خلاصة تجربتي الناجحة في تجارة النت بحلوها ومرها ..وطرائفها. تجدونها هنا /تجربه مميزة

دلوعة مملكتنا قال:
مراحب حبيبة قلبي نورتي الصفحة بتجربتج غلاي

بخصوص العقود من حلاة الوصف شوقتيني اشوفهم .. والله ؟؟

اما بخصوص البيع ....

امممم مدري اذا الشي هذا مطلوب او لا .. يعني نادر بتلاقين ناس تقدر الشي الطبيعي لان الصناعي يودي الغرض كإكسسوار

اما الاغراض الثانية توني اعرف عنها منج كعلاجات وللبشرة .. يعني عندج خلفية جيدة عن بضاعتج

هالشي يعتبر عامل مهم لان ممكن تقنعينهم بمنتجج .. اكثر لانه ناتج عن معرفة حقيقية

تدرين بالمنتديات ماصار تلفتنا البضايع لانها كلها مكررة يعني لو تكتبين
((اكسسوارات لولو))
مابدخل الموضوع ..

عكس لو تكتبين
((ثورة جديدة في عالم تجميل البشرة مسحوق اللولو للتبييض مثلا)) الخ الخ من عناوين جذابة وملفتة

بخصصوص التسعير اكيد تبين فيهم فايدة حطي الفايدة المقنعة لج .. واكتبي عدد محدود جدا جدا ..


اجي للاهم
قلتي انك بالصين ؟؟ وش احلى من هالمشروع الحلووووو
هالشي ممكن توفرين على تاجرات وايد كل اللي يبونه .. كثقة او وسيط بدال مواقع علي بابا الخ

الطريقة الاولى :
انتي اعرض كل ماهو غريب يمر عليك بالسوق الصيني
ونزليه بالمنتديات وش خسرانة ؟ حطي اقل كمية يمكن للطلب والسعر + الشحن المبدئي وطريقة الاستلام والتسليم والدفع الخ

او طريقة اخرى
اذا كانت التاجرة محددة اللي تبي والاشخاص هناك وكل شي انتي بس تتسلمين البضاعة منهم في بيتك هناك وتتاكدين من مواصفاتها وتبلغين التاجرة او تورينها اياها بالمسنجر وتطرشينها للتاجرة وتاخذين عمولة ثابتة مثلا 200 ريال او نسبة 3% من قيمة الصفقة

او اي شي يرضيك من ناحية العمولة .؟

لي توصل معاج بالخاص باذن الله لعقد صفقة
أنقر للتوسيع...


يعطيك العافيه يالغلا والله لايحرمك الاجر على هالنصايح اللي من اخت لاختها :icon30:
بالتوفيق ان شاء الله
 
مشاء الله تبارك الله
صراحه انا قاعده في البيت يعنى بطاليه
ةافكر في تاجرات العاب الاطفال
وهل تتوقعى تكون مربحه
لانى دخلت المنتديات الامارتيه والسعوديه
وحصلت الحريم يبيعن كل شي يجى في بالك الا العاب الاطفال
وانا من الامارات وش تنصحينى اشترى البضائع من المواقع الاكترونيه
ولا فيه اماكن عندنا في دبي تبيع نفس الالعاب بنفس سعر الجمله
ردى على ولكى جزيل الشكرررررر
 
موضوع رائع ​

صراحه استفدت كثير ​

وحابه اخذ رأيك بتجارة المكياج ​

تشوفي في منها مكسب ​

انا مشكلتي في توصيل الطلبيه ​

يعني انا احب كل شي بيرفكت من كرتونه لتغليف الخ ​

شو رأيك​
 
بينك بيبي قال:
موضوع رائع ​


صراحه استفدت كثير ​

وحابه اخذ رأيك بتجارة المكياج ​

تشوفي في منها مكسب ​

انا مشكلتي في توصيل الطلبيه ​

يعني انا احب كل شي بيرفكت من كرتونه لتغليف الخ ​


شو رأيك​
أنقر للتوسيع...
تجارة المكياج مكسبها 100 % يعني دبل دايما


بس اختيار الالوان لما يكون بالجملة تطيح بجبدج كمن لون غالبا سوي عليهم عروض خاصة


ولو تقدرين تختارين البضاعة بالالوان المناسبة احسن بعد يعني ما يجبرج المورد على كمية معينة بالوان معينة


وبخصوص التوصيل اذا بالامارات

راجعي موضوعي بتجارة النت بحلوها ومرها وموضوع فن التسويق وبتلاقين الطرق بالتفصيل داخليا وخارجيا حتى بعض الاسماء المضمونة اللي توصل سلم واستلم ويرجعون لج فلوسج


موفقة غاليتي
 
مشكوره قلبي ​

بس حتى لو كان المكياج ماركات وغالي ​

طيب بالنسبه للتغليف عندك فكرها عنها ​

........................................​


وحابه اسألك ايش رايك ببضاعة الصين ​

لانه لي قريب قالي اقدر اوفرلك الي تبغينه ​

فبأيش تشورين علي مكياج ملابس ادوات منزليه​
 
اولا اشكرك جدا دلوعة مملكتنا واشكر كل الاخوات اللي اثروا الموضوع
ثانيا انا من اليمن وارغب بالتجارة وعندي رأس مال بسيط جدا وليس عندي خلفية ايش اسوي بالضبط ولي فترة طويلة وحلم التجارة والمكسب لايفارق خيالي ارجو المشورة علي
 
يعطيج الف عافيه على الموضوع الجميل كله افاده

شخصيا بدأت تجارة منزليه صغيره من فتره في مستحضرات التجميل
والحمدالله ماشي زين ... باقي اني اتوسع بها خارج دائرة المعارف
وحاليا اشتغل على موضوع شركات التوصيل ... ادور شركه توصيل زينه
داخل الامارات ...

