقب اللي صار معاه خلاني انتبه على وايد اشياء انا كنت غافلة عنها
وشي ثاني انا خايفة انه يرجع للخيانه مرة ثانية كله افكر انه بيستغفلني ويسوي اشياء من وراي
(والله يالمهاجرة احس لقيت حد يفهمني ويوجهني للطريق الصح الله لايحرمنا منج)

 

[كيــ انسى ـــف!]

مهاااااااااااجره ... نداء عاجل

 

[المهاجره]

 

[الجودي]

حبيبتي المهاجره مو بس مجروحه نفذت نصايحج بالضبط <<<<<<<<<<غارت :bleh:
أنا بعد وحصلت نتايج ايجابيه :showoff:وانتظر اني اقطف الباقي ربي يوفقج يالغاليه​

 

[كيــ انسى ـــف!]

جزاك الله خيرا يالمهاجرة

 

[never get down]

السلااااام

وربي تعبت نفسي اطلع نمط زوجي وشخصيته بس ما عرفت

اتشتت واتخربط فيه اشياء كثير من الجنوبيين ومن الشماليين

هل حسيتوا مثلي !!؟؟

او شخصيات ازواجكم واضحه عندكم!!؟؟

هل الظروف الاجتماعيه السفر والغربه تغير من الصفات الشخصيه !!؟؟؟؟؟

الله يجزاكم بالخير من عندها استعداد تدلني كيف اطلع النمط تبع زوجي؟؟

نفسي ابدا التغيير وابي أختصره واعرف الاشياء اللي يحبها زوجي
دايما اقول زوجي جنوبي
بس لما قريت البوصلة الشخصيه تبع الاستاذه ناعمه احس تشوشت افكاري
زوجي طموح والدليل سفره للدراسه
بس في نفس الوقت اجتماعي وله الكثير من المعارف والاصدقاء

اللي انا متأكده منه ان حنا الاثنين غربيين
احيانا اقول اني شماليه بس اللي حولي يقولون مستحيل انت تحبين
الكسل والجلوس على الانترنت او قراية كتاب
بس انا نشيطه اذا بديت في شغل البيت واصلح كذا شغل في وقت واحد !!!

هل كوني إمرأه زوجه وأم يغير من الامور!!!؟؟

ما تقصرون​

 

[ذكريات الغد]

مشكورة يالمهاجرة على جواب درس الأهل ويعطيك العافي
وفي إنتظار الدرس القادم


بسألك عن التوقيع المعتمد في ملف الجنوبي من اللي سواه أنا نسيت ماتذكرها بس أحس إنها شمالية أقرب منها شرقية من شكل التوقيع
اللي أقصده من سؤالي (أجرب نفسي هل صرت أفهم في البوصلة؟!!!! لأني صرت إستشارية للي حولي....يعني نصايح خفيفة أثبتت فعاليتها ولله الحمد


لازم تردين علي لو سمحتي.......

 

[ذكريات الغد]

السلااااام​

وربي تعبت نفسي اطلع نمط زوجي وشخصيته بس ما عرفت ​

اتشتت واتخربط فيه اشياء كثير من الجنوبيين ومن الشماليين ​

هل حسيتوا مثلي !!؟؟​

او شخصيات ازواجكم واضحه عندكم!!؟؟​

هل الظروف الاجتماعيه السفر والغربه تغير من الصفات الشخصيه !!؟؟؟؟؟​

الله يجزاكم بالخير من عندها استعداد تدلني كيف اطلع النمط تبع زوجي؟؟​

نفسي ابدا التغيير وابي أختصره واعرف الاشياء اللي يحبها زوجي
دايما اقول زوجي جنوبي
بس لما قريت البوصلة الشخصيه تبع الاستاذه ناعمه احس تشوشت افكاري
زوجي طموح والدليل سفره للدراسه
بس في نفس الوقت اجتماعي وله الكثير من المعارف والاصدقاء​

اللي انا متأكده منه ان حنا الاثنين غربيين
احيانا اقول اني شماليه بس اللي حولي يقولون مستحيل انت تحبين
الكسل والجلوس على الانترنت او قراية كتاب
بس انا نشيطه اذا بديت في شغل البيت واصلح كذا شغل في وقت واحد !!!​

هل كوني إمرأه زوجه وأم يغير من الامور!!!؟؟​

ما تقصرون​

أقترح تعيدين نفس إمتحان البوصلة للأستاذه الهاشمي
وحطي في بالك إعتبار أن هناك نمطين في الشخصية( نمط غالب ونمط دون الغالب)
يعني زوجك مثلا ممكن يكون شمالي شرقي أو شمالي غربي وهكذا يعني يكون النمط الغالب إحدى الجهات ودون الغالب إحدى الجهتين الملاصقة لها.....من الصعب أن يكون نمط الشخص إحدى الجهات والجهة المعاكسة لها لأنها متضادة

أعيدى الإختبار وأحسبي النقاط على كل جهه أعلى رقم هو الغالب....وأعلى رقم في الثلاثة المتبقين هو دون الغالب

 

[الرياضيه]

مشكلتي اخت زوجي اللي تتحكم في زوجي بريموت كونترول وهو يفضلها ويعاملها كأنها هي الزوجه مش انا ؟

 

[نواره99]

سبحان الله وبحمده ....
سبحان الله العظيم....

 

[الرياضيه]

يعني بعد ماعرفت الموقع اكتشفت انها تتعامل معاه بكل مايغري الجنوبي والله مع انه شخصيتها غير مع الناس بس اذا دخل شوفوها تتحول انسانه اخرى ولا يصدقني فيها تكذب وتفتن بيني وبينه والاخير هي صح وانا خطا ايش اسوي صرت احس انها هي زوجته مش انا من قد ما هي مسيطره عليه مستحيل يقوللها ثلث الثلاثة كم اسعفوني صارت ضرتي .. علا قد ما حاولت اكسبها بكل الطرق اللي ممكن تطرى على البال بس مافيه فايده لدرجة انها تحاول تشككه فيني في شخصيتي في كل شي ترى انا بانفجرمنها

 

[ذكريات الغد]

مشكلتي اخت زوجي اللي تتحكم في زوجي بريموت كونترول وهو يفضلها ويعاملها كأنها هي الزوجه مش انا ؟

ياحبذا تستفيضين في الشرح وتفضفضين............ربما نفيدك لأني حاسة بمعاناتك

عدلت ردي لأنك سبقتيني في الإجابه

تعاملي أنت أيضا بكل مايغري الجنوبي....أدخلي ملف الجنوبي وتعلمي وطبقي....أكسبي زوجك في صفك...تجنبي أن تشكين أخته له بل إمدحيها أمامه ....لما تشترين شيء لك أشتري مثلها هدية لأخته ودعيه يعلم بالأمر ....تعمدي أحيانا تتكلمين في التلفون مع صديقاتك أو أهلك مع وقت دخوله أو مروره بجوارك وأنتي تمدحين أخته أو تدعين لها .....بل أحرجيها أمام نفسها وأمدحيها وأضحكي معها ونكتي وبحضور زوجك....طبقي نفس أساليبها هي أكيد دلوعة فرفوشة مرحة تحب الوناسه..... دايماً تمدح أخوها وتوصله للسماء.... دائما في حاجته وتطلب مساعدته وتتمسكن ....مبتسمة....تاخذ ماتعطي

