ذبحنى الصمت وخوفى اخسره. .}

[ليتكـ معى]

السلام عليكم والرحمه. . .!

لى الشرف ان اشترك فى مثل هذه المملكه. .:blushing:

هممم بقولكم سالفتى وساعدونى اريد حل لانى خلاص مليييت واحس نفسى دووم مضايقه ><
انا صارلى مخطوبه ثلاث شهور تقريبا وعندنا فى العائله غير مسموح ان تكلمين خطيبج الاا اذا ملجتى
بس انا وخطيبى تعدينا هالقاعده مع انه مش من اهلى

فى الفتره الاولى كان مستحيل ينام بدون مايكلمنى بس عقب قمت اشوفه تغير خص هالفتره وااايد احسه متغير ومايعبرنى لاا بمسج يمكن يتصلى مره بس ومرات مايتصل { انا يقهرنى اسلوبه فى التعامل معاى ومشكلتى احط فى خاطرى ويوم ايى اكلمه ماقدر اقوله اللى فى خاطرى او انى مضايقه منه يعنى اكتفى بصمت . . وانا من النوع اللى مايتكلم واايد يعنى اكثريت وقتى هاديه. .

زعلت منه زعله خفيف لانه ماقم يتصل وعذرته لانه توه ياي من السفر وتعبان بس بعدنى اشوفه مثل ماهوو ماتغير. .

ومن كمن يوم قالى انه بيسافر بس تاجلت السفره بسب ظروف وماحدد لى موعد السفره الثانيه وامس اتصلت فيه مرتين مايرد خوفنى عليه وقمت احاتيه لايكون صار فيه شى ودزيت له مسج
وعقب اتصل فينى وقالى انا فى المطار بعد نص ساعه طيارته. . { خنقتنى العبره :tears: كيف يروح ومايقولى وحزت فى خاطرى هالحركه منه وعذره انه ماقدر يتصل انا مابى شى بس اباه يطمنى عليه ع الاقل كان يقدر يطرش لى مسج. . .(( عندى حق ازعل ولاا انا مكبره السالفه ))...!؟:sad_1:

قلت لما يرجع بتفاهم معاه بس اعرف عمرى زين مشكلتى ماقدر اتكلم اكتفى بصمتى بس وصمتى هذا بيذبحنى ><


بنااات شو اسوى شو الحل كيف اتفاهم معاه. . !
انا احبه وماريد اخسره وفى نفس الوقت ماريده يتم على هالاسلوب اللى يقهر. .
مرات اقول فى خاطرى انا ليش كلمته. .!؟ واعزم خلاص انى ماكلمه بس يكون بينت تواصل بمسجات بس ماعرف شو اسووى. . .


ادعولى ربى يوفقكن. .> <​

 

[ملكة ببلقيس]

وعندنا فى العائله غير مسموح ان تكلمين خطيبج الاا اذا ملجتى
حبيبتي اقطعي مكالماتك معه
احسن لك وابعد عن المشاكل
لحد ما تتملكين
لانك خالفتي الدين وخالفتي الاعرااف

 

[ليتكـ معى]

وعندنا فى العائله غير مسموح ان تكلمين خطيبج الاا اذا ملجتى
حبيبتي اقطعي مكالماتك معه
احسن لك وابعد عن المشاكل
لحد ما تتملكين
لانك خالفتي الدين وخالفتي الاعرااف

المشكله انى كلمته وقلته انا ماقدر اكلمك واهلى مايعرفون مع ان عمتى تعرف بهالشى
وهو قالى انا مارضى عليج بىشى ولاا ان حد يمسج بكلمه
بس بعدها بيوم رجع وكلمنى وقالى ماقدر اصبر بدونج عورنى قلبى عليه :sad_1:
كيف اقطع مكالماتى معاه انا اريد هالشى عشن مانتم فى مشاكل واحنا بعدنا تونا مخطوبين
بس ماعندى الاسلوب الجرئ الى اقدر اقوله من خلاله خلاص ماراح اكلمك. .> <​

 

[يارحيم ارزقني]

السام عليكم..

اختي الغالية..الله يوفقك دنيا واخرة..

بس بغيت اقولك شي..

انتي اللى تسوينة حـــرام..يعني كأنك تكلمين رجل غريب..الا اذا كانت مكلاماتك لة تعرف ..ومافيها غزل وحب وغرام..

المهم بغيت اقولك اتركي المكالمات وصدقيني يتغلين عندة مــــــــــرة..

وحتى اذا ملكتي لا تكلمينة كثير..لان شكل زوجك من النوعية الملول..

ولا تحاولين تلاحقينة ..لان كل الرجال ما يحبون اللى يلاحقهم..

 

[يارحيم ارزقني]

عذرا قلت السام عليكم...

السلام عليكم

 

[ليتكـ معى]

السام عليكم..

