زوجي العزوبي؟؟؟؟؟؟

[نواره99]

نواره 99 فهمت وبجرب ان شاء الله
لاني حاليا شغاله على المكتبي والمحمول شاله معه في الغرفه
المكتبي خربان يعني ادخل لللمنتدى من موزيلا فاير فوكس

خلاص ابدي من بكره بس اهم شي انه مايكون موجود ومايعرف :icon30:

 

[جراده شياكه]

ان شاء الله ابدا

 

[بنت الرياني]

هلا اخت جراده قريت مشكلتك والله يعينك ويصبرك

بقولك راي يمكن الغلط منك انتي في البدايه لانه تعود يجلس في غرفه لوحده على النت طيب لو قلنا يجلس في اوقات

انتي بتكوني نايمه فيها مو مشكله لكن في الاوقات اللي بتكوني صاحيه تخليه لوحده على النت معليش التقصير منك

المفروض تشغلينه في اي شي لو تقدري حتى لو هو جالس على النت اجلسي جنبه وسولفي معاه ما يمنع هالشي

الا اذا شفتيه تهرب منك عاد هذي مشكله ثانيه

دعواتي لك اختي ان الله يكون بعونك

 

[هدهد الشرقيه]

هلا نواره 99 وين هدهد اليوم

اهلين حبيباتي جراده-ونواره
اعذروني كنت مشغوله باوراق عمل وشغلات
للمدرسه بس تابعت الردود الحين
الهيستوري هي المحفوظات!!!!
اذا كانت ممسوحه اول باول معناته ان الحبيب
عنده شي ومخبيه!!!!!!؟؟؟؟؟
وبعدين موشرط ان جواله مفتوح او يعطيك اياه
يعني مافيه شي ؟؟؟؟
كثير من الرجال يكون عندهم جوالات ثانيه
مابي اخرعك بس لازم تفتحين مخك~~
زوجي قبل يومين يقولي اكثر الرجال اللي اعرفهم عندهم جوالات ثانيه؟؟؟؟!!!!!
قلت بقلبي الله يستر منك ياراعي السوابق
عاد انا زوجي غيييييييييييررررررررررررررر
مافيه علاقات على طول يخطب ويملللك
ماعنده وقت ههههههههههههههههههه
فتحي عيونك ياجرجر الرجال مايصد
الا اذا فيه شي مشغله (علاقه-ديون-مشاكل
عمل)
يالا بصحي عيالي للمدرسه لاتروحين
وين نواره برجع بعد شوي ونكمل تكتيك

 

[عذبة أنتي]

السلام عليكم
اختي ممكن انضم لكي زوج صامت مولع بألعاب النت وانا وحيدة في هذا البلد لا طلعات ولا خرجات حتى تلفون ماعندي وبعد مد وجزر لاحت اني انا الخسرانة واحرف دمي واعصابي فصرت ألعب معاه على خفيف واشاركه في وضع خطط الهجوم والدفاع وكل شي ونفسيتي ترتاحت شوية واذا مليت لعبت مع ولدي نتكلم نضحك بصوت عالي فوق راسه وعن الاكل لو تخلي ايام من غير اكل عادي لكن صرت اتفنن باتلطبخ عشان نفسي ماعندي شغالة صرت مهتمة ببيتي لابعد درجة افكر في احلام مستقبلية اتمنى تحقيقها ةاتمن اكون افدتك

 

[جراده شياكه]

مشكوره بنت الرياني على الرد الله يعطيك العافيه

 

[جراده شياكه]

اذا على جلسه النت مفتحه عيوني زين وحريصه جدااااااااااااااا
اغلب جلساته على لعبه ترافيان يطور القرى ابشركم سماوحده من القرى بااسمي الدلع
والله مره جلس على ترافيان 3ساعات لانه عنده اكثر من قريه واعرف الارقام السريه كلها
حقت القرى
ووالشي الثاني منتدى النصر
اما على الجوال من زمان ما طلعت السياره بس ان شاء الله افتشها
واشوف وش المستخبى بس ما اظن عنده جوال ثاني بس اتاكد عشان اتطمن

 

[جراده شياكه]

هلا عذبه انتي هلا وسهلا فيك
تعالي انظمي معي مافي مانع نتخلص ونبحث عن الحلول لازواجنا الصامتون والعزوبين

 

[جراده شياكه]

هلا هدهد هلا يالغلا
يالله اليوم لا تغيبين زي امس تجبين وقت بدل ضايع
هههههههههههه

 

[لمى الحب]