إستعملي كيد النساء...كوني أنت الخيره اللي تحب أخته وتمدحها أمامه وأمام الناس وخلي أخته تكون الشريرة بنظره دون تدخل منك فهو سيكتشفها بنفسه فهي دائما تفتن بينكم

 

[المهاجره]

لاحول ولا قوة الا بالله

 

[نواره99]

السلام عليكم اخباركم ؟ واخبار الجنوبي معاكم:showoff:

 

[نواره99]

الام الحنون سويتي الي قلتج عنه ؟

 

[المجروحة*]

والله زعلت يالمهاجرة يوم دريت انج رديتي على الرسايل بس انمسح
أدري بتعبج معاي بس ياريت اتردين علي وتوجهيني
الله يجعله في ميزان حسناتج

 

[المهاجره]

السلام عليكن جميعاً ورحمة الله وبركاته
بأمانة يا زوجات الجنوبي
هل تطبقن ما تتعلمنه
أم تسألن وتنسين السؤال
ام تسألن من باب الفضول
لاني أجد أسئلة على دروس قديمه
على العموم أنا سأجيب عليكن برحابة صدر
ولكن يهمني أن تتحسن حياتكن

اه ياقلبي

مدري وش اقول

لكن ذبحني بغموضه مدري وش اسوي فيه

رغم انه دائما يقول انه يحبني اكثر من ما احبه انا وطبعا هذا نو يعني نو

انتم وش السواة في نظركم ابيه واضح وصريح صادق كانا اصدقاء

سالت كثير ولا حد درد علي ولا اني ضيعت الصفحه

نفسي اعرف غموووووووووووووووووووووضه الرهيب وش اسوي فيه

ونومه يكون بشغله ومهلوك ويسهر وينام متاخر ويبي يصحى بدري ومايروح فيها الا انا

حاولت معه انه نحل هالمشكله لكن لا حياة لمن تنادي

يتعبني يصح بعد 2 الى 3 ساعات احيانا من التجنيد الاجباري فوق راسه هههههههههه


كيف اعرف انه صادق معي ؟؟؟

هل هناك وضع يثير الشك مثل علامات او تغير في جوابه لنفس السؤال
إذا لم يكن عليه تغيرات فلماذا تحرقي نفسك
نحن تكلمنا عن غموض الجنوبي ووضعنا الكثير من صفاته التي تدعوه لعدم الخوض في الحديث
وكتبت ايضا في اجابة درس الغموض كيف تستطيعي ان تجعليه يتحدث معك وكيف يعود للبيت مبكرا

مرحبا يا زوحات الرجل الحساس الرومنسي.....​

مرحبا بج يالمهاجره و اشكرج من كل قلبي عاللي اتسوينه لجل نساء الرجل الرومنسي
و عساه في ميزان حسناتج يا رب العالمين...​

حبوبه من ضمن اللي قلتيه "انه الجنوبي ما يحب البعد و يحب انه يحس بالاهتمام دايما"
بــــــس كيف نتصرف مع الجنوبي اللي ظروف عمله اتخليه برع البيت من اسبوع الين اسبوعين متواصلين...؟؟؟
عني انا بديت اكلمه كل دقيقه و ما احسسه اني بعيده ابـدا قالي انتي جذيه ما بتخليني احس بالوله لج ...!!!! لانج موجوده في كل دقيقه....
ما بطول عليج.... كنت ابغي طريقه اتخليني بعيده و قريبه للرجل الجنوبي...​

و السموحه لاني طولت عليج....​

لا ليس لدرجة ان تحادثيه كل دقيقه
يكفي ان تحسسيه بالاهتمام يوم رسالة ويوم مكالمة ويوم لا تكلميه
هكذا لا يسمع صوتك الا كل 3 أيام
هذا اهتمام كاف والا سيضجر من الملاحقة

بنات اللي فهمته من كلامكم ان اغلب الجنوبيين يخونون؟؟؟ صح هالكلام والا لا؟
انا زوجي اتوقع انه جنوبي!!!

لا يا اختي من قال انهم خونه
الجنوبيون خجولين ولا يسهل تواصلهم مع النساء العاديات
ويقعون في مصيدة العاشقات لانهن يفترسن صفاتهم الضعيفه
ولانهم حنونين ومساعدين ينزلقون في شباكهن
وهن من يخدعنهم
لذلك الاصل فيهم هو الخير
قدم المساعده لها ولكنها تجره اليها
ثم بعد اول خيانة يتعود ويستمتع ويود ان يسمع المزيد من اخريات يدعين الضعف والحاجة

اهلين اخواتي
اشتقت لكم خصوصآ العمدة
كتبت لك يالمهاجره رد وللأسف مالقيته عمومآ اشكرك حبيبتي على جهودك
اما بالنسبه لقرائتي للملف الاول انا مشكلتي ان دخلتي على المنتدى قليله فأحيانآ ما اقدر اللحق اقراء واتابع لكن ان شاء الله ابرجع له00 حتى الردود لاني احب اتكلم احسن من الكتابة واحب اقولك اني اوصل كل ماتفيديننا فيه لزوجات الجنوبي اللي خارج المنتدى فان شاءالله نفعك تعدى اطار الاعضاء
اسأل الله ان يلهمك رشدك ويبارك لك في علمك وعملك

جزاك الله خير ونفعك بك
وبالنسبة للعجز والكسل هذا الرابط مخصوص للكسولات
الجنــــــ♥ رجل السلام والتواصل ♥ــــــــوبي 000نسخة للقراءة

مرحبا ...بنااات ... المهاااااجره بغييتج شويه ... اريدج اتسااعديني واريد اعرف كيف اتصرف في هذة المشكله احس انه في طفيلياات تبا تدخل في حيااتي انا وزوجي ...

احس انه في علاقه بين زوجي وبنت خالته وهي معرسه ..ومره شفت مسج هو مطرشنها..انتي قطعه من قلبي وروحي ؟؟ المهم .. وسكت ما تنافشت معاه لان كانت فتره موب مناسبه ...

من أسبوع فتشت في تيلفونه ..لقيت انها مطرشتله اذا عندك تيلفون البلاك بيري هذا رقمي سولي ادد ..((مثل المسنجر ))... ولللعلم يوم اقوله ابغي من هذا التيلفون يقوولي هذا لشغل .. وكل صديقاتي عندهم مثله.

