يابغضي له اذا صرنا كذا

[بنت الحشام]

السلام عليكم

انا تهت و احترت
الرجل يحب الذليلة و الا العزيزة
اللي تطنشة و الا اللي تناظر خاطرة و تركض وراه
!!!!!!!!!!!!!!!!!!!

زوجي غلط علي بكلام قاسي
انا يوم شفت هذي قناعته خربتها معه و طلبت امور من حقي بس ساكته عنها تقديراً لظروفه
بس عقب كلامه ببليس هو و ظروفه حطيت شروطي و قلت تعطيني اللي ابي ولي المنة بعد
وزاد الطين بلة ان علي الدورة وعيت تخلص لها اليوم 12 يوم و الرجال قفل مخه و شانت اخلاقه زووود
و هالحين لنا كم يوم
حاقرني و حاقرته
سافهني و سافهته
مره اصايح عليه و استلج و مره اسفهه
مشكلتي اذا تجاهلني انهبل ... وهو دكتور حقران
ليه يحقرني ؟؟؟ لاقيني في الشارع مع ذا الوجه
قلت له و الله لأخليك تندم على ذا الحقران .. وانا و الله ماعندي الا الدجه
لا يسلم علي و لا يرد على اتصالاتي و لاااااا اهمه بشي ابدددد
على ويش نافخ خشته مدري .. ياليتني ميته بدباديبه و لا يهون علي زعله و ارضيه
لاعت كبدي ... محب الزعل اوووووف من ايام الزعل مره ممله و كئيبه ... ذبحني الصياح
محب كذا

انا من جوه اغلي و دي احرقه
احس عيبي اني ماااااااااااااااااااااااااااااعرف اصير ذليلة
ودي اعرف اتودد له حتى لو كنت من جوى مقهورة منه
ودي اطيب خاطرة و اقول تكفى ابي رضاك ... حتى لو كان غلطان علي
بالعكس .... لايعه كبدي منه مررررررررررررررره
اذا كنا متراضين اصير كويسه جدا معه .. وحتى لو زعلته ارضيه
بس اذا غلطان علي مقدر ابد ابد اني انا اللي ارضيه و اطيب خاطره

علموني كيف أأدبه
كيف احقره و اقهره
لحد يقول تعوذي من الشيطان وكلام زي كذا ... مااابي
ابي الوعه


قهرني الله يقهر العدو

 

[جورية الخبر]

غاليتي ..
الله يهدي سركم ويصلح ما بينكم بالخير ..
اولا : لا تتكلمين عن زوجك بهذا الاسلوب الله يرضى عليك . انا عارفة بس لانك الان زعلانه منه تتكلمين كذا ؟
ثانيا : تطلبين انك تحقرينه ليه ؟؟ هذا انتي قايمه بالواجب وتقولين انك حاقرته ؟؟
عموما الحياة ما تمشي كذا يا قلبي لاننا محنا في حرب الشاطر اللي ينسف الثاني ويبهدله اكثر ..
تعوذي يا قلبي من الشيطان وادعي الله انه ييسر امركم ويفرج همكم .. ونصيحتي لك اجلسي معه جلسة مصارحة ( مصالحة ) عشان ترتاحون اثنينكم .
قلبي معك وتقبلي مروري ​

 

[SO ~ SAD -!-]

:

هدي أعصَآبك حبيبتي ..
شكلك عصبية ..
روقي ترينك تتأثرين بعصبيتك أكثر شي ..

الرجآل يبي اللي تحتآج له .. بس :blushing:

بعدين حآولي تعتذرين ..
( في البدآية بتحسين بكتمة :bleh: بس بعدين عآآآآآآدي :blush-anim-cl: )

قبل كل شي .. تحبينه ؟

محب الزعل اوووووف من ايام الزعل مره ممله و كئيبه ... ذبحني الصياح
محب كذا

إقطعيهآ ..
إذآ مآ تقدرين ع الإعتذآر حسسيه إنه وحشك ..
إشتقتي له ..
( صعب تشوفينه قدآمك و تتمين زعلآنة و هو زعلآن و لآ يحن قليبتس :tears: )

الله يهديكم لبعض :blushing:
​

 

[محرومه من زوجي]

ياقلبي انتي حددي نمط شخصيته,,,,,عشان تقدري تتعاملي,,,

 

[وردة عطشانة]

الله يهديكم لبعض ويسخركم لبعض
ويبعد عنكم المشاكل اختي الحياة قصيره حتى نقضي نصفها زعل
استعيني بالله وابتغى وجهه وقلي يارب ابغي بها وجهك وانك تعوضني بصلاحه لي راضيه انتي او بلاش تراضينه سوي اي حركه حلوه يحبها عشا حلو اوليله حلوه وهو راح يفهم
والله اذا جت السعاده والرضى لتحسين بهذا الكلام دائما زوجي يقول خليك مبتسمه اذا دخلت وخرجت اقوله ليش يقول
احس ابتسامتك تمتص تعبي وغضبي اذا جيت من برى
وفقك الله ويسر امرك

 

[@باونتي@]

ههههههههههههههههههههههههههههههههههههههههههههه
لووووووووووووووووووووووووووول
رهيبه رهيييييييييبه
مدري ليش حبيتك..اسلوبك يجنن
عموما ياحلوه مااقدر اقول لك شئ الان..كلها فتره وبتعدي ان شاءالله وتتراضون وترجعون انتي وياه عسولات مثل الكتاكيت

 

[بنت الحشام]

غاليتي ..

الله يهدي سركم ويصلح ما بينكم بالخير ..
اولا : لا تتكلمين عن زوجك بهذا الاسلوب الله يرضى عليك . انا عارفة بس لانك الان زعلانه منه تتكلمين كذا ؟
ثانيا : تطلبين انك تحقرينه ليه ؟؟ هذا انتي قايمه بالواجب وتقولين انك حاقرته ؟؟
عموما الحياة ما تمشي كذا يا قلبي لاننا محنا في حرب الشاطر اللي ينسف الثاني ويبهدله اكثر ..
تعوذي يا قلبي من الشيطان وادعي الله انه ييسر امركم ويفرج همكم .. ونصيحتي لك اجلسي معه جلسة مصارحة ( مصالحة ) عشان ترتاحون اثنينكم .

قلبي معك وتقبلي مروري ​

يا طيبكن يالحريم
و الله اني دارية ان اول رد بتقولن لي تعوذي من الشيطان

اعوذ بالله من الشيطان الرجيم



لا انا كل مره افشل بحقرانه ... ودي صدق انه مايهمني
كل مابغيت احكي معه عطاني ظهره و طلع كني انا اللي مخطية ... عاد انا هنا تصير اعصابي على الاتش
حسبي الله و نعم الوكيل

 

[رامااا2009]

الله يعينك ويسخر لك اميييييييييين

 

[سندس نجد]

حبيبتي انا مادري ليه المرأه تصر على ملاحقة الرجل وانه لازم يعمل لها كذا وكذا ولازم يقول لها كذا
والطامه الكبرى انها تطالبه بذلك انت ماتقولي كذا انت ماتفعلي كذا انت تحقرني وبكذا الرجل ينفر منها
ويتغير عليها وقد يكرهها ويدور ع غيرها حبيه ودلعيه من بعيد لبعيد وعيشي حياتك ومتعي نفسك
واتركيه في حاله وهو يجيك ركض بس الأهم من هذا كله قيام الليل والدعاء لك وله​

 

[بنت الحشام]

:​

هدي أعصَآبك حبيبتي ..
شكلك عصبية ..
روقي ترينك تتأثرين بعصبيتك أكثر شي ..​

الرجآل يبي اللي تحتآج له .. بس :blushing:​

بعدين حآولي تعتذرين ..
( في البدآية بتحسين بكتمة :bleh: بس بعدين عآآآآآآدي :blush-anim-cl: )​

قبل كل شي .. تحبينه ؟​

إقطعيهآ ..
إذآ مآ تقدرين ع الإعتذآر حسسيه إنه وحشك ..
إشتقتي له ..
( صعب تشوفينه قدآمك و تتمين زعلآنة و هو زعلآن و لآ يحن قليبتس :tears: )​

الله يهديكم لبعض :blushing:​

​

و الله احس اني منيب عصبية .. بالعكس و الله وش حليلي
انا مفهمته اني من دونه اضيع و حاجتي له كبيرة ووو
بس قبل البارح خربتها قلت له بالله علمني وش بفقد لو تطلقني :shutup:

بعدين حآولي تعتذرين ..
( في البدآية بتحسين بكتمة :bleh: بس بعدين عآآآآآآدي :blush-anim-cl: )

ياليتني اقدر اعتذر و هو مخطي علي .. ماش اعرف روحي بغص بالكلمة

يا هادي يارب


​

 

[ازهار مبعثره]

تعوذي
من
ابليس

ههههههههههههههههه

 

[سنديان]

انا اللي حاسه بشعورك يا اختي انا ما احب نفخة النفس ويعورني قلبي اذا شفت اثنين متخاصمين واحمل همهم ودي لو اصلح نفوس العالم وازيل احقادهم
ولما يصير الوضع كذا مع زوجي تدور بي الدنيا ويجيني اكتئاب فضيع كأن احد ميت لي
هذاك بس اول
الحين انا شي ثاني وهو استغرب من تغيري الله يجزى هالمنتدى خير قوى قلبي وخلاني استمتع اذا زعل وهجر(من غير ما اكون انا السبب)
وفي النهايه عرف ان زعله ماهو اليد اللي توجعني وانه ماعاد يأثر فيني واني ماراح اسعى اني اراضيه فصار في الاونه الاخيره يتجنب هالاسلوب وارتحت كثير
بس اللي مقلقني ان هالصفه حقة التطنيش والتجاهل ماهي صفه محموده عند المرأه المسلمه لأن الرسول صلى الله عليه وسلم امتدح المرأه العؤؤد اللي اذا اغضبت لم تنم حتى تضع يدها في يدزوجها وتقول لا انام حتى ترضى

 

[بنت الحشام]

ياقلبي انتي حددي نمط شخصيته,,,,,عشان تقدري تتعاملي,,,

مره اقول شمالي
بس مهوب مثل سماتهم
مره شرقي
بس مهوب مثلهم
مهوب جنوبي ... لانه ابد مهوب عاطفي
ولا اظنه غربي ..لانه متعلق جدا بالماضي
مدري وش يطلع ... اصلا الموضوع الجديد اللي يتكلم عن انماط الشخصيات سالفته سالفه ولاعرفت له

 

[ام الشمس والقمر]

يحبيبتي والله انك زيي لويزعلني انجن وبعد افقد الذاكرة وكل شي حلو انساه عندك اليوم وعدني يوديني السوق وانااتجهزت واتصل وقال ترا السوق ما بيهرب انا مشغول بنروح بكرة وانا ولعت :busted_red::busted_red:وطلعت الجنونةوقعدت افكر كيف اقهرة واحرق اعصابة وكل مااتصل يقولي بعدين اكلمك والله كنت افكر استنة عند الباب وبمجردمايدخل ادق راسة بطازة او بلابجورة وافكر وافكروبعد ساعتين دق الجرس وانا طبعن طنشت وفتح الباب وقال مساء الخير انا اسف والله كان عندي شغل ضروري وبعدين الجو اليوم موحلو معليش ياروحي بكرة اوديك حطي عشاء والله نسيت وجري علي المطبح والله قعدت اضحك علي حالي كيف كنت معصبة تعرفي لما اعصب اعظ شفيفي لين يطلع الدم وراح الزعل والجرح حق العضة ماراح ياحبيباتي اكبر انتقام من الرجال انك تراضية وتدلعي علية لين يجيكي راكض صدقيني الرخال ماتنفع معاهم القوة والله معكي

 

[ام الكحيله]

هههههههههههه... اخيرا حصلت نصي الثاني... انتي نسختي السعوديه خخخخخخ

 

[silkgirl]

تصدقين انا مثل حالتك غلطان علي وحاقرني يسولف مع العيال وانا ولا هنا ويطلب طلباته من الشغاله وانا على الهامش لنا الحين تقريبا 12يوم وهو ولا فكريراضيني وانا صعبانه علي نفسي احس اني انذليت
لا حول ولا قوه الا باالله اله كريم ياشيخه قادر وحده سبحانه انه يحلها

 

[جلنار1]

هداك الله لما فيه الخير............ قولي آمين
الحين حبيبتي لازم تتنبهي لشي مهم بنوب
الاول :ما هو سبب احتقاره لك؟؟؟
فان كان هنالك سبب معين فحاولي اصلاحه
وان لم يكن هناك سبب فنصيحتي لك راجعي تصرفاتك فالسبب يكمن خلفها مؤكد
الثاني:هذه العصبية وهذا الاسلوب حبيبتي لا ينفع مع الطفل الصغير فهل تعتقدين انه سينفع مع زوجك؟؟؟؟؟؟؟؟؟؟؟؟؟
وهو رجل اولا وآخرا فكيف تستطيعين قهره وانت انثى رقيقة ناعمة وكما يسميك رسول الله صلى الله عليه وسلم قارورة
ولكن ابشري عندنا نحن النساء طريقة واحدة فقط لقهر اقوى الرجال
تعرفين ما هي؟؟؟؟؟؟؟؟؟
الانوثة
الرقة
الصوت الساحر الهادىء
الحركات الناعمة الجذابة
الاغراء والاغواء الانثوي غير المباشر
تقمصي هذا الدور وكانك تمثلين امام الكامرات ولا باس ان تقلدي ممثلة تشعرين بانها مغرية
وستجدين النتيجة حتما بشرط :
1-الصبر فلا تظهري انك تمثلين امامه الدور بل هو شخصيتك التي لم ينتبه لها يوما
2-استعملي هذا الاسلوب مع كل من حولك وخاصة امه واخواته واقاربه وحتى الخادمة
وستقهرينه عندما تنقشع هذه الغمامة وتجدين نفسك بين ذراعيه يقبلك و..........ليس كمثل امس
حينها ستشعرين بالنصر وستفرحين من اعماق قلبك انك استطعت قهره
وهذا الذي يبدو اليوم عدوا قاهرا جباراسيكون غدا باذن الله حبيبا محبا هائما​

 

[حور الكويت]

هذي ثالث مرة اكتب لك وكل ما جيت اضيف الرد يدخل علي زوجي واسكر النت وحلفت اذا هالمرة ما ضبطت ما ارد على مشكلتك.
الله يستر هههههههههههههههههههههههههههههه
شوفي حبيبتي انتي شلون تحقرينه وتروحين تتصلين عليه ؟ هذا الحقران. وليش ميته من القهر؟
قومي تعوذي من ابليس واسمعي كلامي.
البسي قميص نوم مرررررررررررررررررررررررررررررررره يذوب عشان هو اللي يموت من الحرة صدقيني بدال ما يعطيج ظهره بيحول ويعطيج وجهه. وحطي مكياج كانج رايحه عرس وعطر يشق خشمه واقعدي جدامه.واسمعي وحدة من الاغنيتين. المطربه يارا لما تغني هدي اعصابك. او واحد يغني سوي نفسك ما دريت وبوسني ( مدري شنو اسمه )
صدقيني احسبيها دقايق الا خيوطه طايحه .
وذيك الساعه لاتنسيني ادعي لي.
ما يذبح الرجل الا اذا شاف مرته كاشخه وهو زعلان تبدا عنده الحرب البارده ( حرب الاعصاب)
بالتوفيق

 

[صابره]

واضح انك عنيده بس مو صبوره
يعني ودك تعاندين وتطنشين بس ما تقدرين تكملين وتنتصرين عليه هو اطول منك نفس
نصيحتي لك عن تجربه
اذا كان زوجك يعشق الزعل وعنده بال طويل
خوذيها من قاصرها
ولاعاد تزعلين وتحقرين لانك انتي الخسرانه في النهايه وما راح يجيك الا المرض والهم

ترى الي يحبون الزعل ما يهمهم الحقران بالعكس يعتبر وقود لهم ويزدهم قوة
عااااااااد الحين انتي سوي موقف مفتعل عشان تتراضون
وترتاحين
وخليكي حذره المره الثانيه واول ما يصير بينكم شيء قوي لاتحقرينه بيني انك زعلانه بس برقه ونعومه واسلوب يخليه يندم
هذا رايي لان احس انك زيي اول وزوجك بعد زي زوجي

 

[أميــرة الــورد]

الله يسخركم لبعض وعليكي بكثرة الاستغفار