اختي الغالية..الله يوفقك دنيا واخرة..

بس بغيت اقولك شي..

انتي اللى تسوينة حـــرام..يعني كأنك تكلمين رجل غريب..الا اذا كانت مكلاماتك لة تعرف ..ومافيها غزل وحب وغرام..

المهم بغيت اقولك اتركي المكالمات وصدقيني يتغلين عندة مــــــــــرة..

وحتى اذا ملكتي لا تكلمينة كثير..لان شكل زوجك من النوعية الملول..

ولا تحاولين تلاحقينة ..لان كل الرجال ما يحبون اللى يلاحقهم..

ربى يشهد على ان الكلام اللى بينا [ عادى]
مافيه لاحب ولاا غرام لانه هو نفسه يستحرم انه يقول لى هالكلام ونحنا بعدنا مب مالكليين
تسلمين ياختى وربى يجزيج الخير. .= )
​

 

[امورة**زوجها]

الله يسخره لك

 

[ليتكـ معى]

آآآمين تسلمين اختى على مرورج. .
والله يرزقج اللى تمنينه

 

[واثقة]

اقطعي مكالماته فورا..


وانتظري عقد القران وتصيرين زوجته بالحلال




ونصيحه عامه لك تغلي واثقلي


اذا تملكتوا لا تكثرين مكالمات ولا ترمين نفسك عليه

اذا دق حياه الله


واذا صد حافظه الله



لأن فترة الملكه فتره حساسه كثرة المكالمات تجيب الملل والتلزق الزايد تخليه يمل منك وانتم توكم ما تزوجتوا

 

[عالم حواء]

مرحبه ابكم ذكرتيني ابنفسي انه خطوبتي سنتين ونص ولا شفته ولا اهو شافنيو وملكنه وتزوجنه في سبع ايام بس الحمد الله زواجي نا جح والي ثمان عشر سنه وولدي في الثنويه الحين طبعا اكبر واحد

 

[ليتني احتويك]

لا تكلمييييييييييه اقطعي عنه لمن تملكوا والله مايجوز والله ماتدري يمكن يمل منك لا قدر الله اقطعي واديه خبببببببببببر انك ندمانه واذا صارت الملكه يصير خييييييييييييييييييير من تركه شيء لله الله يعوضه بأخييييييييييير منه والله ماراح تندمي ان شاء الله والله يوووووووووووووفقك.....

 

[دموع الندى]

يااختي انتبهي لاتكلمينه اول شي لان هالشي حرام لانك ماكتبتي عقد قرانك والشي الثاني ماتعرفين الرجال الحين ممكن يفكر وبأي وقت ولوصار اي شي الحين اوبعد زواجكم يقولك انتي اول كلمتيني وخنتي ثقة اهلك يعني ممكن تخونين ثقتي.. انتبهي وخصوصا انه عارف انه اهلك مايدرون وانك تسوين هالشي من وراهم..
الرجال بدون مايكون فيه دلائل تلاقين عندهم شكوك كثيره من ناحية هالموضوع وهو اكثر شي يقلقهم..
يمكن مسوي هالشي امتحان لك..
هذي نصيحتي لك

 

[معلومة مفيدة]

يااختي انتبهي لاتكلمينه اول شي لان هالشي حرام لانك ماكتبتي عقد قرانك والشي الثاني ماتعرفين الرجال الحين ممكن يفكر وبأي وقت ولوصار اي شي الحين اوبعد زواجكم يقولك انتي اول كلمتيني وخنتي ثقة اهلك يعني ممكن تخونين ثقتي.. انتبهي وخصوصا انه عارف انه اهلك مايدرون وانك تسوين هالشي من وراهم..
الرجال بدون مايكون فيه دلائل تلاقين عندهم شكوك كثيره من ناحية هالموضوع وهو اكثر شي يقلقهم..
يمكن مسوي هالشي امتحان لك..
هذي نصيحتي لك

اقطعي الكمالمات و الرسائل و لاحاجة لأن تبرري له الموقف، و إذا صارت الملكة بإذن الله (حتى لو كانت بعيدة) خلي الاتصالات عليه، ترى الريال ما يحب الصيدة السهلة، يحب انج مرة تردين و مرااااات ما تردين

 

[ملكة الاحســـاس]

الحل الوحيد لاتصارحينه ولا تكلمينه



وارسلي له مسج انك خلاص فكرتي وماتبين الحرام تبينه بالحلال وبتنتظرين اليوم على احر من الجمر


وحتى هو قوليله لاتكلمني عشان توله علي

 

[ليتكـ معى]

تسلمن اخواتى على تفاعلن معاى
وربى يرزقكن كل خير. . !~

بس كيف اقطعه مره وحده البسه يعنى ومارد ع مكالماته
او افهمه بالموضوع. .؟​