من يومين الفليل كله يقولي انا ما فيه رقاد ويشوف تلفزيون ويكمل 1 على التيلفون كله مسجات وهو على باله اني راقده ... البارحه قتله اني متضايقه من هزت التيلفون خله بعيد عن الشبريه ..

المهاجره ساعديني شو اسوي ؟؟

كيف تسكتين على هذه العلاقة
يجب أن تحليها بعيدا عن زوجك
يجب أن تكلمي أخاها حتى لا تدمري حياتها
وأخبري أخاها بأنك إذا لم يتصرف مع أخته ستخبري زوجها بموضوعها مع زوجك
هذا هو الحل الاسلم والسريع
وإذا كنت خائفة من مكالمة اخاها وصي أخوك أنت يكلم أخاها
هنا سيكون الوقع اشد عليهم - فضيحة فلن يسكت الأخ على أخته وسيخاف على عش أخته أيضا-

مبروووك عزيزتى الممهاجره واشتقنا لك كثييير واشتقنا نسولف معاك جزاك الله خير​

نفسي اعرف شي واحد بس عن الجنوبي والتصويب كمان بارك الله فيك​

الزوجه اذا كانت تعاني من ضغوووط نفسيا زوجيا ولم تحل هاذي الضغووط وتراكمت عليها مع الايام وطلبت الطلاق من زوجها الجنوبي ماعرف السبب بضبط هل من الضغوووط فعلا ام لانها محتاااجه للحظة حب صادقه صادقه من زوجها الجنوبي والي ما تطلع منه غير في موقف طلب الطلاق ومع تكرار الموقف والطلب من الحين للاخر بداء الموقف يصير ضدها وخف تمسكه فيها واستهتراه في طلبها وكانه يقول لنفسه دائما تكرر الطلب ولا تنفذ شياء فقط تهديد وفعلا صار قادر على فرقها والزوجه الشماليه الغربيهه المسكينه لم تكن تقصد الطلاق الفعلي قد ما كانت تقصد لحضة صدق وحب وان ترا من هيا في قلبه في هاذه الحضه الوحيده فينالغلط وكيف تتصرف؟؟​

الجنوبي يحس بالاحباط عندما تخنقيه بطلب الطلاق
فهو يعلم انك تقصدين تقصيره في حل المشاكل
ولكنه لا يعرف أن يحل المشاكل وينصاع مع الأقوى مثل امه أو اخوته
لذلك فهو يتضايق من الضغوط وينفجر
وهو الآن يقتص منك لانه يحب الانتقام ولو بالكلام والاستهزاء واعادة الموال نفسه في كل سوء تفاهم
او لقلب الطاولة عليك واسكاتك
ولكن يمكنك ان تقلبي الطاولة على الذي كان السبب لتكوني انت وهو بمأمن

مساء الخير

شخباركن عزيزاتي!!

اعتذر عن الانقطاع في هذي الفتره ...وان شاء الله اتواصل معاكن في الايام اليايه


المهاجره
غاليتي حلو توقيعج ...بس شوه رايج بالبرقع الاماراتي =)


خواااتي
مناسبه عيد زواجي قريبه
وابغي افكاركن!!
ابغي هديه غير العطور والساعات والبزم والنظارات ابغي هديه حلوه وما فيه ما نع لو كان طابعها طفولي لاني زوجي الجنوبي طفولي ههههه...
وفكرت بعد تغليف الهديه اطلب من الامبوست يوصلها لزوجي شوه رايكن

أهلا بك من جديد نونوته ونأمل عدم انقطاعك عنا
البرقع الإماراتي فاتن وهو أقرب للماسك (القناع)
البسيه في غرفة النوم سيعجب الجنوبي
وفتشي عن هدايا يستطيع الجنوبي أن يتباهى بها أمام الملاء
لانه يفرح أن يري اصدقاؤه أو أهله ما أهدي اليه - يحب التفاخر-

احتي المهاجره بما ان زوجي جنوبي
ماهي افضل الطرق باقناعه بشئ هو رافضه نهائيا؟؟ بليييييز ردي علي

لا يجب عليك أن تقنعيه
يجب أن تتحدثي عن مدى كمال هذا الشئ او كيف يرونه الناس
لانه يحب التباهي أمام الآخرين بالكمال
مثل المصروف نجحت الطريقه مع الأخوات كلهن
ان الناس ينظرون لهذه الزوجة مَن زوجها؟ فيقدرونها
بقولك (الحرمة تطلع البوك مليان وما تنحرج والناس تشوفها
ويقولون ايه ماشاءالله عليه زوجها مو مخلي عليها قاصر)يرضيك يتكلمون عليك
(بدون ان تذكري اسماء صريحة منعا للمقارنة)
ويجب أن تكون الطرق غير مباشرة في طرق كثيرة

يابنات ويا حبيبات وياعمدتنا ويانوارتنا ابي افكار حلووووووووووووووووووووة​

لعيد زواجي الاسبوع القادم
من جهته اعطاني خبر انه بياخذ شاليه يومين
اول يوم انا وهو فقط؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وثاني يوم بيجيب الاولاد معانا ....................
طبعا فرحاااااااااااااااااااااااااااااااااااااااااااااااااانه
الله يسعدك يا مهاجرة زي ما خلتيني اغير من زوجي اشياء كثييييييييرة الحمدلله
بس محتارة ابغ اشتري هديه له ومو عارفه ايش اختار؟
وبالنسبه للبس شو رايكم فكرت البس فستان فرح قصير وبسيط مع الطرحه وسأقدم فقط حلا عصير على خلاف السنه الماضيه سويت الحفله في مطعم ونسقت مع مدير المطعم وسوالنا فضيحه الله يفشل ابليسه ​

جاب 12 فلبيني عزفو ميوزيك وزغاريد وامة محمد تطالع فينا فحرمت السنه هاذي اسويها في مكان عام ( حلوة الفكرة ولا هبله... امانه ردو قبل لا اورط بسعر الفستان)​

المهم ان القماش املس بلا موديلات كما وضحت بالصور وخلي بالك ان اللون مغري ومهيج برتقالي أو أحمر
والافكار لا تنتهي لكن الجنوبي يحب التباهي امام الناس بالهديه(أي شئ يستطيع أن يريهم اياه)

دخنا مع ها الرجاجيل
الجنوبي رومنسي ويخون كيف؟؟؟؟؟
اجل وشلون ابعاملة بطريقة حلوة( ابرفسة)

رجلي جسمة جنوبي وكلامة جنوبي ويحب الناس
ومع انه من مجتمع محافظ حاول يتزوج بطريقة غير تقليدية قبل مايتزوجني وانا خايفة موت احس تقدر تلعب علية اي وحدة
هل ازواجكم يغلقون جوالتهم بارقام سرية؟؟
وكيف الطريقة لاقنعة يغير هالطبيعة