جرادة حبيبتي
ان شاء اللة زوجك ماعنده شي من اللي ببالك لواقلك ماتصدقي عن اللي عندي زوجي ياعمري من اخذته وهو مهموم ولحاله عزوبي كلمته كثثثثثثثثثييييير زي ماقلت لك اذن من طين واذن من عجين دايم يقول غيري والللة منة تزوجته وهو غيري وانا مليت طبعا بنات الحرام ومكالماتهم هدت حياتي من بدري بس اللي يخفف عني انه اعرف انه مايخونني بالفراش مع اني هاليومين احسة تغير واللة اليوم انفجرت فية لاني فعلا احيان ادعي على نفسي بالموت من الوحدة لانه دايم مشغول عملين واذا بالبيت اما جوال ومتابعة العمل على قولة ولى فلم اونت وهذا جديد اللي قاهرني اكثر خواته وحمواتي بنفس البيت بس لمن يتجمعوا ماينادوني واللة دايم احس بالالم من الوحدة واحيان اخاف من اوقع بالغلط وهذا يتكرر بوقت حملي اكثر مع انه مايقصر يطلعني احيان ويوديني وين ماابي ادعي لي

 

[بنوته أموره]

هلا اختي جراده شياكه الاخواات ماشالله عليهم كفووا ووفووا في الرد

وانا بعد من رايي انك تكملين واجباتك كلها على اتم وجهه ولاتخلينه يمسك عليكي ممسك لكن اللي تسويه غير انك تطنشينه يعني تحطينله الغدا وتاكلي معاه بس ماتتكلمي معاه الا اذا هو سالك مهما سوى ومهما فعل طنشيه ولاتعطينه اي رده فعل يكون هو متوقعها منك

صدقيني بعد فتره رح يلاحظ انك مهتمه فيه يعني بواجباته اكله شربه ولبسه وكل شي يبيه وفي نفس الوقت مطنشته لاكلام ولا حنه ولا رنه ولاشي هذا الشي رح يشغله فيكي ورح يدور على السبب اللي خلاكي تغيرين معاملتك معاه

اعتقد هالطريقه تنفع مع العنيدين انا جربتها والحمدالله تنفع ونتيجتها سريعه

الله يكون في عونك...​

 

[جراده شياكه]

شكرااا حبايبي على ردودكم ما قصرتم
اكلمه اذا كلمني اوسالني عن شي واذا على الاكل
اطبخ له لوجه لله راح استمر على التطنيش
خلاص لاني مليت والله الايام هذي يجيني صداع
فضيع الله يعين ويسخر لكل زوجه زوجها ويحببه فيها يارب

 

[أم سعيد 15]

أختي صدقني عليج بسورة البقرة ( قناة المجد على طول شغليع في البيت ) والاحسن دايما شغليه في غرفة النوم
وعليج بالاستغفار والرقية الشرعية

وحاولي تغير روتين حياتج
مثلا الطبخ واللبس والكشخة والكلام
ليش ما تكلمينه انه يرتب جدوله
يعني مرة بالاسبوع يطلع معك ومرة تسيرون السنيما

تقربي من رب العالمين
إن شاء الله بتتسير امروكم

 

[نواره99]

ها بشري ويش سويتي ياكونان:showoff:

 

[ضوء الصباح]

الله يسخر لج زوجج الغاليه

 

[جراده شياكه]

هلا نواره بحثت ماطلع معي شيء الحمدلله
كل شيء من ناحيت الخاينه تمام الحمدلله

 

[Wise Woman]

الله يهدي بالك عزيزتي ..ويسخر لك زوجك يااارب...طيب وش سويتي من نصائح الأخوات؟؟ولقيتي ايجابيه ولا شلون؟؟؟؟

 

[Wise Woman]

الله يسخره لك يارب...بسألك عزيزتي..وش طبقتي من نصائح الأخوات وهل جاب نتيجه ايجابيه اوليه؟؟؟ولا الوضع كما هو؟؟؟

 

[Wise Woman]

ياليل ماطولك اكتب وانا مدري عن نفسي ههههههههههههه

 

[نواره99]

هلا نواره بحثت ماطلع معي شيء الحمدلله
كل شيء من ناحيت الخاينه تمام الحمدلله

الحمدلله
اوكي نجي للخطه الثانيه:showoff:
يوم جهزي العشى وجهزي البيت بالورد يعني سوي ليله رومانسيه والبسي له
شفتيه ع النت قوليله حبيبي ممكن شوي اخذ من وقتك شوي خمس دقايق وارجع للنت
وقوليله حبيبي حاستك وايد تقعد ع النت وماتقعد معاي ومع الاولاد ترى احناا مشتاقين لك انا مااقول لا تقعد بس خصص لنا يوم نطلع ونستانس وننبسط مع اليهال ودايما خلي اليهال في السالفه عشان ينكسر خاطره عليهم
طبعا بدلع اهم شي الدلع والابتسامه العريضه:shiny:
امم قوليله ممكن طلب ثاني ياعيوني اذا حطيت الغدا او العشا نبيك تتعشى معانا لاني مااشتهي وانت مو ويانا ع نفس الطاوله يعني حاولي تكلمينه بهدوووء واسلووووب مقنع
جربي هالخطه ان شاء الله تنفع