خطيبي..!!

[al-rayyan]

مرحبا..


بصراحه هذي اول مشاركه لي فالمنتدى وبصراحه انا واجد مستانسه فيكم من ردودكم من تفاعلكم والله جزاكم الله الف خير..

بقولكم انا مخطوبه و خطيبي بيجيني اليوم عشان النظره الشرعيه .. تقدرون تفيدوني في شي من حيث تجاربكم من ناحيه البس المعامله الابتسامه "كل شي" ..

....

 

[سموالحب]

يسعدني اكون اول
وحده ترد عليك
اذا كان اول مره يشوفك
البسي فستان هادي والوانه حلوه واعملي مكياج بسيط ومميز
واستشوري شعرك واعملي في حركة ناعمه شوفي قسم الشعر بالمنتدى في حاجاة حلوة وتنفع
واهم شيء حطي عطر جذااااااااااااااا وما يتنسي ​

موفقه ياقلبي ​

 

[Cameron]

إلبسي لبس هادي وناعم...وألوان هادية......لإن هذي بس نظرة شرعية لازم تكونين في قمة الحياء والهدوء ..ورتبي شعرك بس مايكون نازل ومغطي وجهك...الأفضل ما تبتسمين...لإنك لسه ما تعرفينه وممكن هذا يترك عنده انطباع خاطئ عنك........وأسأل الله لك التوفيق ...وخبرينا بعدين ايش سويتي ؟؟؟؟

 

[al-rayyan]

مشكووورين واجد على ردودكم

اسعدني تواصلكم

Ruby Gloom انشالله ولا يهمك

 

[*ملكة الحب*]

أنا بنظري لاتحطي مكياج خليه يشوفك على طبيعتك بس كحل خفيف ومسكره والبسي تنوره جنز تبين الجسم وبلوزه ضيقه شي بسيط بس مو استرتش عشان يشوف زين ولا يتميلح بعدين وشعرك ارفعيه عشان يبان الوجه
وبالنسبه للعطر مايجوز تحطين لأنه للحين ماصار زوجك وتعتبرين بحكم الزانية
الله ييسر أمرك

 

[al-rayyan]

مشكوره حبيبتي

 

[خلية نحل]

البسي فستان ناعم مكياج ناعم ودخلي معاك عصير وقولي السلام عليكم فقط ان سالك جاوبي ولا تحطين عطر
الله يوفقك ويسهل عليك

 

[وصفة الماس]

كوني هاديه وعلى طبيعتك حبيبتـي ولاتنظرين له خليه هو يشوفك

وبالتووووووفيق ياااربي والله يرزقنااا

( ربن رزقج يرزقنا ) ~

 

[ملكه زماني]

البسي لبس عادي وتكون تنوره احسن لان اذا لبستي بنطلون بيحتقرك يقول هذي لكل الناس تعرض لهم وشعرك خليه لاتربطينه حتى يشوفه لان الرجال يحبون الشعر وسلمي وقدمي عصير وبتوفيق

 

[فراشه منحاشه]

الله يوفقك
حاولي تكونين هاديه ولا ترتبكين
وانا افضل انك ما تشيلين معك شي

 

[al-rayyan]

وصفة الماس << الله يرزقك الزوج الصالح اللي يحطك فعيونه

انا مشكلتي يبين علي الارتباك واجد..

جزاكم الله الف خير على نصايحكم..

 

[ايمومي]

بالنسبه لي لبست تنورة جينز وبلوزه مو ضيقه مرة
وحطيت كحل وقلوس بس أهم شي لا تحطين كريم أساس خليه يشوفك عل طبيعتك
وكنت رافعه بعض شعري ودخلت عصير وسلمت وطلعت
وبالتوفيق بس لاتحطين عطر هو يعتبر أجنبي عنك

 

[AL GUMAR]

يعني عااادي اطلعوا الشعر والعطر حرام؟ ما اقصد شي بس اللي اعرفه هم الشعر حرام اطلعه

 

[البشاير]

عادي عادي هيا حلاها في الإرتبااااك :icon30:

الله يوفقك ويسعدك ويتمم لك إلي فيه الخير ويرضيكي فيه يارب ..

<<< اتوقع دحين الشووفة :blow:


طمنينا عنك حبوبة :icon26:

 

[سأظل أدعو لك]

الله يوفقك وماعندي زيادة على كلام الأخوات

 

[مملكه زوجي]

الله يوفقك

 

[(7ssasa)]

يعني عااادي اطلعوا الشعر والعطر حرام؟ ما اقصد شي بس اللي اعرفه هم الشعر حرام اطلعه

:icon30: :icon30: :icon30:

 

[al-rayyan]

يعني عااادي اطلعوا الشعر والعطر حرام؟ ما اقصد شي بس اللي اعرفه هم الشعر حرام اطلعه

مرحبا حبيبتي ..
انا سآلت شيخ بخصوص النظره الشرعيه وقالي يجووز يشووف الشعر لانه بعض الرجاجيل يغريه شعرها وحتى الساق مثله

 

[al-rayyan]

مشكورين على تفاعلكم الله يوفقكم كلكم يا رب..

 

[إنتصار]

كوني بسيطة في لبسك
وخلك طبيعية لا تسوين مكياج ___
وبشرينااااا