الجنوبي تعجبه المرأة المختلفة عنه سواء بالنمط أو شكل من حوله
يحب أن يتباهى بالتميز كما قلنا سابقا
دعيه يضع رقما سريا ليرتاح نفسيا
وإذا كانت تدور فوق رأسه علامات خيانه
اتصلي على موبايله وردي على نفسك وفتشيه وارسلي ما تشكين فيه لموبايلك
وبعد ذلك امسحي اتصالك

الســـلآاام عليـــكم ،،​

اممم .. حقيقة عندي سؤال فضولي ( فعليا كان سؤالين بس الثاني نسيته)
حبيت درس الملابس اللي تناسب الجنوبي
كنت استمتع كل يوم اشوف افكار خواتي​

واللي اسعدني فيه انه كل المذكور هو الستايل اللي احبه طبيعيا
المهم حتى ما اطلع عن الموضوع
شي معروف انه المطلوب من الزوجة تكون دايما حلوه بنظر زوجها ​

وتلبس اللي يسره صح
لكن هل الأفضل انه على طول تكون لابسه شي يحبه ولا مو لازم .. ؟​

سألت اخوي هالسؤال ( جنوبي شرقي مع شوية غربي )​

قالي انا افضل انها ما تلبس دايما شي حلوو ..
مرات ملابس ما احبها ومرات اللي احبه ..
لانه لو تمت تلبس على طول الشي اللي احبه حتى لو نوعت .. بمل
او باسلوب آخر ما بيكون في شي يديد .. اليوم حلو باجر حلو وبعد وبعده
يعني مو محتاج اخمن ولا اتفاجأ ..
لكن لو تمت تغير بين الحلو والغير حلو .. هذا بيخليني اميز الفرق
واشتاق لملابس ثانية حبيتها وهكذا .. ​

فنا هنا احترت .. هل هالشي صحيح .. وهل يخص الجنوبي بس
ولا كل شخصية تختلف .. ؟؟​

هلا بك عربجية مرة أخرى غبت لاجل الدراسة والاختبارات
ما الاخبار؟بشرينا
الفكرة اننا نلبس لانفسنا ولغيرنا
لذلك نغير
كما قلت لابد من التغيير والقصد لفت الانتباه
يمكن وقت العذر الشرعي نلبس المختلف وبعده يمكن العودة لذوق الجنوبي
كذلك وقت الزعل ممكن نلبس الشئ اللي نقهر فيه الطرف الآخر
أو نرسله رسالة بنوعية الملابس التي كان يشمئز منها ونعاند بطريقه حلوة بدل التلفظ والكلام

مدري سبق وشكرتك أختي المهاجره أولا ..


وحتى لو شكرتك .. اشكرك للمره الثانيه على هالموضوع الحلو ..

..


ياناس ياعالم . جنوبيكم إذا جاع يعصب وإلا بس جنوبيي ..


..

وبأسألكم بعد ..

إذا مثلاً كان في السياره .. وتاخرت عليه دقيقتين .. ودقّ علي .. و .... عصب علي ..


وشلون اتصرف ..


أكنسل الطلعه .. وإلا اسفهه وأنزل .. وأروح لمشواري ..


لأن صراحه .. هالشئ فيه متعبني ..


ودي إنه ماعاد يتعودها .. وشلون اتصرف معه ..

..
وبعد صديقتي .. زوجها جنوبي .. وكان متزوج قبلها .. وعنده ولد ..

طبعا اول ماخطبها طلبت بيت لحالها .. والولد قالوا عند جدته ..


بس هالأيام طالع لها .. بطلعه جديده ..

يبي يشتري لولده غرفه .. ويسكنه معهم في البيت ..

هي تقول سمعت الكلام ولا علقت لأن الوقت ماكان مناسب ..


تبي تعرف وشلون تتصرف معه .. خصوصاً إذا رفض ..


ياليت .. تفيدوني .. بخبرتكم

يا حبيبتي با استعنت بالله هلا بك نحن بالخدمة
والجوعان كيف ما يعصب
كل الرجال يعصبون عند الجوع
الرجل الجوعان رجل غضبان .. مثل أجنبي
واسرع الطرق لقلب الرجل معدته
السيارة والانتظار
كله يندرج تحت جواب الدرس عدم اعتذار الجنوبي تكسريها بحركات الاطفال
لو غضب بالسيارة
تركبي وتقولي له اشفيه الحلو زعلان مع نغزة مع خاصرته
كل ذا يطلع منك - يا ولد - يا أسد يا قوي (استخدمي اسلوب النمط الغربي وهي المرونة)كوني جريئة مثل نمط الاخوات الغربيات
تنقلب الدعوة لمزح الغربيون يقلبون وقت الجد الى مزح
اختنا الصغيرة عربجية واضح أنها غربية فلو تكلمت عن هذا الجانب لتفيدكن
والغرفة قولي لها دعي الاب ووالده يصطلحون ولا تتدخلي بينهم أبدا وأي شئ يضايقها
فلتحتسب عند الله الأجر فلا يعلم السرائر الا الله ماذا يعلم الإنسان ما سيحدث له ولاولاده في دنياه
خلق الانسان في كبد

استعنت بالله على قولك ياكم صار بيننا مشال على موضوع التاخير حتى لو خرجه بس انا وهو مافي موعد لازم يالله يالله بسرعه خلاص اطفش ومرات كتير اقله روح ويزعل وريروح ويخليني ومرات اذا مواعدين احد وتاخرت لظرف اخرج وانا ابكي بس بعد المنتدى بردت على خاطري وبكى مافي واطلعه اروحها واستانس وانسيه الموضوع

لا لا ممنوع تصرفيه هذا خطأ
وجربي طريقتي في جوابي السابق واستانسي وبشريني

ياسلام على هالمكان الحلو

بأسولف عليكم الين ينفجر راسي

بس مشكلتي ماأحب أكتب على الوورد كسوله اختكم بالله جنوبيه شرقيه وكسوله بس مو بكل شي

ولماذا تكتبي على الوورد
اكتبي هنا مباشرة ولا تحرمينا منك محتاجين للجنوبيات (الفزوعات)

مرحبا بنااات؟؟كيفكووون

بنات اناا من فتره بسيطه تقريبا صار لي اكثر من 3 شهور متملكه وخطيبي جنوبي شرقي وانا بعد جنوبيه شرقيه والحمدلله متفاهمين بنسبة80%

بس المشكله خطيبي كلش مووو رومانسي

غير عن صديقاتي كل وحده فيهم خطيبها او زوجهاا روماانسي اكثر من الثاني

اما انا عاادي كلش ..لما يتكلم معاي كأنه يكلم اخته او زميلته في العمل

قولووا لي شلون اتصرف معااه عشان يكون طبيعي نفس باقي الريايل

وعطوني نصايح الله يخليكم حق الزوجه الجنوبيه شلون تتعامل مع زوجها الجنووبي

وبخصووص المواضيع قريتهاا بس اناا ابي تجارب من واقعكم

حبيبتي اولاً مبروك الزواج مقدما
ولماذا تستغربين الجنوبيون خجولين وبزياده لو كان جنوشرقي كلا النمطين خجول
لكنه يأتي بالتشجيع وان نطق كلمة امدحيها له وتغزلي بطريقته
واطلبيه ان يسمعك تغزل او اسأليه مثلا سؤال يكون جوابه جرئ
مثلا انا رحت السوق ولقيت محل ملابس لانجري واستحيت مدري ايش اختار!!
بياخذ ويعطي معك ويتشجع بكلمات خارج الموضوع

يابنات الجنوبي يحب المدح بزياده بشكل موطبيعي وش صار معاي
دايم انا الخطا في حكاية اني
اهتم ياولادي بزياده فقررت اعوده هو قبل الصيف وقبل المشاكل بدات احاول اني اخفف من اهتمامي قدامه اسوي اللي ابغاه بس بدون مايدري واذا كنت ابغى اعتذر عن خرجه مااقول عشان الاولاد اجيب عذر ثاتي المهم
مره وحده قال خذي لبس ثقيل للاولاد يمكن يكون في هواء طعا انا مجهزه بس حبيت انفخه شوي قلت حبيبيي الله يعافيك انا نسيت وانت ذكرتني وهاتك يامدح وبدا يسوي اشياء زي كذا وانا شغاله مدح وبعدين ناقشته وقلت
اتاري اني انا كنت اقلل من اهتمامك باولادك مااعطيتك مجال وكلك حنيه وحب وحرص عليهم وبدا يمدح نفسه والله سلكت الامور وهم وانزاح الحين يصحى من النوم يغطيهم ماشاء الله الله لايغيره علينا
واش رايكم وابغى ردكم وخاصه المهاجره من زمان ماقيمتني

وهذا محتاج رأي ماشاءالله عليك استاذة
أحسنت بارك الله فيك تلميذة نجيبة

هلا فيكم
انا وزوجي زعلانين من بعض بسبب عزيمته لمكان ماعاجبني ابد (مكان خلط من الجنسين والحريه واااو حدث ولاحرج)
ولحد الحين زعلانه لاني ماكنت راضيه يرووح < الغيره وماتفعل
المهم انا ابغيه هو يجي يراضيني لان بكل برود طنش وراح ولاحسب لي حساب
يدز لي مسجات ان وده يحضني ويدللني وان متأسف لكن ما القاه بالفعل وده يسوي هالشي لمن يكون معاي
يقول انا عصبيه واخاف لمن اقرب تعصبي ازيد
قولي لي كيف اتصرف؟

وشغله ثانية شلون احرك فيه دمه << بااااااارد
حتى اذا بسوي حركه اتقصد منها يقربني يلمني يحضني<< ما يفهمهاااا

الجنوبي فعلاً خجول ويحتاج الى تشجيع في البداية حتى لو كنت زوجته
ويخاف من النتائج خاصة اذا كانت الزوجة من النوع العصبي
يخاف ان تجرحيه وتهيني كرامته حتى لو لم تقصدي
لكنه هكذا يراك كعصبيه ويموت ع الهادية وذات الحركات الناعمة التي تتدارك الوضع بنعومتها
اتمنى ان اجد مقاطع فيديو لاشرح عليها
ولكن اقربها حركات هيفاء وهبي راقبي شفاهها ورمشاتها وكيف تحرك اطرافها ببطئ وسلاسة
انت احزني على ما فعل بهدوء حركات هيفاء(لغة الجسد)مع حركات غضب الاطفال
الصور التي وضعتها بالملف المغلق

مرحبااااا
انا زوجي جنوبي بس مو متأكدة شرقي او غربي .. يمكن الاثنين مع بعض .. و احنا متزوجين من سنة و نص
هو فعلاً حنون .. بس ما ادري عن الرومنسية لأنه ولا مرة سوا لي شي رومنسي .. ما اعرف كيف طريقته في التعبير عن الرومنسية ..
و بالنسبة لفلوسه اللي رايحة على غيره .. حدث ولا حرج .. اصدقائه يصرف عليهم و لا يحاسب .. احس انه الناس يستغلوووونه و هو ولا حاس بهذا الشي .. فعلاً انقهر ..
و يمووووت في شي اسمه سفر .. لكن دايماً يفكر في المصاريف .. مع انه اذا بيشتري شي عشانه حتى لو غالي عادي المهم انه ماركة و يعجب الناس .. دايماً يفكر في رأي الناس فيه .. و يحب يسأل انا يوم خطبتج شو قالوا لج عني ..
و يحب يعرف اخبار الناس شو صار معاهم .. منو خطب منو اتزوج منو طلق .. احس مثل سوالف الحريم اللي انا ما احبها ..
طبعاً متردد جداً و ما يعرف يقررعلى شي من نفسه .. لكن لما يسألني عن رأيي و اعطيه اياه مع اني مقتنعه ان رأيي صح هو مايقتنع لكن اذا سمع نفس رأيي من حد من اخوانه ..طبعاً هو لازم يسأل الكلللل .. بعدين يقتنع ..
و اخوانه كريم معاهم على حسابي .. ما اعرف كيف اوضح له أنه الحين لازم أنا أكون عنده أولوية و يهتم في انا و عياله قبل أهله .. ؟! لأن في موضوع صاير حالياً و مفضل اخوانه علي مع انه شي من حقي .. لكن مجرد ما اتكلم كلمة في الموضوع يعصب و يقول انتي مالج شغل بيني و بين اخواني ..

حبيبتي انت تسألين وتجيبين على نفسك في كل مرة
وانت تعرفين صفات الجنوبي جيدا لكن الفرق أنك لا تعرفين كيف تتعاملين معه
انت اتخذي من مبدأه رد عليه
مثل النقود التي يصرفها من اجل التباهي والمديح
انت اطلبيها بنفس المبدأ انه كيف سيراك الناس وانك زوجة فلان الفلاني
ولا تتكلمي انه حق ويجب ان تصرف علي ومن هذه الحقائق التي تغضب الرجال بمختلف انماطهم
هكذا يعتبرونها مسألة تحدي
الرجل لا يأتي الا بالضعف واللين هكذا تكمن قوة المرأة بالكيد والدهاء تنفذ مطالبها بهدوء وبطئ

كيفكم زوجات الحساس راح اتكلم عن زوجي يمكن تقدرون تساعدوني ​

زوجي جنوبي غربي بيتوتي حتى له اصحاب من زمان وقطع عنهم مايروح معاهم الا نادر اغلب وقته في البيت
يحب العطور الخفيف وخاصه عطر الياسمين يحب البيجامات القطنيه وخاصه البرمودا اكثر من مره يقول مااحب ملابس النوم الخفيفه والكاشفه يحب التحسيس على الجسم واللمسه الحانيه كمان الاحظ عليه يحب اللعب احيانا يلعب مع بنته ويجري في البيت وهو ماشاء الله عليه سمين وزنه 140 كسول درجه اولا باااااااااااااااااااارد بس اذا عصب لاتوقفين قدامه اسكت لين يهدأ دايم يقول لو عندي فلوس تفتح بيتين تزوجت الثانيه ويقول انه يحب النساء
مايحب اقول له اخوانك ليه تعطيهم السياره او ليه ماتطلب منهم فلوس النت وغيره يقول لاتدخلين بين اخوانه المشكله
انه تأثر في الميزانيه وانا اتضرر صرت مااتدخل بينهم تعامله مع بنته مدلعها مره انا حاره اكثر منه وصارمه هو لا حتى الاحظ عليها الله يحفظها لي تحب ابوها اكثر مني واذا زعل عليها وصارخ عليها تبكي بحرقه انا اضربها اصارخ عليها ماتهتم عادي يحب الرحلات الجماعيه أكثر من يوم اروح انا وياه لوحدنا نادر مانخرج لوحدنا اغلب شئ مع خاله وصديقة عمري
الحمدلله انا وياه حياتنا مبنيه على الصراحه ولله الحمداعطيه حقوقه على اكمل وجهه بإعترافه لي
بالرغم هذا كله مدام مرتاح معاي وهو مو مقصر معاي ومايحب يشوفني زعلانه او متضايقه ايش سبب كلامه مع البنات في الماسن والجوال كيف حساس ومايفكر في ان الموضوع ذا يزعلني ويجرحني ودايم اواجهه والمصيبه ماادري كيف يقنعني ويخرج منها احيانا احاول اتغاضى واقول يابنت ركزي على الاشياء الحلوه اللي فيه هو حبوب وطيب لأبعد حد أحس الجنوبي فيه تناقض خاصه الغربي ​

مع العلم انا جنوبيه شرقيه اعتذر على اني طولت بس حبيت اكتب بشكل مفصل لأني اول مره اكتب عنه يمكن تفهمون شخصيته معاي واقدر أكسبه ​

لكم فائق شكري وتقديري​

هو حساس مع نفسه أكثر
لكن هو مع الناس أخف حساسية قد تكون عادية لكنه يتحسس وينجرح لو كان الكلام موجه له هو
وبالنسبة للجنوغربي يقلب الطاولة عليك اكثر من الجنوشرقي لبراعته ومرونته
لذا يبدو متناقض حسب الحاجه والدافع لكي يتناقض مع نفسه

عزيزتي المهاجره زوجي جنوبي يفتقد لصفة القناعه فما هو الحل حاولت بشتى الطرق وجميع الطرق دون فائده""ارشديني جزاك الله خيراا

ياسمينه الصفه هذه متأصلة في النمط الجنوبي
فهو يحس ان الدنيا لم تنصفه وانه يستحق أفضل من ذلك حتى لو كان الوضع غير ما يقول
دائما يأخذ الافضل ويختار الأفضل ومع ذلك يقيمه بأنه لو كان فيه كذا وكذا لكان افضل
لكننا نذكر له من هو اقل منه ليقتنع فلا يرى من هو اعلى منه

الله يرد عنك كل شر يالمهاجره مثل مارديتي علي 00
زوجي الجنوبي دائمآ يسالني اسأله مادري من وين تخطر على باله ولا ادري وش ارد عليه من الاستغراب
مثل انه يسألني (لك تجارب حب سابقه )مع انه يعرف وش معدني الداخلي فمادري هل هو يمزح بسؤاله او جاد
وقيسي على هالسؤال وحوليه00 امممممممممم تذكرت سؤال ثاني يقولي ما قد مرة احد ضايقك بالسوق 00قولي لي لا تخافين!!!!!! رديت عليه قلت له اللي تحط في باله بتنتبه لمضايقاتهم انا طالعه لحاجاتي وبس
شو رايكم انتم تمر عليكم هالاسئله؟؟؟؟

ياليت إنها أسئلة مباشرة...كان ممكن أرد عليه وأوقفه عند حده...لكن يقولي تلميحات!!!!!!!!!!!

يلمح لي بالأشياء اللي ذكرتيها مع تلميحات إنه يشك فيني ويفسر أي حركة أسويها بما يدعم فكرة تلميحاته....المهم لما واجهته باللي كان يلمح له..........تدرين وش رد علي؟؟؟؟؟؟؟؟؟ أنا ماقلت كذا أنت عقلك اللي يفسرلك هذا التفكير أحلفي إني تكلمت وقلت كذا!!!!!!!!!!!!!

أنا أسكت لأنه بصراحة لم يعطينيها كاش فقط تلميح ورؤس أقلام ويمسك على كل شيء ويحقق معي
تخيلي مثل ماذا؟؟؟؟مره جاني وأنا أستحم في غير الوقت المعتاد وهاتك ياتحقيق وكأنه يشك فيني لم يقلها صراحة ولكن أي إمرأة في مكاني بتفهم...بالرغم إني أعرف إنه في قرارة نفسه يثق فيني ثقة تامة أكثر من نفسه............لكن ماتفسير هذه الشيء ليه يسوي كذا وش قصده وغايته ؟؟؟؟؟؟؟؟؟؟؟؟؟؟هو كان يجرحني بالتصرف هذا لكن ألحين أن مطنشة أي تصرف منه

نعم لانه خيااااااالي
وليس شرطا عنك فاحيانا يتكلم عن امرأه تسير في الشارع أو رجل
وكأنه يعرفهم لظنونه
واذا اعدت عليه السؤال ينحرج كيف سأله ثم يقلب الطاولة ويراوغ كعادته
الحل اضحكي عليه ومازحيه ولا تخلي في بالك

اخ اخ اخ اخ اخ اخ اخ اخ اخ اخ ​

من الجنوبي
يعني ما ورانا شي بالهدنيا غير هالجنوبي والله حاااااااااااااااااله
مهاجرتي الغاليه
ذكرت لك فيما سبق انه الحمدلله اتحسن معايا وانا كمان بكل امانه اتغيرت معاه كثييييييييييييييييير
والاسبوع هذا بالذات هو ذكرى زواجنا يعني الدلع وااااااااااااااااااااااااااصل حده على الاخر
لكن اتفاجئت به واحنا في جلسه صافيه بعد ان اخبرته ان ايام زمان كانت جدا حلوة ورومانسيه
وياريت نرجعها واحسن كمان مع وجود اولادنا في حياتنا سوف تزداد الحياة جمالا وبهاء لانهم بصحه جيد وعافيه وهذا فضل من الله ...
فقال: لا طبعا ايام زمان اول زواجنا مررررررررة كانت حلوة وكنت معاك على طبيعتي كنا نفعل ... ونفعل ...احنا في قمة فرحنا وبكل طبيعتنا
قلت : طيب نفعل ما كنا نفعله واكثر كمان
قال: لا انا اللحين مو مثل اول انا الصراحه كثير في امور اتصنع معاك فيها وما اكون على طبيعتي معاك
الصراحه ذهلت من كلامه وقلت مثل ايش
قال بيعدلها الاخ: لا بس لما احس انه في مو ضوع يبغى يزعلك انا اتصنع فيه علشان ما تزعلي مني
مع اني متاكدة انه كاااااااااااااااااااااااااااااااااااااااذب............ ما ادري ليش؟؟؟؟؟؟؟؟؟؟؟؟؟؟؟؟؟؟؟​

