تجمع للزوجات الكسولات

  • بادئ الموضوع بادئ الموضوع السهم
  • تاريخ البدء تاريخ البدء
الحالة
مغلق و غير مفتوح للمزيد من الردود.
مرحبااااااااااااااا ملكات الكسل <<<انشاء الله يتغير اللقب الي ملكات النشاط والحيويه

أنا عضوه جديده معاكم <<< عشان تعرفون قمه الكسل اللي فيني توني مكتشفه الموضوع شفتو شلون انا كسوووله حتي في عالم النت متاخره ههههههههههههههههههههههه


ماقريت الموضوع كله ....ماشاء الله وايد صفحات فيه بس قرأت لقطات وصحفات عشوائيه منه
حسيت خلال قراتي للموضوع اني مب الوحيده في هالوضع بل هناك عالم من الكسولات مثلي وهالشي حمسني اشارك معاكم لعلي اجد حل لهذه المشكله اللي اعاني منها


في البدايه بعرفكم بنفسي لكي انضم معكم في القائمه ^_^

معاكم أمل منسي
مستواي التعليمي : ماستر ولله الحمد
الدورات : لاتعد من دورات (كمبيوتر +لغات+مهارات+محادثات+تجميل+فن...الخ)
ومانسي الاعمال التطوعيه اللي شاركت فيها

راح تتسالون وين الكسل وكل هالنشاط والتطوع
بقول لك : انا نشيطه بشغلي وبحياتي الاجتماعيه بس ... اما في مايخص البيت واعمال البيت فانا بنت كسووووووله فيها ... ماعرف شي في اشغال البيت لا اغسل ولا اكوي ولا اطبخ ولا شي (أحراج صح ..؟؟)

وانا اقري الموضوع ومشاركت العضوات قعدت افكر شنو سبب هالكسل..؟؟
والله العظيم ان هالموضوع فتح عيني على نقطه انا كنت اتجاهلها ,,, ماكنت احس اني كسوووله بس قراتي للموضوع حسستني اني منكم واني مثلكم لان تصرفاتي هي تصرفاتكم بنفس الروتين والكسل بس ماعرف ليش ماكنت اعتبر نفسي كسوووله ههههههههههههههههههه

وانا اقري الموضوع فكرت شنو السبب اللي خلاني اكون كسوله في متطلبات البيت مع اني نشيطه عمليا يعني في شغلي وفي اعمال التطوع

اكتشفت الحياه الاولي هي السبب !!
الحياه الاولي اقصد بها قبل الزواج حياه البنت في بيت اهلها...

أنا انولد في بيت ماطلب مني يوم ان ادخل المطبخ او ان اغسل او انظف الغرف .. والله العظيم اني لحد الان ماعرف اشغل غساله ولا اعرف اغسل ملابس !!!<<للاسف اني اكتب هالجمله وانا مستحيه من نفسي

أمي شجعتني على التعليم وحمستني على اني اشارك واتطوع واعطي كثر ماقدر عشان يكون لي دور فعال في المجتمع ونست اهم جانب للبنت هو اشلون تتعلم تكون ربة بيت ممتازه !!!

ويوم تزوجت عملتني اشلون اتعامل مع ريلي واشلون احافظ علي حياتي الزوجيه...

وانا الحين صار لي سنتين من تزوجت وخلال هالفتره انا كنت صج زوجه مدلعه ومدلـلة ...
ارقد وماقوم الا قبل شغلي بساعه
(في بداية زواجي كنت اقوم عشان اوقظ زوجي بس هو مره قال لي مايحتاى تعبين نفسي وتقوم توقظيني خلج مرتاحه انا بقوم بنفسي ... عاد انا ماصدقت خبر من بعهاا ماقمت ههههههههههههههههههههههه)


فصرت اقوم قبل موعد شغلي بساعه اجهز واطلع للشغل وبعدها على طوووول بيت هلي اقعد عندهم لين اخر الليل وساعات اطلع اتسوق او زيارات بس بعد اكون برع بيتي لين اخر الليل ومارجع الا اخر الليل لنووووووووووووووم هشكل يكون كل يوم مثل للي قبله.. ساعات نادره ارجع بيتي بعد الشغل

غير الويك اند اللي اقعد في البيت مع ريلي بس بعد ماطبخ ولا شي كل الوجبات تكون جاهزه بس كل اللي اسويه اني انسق الاكل وارتبه واقدمه للريل المصووون وناكل مع بعض هههههههههههههههههه

اما غسيل ماغسل ولا انظف ولا اطبخ ولا اسوي اي شي في البيت <<<راعيه بيت بس اسم ههههههههههههه
كل من الخدم له دوره وكلن يعرف شيسوي من ترتيب وتنظيف وطبخ وغيره


بس صج يوم قريت هالموضوع حسيت اني مب زوجه مثاليه :(
وحسيت اني فعلا كسووووله
وتمنيت لو اني اكون نشيطه اقعد من الصبح واجهز الريوق حق ريلي واعدل البيت واطبخ واسوي كل شي
بس اتوقع اني ماقدر لان كل هالاشياء انا عمري ماسويتها فصعبه اني اسويها

:( هل انا فعلا كسووووله
ماسوي شي من اعمال البيت ..؟؟ ولا ارتب اغراض ريلي ولا اجهز له ريوقه ولا ملابسه ولا شي
بس صدقوني ان كل شي يكون جاهزه يعني ملابسه جاهزه اكله جاهزه بس طبعا مب انا اللي مجهزتها

هالشي حسسني بالكسل واني كسوله..؟؟



ملاحظه : هااي اول رد لي في المنتدي ... كنت دايما اكتفي بالقراه من كثر الكسل ماكنت ارد على اي موضوع
بس فعلا هالموضوع شد انتباهي وحبيت اشارك معاكم لاني فعلا بحاجه لتغير
اتمني تساعدوني واساعدكم
^_^ اختكم امل منسي
 
هلا

انا كسوله صح
بس ابداً مو مهمله بيتي
اطبخ وانظف واحب اشوف الترتيب اصلاً لو قمت وشفت البيت مو مرتب احس تجيني ضيقه

صح اني اقوم وانا متعيجزة وبعد تفكير هههههههههه لكن لو قمت قمت

الغداء جاهز وانا متعدله

بس تعالي لو جيت عند اهلي زياره اقعد بالبجامه الى اجل غير مسمى
ارتب صج واطبح لكن مو مثل مااكون في بيتي

الحمدالله مااحسس زوجي اني كسوله ابد

اكره الطلعات لأن فيها استشوار وميك اب ولبس وكوي
وانا مااحب كذا

كسوله ايه ولاحد يكلفني بأي مهمه ماعندي استعداد ارتبط بشغل معين
او احد يقولي الساعه الفلانية غسلي ثوبي او خيطي امووووووت من الهم
واحس شيء على قلبي
لكن لو قمت انتهى هالثقل

ياربي ودي اخذ من الشماليات النشاط والهمه

الف شكر ياعسل على الموضوع

اذكر اني قريت موضوعك من زماااااااااااااان بس الكسل ذابحني ارد ههههههه
 
يكفي شغلك ونشاطاتك مع الأعمال التطوعيه عشان تعرفين انك مو كسوله يمكن كسوله شي بسيط بس بشي مهم ألاى وهو ان يكون لك دور فعال في بيت زوجك00 مثلا إذا ما حطيتي ملابس زوجك في الكبت (دولابه)والخدامه مجهزتهم بس مواهي الي تدخلهم الكبت هني درج بيسإلج عنها وإذا ماكنتي موجوده بيحتاس وين بيلقاها ووده انج موجوده عشان يختصر على نفسه بلا مايروح الخدامه ويسألها وزين بابا وترجع تجيبهم ويشف اللي يبي من هدومه وهكذا (مثل بسيط )بس عشان تعرفين مقصدي السالفه موبقصة نشاط (هالشي بس للي ماعندهم خدم عشان ماتتكود الأمور وتتراكم على روسهم )القصه اهي دورج في حياة زوجج انتي مهمه يحتاجج (خلي سالفة العلاقه الخاصه )يدور عليج ولا وجود الخدم كافي وأموره مدبره برعاية هالخدم 000 على فكره كله حسب تربية ونشأة الزوج بعضهم عنده خدم بس يحب تكن زوجته مهتمه فيه تجهزله الأكل (موتطبخ عشان ريحتها اتم حلوه)يقعد يلقاها قاعده قبله 000 تجيب الماي العصير 000 مثل أي زوجه محبه وصدقيني حبيبتي الأزواج أحيانا ماتهمه هالنقطه إذا كان مشغول أوعايش مع زوجته في بيت اهله 00 بس من أول خلاف تطلع عيوبها إللي اهو نفسه ما كان يعتبرها عيوب 00000 شوفي عزيزتي الشغل التطوعي عمل إنساني بس في شي إسمه أولويات وأولها نفسييييييييييييييييييييييييييييييييييييي000 ومنثم الباقي وبجدولج اللي ذكرتيها طالعه من البيت داشه من البيت إنتي مو كسوله إنتي عمليه والأنوثه تبي تفاصيل التفاصيل يالله المره الجايه أبيج تكتبين عالأقل ان إهو اللي يجيبج من بيت أهلج مايصبر على فراق ملكة بيتة ياأمل منسي انشا الله مو منسي عند ريلج (هذا الكلام لكل الكسولات اللي عندهم خدم )أما اللي ماعندهم خدم لازم جدول لازم جدول لااااااااااااااااااااااااااااااااااااازم تسوي جدول وبكتبها لي باجر 00000 وإذا قدرت بكتبلكم جدولي أيام الكرف (يارب لك الحمد على رزقك سخرت لي ابو العيال يجيب خدامه أول الايام أحسن انب بحلم مومصدقه ) ونا على فكره مثل الإخت اللي إذا مافي حلى ماتسوي قهوه يعني عقد 0000 هذا إذا اسمحتلي صاحبة الموضوع السهم 000​
 
وااااااااااااااااي فديتج (مشتاقه لريلي) ... صج صج رفعتى معنوياتي وااااايد
وأنا من أمس من قريت هالموضوع وأنا افكر هل أنا كسوله ومقصره لانى ماسوي نفس الاشياء اللي تسويها كل ربه بيت..؟؟وكل زوجه لريلها..؟؟

صج أنى نشيطه وأكون بكامل نشاطى في الشغل وفي أي عمل تطوعي (والله الشاهد انى ماقول هالشي كنوع من الافتخار بس انا تربيت على هالطريقه انى لازم اكون مجتهده في الشغل كثر ماقدر )

اما بخصوص دوري في بيت ريلي... فاللاسف ان دوري بسيط جدا جدا جدا يكون بس في (ترتيب ملابسه في الكبت +نادرا جدا جدا اجهز له الاكل وكالعاده مب انا اللي مسويه الاكل بس اجهزه واقدمه له)
وهالشي بسبب انى ماكون موجوده في البيت طلعتى من البيت تكون من الصبح على الشغل وبعدها على بيت هلي والعصر اما زياره او تسوق او اي مشوار اقضيه وارجع بيتي فليل يكون زوجي متغدي برع وساعات يتعشي برع واذا ماتعشي برع اساله اذا يبي شي بس دايما يقول لا تعبين نفسج بطلب لي من المطعم وفعلا يطلب له اكل
(هو يقول هالشي لانه يعرف انى ماعرف اطبخ ولا اعرف حتى اشغل الفرن فما يحب بحرجنى وهو يدري ان الخدم يكونون نايمين)

والله ان قلبي معورني لانى توني منتبهه على هالنقطه ... حياه زوجيه دامت سنتين توني مركزه ان دوري بس محصور بين ترتيب ملابس وأحيانا اجهز لريلي اكله وياريت لو ان انا اللي مسويته بعد :(

أنا معاج وأأيدج أن العمل التطوعي عمل انساني ومب من اولوياتى بس شتقولين اذا انى تربيت على هالشي انى اتطوع في اي شي اقدر عليه وانا استمتع بهالشي بس صدقيني انى اقدر اتخلي عن العمل التطوعي في سبيل انى اكون زوجه مثاليه تقوم بأولويات ريلها وأولويات بيتها
بس اتوقع انى بفشل لانى ماعرف اسوي اي شي في امور البيت

مشكوووره مشتاقه على ردج لي
انا بنتظر جدولج ابي اشوفه اشلون يمكن استفيد منه
وبحاول اسوي اللي اقدر عليه بس مو وعد لانى ماعرف في امور البيت :(
 
مراااااااااااااااااحب يانشيطات

لي فترة ادخل الموضوع بس من الكسل ماارد
المهم انا الحمدلله بديت اتسنع والبيت نظيف والمطبخ وكل شي بس اني اغصب نفسيييي غصصصصصصصصب على الشغل ولا هو اثقل من الهم على قلبي احب النظافة بس ماودي ولا احب اشتغل

مشكلتي انا اهتم بنظافة البيت والمطبخ لكن عندي ملابس الشتاء والصيف اللي فات مابعد فرزتها وطلعت اللي ماابيه وعندي جزم الله يكرمكم اغلب الملابس زينه ومو مكروفة ماادري اخزتها ولا اطلعها للجمعية

ودي ارمي كل شي زايد بالبيت بس بعضها حرام مااستعملت لكن تجمع غبار وحوسة وانا مالي نفس تمسيح ولاتنظيف

زوجي عكسي تماما يحب الزوجة السنعة والنظيفة واللي تعرف تطبخ وتشيل وتحط وتكون هي بعد كشخة ونظييفة بس ربي بلاه بوحده كسووولة ودي ادور حللللل لكل شي

ياليت وحدة تنزلنا جدول يومي سهل
وياليت كل يوم ندخل نقول وش سوينا وطبخنا علشان نتشجع
 
أمل منسي قال:
وااااااااااااااااي فديتج (مشتاقه لريلي) ... صج صج رفعتى معنوياتي وااااايد
وأنا من أمس من قريت هالموضوع وأنا افكر هل أنا كسوله ومقصره لانى ماسوي نفس الاشياء اللي تسويها كل ربه بيت..؟؟وكل زوجه لريلها..؟؟

صج أنى نشيطه وأكون بكامل نشاطى في الشغل وفي أي عمل تطوعي (والله الشاهد انى ماقول هالشي كنوع من الافتخار بس انا تربيت على هالطريقه انى لازم اكون مجتهده في الشغل كثر ماقدر )

اما بخصوص دوري في بيت ريلي... فاللاسف ان دوري بسيط جدا جدا جدا يكون بس في (ترتيب ملابسه في الكبت +نادرا جدا جدا اجهز له الاكل وكالعاده مب انا اللي مسويه الاكل بس اجهزه واقدمه له)
وهالشي بسبب انى ماكون موجوده في البيت طلعتى من البيت تكون من الصبح على الشغل وبعدها على بيت هلي والعصر اما زياره او تسوق او اي مشوار اقضيه وارجع بيتي فليل يكون زوجي متغدي برع وساعات يتعشي برع واذا ماتعشي برع اساله اذا يبي شي بس دايما يقول لا تعبين نفسج بطلب لي من المطعم وفعلا يطلب له اكل
(هو يقول هالشي لانه يعرف انى ماعرف اطبخ ولا اعرف حتى اشغل الفرن فما يحب بحرجنى وهو يدري ان الخدم يكونون نايمين)

والله ان قلبي معورني لانى توني منتبهه على هالنقطه ... حياه زوجيه دامت سنتين توني مركزه ان دوري بس محصور بين ترتيب ملابس وأحيانا اجهز لريلي اكله وياريت لو ان انا اللي مسويته بعد :(

أنا معاج وأأيدج أن العمل التطوعي عمل انساني ومب من اولوياتى بس شتقولين اذا انى تربيت على هالشي انى اتطوع في اي شي اقدر عليه وانا استمتع بهالشي بس صدقيني انى اقدر اتخلي عن العمل التطوعي في سبيل انى اكون زوجه مثاليه تقوم بأولويات ريلها وأولويات بيتها
بس اتوقع انى بفشل لانى ماعرف اسوي اي شي في امور البيت

مشكوووره مشتاقه على ردج لي
انا بنتظر جدولج ابي اشوفه اشلون يمكن استفيد منه
وبحاول اسوي اللي اقدر عليه بس مو وعد لانى ماعرف في امور البيت :(
أنقر للتوسيع...

حبيبتي لازم تتعلمين وتتعودين على امور البيت وشغله
هالكلام اقوله لنفسي ولك لازم يكون لك بصمة ولمسات بالبيت يعني مو موجودك وعدمه واحد

الحين زوجك ماراح يقول شي بس الله لايقوله لوصارت مشكله او شي راح تبين العيوب ويكبرها وفيه فرق بين وحده مهتمة في بيتها و زوجها ووحده مهمله

انا اقولك هالكلام علشان احمس نفسي واحمسك صدقيني الشغل مو صعب بس فينا كسل

شرايك كل يوم ندخل ونكتب وش سوينا بالبيت وش طبخنا ومنها تتعلمين:bigsmile:
 
شرايك كل يوم ندخل ونكتب وش سوينا بالبيت وش طبخنا ومنها تتعلمين:bigsmile:
أنقر للتوسيع...

واااااي فديتج هبه الرياض
ياريت والله نسوي هالشي انا بخاطري اتعلم
صج هالموضوع فتح عيني على نقطه كنت اتجاهلها
وفعلا ودي اتعلم امور البيت ..
بحاول اخذ اجازه اسبوع وبتعلم امور البيت وبقول لك شنسو سويت وشنو بسوي باذن الله
واتمنى منكم المساعده
 

السلام عليكم ورحمة الله وبركاته...
مـــــــــــــــــــــــــــــــــشكوره أختي السهم على الموضوع الأكثر من رائع :c011::c014:...
حاطه موضوعك بالمفضله من زمان لإني شفت لك رد في أحد المواضيع وفتحت الرابط وعلى طــــــــــــــــــول المفضله لإني أحب أقرا أي موضوع من الأول للأخير:a115::smile:....
وتوني خالصه منه كامل صح متأخره بس راح أكتب لكم نظامي اللي مشيت عليه أسبوع كامل وراح من الكسل70%:a227::a227::e136:
وإن شاء راح يزول الباقي مع الوقت ...
الحين أبقوم أنام وأول ما أقوم وأخلص شغلي أدخل النت وأكتب لكم ...<<حاطه عقاب :a037:على نفسي ما فيه نت إلا بعد ما أخلص الشغل من ترتيب وطبخ <<مبتدأه
حتى لو طولت بالشغل لين الليل ما فيه نت خلصي وافتحي النت على كيــــــــــــــــــفك:a084:...​
 
صراجة انا كنت احس نغسي كسولة:dunno: بس لما قرات مقالك حسيت نفسي نشيطة:showoff: وبعد نظيفة انا ارتب البيت مو عشانه بل لأجل نفسي ما ارتاح الا لمن يكون نظيف اما التكشخ اكثر شي عشانه الا إذا كان مسافر فافلها تعالي شوفي الشوشة اللى ماتجي شعرتين:1eye: وبعد احاول اعتني بنفسي من كريمات
 
السلام عليكم ورحمه الله وبركاته

انا عضوة مب جديده بس مااشارك بس لفت نظري موضوعكم

وحبيت اشارك فيه

انا اولا بقول لكم عن نفسي وبيتي

انا صار لي متزوجه 13 سنه
وعندي 8 اطفال ماشاء الله

اكبر واحد عمرها 12سنه

واصغر طفل شهرين

عندي بيت صغير بس تعالوا شوفوا الحوسه فيه

انا مب كسوله بس يجيني احباط لان شغلي مايبين للعلم ماعندي خدامه يعني اطبخ واكنس واغسل واكوي

وادرس كله فوق راسي بس لما اقوم واشتغل يقعد اشوي وبعدين يرجع يعتفس

احس بااحباط بس شاسوي لان البيت صغير 3 غرف وصاله ومطبخ

يعني ضروري ينعفس مع هاليهال

ايه صح انا مخلصه ثانويه عامه ومب كبيرة بالسن توني ببدايه الثلاثينات

ومن ناحيه الاهتمام بنفسي انا من النوع الي مااهتم بنفسي دايم البس جلابيات

وشعري قصير بس ارفعه ذيل حصان

بس لاني مع الحمل سمنت وطلعت لي كرشه صرت مااحب البس تنانير

يله قولوا لي شاسوي
 
أنل اللي بسإلج عن أبو العيال شاخباره شرايه فيج00000 ديري بالج عليه 000 سؤال ثاني تقدرين تجيبين خدامه تساعدج عالأقل مالوت الخدمه بالساعه؟
 
مشتاقه لريلي قال:
أنل اللي بسإلج عن أبو العيال شاخباره شرايه فيج00000 ديري بالج عليه 000 سؤال ثاني تقدرين تجيبين خدامه تساعدج عالأقل مالوت الخدمه بالساعه؟
أنقر للتوسيع...

هلا اختي مشتاقه لريلي

لا الحمدلله ريلي مقدر الوضع وعارف اني اتعب مع اليهال ومب مقصر بشي

اما من ناحيه الخدامه انا مب مقتنعه بسالفه خدامه ببيتنا

وبعدين حتى لو جاءت شتسوي مع هاليهال

الله يهديهم ان شاء الله :sad_1::icon1366:

عطوني افكار
 
شوفي حبيبتي اموله جدولي اللي قلت عليه مايصلحلج لانج مشغوله وهم عندج خدامه يمكن متابعتج مع هبة الرياض بتكون أفيد للإستمراريه ولمعرفة شغل البيت خو آنا خلاص حطيت شغل البيت ولله الحمد عالخدامه بس بحطلج نقاط مهمه احفظيها عدل وخليه أساسيات في يومج بسم الله أبدا00000 (أنا بتكلم بس بالجانب اللي يخص دورج في حياة ريلج 0000 لاتخافين هم فيه شغل بيت )متى تطلعين الدوام قبل ريلج ولا بعده؟ 000 ومتى ترجعين ؟متى يكون عندج وقت فراغ تشوفين فيه نفسج جمالج شعرج تفاصيل جسمج كأنثى 0000 لازم يكون هالوقت يومي (يوم تسوين حمام زيت لشعرج ويوم تسوين حمام مغربي ويوم سنفرة بشره وهكذا )ترى هالشغلات مايبيلها أكثر من ساعه ويمكن أقل يعني جدول تجميلي إسبوعي 000 ومتى تكون لج قعده مع زوجج (تكم معاريس مالكم سنتين )أنا اعرف الوحده من تتزوج تلصق بالمحروس موجذي ماخذها الشغل 0000 يعني قعدتكم ويا بعض مو الليل أقصد تشربون شاي قهوه جهزياه حلى بسيط (بدا شغل البيت )لازم يعرف ان إنتي اللي سويتيه (سويلج دفتر خاص للطبخات البسيطه والحلويات السهله )المهم تهيئين نفسج والحلو اللي سويتيه لقعدتكم وضروري هالقعده يوميه (حاولي )العصر مثلا أبعد صلاة المغرب وإذا كان مشغول بيني ان ضايق خلقج وقولي انا أحس إنا مشغولين عن بعض ومااصدق ألقى هالوقت معاك 000 وبروح الجبن أصلي وانشا الله أكمل باااي 00000
 
أموله حبوبتي كتبت لج واااااااااااااااااااايد خرابيط بس مادري وين طارت يطلع لي التقرير مايحطونه لان نقطة الأمان انتهت مادري شنو هذا سوري والحين والله تعبانه وبروح أرقد
 
حبيبتي أصل وصوره إذا ريلج مقدر الوضع معناته خووووووووووووش زوج الله يحفظه ويخليه لج بس موهم انتي تقدرين وضعه وتطلعين بلبس كشخه وشعر حلو (القصير تسريحه سهل مابياخذ وقت )وبنطلونات على فكره لبس البنطلون والضيج مايعطي مجال للبطن يزيد 0000 دائما يوصون الحريم بهالمنتدى اهتموا بانفسكم علشان أنفسكم وانا أقول هم علشان زوجج ولافي واحد بهالوقت يصبر على بيت كله يهال ومعتفس والمره مشغوله (ماشاء الله عليه تبارك الله المهم ىنا كنت مثلج ممااقول مومقتنعه إلا آنا وحده أكره الخدم بس اضطريت لان زوجي ماكان أبدا يقدر الوضع برغم ان ماعندي غير أربع وعمري مثل عمرج وكنت مسويه جدول حسب قدرتي بس بسبب زوجي وتغيره واللي ممكن كنت سببه وانا ماأدري باهمالي بس الفرق ماألبس جلابيه ألبس بجامه مسويه استخرت وقدمت على خدامه 0000 عالعموم مبدئيا إذا تقدرين تشترين غسالة ملابس أوتوماتيك للملابس ووحده للمواعين تكونين كسبتي وقت ولاني فعلا برقد بس حبيت أرد عليج واقولج إذاتبين أكتب لج جدولي أيام حوستي إنشاء الله بينفعج بس عطيني الأوكي تصبحين على خيييييييييير00000 ومشكوره يالسهم على هالموضوع الروعه​
 
ثمرات قلبي قال:
كرهت الشغل والطبخ وكل شي و السبب لاأعلم
أنقر للتوسيع...

كرهتيه لانه اخذ منك اجمل ايام حياتك و صحتك بزياده

انا جتني هالحاله و الحمد لله بتطبيق الحريه النفسيه زال عني

وكانت العباره هي بالرغم من اني لا اريد ان اطبخ الا اني اتقبل نفسي تماما و بكل عمق

جربي الحريه النفسيه و قولي لنا النتيجه
 
الحالة
مغلق و غير مفتوح للمزيد من الردود.
عودة
أعلى أسفل