انا قذره

  • بادئ الموضوع بادئ الموضوع Pinkea
  • تاريخ البدء تاريخ البدء
P

Pinkea

New member
إنضم
2009/03/06
المشاركات
6
بسم الله الرحمن الرحيم
السلام عليكم ورحمة الله تعالي وبركاته

مشكلتي في عدم اهتمامي بيبتي ونفسي
حتي طفلتي مانظفها زين
واحس بخمول وكسل من الصبح
اعاني من نوم متقطع وارهاق
واغلب الاحيان وقت ابا انظف تخرج ماي من خشمي
وارجع اجلس بالسرير
بدون ماسوي اي شئ طول اليوم
احيانا ماتحمم
من قبل قالي الدكتور عندي نقص بالحديد
ماعتقد هذا هو السبب
في شئ غريب حصل لي
كان بيتي يبرق من النظافه
فجاءه تحول حالي وبدا شعر راسي يتساقط لين صار صلعه بالنصف
قلت احتمال من حالتي الصحيه
بس ابا شوركم شنو اسوي
احيانا بنتي تروح عند امي او ام زوجي لاجل تطلب اكل
رغم ان زوجي مب مقصر فيني بس منو يسوي لها اكل وانا بهالحال لي اكثر
من سنتين
ابكي والله ومب عارفه اشلون اتصرف في هالحاله
وعندي حالة قرف من منظر بيتي
لولا الخجل لكنت صورته لكم
اكثر شئ يؤلمني اخواتي وامي مايشربون حتي ماي بيبتي
يعافون ادري مايبون يقولون لي بس يحلفون انهم شربوا قبل مايجوني
ووقت امرض مايخبرون حد لاجل لايجي ويزورني
والكل يتكلم عني زوجي صابر
بس احيانا يسبني وطبعا ماسوي له اكل يوعان ياكل ببيوت اصحابه وربعه والمطاعم
ااااااااه
انا تعبانه شنو اسوي الله يخليكم ردوا علي يامستشارات
يارب ماتبتلي حد بحاله مثل حالتي
 
والله ياحبيبتي الزوج مايصبر علي الحرمه النظيفه احيانن محنا عاجبينهم

اشلون الي متهتم ببيتها وعيالها وزوجها

حبيبتي انتي تسوين كذا تبين شغاله
 
ياعمري اسأل الله العلي القدير ان ينظر لحالك ويلطف بك.....
مبين ان هالشي صاير مب بايدك...وماكنتي كذا قبل ....هذا اللي فهمته....
اختي العين حق ...يمكن ليه لا؟
مافكرتي في قارئ؟؟يمكن علاجك بيده بعدالله...جربي لعل وعسى...
مادري انا ماعندي خبره بس هذا اللي طلع معي...
اتمنى من كل قلبي:من ذوات الخبره الرد عليك ....
الله ييسر لك الخير قولي امين...
طمنينا عنك..
 
حبيبتي انتي الحين تدخلين انترنت ليه متروحين منتدي عالم حواء

ولا يهون هذا المنتدي (مملكة بلقيس )لان منتدي عالم حواء فيه قسم

الترتيب والنظافه والله يخلي الحرمه تقلب بيتها فوق تحت من غيرتها لما تشوف الحريم كيف

مرتبات بيوتهن هذا بنسبه لعالم حواء يصلح لتعديل هيكل البيت

اما مملكة بلقيس احمدي ربك انك دخلتيه لانك راح تعدلين العلاقه بزوجك

ونا احمد ربي على هلمنتديات الحلوة الي متخلينا محتاجين لا الحماة تعلمنا ولا العمه تطنز علينا
 
اختي الله يشفك ويرفع ضرك
بصراحه اعراضك تشبه اعراض مرض الاكتأب
فهل انتي مريت بمشكله عنيفه هزت كيانك اذا نعم هذا هو السبب
اما اذا لا فيمكن تكونين حديثة ولاده وهذي الاعراض اعراض اكتأب بعد الولاده
وانا اقول اذا تأكتى من عدم اصابتك بمرض نفسي فصدقيني يمكن عين او سحر او مس لا سمح الله
وانا اقول عين
انا انصبت بالعين ومريت ولا زلت امر بنفس الي تمرين فيه ولكن تغلبت عليه بالرقيه بنفسي ومن خلال الشيوخ
ولمست الشفاء من الله تعالى صدق اني باقي تعبانه لكن افضل من اول بكثير ولله الحمد
انا اختي كنت وسواس نضافه وطباخه شي الله المستعان كل شي اسويه
ليش انا كنت في مدينه صناعيه وتقل فيها المحلات والمطاعم واذا انوجد فيها شي يكون غالي مش على قيمته وما يستاهل الواحد يحط فلوسه
اختك نشميه كنت اتفنن في الاكل وخاصة الي يجلس فتره بالبيت
مثل بسكويتات بتفورات معجنات فريزر بتزات لدرجة المخلالت اشكال والوان
المهم وتجيني ذيك العين وتصرعني
والحين مقدر اسوي ولا حاجه يديني ضعيفه مره والنفس انقفلت موت والله يصيبني خمول ونوم وثقل براسياذني تعبت صارت تصب الدم والصديد وعمليات بالهبل وصحتي صارت على قدي والله الوحده اذا نضيفه محد يخليها واذا وسخه برضه محد يخليها غاية الناس لا تدرك
اعرضي نفسك على رقيا وردي علي و الله المستعان والله يشفك اختي
 