فمارايك؟؟؟​

غير كده الصراحه ينظر لي على اني انسانه حقوده على الناس ... وراعية مشاكل مع الكل .... امس في الليل قالها صراحة ليا ... والله جلست ابكي للصباح من القهر ..هل هذه هدية عيد زواجي .؟؟؟؟؟؟؟؟؟؟..​

ارسلتله رساله اليوم الصباح اخبرته فيها انني لم اكن انتظر منه هذه الهديه بل على العكس كنت انتظر منك يارزوجي ان تعالج نفسيتي من الاثار السيئه التي تركتها الايام وانا بعيده عن اطفالي وحرومه منهم او حتى من سماع اصواتهم في الهاتف
انتظر منك ان تراعيني بعد ان شهر( بضم الشين) بي عند الناس اني عصبيه واني ذات صوت عال ولم اخذ حقي في الدفاع عن نفسي​

وختمتها
كل عام واحنا واطفالنا في بيت واحد ومع بعض​

وشكرا لك​

ارجوك احتاج لسماع رايك بك صراحه حتى لجعلتيني ابكي مو ازعل ليس مهم عندي الا ان اتغير للافضل
والله لا اريد الا ان اكمل مسيرة حياتي معاه وع شموع حياتي الثلاثه ​

وبس ​

التصنع معه حق وانت ايضا ألا تتصنعين
الآن كل يوم تدخلين ملف الجنوبي لكي تتصنعي الرد الذي يعجبه وتتصنعي الحركات وتلبسي الذي يعجبه
كله من اجل ان لا تضايقيه وتكوني معشوقته
وهو كذلك مثلك يتصنع من اجل عدم احراجك وعدم جرحك
ولكن حديثه عن انك حقوده هذا الذي يجرح
لانه يقتنع بكلام أهله
فالمفروض انك تحدثيه عن قناعتك به ولا اسمع من الناس
وتسأليه رأيه وما هي الادلة والشواهد على هذه الصفه

انا دخلت هنا عشان المهاجره ابي اقول لك كلام بقبلي..
والله والله ادعي لك دائما انتي اول 1ماعرفني بالانماط واعرفت زوجي واستفدت كثييييييييييير ولله الحمد
ورديتي على بموضوع مشكله لي
الله لايحرمك الاجر يار ب العالمين ويسخر لك ويوفقك دنيا واخرهـ
وردك علي مووضعي نسخته بجوالي بعد ودائما اقراه
الله يوفقك ويسخر لك ياحبيبتي هذا كلامك فديت قلبكـ

يا بعد عمري ياختي الحلا
انت بنت بلادي وحسيت بهالشئ من أو مشكلة لك وأحب لك الخير مثل أختي
ويفرحني ويسعدني سعادتك والله يسخرلنا و لك ازواجنا وييسر امورنا
ولا يكلنا الى انفسنا طرفة عين وبنات المسلمين أجمعين

اهلييييييييييين ياحلوين​

كيفكم واش اخباركم
والله وحشتوني
هادا الكلام كله كتبتوه وانا مسافره​

يلا الله يهدي سركم ويحنن قلب ازواجكم عليكم وعلى جميع بنات المسلمين​

الحمدلله ع سلامتك حبيبتي ان شاءالله انبسطتي وآمين ع الدعاء

والله انج شجعتيني يالمهاجرة الله يجزاج خير
عندي سؤال لج أنتي من أي دولة
والشي الثاني أنا خاطري والله اتغيروابي اعوضه عن اللي كان يدوره برى لأنه هو قالي انتي ما تمدحين وماقوله كلام حلو وايد ويبي يشوف هالشي مني وانا اصلا ماقعد امدحه طول الوقت واقوله اشياء بسيطة احس ماعرف وايد او ما اتجرء اقولها وحتى لوحطيت في بالي اني اقوله او اسويله شي يوم يومين وبعدين ارجع نفس قبل مادري ليش
واللي لاحظته من المسجات بينه وبين البنات كلها شوق وحب وانه يقولون له انت وسيم وجسمك حلو عاد هو يتشقق وكل مرة يحب وينطر منهم شي وبعد وحده تكتبله في المسج (يالسكسي) والله انا استحي اقوله هالكلمه وانا مب جريئة واستحي
انا كنت اقول قبل مابي اقوله شي امدحه عشان مايشوف نفسه علي بس اكتشفت العكس اذا قلتله يستانس وكأن هالشي يغذيه
أنا ودي اتغير واقوله كلمات اكثر واكثر جرأة واتدلع وأخليه يتقرب مني أكثر بس أحس بصعوبة لأني مب متعودة وهو ماتعود مني هالشي
أنا الحين الصراحة مركزة على عمري وقمت امتع نفسي براتبي عقب اللي صار معاه خلاني انتبه على وايد اشياء انا كنت غافلة عنها
وشي ثاني انا خايفة انه يرجع للخيانه مرة ثانية كله افكر انه بيستغفلني ويسوي اشياء من وراي
(والله يالمهاجرة احس لقيت حد يفهمني ويوجهني للطريق الصح الله لايحرمنا منج)

والله يالمجروحة اذا بتستحين ليه متزوجة
ما فيه حواجز ابدا بين الزوجين والا ما فكر الزوج بالارتباط
والكلمات التي قلتيها هي بالفعل اكثر الكلمات تداولا بين الخائنين والعشيقات
أكثر من عضوة قالت لي انهن يرددنها عليه ويمدحن جسمه
وأنا أشد على يديك بالانطلاق بلا نهائيه وبدون حياء مع زوج خائن فلا ينفع الحياء معهم
لا بكلمات ولا بليالي جريئة وطرق مبتكره وان شاء الله سأقف بنفسي على موضوع كهذا
واختك في الله سعودية

السلااااام​

وربي تعبت نفسي اطلع نمط زوجي وشخصيته بس ما عرفت ​

اتشتت واتخربط فيه اشياء كثير من الجنوبيين ومن الشماليين ​

هل حسيتوا مثلي !!؟؟​

او شخصيات ازواجكم واضحه عندكم!!؟؟​

هل الظروف الاجتماعيه السفر والغربه تغير من الصفات الشخصيه !!؟؟؟؟؟​

الله يجزاكم بالخير من عندها استعداد تدلني كيف اطلع النمط تبع زوجي؟؟​

نفسي ابدا التغيير وابي أختصره واعرف الاشياء اللي يحبها زوجي
دايما اقول زوجي جنوبي
بس لما قريت البوصلة الشخصيه تبع الاستاذه ناعمه احس تشوشت افكاري
زوجي طموح والدليل سفره للدراسه
بس في نفس الوقت اجتماعي وله الكثير من المعارف والاصدقاء​