وان شاءالله خير ...

تحياتي لك .. وشكرا على مواضيعج المميزه
 
ماشاء الله عليكى ... دماغ جامدة قوى .... ربنا يوفقك اكثر واكثر ..... وزيدينا من خبرتك
 
بينك بيبي قال:
مشكوره قلبي ​


بس حتى لو كان المكياج ماركات وغالي ​

طيب بالنسبه للتغليف عندك فكرها عنها ​

........................................​


وحابه اسألك ايش رايك ببضاعة الصين ​

لانه لي قريب قالي اقدر اوفرلك الي تبغينه ​


فبأيش تشورين علي مكياج ملابس ادوات منزليه ​
أنقر للتوسيع...


المكياج الغالي فايدته افضل من الرخيص
كيف ؟؟

مثلا الشغلة باشتريها ب10 ريال بابيعها ب20 ريال ربحي 10 ريال

اما اللشغلة باشتريها ب50 بابيعها ب100 مثلا او 90 ربحي بيكون 40-50 ريال فهذي افضل .. من ناحية المكسب ومن ناحية جودة المنتج وتكوين سمعة طيبة

بخصوص الصبين والله بحر ماحدد شي معين بس انتي شوفي اللي ممكن انتي تعرفين تسوقينه وعارفة الناس ما تستغنى عنه .. وشكله غريب او مميز .. جيبيه .. لك خيارات على حسب الوسط اللي بتسوقين فيه ..


وبالتوفيق
 
الرضى قال:
اولا اشكرك جدا دلوعة مملكتنا واشكر كل الاخوات اللي اثروا الموضوع
أنقر للتوسيع...
الرضى قال:
ثانيا انا من اليمن وارغب بالتجارة وعندي رأس مال بسيط جدا وليس عندي خلفية ايش اسوي بالضبط ولي فترة طويلة وحلم التجارة والمكسب لايفارق خيالي ارجو المشورة علي
أنقر للتوسيع...


غاليتي راس المال البسيط هذا ممكن يسوي لك اي شي ..

على حسب انتي وين بتسوقين .. انا اشوف مثلا اليمن عندها نقص كبير في كل شي راقي

مع انه عندهم فلوس

فاشتغلي على اللي عندهم فلوس واعرضي عليهم صور من النت تكونين طابعتها بكتالوج

مع سعرج والشحن ..

واذا طلبو منج مقدم المبلغ تاخذينه عشان لا يستعبطون او يكنسلون او يتناسون بعدين ..

وطبعا احرصي تكون الجودة حلوة لان هذا بيكون لج اسم مميزززز ..

وحاضرين لج يالغالية طمنينا عنج وعن اخر اخبار تجارتج وتوكلي على الله وابحثي عن المنتجات من الحين ..
 
زينة الملكة قال:
يعطيج الف عافيه على الموضوع الجميل كله افاده
أنقر للتوسيع...
زينة الملكة قال:

شخصيا بدأت تجارة منزليه صغيره من فتره في مستحضرات التجميل
والحمدالله ماشي زين ... باقي اني اتوسع بها خارج دائرة المعارف
وحاليا اشتغل على موضوع شركات التوصيل ... ادور شركه توصيل زينه
داخل الامارات ...

وان شاءالله خير ...

تحياتي لك .. وشكرا على مواضيعج المميزه
أنقر للتوسيع...


افا عليج ما طلبتي شي .. هالشغلة بسيطة وحلها عندي ان شالله

التوسع خارج دائرة المعارف .. اول شي بالنت .. ثاني شي كل اخت او صديقة او حتى زبونة مضمونة اعطيها كمية من البضاعة توديها معاها الشغل او عند عايلات صديقاتهم ..

وهكذا تكسبين دوائر من الزباين .. المتجددين ..

احرصي على ان اللي تودي البضاعة تعطينها شي بلاش او خصم معين او هدية صغيرة على تعبها .. عشان تودي لج كل مرة ..


بخصوص زباين النت فيه شركة اسمها هوت لاين هذي مضمونة باذن الله وتسوي لج نظام الدفع عند الاستلام اريح للزبونة واضمن وعلى الطلبية الثانية يجيبون لج فلوس الطلبية السابقة وهكذا .. وممكن تتركين المبلغ يتجمع عندهم..
ويجيبونه لج مرة وحدة ..

بارسل لج رقمهم بالخاص رقم المدير ..
 
دلوعة مملكتنا

تسلمين الغاليه .. والله ياريت اذا عندج رقم يرد عليه زين
لانه عطوني رقم اتصلت به كذا مره ومحد رد عليه ...

يزاج الله خير
 
تسلمين يا استاذه تجاره
يعطيج الف عافيه
صدق
تعلمت منج كم درس يرسخو بالعقل
مشكوره
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل