أهل زوجي والسكن الجديد ....... بليز ريحوني ياملكات ..

[أخت سلمان]

السلام عليكم يابنات ....... أنا أول مرة أكتب موضوع في هالمنتدى الحلو ...... وحبيتكم وحسيتكم تعطون راي سديد ..


المشكلة يابنات ........ هي لسه ماصارت مشكله وأن شاء الله ربي يزينها بس صديقتي خوفتني .......

أنا صار لي متزوجة سنتين ونص تقريبا و طول هالفترة مستأجرين شقة وزوجي مقدم على السكن الحكومي تبع عمله من يوم الملكة بس أبوه قبل سنة بنى فيلا وقال لزوجي تعال أسكن معنا في شقة مستقلة بشكل كامل وزوجي هون عن السكن الحكومي يقول يبيله تعديل وتصليح حوالي مئة الف غير الأستقطاع الشهري من الراتب وغير أنه لو أطلب من مطعم ولا من أي مكان صعبة شوي علشان أجراءات التفتيش والأمن وبتنكتمين وتملين حاولت أقنعة وأني راضية بس ماأحب أرتبط بأحد وكنه زعل وفي النهاية رضيت علشان ماأزعله ....

بنات أهله حبوبين ومطاوعة وماعمرهم تدخلوا بيني وبين زوجي بس عنده أخت ماتزوجت هي حبوبه بس فضولية أذا جتني تشيك على الثلاجة والحمام وتفتش في دفاتري وتدخل المخزن هذا وأنا بعيدة وشلون لو كنت عندها ....

صديقتي خوفتني تقول لاتحكمين على الناس من بعيد أنتي ماعاشرتيهم ولاتبخصينهم وبتصير صعبة عليك بعد الأستقلال والحرية أكثر من سنتين .....

أبي نصيحتكم وشلون أحط لنفسي حدود وحرية يعني المفروض أنزل لهم كل كم يوم وبنتي يبونها يوميا وشلون أتصرف أخاف عليها أذا كانت لحالها تطلع في الشارع وهي صغيرة يادوب سنة ونص وفيه حاجة مهمة زوجي يطلع من دوامة الساعة 3 العصر وأبوة يتغدى بدري وشلون معقولة كل واحد ياكل لحالة .....

حبايبي أبي رايكم أنزل لهم مرة في الأسبوع زي اللحين أنا أروح لهم كل أربعاء ...... واللحين البنات الثنتين ( خوات زوجي ) وحدة توظفت ووحدة تدرس كمبيوتر الظهر وكانوا ماسكين الطبخ يعني خالتي اللحين لحالها المفروض أنا أسوي الغداء وهم يبونه جاهز من الساعة 1 وزوجي مايجي الا الساعة 3 أنا قلت بسوية وأدق على خالتي ترسل الشغالة تاخذة على الوقت بدال مانزل واطلع ويقولون أقعدي وأكلي .... وأنا وزوجي نتغدى على وقتنا ...

أبي كل وحدة عايشة مع أهل زوجها بس شبه مستقلة تقول لي وش نظامها ووش الأحسن في كل شي ....

ملاحظه / أحنا في التشطيبات الأخيرة يعني لسة ماسكنا ..

الله يسخر لها زوجها وويوفقها اللي تفيدني ...












































































































































































































































الله يسخر لها زوجها اللي تفيدني ويوفقها ...

 

[انديانا]

والله انا عايشة معاهم ومتحملة الشقا
بس اقول لك خليك كذا احسن لا تنزلين الا مرة وحده
والطبخ خليها تطبخ كل يطبخ في بيته احسن
انا لو كنت مكانك اسوي كذا

 

[المداوية بسيفها]

اختي الغالية، انتي قبل لا تنتقلين افضل تصليين استخارة، وصدقيني بترتاااحين

انا بنت عمتي كانت ساكنة مع اهل زوجها وضايقة الويل مو انهم يضربوها او يشتمووها بس مو ماخذة راحتها

وكل مسؤليااات البيت عليهاااا تخيلي تعور القلب

وبعدين صار عندها بيت وبعدين مرضت ام زوجها ولازم يروحون يسكنون عندها مرة ثانية قامت وصلت استخاارة

وربي اختار لها انها ترجع تسكن والحمد لله مرتاحة مع بعض الاشيااء البسيطة بس والله مرتااحة والكل يحبها

طولت عليج ادري ، بس انصحج الاستخــــارة ..

وربي يسهل لج وييسر اموورج

تقبلي مروري

المـ بسيفها ــداوية​

 

[جوجو فني]

انتي سكنتي والى للحين شوفي بصراحة انا انصحج لا تسكنين عندهم انا اخ اخ اي شي اسوي مايعجبهم تمللت منهم واقاطعهم ومامر عليهم كلش لن ابوهم مايحب الى ابنائه وفقط مرت ولدهم الى تزوجت بعدي بس هي ساكنه عندهم داخل البيت ماستحملتهم وقالت لمهم اول الايام يوم شافت اشلون يحجون علي وقالت لهم بتسون فيني نفسها 000ومع الايام عرفت السالفة ان مافي فايده منهم وابوهم ماسكت عنها في اللقمة واقف لها ويخلي بناته يكشرون في وجهم عاد انا ماقصرو فيني سبوني واشتموني وانا كنت مارد عليهم 00بس تغيرت وماسكت عن حقي كلش 0000والله عندي خادمه يوم اجي من الدوام يقولي ابوهم دخلي سوي شاي توني داخله للبيت والبيت فيه 5 خدامات بس اللعانه 0000والله انا صرت اعرف لهم لا زوجي يعجبه شي والى هم عشان جذي اسوي الى ابيه والى اراعي حد لن كلن همه نفسه وبس يعني انصحج تمي بعيد انا في نفس البيت لكن في ملحق خارجي كلشي بروحي بس كان زوجي كله يقولي مري عليهم وطلعت علي ازيد من بيع السوق0000روحي بعيد احسن لن خوات الزوج ابروحهم علل ----

 

[عطر الليل2000]

حبيبتي
طيعي زوجك دامو حبيب معك وانت مستقله بروحك . يعني ما عندك مشاكل ...اكسبي حب اهل زوجك والله ما تندمين والزيارات على فضاوتك اما الطبخ فكل واحد يطبخ لحا له دامهم ما طلبو منك خدمتهم ... وما يمنع انك لا طبختي تتقربين منهم وتذوقينهم من طبا خك .وتحسسينهم انك باره بهم والله ما تندمين ..........خليك رسميه وحبيبه معاهم وكل واحد يعرف حدوده ......الله يوفقك ويسخر لك زوجك ويحفض بنتك

 

[جوجو فني]

انا قلبي مابي يعورني عليش بقولج شي قبل ماتزوج انا قعدت معاي وحده وقالت لي انهم 5 بنات وكلهم 4 شافو الويل من اهل ازواجهم لنهم سكنو معاهم في البيت من اختهم الكبيرة الي عمتها طقتها بنعال الله يكرمج ولا يفوتج مرت الايام في العمة وصار لبنتها نفس الشي 000 وكلهم نفس الشي وصديقتي خذت ولد خالها وخالها قعد لها وزوجها قعده في كلشي كلشي لدرجه انه كان ماخذ بطاقة السحب مال زوجها وتم معاه لين تزوجو طالب االرجال من ابوه خيره من بطاقته او بطاقة زوجته ---اخ واتمنى اني سمعت كلهما ===الى وحده من خواتها عاشت من البداية بروحها وعاشت سعيده وكانها عروس 0000اما احنا متاعيس 000تخيلي عمتي كانت تسافر بالاشهر وكنت اضحي وزوجي يقولي قعدي المغرب لا تطلعين والى اروح مكان اقعد مع خواته وهو الخايس يطلع ويدور ويالت ويتاخر الخميس والجمعه الى الصبح وانا مقعدني حارسه لهم0000ووهم هله على اي سالفه لو تخصني لو من بعيد يقعدون علي قعده ويطلعوني غلطانه ويزعلون على شنو مادري ---لنهم علل وبس----انصحج خلج بعيد --------------

 

[*ملكة الحب*]

حبيبتي مو مشكله السكن معهم بس المهم ان زوجك يفهم انكم مستقلسن بشكل كامل في كل شي

تصرفي زي ماكنتي تسوين بشقتك

اطبخي في وقتك وتغدي مع زوجك وبنتك لاتنزل الا اذا أبوها بينزل معاها وانت انزلي لهم مرتين بالأسبوع ولو قالوا شي تعذري بالغسيل والتنظيف والطبخ

حاولي تبينين لأخته انك متضايقه من تصرفاتها بشكل غير مباشر

الله يوفقك

 

[*ملكة الحب*]

ونسيت أقول لك بلنسبة للطبخ مافيه مانع ترسلين لهم مره بالأسبوع ذواقه ولاتسوين حلا ومعجنات وتاخذينها وانت نازله لهم بس لاتورطين نفسك بالطبخ ويصير الزامي عليك ترا بعدين بيزعلون لو تكلمتي ولا قصرتي

 

[عيون عليا22]

السلام عليكم ورحمة الله وبركاته والله ياحبيبتي نصيحتي لج انج تبقين بعيدة عنهم احسلج واحسن لزوجك واهله صدقيني حتى لو انهم طيبين معاج وانتي طيبه معاهم لاتخربين علاقتكم مو معنى هذا تقطعينهم ولا تزورينهم وساعدي خالتج اذا كانت محتاجه للمساعدة ولا تنسين تراعين الله فيهم هذا ماامرنا فيه دينا الحنيف بس صدقيني خليج بعيدة احسن وانشاءالله ماتعانين مثلي :no:

اللهم فرج هم المهمومين ونفس كرب المكروبين
آآآآميييييييييين ياااااارب العالميييييييييييين:c018:

 

[TU Y YO]

لاااااااااااوالله مافيييييه زي وحده بيت لحالها
يعني احسن لك تكوني في فله خارجيه.... او اذا كنت في نفس الشقه بالفيلا انزلي عندهم كضيفه اطبخي في مطبخك وغسلي في بيتك.... لحد يتدخل فيك لا في صغيره ولا في كبيره ..... اذا بغيتي انزلي عندهم في وقت محدد انت تحددينه على حسب وضعهم وضع الام اهم شي اذا كان الصبح او اذا كان المغرب على حسب الامهات... وانزلي عندهم كضيفه لاتهشين ولاتنشين .... والله مافيه احسن من كذا .... ولا اقصد شوفي نفسك عليهم لان والله اذا تماديتي وبنتك طالعه نازله ولا انت مخليه باب بيتك مفتوح لكل اللي يجي يصير خلاص موانه على لقافه... متأسفه على الكلمه بس انا اتكلم على اللي انا اشوفهم... اللي صاينه نفسها في بيتها لها احترامها اللي ملبقه عندهم 24 ساعه يخلونها كنها وحده من اهل البيت بموانه زايده... هذي طريقة وحده مسويتها ماشاء الله تبارك الله لها 19 سنه متزوجه 12 سنه عند اهل رجلها والباقي لحد الان في فله مستقله .... ولحد يووووومك وهم محترمينها ... اما باقي الحريم لا اللي كانوا ساكنين في نفس البيت كان بيتهم مفتوح لكل اللي يبي ف صارت الموانه بزياده وكلن طلع ببيته بس احترام اهل الزوج يقل عن الاولى اللي صاينه نفسها

وبس هذا اللي عندي

 

[TU Y YO]

وقريت ردود البنات نفس الفكره اللي قاعده اقولها لك

 

[تكن]

السلام عليكى اختى انا لن اتكلم عن احد بل عن تجربة شخصية انا سكنت مع اهل زوجى لسنوات وشفت منهم نون وما تعلمون انواع المشاكل لان هناك حقييقةتقول ان خوات الزوج يغارومن زوجة اخوهم واقسم بالله هذا ما حدث معى ومن بعد المشاكل انتقلت الى الدور الثانى لن اطيل عليكى انا فى بيتى مستقلة تماما ولا لى بهم شغل ةلا لهم بى شغل وزجى يثق فى قراراتى ولله الحمد ةهو مقتنع ان هذا الشى فى مصلحة الطرفين معلومه ام زوجى دائما ورا كلام بناتها وبناتها يكرهونى كره العمى واقسم بالله العلى العظيم لم اجد احد يكرهنى مثلهم وانا ولله الحمد متعلمه وخريجه واعرف اصرف امورى اختى استقلى فى بيتك تماما تماما ولامنع ذلك من ان ام وابو زوجك لهم عليك حق اقصد من كلامى زيارات خفيفة

 

[*الصمت*]

ياقلبي
انتي رضيتي انك تسكنين معهم............
لازم تتبعين قواعد معينه...........
1/ الطبخ كلا يطبخ بيته...لاتربطين افضل لك مستقبلا..
2/ الزيارات انا كنت انزل العصر لهم بس قهوة واطلع للشقه بس الحمدلله استقليت واهل زوجي قمه في الرووعه والذووووووق مايمنع اذا سويتي يوم قهوة ووحلا ونزلتيها تهادوا تحابو
ا3/ بنتك نزليها متى مايبووون بس حرصيهم عادي مااغلى من الولو الا ولد الولد....اكيد انهم يحبونها وبيخاااافون عليها
4/ لاتدخلين معهم بمناقشات تخصهم وتخص بيتهم....
5/خلك ذوق يام الذوق ابتسامه وقل الكلام وسمي ياخالتي
6/ خلي طلعاتك ودخلاتك مستقله ماله داعي تراني بروح وبرجع الساعه كذا..... عدي نفسك منتي ساكنه معهم
7/اكيد هم بيعزمونك... انزلي تعشي او اسهري معنا اوكيه بس لاتطولين خلك خفيفه وانتي ادرى باهل زوجك
ردي لهم العزيمه يعني صلحي اكله حلوة ونزليها مو لازم يطلعون
البنات اذا كانوا كويسين تعاملي معهم بالمثل اذا طلعوا لك ابتسمي واجلسي معهم واذا مشغوله قولي حياكم دقايق وراجعه....
8/ زوجك لاتشتكين له كثير الا في الشديد اما نغزة خفيفه والا نكته على بنتك انتي دبري عمرك ردي رد مؤدب ويسكت..
امممممممممممممممممممممممممممممم
واذا تذكرت شئ برجع لك
الله يوفقك

 

[*الصمت*]

نسيت اقولك
انا بعد ماطلعت من بيت حمولتي
دخلت عالم ثاني صراحه فررررررررررررررررررق كبييييييييييييييييييير
استقلاليه وخصوصيه وسريه وكل شئ...................
انتي قرارك...ارضي زوجك والله بيعوضك

 

[basmah]

السلام عليكم
ليش كذا يابانات ردودكم كلها تغث وتبين اهل الزوج مايتعاشرون ولا ينفع فيهم الطيب
ابي اسأل كل وحده قالت ان اخوات زوجها تكرها .... هل انتي تكرهي مره اخوكي وتغيري منها؟؟؟؟؟
ماعليكي من كلام البنات اهم شي صلي استخاره وارضي زوجك
وصدقيني بتكونين مرتاحه مادام شقتك مستقله استقلال تام
مره اخوي شقتها فوق عند اهلى وعمر ام مانتظرت منها انه تطبخ للبيت حتى وهي مسافره وابوي يكون بلحاله بالبيت قليل يرسلوله اكل
مع ان اخواتي 2 يدرسوا ...والله يخلي وحده من خواتي المتزوجات ساكنه فوق بالشقه الثانيه ووهي اللي تهتم بابوي لمن امي تسافر لاهلها .... واختي الثانيه متزوجه وساكنه بالعماره المقابله لهم ودايم عندهم
بس امي محسسه مره اخوي انك ببيتك ومانتي ملزمه فينا
بالعكس امي اذا طبخت شي اخوي اول مايجي ياكل عندهم وبعدين يطلع يكمل فيك
وحليله طيبه هي في حاله وحنا في حالنا بينا كل الاحترام والتقدير مع اني عادي ممكن اي وقت نجيها ماتزعل منا بالعكس تفرح لدخلتنا بيتها ....وصدقيني من يسوي الطيب لابد يلقاه
والله يهديك للصح

 

[حلوه وكتكوته]

بس اقول لك خليك كذا احسن لا تنزلين الا مرة وحده
والطبخ خليها تطبخ كل يطبخ في بيته احسن
انا لو كنت مكانك اسوي كذا



,,,,وصدقيني الطيب ماينفع بهالوقت؟؟؟؟؟؟؟؟

الطيب خيب بهالوقت
ابعدي كل البعد​

 

[أخت سلمان]

أشكركم يابنات على الردود الحلوة ....... بردتوا قلبي ...... الله يعافيكم ..