اللي انا متأكده منه ان حنا الاثنين غربيين
احيانا اقول اني شماليه بس اللي حولي يقولون مستحيل انت تحبين
الكسل والجلوس على الانترنت او قراية كتاب
بس انا نشيطه اذا بديت في شغل البيت واصلح كذا شغل في وقت واحد !!!​

هل كوني إمرأه زوجه وأم يغير من الامور!!!؟؟​

ما تقصرون​

عزيزتي أنت مشتته لانك تختارين احدى صفاته في وقت الغضب وهذا خطأ
فالمفروض أن تركزي عليه وقت أن يكون على طبيعته التقليديه وغير مضغوط
وقد يكون ماسياً يحمل من كل نمط يعض الصفات الحسنة
وهل دخلتي هذا الرابط
态 الأنماط بطريقة ناعمتنا 00ولكن أختياري بــ40ـــ جملة 态

مشكورة يالمهاجرة على جواب درس الأهل ويعطيك العافي
وفي إنتظار الدرس القادم


بسألك عن التوقيع المعتمد في ملف الجنوبي من اللي سواه أنا نسيت ماتذكرها بس أحس إنها شمالية أقرب منها شرقية من شكل التوقيع
اللي أقصده من سؤالي (أجرب نفسي هل صرت أفهم في البوصلة؟!!!! لأني صرت إستشارية للي حولي....يعني نصايح خفيفة أثبتت فعاليتها ولله الحمد


لازم تردين علي لو سمحتي.......

أنت صح واعتمدي نجاح خبرتك
لان فعلا التطبيق على من حولك ينعش معلوماتك وتحفظي من دون الرجوع لموضوع الانماط
مصممة التوقيع
هي حبيبتي Miss sensitive شمالية شرقية وظهر ذلك على اللون وتركيزها ع الهدف والاحساس بالتوقيع

مشكلتي اخت زوجي اللي تتحكم في زوجي بريموت كونترول وهو يفضلها ويعاملها كأنها هي الزوجه مش انا ؟

يعني بعد ماعرفت الموقع اكتشفت انها تتعامل معاه بكل مايغري الجنوبي والله مع انه شخصيتها غير مع الناس بس اذا دخل شوفوها تتحول انسانه اخرى ولا يصدقني فيها تكذب وتفتن بيني وبينه والاخير هي صح وانا خطا ايش اسوي صرت احس انها هي زوجته مش انا من قد ما هي مسيطره عليه مستحيل يقوللها ثلث الثلاثة كم اسعفوني صارت ضرتي .. علا قد ما حاولت اكسبها بكل الطرق اللي ممكن تطرى على البال بس مافيه فايده لدرجة انها تحاول تشككه فيني في شخصيتي في كل شي ترى انا بانفجرمنها

يجب أن تحطمي تمثال اخته داخله دون مسهما بضرر
ايقضي الصفات الحسنة لدى زوجك بذكرها
ليعتمد على نفسه ويتوقف من الاعتماد على قرارات من حوله
وأنه سيحب نتائج القرارات اذا كانت من اختياره او من اختيار شريكة حياته
مثلا قولي له رأي أختك جميل ولكن رأيك أكثر حكمة ورؤيتك من زاوية أخرى تعجبني
وأختك رأيها ناتج عن زاوية أخرى لم تدرس كل النواحي مثلك ومثلي لاننا زوجان متفاهمان
ولا تجعل أختك تأخذ فكرة عنك بأنك معتمد عليها ولا تتخذ قراراتك لانك لا تجيد هذا الفن

(هل هي متزوجة)؟

 

[نواره99]

يعطييج العاااافيه ابله
ابله لو تبين مساعده ترى احنا حاضرين ^_^

 

[وجد المحبه]

يااااااااااااااااااه عليكم و على سوالفكم تجنن

قرأت صفحتين بس و نفسي اتابع ملفكم و ملف الدروس لكني مضغوطه

و ما اقدر ادخل كل يوم ....

المهاجره
الله يكتب لك الاجر على جهودك معانا و الله يوفقك يارب
و يسهل امورك كلها و يرزقك من حيث لا تحتسبين ,,, امين يارب العالمين
اول شي احس انك من اهل الجنوب بالسعوديه صح؟ و احس شخصيتك جنوبيه شرقيه و لا لا؟

 

[a.almohairby]

اقتباس:

الكاتب : a.almohairby

مرحبا ...بنااات ... المهاااااجره بغييتج شويه ... اريدج اتسااعديني واريد اعرف كيف اتصرف في هذة المشكله احس انه في طفيلياات تبا تدخل في حيااتي انا وزوجي ...

احس انه في علاقه بين زوجي وبنت خالته وهي معرسه ..ومره شفت مسج هو مطرشنها..انتي قطعه من قلبي وروحي ؟؟ المهم .. وسكت ما تنافشت معاه لان كانت فتره موب مناسبه ...

من أسبوع فتشت في تيلفونه ..لقيت انها مطرشتله اذا عندك تيلفون البلاك بيري هذا رقمي سولي ادد ..((مثل المسنجر ))... ولللعلم يوم اقوله ابغي من هذا التيلفون يقوولي هذا لشغل .. وكل صديقاتي عندهم مثله.

من يومين الفليل كله يقولي انا ما فيه رقاد ويشوف تلفزيون ويكمل 1 على التيلفون كله مسجات وهو على باله اني راقده ... البارحه قتله اني متضايقه من هزت التيلفون خله بعيد عن الشبريه ..

المهاجره ساعديني شو اسوي ؟؟

كيف تسكتين على هذه العلاقة
يجب أن تحليها بعيدا عن زوجك
يجب أن تكلمي أخاها حتى لا تدمري حياتها
وأخبري أخاها بأنك إذا لم يتصرف مع أخته ستخبري زوجها بموضوعها مع زوجك
هذا هو الحل الاسلم والسريع
وإذا كنت خائفة من مكالمة اخاها وصي أخوك أنت يكلم أخاها
هنا سيكون الوقع اشد عليهم - فضيحة فلن يسكت الأخ على أخته وسيخاف على عش أخته أيضا-
>>>

مشكوره المهاجره .. على الرد ... همه عايله متفككه والاخو ما يكلم اخته .. وهيه تقريبن منعزله بس مرتبطه بخالتها ... يعني اكلم خاتلها بدل اخوها ؟؟ ولا اكلمها انا شخصيا .. معنه اعرف نها بتخبر زوجي على طول