بسم الله عليج يا اختي بس احسن شي اتروحين تقرين على عمرج نصييييييييييييييحه

احنا كانت عندنا خدامه يتها حاله ما عرفنا شوفيها مع انها كانت ماشاء الله قمه في النظافه والترتيب والله لو اقولكم يابنات ان نظامها فالترتيب والنظافه وتقديم الاكل اتقولون كأن يالسين في فندق ...
بس انقلب حالها من النظافه الى القذاره وما عرفنا شواللي صاير الين وديناها عند امطوع وقرا عليها وقالنا انها مستلبسه وشو انسوي عاد سفرناها بعد ما خلت البيت مزبله من بعد ماكان ايلق من النظافه...:sad_1:
 
مساء الخير عيوني..كيف هالكلام ماتهتمي بالنظافه :busted_red:وهي اسااااااااااااااااااس الحياه سواء متزوجه او لا..اصحي وحطي عقلك براسك وسوي لك جدول يومي وجدول اسبوعي للتنظيف وللطبخ قولي الحمدلله انك بصحه وعافيه كم من وحده تتمنى العافيه عشان تكرف لبيتها وزوجها وانت تتمردي مايصير - ترى ربي يمهل ولا يهمل والله لو ماتعدلتي ليقطك زوجك ماكانك شي ويحرمك من بنتك:sadwalk:-اساليني عن وحده من المعارف الله يسترها صبر خمس سنين في الاخير رماها عند اهلها واخذ اولاده وحرمهم منهاويكلمونها يعايرونها بوساختها-خليك نظيفه لو تحبي حبي-رتبي بيتك غرفه غرفه-واشتري كتاب النخبه واطبخي كل يوم حاجه جديده- والعصريه قهوة وحلى لزوجك-والتنظيف طول مانت ماشيه في البيت شيلي هدي وامسحي هدي-واهتمي بزوجك بالليل من مساج وتنقيع رجوله بمويه دافيه-وانت وبنتك ترويش يومي ولبس نظيف-وغسلي الملابس اول باول عشان لاتتراكم-وبخري بيتك يوميا-بعدين اعزمي اهلك واهله عشان يشوفو التغيير-والله معاك-ولاتنسي دعاء الكسل ادعي على طول ووقت الاذان عشان ربي يعينك-وطمنينا عليك-واذا محتاجه مساعده امري
 
اللة يشفيكى يااختىبس الرجال مايصبر على هذى الحالة اقراى على نفسك و شغلى قران فى البيت واللة يشفيك يمكن معكى الغدة اكشفى عن نفسك اعراف وحدة معة الغدة كذا حالتة
 
لا حول ولا قوة الا بالله العلى العظيم
أحزنتنى يا قلبى
لا تنعتى نفسك بالقذرة حبيبتى انتى لا تريدين هذا أحس انه غصب عنك حبيبتى لازم تروحى لدكتور حالا وتاخدى الدوا لأن لا قدر الله ممكن تكون دى اعراض مرض عضوى كاسكر لاقدر الله أو الكبد أو حتى الانيميا
ان شاء الله يعافيك من كل هذة الامراض يارب
أو حتى نفسى أو عين أو مثل هذا دوما شغلى القران فى بيتك دوووووووووووووووووووووووووووم والرقية الشرعية
لا تسكتى على نفسك أجلك أنتى أولا ثم لأجل ابنتك ثم زوجك (فلصبره حدود)
الحقى على حالك يا غالية
الله يفرج همك يارب
 
حبيبتي اولا عالجي فقر الدم الي عندك لانه يخليك كسلانه وحاول تتعرضي للشمس
لازم لازم تقري على نفسك وخلي القران على طول شغال في البيت
حاولي تبدي الشغل شوي شوي يعني كل يوم امسكي غرفه في البيت واشتري جلاية صحون علشان يخف الشغل عليك واذا فيه اغراض متكومه في البيت مالها داعي طلعيها تصدقي فيها لا تقولين يمكن احتاج هذا او هذاك لا الغرض الي صار لك سنه ما استخدمتيه طلعيه معناتة انك مو محتاجته خلي بيتك يخف لانه كل ما قلت الاشياء كل ما كان التنظيف اسهل اول ما تصحي من النوم فتحي شبابيك البيت كلها خليه يتهوا وتدخله الشمس حتى لو بترجعي تنامي صدقيني الهواء المنعش راح يطير النوم ويعطيك نشاط ما فيه مانع تستعينين باحد ممكن وحده من خواتك + الشغاله لحد ما يترتب كل البيت انتي لما تشوفينه مرتب راح تحافظين على ترتيبه
ونصيحة لا تكبري المشكله في راسك بالعكس خليها شي بسيط وراح تتخلصين منها بسهوله .. حاولي لما تصحي تقومي من فراشك لا تجلسين فيه حتى لو ما اشتغلتي غيري مكانك اجلسي مثلا بالصاله وجهزيلك فطور محترم وافطري اهم وجبه وجبة الفطور راح تعطيك نشاط ولاتنسين تاخذي فيتامينات
والله يوفقك
 
انا صرت اخاف من الرقيه وقت اشغلها بالبيت واغمض
اشوف حد عيونه تنزف ومنظره مخيف يرجع يظهر لي كل ماشغل قران بالبيت
يابنات انا ماكنت كذا والله كانت يضربون بي المثل بالنظافه
حتي امي تعقم الاشياء قبل تعطيني لان اقل شئ يسبب لي تسمم
الحين ماقدر اقوم من السرير من الامراض والتسمم كل يومين ثلاث
ووقت اقوم لشئ ثاني اقوم عادي بس وقت ابدا بالنظافه
احس كن راسي بتنفجر لين يطلع ماي من راسي من خشمي
كن انزف من خشمي بس ماي مب دم فهمتوني
وقت ابدا انظف واحس كن به حد يضغط علي راسي
مب قادره اكتب بموت من الصياح علي حالي والله
 
انت تعبانه ونقص الحديد يسوي كذا واكثر عالجي نفسك وبنصلح حالك
 
ما ترين بأس حبيبتي
لا تكتبي شكواك هنا
لن يفهمك أحد
اكتبيها بموقع شفاء
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك​

نقص الحديد في الدم يسبب فقر دم ونقصه يسبب خفقان مع سرعة التنفس
ودوخة فلا تستطيعي الوقوف وكذلك فلا تستطيعي القيام باي عمل او مجهود بسببه
ولكن الفرق بين فقر الدم والحسد هو عدم انقطاع الارادة في القيام باعمال المنزل
لذلك يتضح بان ما تشعري به هو ​

>نفس اصابتك بعين (حسد)او سحر او مس
اذا لم تستطيعي ان تذهبي لشيخ يقرأ عليك
يمكنك ان تزوري موقع رُقيَة لترقي نفسك في مكانك
وهناك زيت يباع مقري عليه وثقة(للقارئ الشيخ عبدالله السدحان)
ادهني رأسك وأي مكان يؤلمك بنية الشفاء
أرجوا أن لا تستسلمي للمرض وأن تتسلحي بالارادة وقوة الايمان
والا فأنت تسمحين له بالتوغل فيك أكثر
وهذا الرجل متبرع يوزعه مجانا جزاه الله خير
ولا تنسي ماء زمزم
المدينة: أبوظبي
الموزع: الأخ/ أبوحامد
الهاتف:00971509980414
من 5~10 مساءا​

وهنا استمعي لرقية نفسك
استمع للرقية للعلاج (رابط)</STRONG>
وهنا سجلي وعالجي
تسجيل الحالات العلاجية في العيادات</STRONG>
أو أدخلي الموقع بنفسك
:: منتديات الرقية الشرعية
وماترين باس​
 
التعديل الأخير:
pinkea قال:
انا صرت اخاف من الرقيه وقت اشغلها بالبيت واغمض
اشوف حد عيونه تنزف ومنظره مخيف يرجع يظهر لي كل ماشغل قران بالبيت
يابنات انا ماكنت كذا والله كانت يضربون بي المثل بالنظافه
حتي امي تعقم الاشياء قبل تعطيني لان اقل شئ يسبب لي تسمم
الحين ماقدر اقوم من السرير من الامراض والتسمم كل يومين ثلاث
ووقت اقوم لشئ ثاني اقوم عادي بس وقت ابدا بالنظافه
احس كن راسي بتنفجر لين يطلع ماي من راسي من خشمي
كن انزف من خشمي بس ماي مب دم فهمتوني
وقت ابدا انظف واحس كن به حد يضغط علي راسي
مب قادره اكتب بموت من الصياح علي حالي والله
أنقر للتوسيع...
اصابات العين والسحر تقع على الشخص لسبب واضح فيه وجميل
فيحسد لجماله او نشاطه او نظافته او اجادته لعمل معين
فعندما يقوم ليعمل هذا الشئ المعين يصاب بعارض يمنعه كلما قام اليه
واذا قرأت يشتد عليك وتشاهدي مناظر مخيفة
لانه يريد ان يحبطك(المس اوالسحر) فلا تستسلمي له واقتليه او يهرب منك
كما في قراءة سورة البقرة
تسبب اختناق لمن لديه اي اعراض
مع تمنياتي لك بالشفاء
وفكري بمن يحبونك لتعيشي من اجلهم بصحة وعافيه​
 
شوفي حبيتي نقص الحديد ابدا موسهل لازم تأخذين فيتامين حديد ولا زم تهتمين بصحتك وتأكلين كويس خضار فواكه وركزي على الورقيات
وانتي شكل الشيطان مسييييييييييطر عليك
قومي وانفضي نفسك وبيتك وحاولي تخلين احد يساعدك في البدايه
وبعدين بترتاحين
بس ضروري تتعالجين من نقص الحدد لأنه يحسسك بالكابه,,,,
وغير كذا يكون مافيه لك نشاااااط......
 
السلام عليكم
ياهلا ويامرحبا بك يالغالية
والله انك ذكرتيني بالذي مضى اسال الله ان يشفيك باقولك على اللي صار لي علشان تفهميني لاني اكثر وحده احس بك لاني مجربه 000
تجربتي كنت بنت نشيطة وخفيفة دم وماشاء الله حلوة والكل يحسدني الين فعلا انحسدت وطاااااااااايحة في الفراش ماانفع بريال لو كاسة المويه مااقدر اجيبها والكل شيء ثاني مستحيل ادخل المطبخ لو اشم ريحة الاكل انتهيت واتعب بالشهور ومااكللان ريحته تمرضني فغير منزويه بغرفتي
ووجعانه وتركت دراستي وصديقاتي وذبلت وكانني ورقة خريف والناس يقولون اللهم لاشماته فيها حاله نفسيه 000
وبعد ذلك التحول المفاجىء اتعبني وكنت اموت من البكاء اذا قالوا حاله نفسية لاني اذكر كيف كنت فرفوشة وحياة رائعة 000
وودوني لدكتور نفسي وتقريبا اغلب المستشفيات عرفتني وتصيبني حالات تشنج وخوف وبكاء واحلام مزعجة وثعابين تطاردني ووووووووووووووحالة الله اعلم بها
فكانت امي تقرى علي وودوني لشيخ وخلوني انا اقرى على نفسي البقرة كاملة فكنت الحمدلله اتحسن مجرد مااترك سورة البقرة ارجع مثل اول في المرض وووووووالى الان استمر والحمدلله تعافيت ورجعت احسن من زمان وتزوجت بس ماخلفت ومااقولك تشافيت بالكامل لا
بعض الايام لتعب ثلاثة ايام اربعة ثم اعود طيبه مافي احسن مني اذا رقيت نفسي
والحقيقة في البداية تتعبين من القراءة بعدين تتعافين
وفعلا شعري طاح وبعد العلاج الحمدلله يتحسن كل فترة
والعلاجات اللي كنت اسويها ودموعي على خدي
( خلطة الرومي من العطار اشتريها واعملها ،مااشرب الا مويه مقري عليها ،ادهن زيت مقري عليه قبل النوم /اوتر ، واهم من ذلك الدعاء ) استفيدي من تجربتي
واقترح عليك ومن واقع تجربه مستحيل تتعالجين وتهتمين ببيتك صعب جيبي لك شغالة وفهميه على البيت وخليها تتولاه باشرافك وانت عالجي نفسك 00وخليها تطبخ يكون الحال احسن وتفتكين من الشماته
 
أختي الكريمة
لدي إحساس بأن ماتعانيه هو خلل في عمل الغدة الدرقية
أنا حصل لي في وقت من الأوقات أن أصبت بكسل في عمل
الغدة الدرقية بحيث لم لم أعد استطع المشي وكل وقتي في السرير
وتساقط شعري وزاد وزني بالرغم ان أكلي كان قليلاً ، حين فحصت
وعملت التحليل بالمستشفى وصف لي الدكتور الدواء والحمد لله
بعد فترةبسيطة رجعت إلى سابق عهدي بفضل من الله .
سارعي يااخيتي بالفحص مع تمنياتي لك بالشفاء العاجل .
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل