اختي يا مون لايت
والله انا حاسه فيك ومريت بنفس تجربتك مع هالجنوبي واكثر واحيانا احس انه يستغلني في موضوع الفلوس وكنت ابكي واصرخ من القهر علشان الكل يصرف على كيف كيفهم وانا احسب حساب العشرة قبل الخمسين ...........حتى بالولادة عمره والله العظيم ما افتكر انه يهاديني ولو حتى وردة ب 5 ريال... مع انه من عادات اهله الوالدة عندهم ان شالله الطفل العاشر زوجها يقدم لها طقم ذهب او اي قطقه ذهب وامه او اخته الكبيرة تدور بيها على الحريم( حريم العايله المقربين فقط... علشان العين) وتقول هذي هدية ابو فلان على سلامة ام فلان ويدعولهم بالبركه والهناء .... وانا الخبله يوم يسألوني اقول ماله داعي هالحركات قدام الناس انا ما احب كدة خلاص بيني وبينه احلى وحتى لو ما جاب لي شي يكفيني انه جلس يدعيلي وقمت بالسلامه انا وطفلي الحمدلله وكانت اكثر المشاكل على ايش ؟؟
الجواب : علشان اقول ليش انت ماتشوف اخوك ايش جاب لحرمته وانت لا انا مو زيها والده؟؟
انا ما استاهل مثل مرت خالك او عمك تهاديني وتسفرني ولا فيني شي ناااااقص؟
الى ان توقفت عن المقارنه من نفسي لاني عرفت وتأكدت ان التصرف هذا خطأ
وقد نهى عنه الله عزوجل في كتابه العزيز
قال تعالى
ولاتمدن عينك الى ما متعنا به ازواجا غيرك)
يعني توقفي بسرعه عن المقارنه بينه وبين غيره من الرجال من ناحية الصرف بداخل نفسك ولاتذكري له ان فلان جاب لزوجته ولا فلانه اشترت ( تذكري ان الجنوبي حساس وراح ياخذها عاى نفسه)
اما بالنسبه لموضوع اهله فهو لايرد لهم طلبا علشان ما يبغاهم يجرحوه بكلمه مثاله:
يالله انت وين تودي راتبك ... اكيد يطير من الصرف والتماشي اللي مالها داعي وبزيادة
فعلشان يتجنب الكلام هذا منهم وهو حساااااس فيلبي طلبهم ( احس كدة من الجنوبي اللي عندي لانه كم مرة اتصرف على هذا الشكل)
بالنسبه للمصروف : حاولي تاخدي منه بالحيله والدلع والغنج.. وحزنيه عليك وقوليله انك ودك تتصدقين احيانا وما تلاقين حق الصدقه عندك ... وانت الحمدلله مو مقصر بشي لو عائله ثانيه تسكن معانا في البيت خيرك يكفي ويزيد ,,, بس لو تعطيني شي احطه بالمحفظه كثر الله خيرك.. ومن الكلام اللي يعجبه ،،،،،،، بس نصيحتي امانه عليك على قدر استطاعته ,ولاتضغطيه ماديا .تراه مو عدوك .هو زوجك وابو اولادك وفي البدايه تغاضي مو كل شهر تاخدي منه فوتيها بمزاجك وقوليله والله ما ابغ هالشهر خيرك باقي من الشهر اللي راح , بيفرح صدقيني ( مجررررررربه)ومن فرج على مسلم في الدنيا فرج الله عليه كربه من من كرب يوم القيامه...
ويارب تستفيدي من نصيحتي واخذ اجرك ... ويرزقك من حيث لا تدري ولا تحتسبي
آمين آمين آمين