يابنات أنا ماعاد أقدر أرفض لأني سويت السيراميك والحمامات والمطبخ وكلها على مقاسات الشقة وخلاص هذا قرار نهائي وشقتنا بنسلمها ...

وأنا أستخرت كم مرة ....... الله يكتب اللي فيه الخيرة ...

 

[أم الأقمـــــار]

لاتسكنين نصيحتي لك لاتسكنين

هذي اختي ذايقه المر وهي لها مطبخ الحالها

يكفي الدخله والطلعه بحساااااااااااااب

يابنت الحلال اختصريها من هالحين ولا تسكنين معهم وخليك محبوبه وبعيده احسن لك


.
.

لو سكنتي خلي مطبخك بروحك ولا تتقيدين فيهم يطبخون هم لوحدهم

ومادام عندها بنات خلاص هم يكفووووووون

والله ان طبختي بتنربطين فيهم ربطه لاخر عمرك

.
.


بيت الحكومه ازين لك وابعد لك عن المشاكل

وعلشان تفضل القلوب تحب بعض​

 

[نملة متكحلة]

والله انا عايشة معاهم ومتحملة الشقا
بس اقول لك خليك كذا احسن لا تنزلين الا مرة وحده
والطبخ خليها تطبخ كل يطبخ في بيته احسن
انا لو كنت مكانك اسوي كذا

انا والله رايي من راي الأخت انديانا لأن كل ما تكونين بعيده عن أهل الزوج تكونين عزيزه
لان ترى القرب من اهل الزوج يجلب المشاكل وكل واحد يطبخ على كيفه احسن عشان لو في يوم انتي ماتبغين اكلهم او تبغين تطلعين مع زوجج على الغدا او العشا مايتحسسون ولا تصير مشكلة وتكونين على راحتج احسن لج وتكون لج خصوصياتج بدون ما اي احد يتدخل
أسأل مجرب ولا تسأل طبيب

 

[زوجة بحلاها]

ساكنة معاهم وهم أطيب ناس

هلا حبيبتي
أنا أعيش في ملحق فوق بيت أهل زوجي عندي طفلين الغداء كل يوم معاهم وأحيانا العشاء بعد
وهم عندهم شغالة الحين هي الي تطبخ بس في فترة كانت ماشي شغالة كنت أكثر الاحيان أنا أطبخ لأنهم عندهم دوامات وأصلا خوات زوجي ما يعرفوا يطبخوا مع اني كنت حامل وعندي طفل بس كنت الوحيدة الي ماعندي دوام
حتى حماتي لأنها ما عندها صغار صارت تروح تدرس قرآن وتجويد
لكن كنت مرتاحة لأنهم طيبين واجد عمري ما صارت لي مشكلة معاهم خواته وأمه كلهم ما شاء الله يحبوني و يحبوا أطفالي موت حتى لما زوجي سافر ورحت عند أهلي اشتاقولنا وجاوا ياخذونا في الويكيند
طلعاتنا نطلع على راحتنا ابدا مالهم تدخل اما نقولهم نحن طالعين وأحيانا من غير ما يدروا مع انه نحب نطلع كثير (نعوض لأنه ما عندنا بيت مستقل)
زوجي متفهم ومحب جدا هو نفسه يحب الاستقلالية وعنده مقدرة على استئجار بيت لكنه يرحم أمه يلي قلبها معاه وتتمناه دوم ساكن جنبها
وأنا أيضا حلمي هو الاستقلالية ولكن دائما أبين لزوجي اني مرتاحة وعيالي جنب جدتهم وعماتهم يلي يحبوهم واجد وانتظر لحد ما نبني بيتنا الملك وبعدين ننتقل لكن شرطي اذا حملت بالطفل الثالث نستقل حتى لو كان ايجار
يعني ساكنين معاهم برضانا
على فكرة نحن طلعنا عنهم لحد ما حصلنا طفلنا الأول وصار عمره سنة رجعنا عندهم
وعلى فكرة نحن أقارب وأهل من قبل الزواج وعائلاتنا كلهم ما شاء الله متحابين ومتعاونين

أتمنى لك التوفيق أختي أخت سلمان
وأنت أحسني معاملتهم وحافظي على الاستقلالية