ساعدوني ... مليت

[متى أرتاح]

اخواتي ساعدوني الله يخليكم

تزوجت من اسبوعين وقبلها باسبوع صارت مشكلة بين اخوي وبيننا (امي وانا) بسبب زوجته
وطبعا زوجي سلم المهر لأخي بصفته ولي امري
في البداية عطاني ربع المبلغ وبعد المشكلة اخذه وقفل عليه ورفض يعطيني ياه ومحاولات من هنا وهنا ورافض نهائيا
يعني تخيلوا الاشياء التي اشتريتها اشياء بسيطة
حتى هدية امي من زوجي وكانت عبارة عن مبلغ كبير اخذها
وحتى اليوم لايكلمنا ورافض يعطيني فلوسي
وانا بحاجتها الشديدة
وحتى يوم زواجي رفض ماجاء
لاتستغربون زوجة اخوي هذي كم مرة تفرق بيننا بس هالمرة جت جامدة

ساعدوني كيف اخذ فلوسي وعارفة هو بيعاند ولا راح يعطيني اياها فترة طويلة
فكرت اشتكي عليه بالمحكمة بس زوجي بيعرف
ولو اقول لزوجي والله شينة ماابي اشوه سمعة اهلي عنده
مهما كان هذولا اهلي عزي وسندي

ولاتحاولون بان نكلمه بالموضوع حتى امي مايسمع لها كلام

اللي عندها حل الله يجزاها الجنة تساعدني

 

[اميره زوجها]

الله يعينكم على زوجت اخوكم وااااااااااايد مايفرقن نفس هالاشكال
بس اقولج خلي عمج ولا خالج يعني حد كبير يحترمه ويقدره انهم يفهمونه انه هذا المهر من حقج انتي ووالوالده
والله يهديه

 

[متى أرتاح]

الله يعينكم على زوجت اخوكم وااااااااااايد مايفرقن نفس هالاشكال
بس اقولج خلي عمج ولا خالج يعني حد كبير يحترمه ويقدره انهم يفهمونه انه هذا المهر من حقج انتي ووالوالده
والله يهديه

تسلمين ياقلبي عالتفاعل بس ماعندي خوال ولا عمان بعد
واخواني الكبار ماراح يسمع لهم خصوصا بعد مشكلة زوجته اللي يشوف انها هي صح واحنا غلط

وش اسوي يارب
مقهورة منهم اثنينهم

 

[صبا85]

والله غريبة زوجة اخوك ولكن لاأملك لكي سوى الدعاء اللهم حنن قلب اخوك عليك ويرجع لصوابه والله يكفيك شر من به شر ودمتي بود

 

[متى أرتاح]

والله غريبة زوجة اخوك ولكن لاأملك لكي سوى الدعاء اللهم حنن قلب اخوك عليك ويرجع لصوابه والله يكفيك شر من به شر ودمتي بود

تسلمين يالغلا على الدعاء

 

[كاتياباسل]

بصراحة مشكلة اذا النصح والكلام الزين مايجيب معاه نتيجة ايش بيدكم تعملوه بس ليتك ترسلي له مسج وتوضحي له ان هذا الشي حرااااام وراح يتحاسب عليه امام الله لان المهر من حقك ومايجوز ياخذ منه شي الابرضاك --------واذا رفض الشكوى لله طنشية مرررة يمكن يتحسف ويندم على تصرفة وادعي ربك ياخذ حقك والله مايرضى بالظلم بس لاتدعي عليه ولاتشتكية في المحاكم علشان شوية فلوس ووسخ دنيا صيري احسن منه ويظل اخوك يمكن ماله ذنب وزوجتة لافه مخه واناوالله مااعرفها ولاابي اظلمها بس على حسب قولك
اعجبني قولك انو ماراح تخبري زوجك بشي وهذا عين العقل علشان مايحتقر احد من اهلك وخلي صورتهم بعينه حلللللوة ونظيفة هذا شي ضروري وكمان لاحد يسمع بهالسالفة من برى ابدا ابدا ابدا بتصير سيرتكم على كل اللسان والناس ماترحم
وسعي صدرك حبيبتي ولاتعكنني عليك فرحة زواجك واللحظات الحلوة اللي كنتي تتمنيها \\\ الله يسعدك كمان وكمان ويهدي اخوك وزوجتة وعلى فكرة الفلوس تجي وتروح وبتطييييير بسرعة فاياليت ماتحققي لزوجة اخوك هدفهاوتقدرتفرق بينكم

 

[watyn]

حبيبتي اذا كنتي متاكده انها هيا اللي ورا الموضوع كلمي اهلها هم يتصرفو معاها وحاولي تكلمي احد منهم تخا منه يعني اتصلي على ابوها او اخوها مثلا اهم شي لاتسكتين عن حقك

 

[سمراوية حلوة]

الله يعينك الحل والوحيد انج لازم تشتكين عليه لان شرات اخوج جيه يستاهل علشان يتأدب

 

[شوشز]

زوج الاخ مصيبه ، خبرج اعاني مثلج، كله مشاكل في مشاكل اتألف قصص من عندها
حسبي الله ونعم الوكيل فيها
المهم حبيبتي لا تنسين الله موجود وان بياخذ حقج وبيجي يوم وبيشوف اخوج زوجته على حقيقتها عاجلا ام اجلا

 

[نواره99]

بصراحة مشكلة اذا النصح والكلام الزين مايجيب معاه نتيجة ايش بيدكم تعملوه بس ليتك ترسلي له مسج وتوضحي له ان هذا الشي حرااااام وراح يتحاسب عليه امام الله لان المهر من حقك ومايجوز ياخذ منه شي الابرضاك --------واذا رفض الشكوى لله طنشية مرررة يمكن يتحسف ويندم على تصرفة وادعي ربك ياخذ حقك والله مايرضى بالظلم بس لاتدعي عليه ولاتشتكية في المحاكم علشان شوية فلوس ووسخ دنيا صيري احسن منه ويظل اخوك يمكن ماله ذنب وزوجتة لافه مخه واناوالله مااعرفها ولاابي اظلمها بس على حسب قولك
اعجبني قولك انو ماراح تخبري زوجك بشي وهذا عين العقل علشان مايحتقر احد من اهلك وخلي صورتهم بعينه حلللللوة ونظيفة هذا شي ضروري وكمان لاحد يسمع بهالسالفة من برى ابدا ابدا ابدا بتصير سيرتكم على كل اللسان والناس ماترحم
وسعي صدرك حبيبتي ولاتعكنني عليك فرحة زواجك واللحظات الحلوة اللي كنتي تتمنيها \\\ الله يسعدك كمان وكمان ويهدي اخوك وزوجتة وعلى فكرة الفلوس تجي وتروح وبتطييييير بسرعة فاياليت ماتحققي لزوجة اخوك هدفهاوتقدرتفرق بينكم

انا مع الاخت كاتيا وتقدرين تهددينه بالمسج بطريقه غير مباشره
ومرت اخوج اخ بس نفس الحاله تبي تفرق الا فرقت وخلاص حسبنا الله نعم الوكيل