كيف حالكم يابلقيسيات ،، أنا اول مره اكتب موضوع في هالمنتدى الرائع واللى استفدت منه كثير وكنت أتابع هالمنتدى بصمت لحد اليوم قررت اكتب مشكلتي وأتمنى اني احصل عندكم المساعده وأنا أعرف ان قلوبكم تسع كل من في هالمنتدى ،،
أدخل على طول ،،
أنا متزوجه من 9 سنين وعندي بنت وولد الحمدلله وأنا الزوجه الثانيه لزوجي ،، المهم من فتره لاحظت أني طول ماأنا قاعده مع زوجي الجوال ماينزل من يده وعلى طول يستقبل ويرسل مسجات وبعدها يمسح وأول شي قلت يمكن بحكم عمله يتطلب منه هالشي ولكن كنت الاحظ من بعيد ان المسجات كانت طويله وفيها كتابه كثير وطبعا الكل عارف قلب الزوجه شكيت في الموضوع ولما سألته تحجج لي بالعمل ،، وكنت أحس بزوجي متغير وبارد ووغير مبالي ،، ومن كم يوم أرسلت له مسج كله حب وشوق وبعدها بفتره كلمته أول ماأتصلت ورد قال لي شنو تبين تسألين انا شكيت بعمري أسأل ؟؟ أسأل شنو ؟؟ وأنا كل اللي أرسلت له مسج كله حب وشوق رديت عليه أنا ماابي اسأل شي بس أبيك تمر تاخذ العيال بطريقك من بيت أهلي ،، المهم سكرت التلفون ودخلت على الرسائل المرسله عشان اتأكد من المسج اللي أرسلته وفعلا مالقيت إلا المسج اللي قلت لكم عنه ،، وأرسلت له مسج ثاني وقلت له شوف من اللي يبي يسألك وتأكد من اللي أرسل لك مسج ،، ولما رجع قعد يعتذر وماأدري ايش ويتودد المهم أنا طوفت السالفه بمزاجي،، اليوم الصبح وأنا طالعه للدوام فتحت تلفونه وهو نايم وكانت الصدمه لما دخلت على الرسائل المرسله شفت مسجات منه لوحده مسجات كلها حب وشوق حسيت بغصه بقلبي طيب ليش هالكلام مو لي أنا ؟؟ والله يعلم أني مومقصره معاه بشي مهتمه فيه وبعياله وفي بيته ،، رجعت شفت المسج اللي بعده واللي ذبحني لما قريت أنه كاتب لها شنو السؤال اللي تبين تسألينه ( يعني السؤال كان منها وبالغلط أفتكره مني وعصب علي ) ولما نزلت بعد المسج اللي بعده لقيته كاتب لها ايه نعم انا متزوج وماعندي إلا بنت وحده عمرها 8 سنوات ومشاكلي مع زوجتي الله يعلم فيها شاقول وشو أخلي ( مع العلم ان عنده من زوجته الأولى 5 ومني 2)،، بصراحه أنصدمت يابنات والله انصدمت قلت مشاكله معاي اي مشاكل ،، ومن الصح بعد مرسل لها مسج صباح العسل ياعسل تركت التلفون مفتوح على هالمسج وكتبت يمه ورقه وقلت له صباح الورد يازوجي العزيز ،، وطلعت من البيت وأنا أبكي من القهر ،،
بنات شوروا علي شلون أتصرف معاه أحس أني خلاص ماأبيه جرحني ،،
لا تبخلون علي بردودكم لأني فعلا تعباااااااااااااانه ،، وأكيد لما يرجع الحين راح يبرر له ألف عذر ،، وعلى فكره مو اول مره يخوني ،،
والله يجزيكم كل الخيييير
