<؛>؛<>مــديـنـة الــجـنوبـيـااات<>>؛<؛

  • بادئ الموضوع بادئ الموضوع bo0oja
  • تاريخ البدء تاريخ البدء
الحالة
مغلق و غير مفتوح للمزيد من الردود.
مرحباا بنااات
بصرااحة انا ماعرف ااذا جنوبيه او لاااا
بس احسااسي يقوول اني جنوبيه هههه
المهم
انا انسااانه حبوبه و طيبة و متعااونه و احب الهدوووووء
اممممم
طريقة الانفااق على حسب المناسبة و الظروووف و الاجوااء اللي بنعيشها
احب المكيااج و الالواان و اللبس
احب المدح
هذا من غبااائي اعتبره
احب اللي يمدحني حتى لو كان ابو وجهين.....او يناافق من قداامي
بس شسوي احب المدح اعتبرهاا نقطة ظعف و ماعرف كيف ابدلها
عندي مشكلة غريبة شوي
وهي
انا للأسف ماعرف استمتع بحياااتي الحالية
ابدا و داائما ااتحسف و اقووول ياااربي لو استانست
لو رحت معااهم
لو قلت كذا
لو سويت كذا
لو
و
لو
اعرف ان لو تفتح باب الشيطاان بس شسوي
يعني تخيلووو...
ايام المدرسة...ما استمتع بقعدة البناات و لا احب سوالف البناات عن الافلام و المسلسلات او الحياااة بشكل عاام
بس كاان همي النجااااااح ....اريد انجح و بس
و يوم تخرجت من المدرسة....اتحسف لاني ماكونت علاقات و لا عندي ذكرياات حلوة كثيرة
و يوم دخلت الكلية نفس الشي همي ان انجح و اتخرج و بسسسسسسسسسس
اي وحده تبي تتعرف علي ...ماكنت اعطيهاا وجه ولا احاول اقوي العلاقة
ماعرف ليييييييش
و الحين انا متخرجة و قااعدة فالبيت لا شغلة ولا مشغلة
ولا حتى صديقااتي يعطووني وجه
حتى يوم العيد طرشت مسجاات بس للاسف
محد رد علي و لا حد اتصل علي
مع اني حبوبة و اجتمااعية بشهااادة الجميع
بس للاسف مزااجيه يمكن

يعني مثلا الحين انا قااعدة فالبييت و بس همي ان الاقي حد يمدحني او احصل وظيفة عدلة
ومشكلتي الثانية اني مااحب اشوف الغلط و اسكت
حتى لون النتيجة بتظرني ...يعني بالعربي ..ملقووفة عشاان خااطر النااس
يعني لو اشووف
ام تظرب بنتهاا..اعصب على الام و اقوول لهاا حراام عليج غيرج ماعندها هالنعمة
وطبعا الام تسمعني كلمتيين فالصميم
و عادي بنتهاا تفشلني و تقولي ..مالج دخل
و يالليت تلاقوون حل لمشكلتي ؟؟كيف استمتع بحيااتي الحالة
واحب الخصوصية بشكل مو طبيعي
يعني ما اسولف ويا حرمت اخوي الا اذاا كنا بروحنا
ولا اعرف اسولف ويا اختي الا اذا كنا بروحنا
ولا حتى صديقااتي الا اذا كنا بروحنا
واذا حااولت اتكلم وسط المجتمع
ماحب حد يرفض وجهة نظري
ولا احب حد ينتقدني
و انجن اذا حد قالي كذاابة بطريقة غير مبااشرة
والله بنااات اسعفوووووووووني
 
مرحبا
انا مرة زعلانة لاني ما لحقت الموضوع من اوله
بس عادي عموما ممكن تستقبلوني انا جنوبية بس جنوبي اية ما اعرف
انا بطيئة موت لدرجة ان زوجي مسميني سلحفة واتمنى اني اسير اسرع بس لما افكر بس تحصل مشاكل
يعني اخبص كل شي (خليني بطيئة احسن صح)
والله وزجي يقلي اصحك تسوي فيها انك انسانة سريعة وتخلص كل شي بسرعه .(من بعد الحوادث اللي سويتها طبعا)عموما انا اجتماعية موت بس مو لدرجة اني ارمي نفسي وما احب كدة اصلا
ومرة احب السلام وما ادور مشاكل واكرة النقاش في المشاكل بس مع زوجي حبيتة لان حبيبي يحل المشاكل بالنقاش افضل طبعا من الصياح صح؟
طيب انا اموت باللون الاورنج المايل عالبني احسة يحرك فيا النشاط واعشق الاسود لانة مرة هيبة وكلاسيكي وعشان حبيبي يحبه واحب الاحمر بس مو مرة
واموت بالرومنسية حتى ان زوجي يسميني لصقة وسهتانة وانا مرة انبسط طبعا
وبما ان زوجي شرقي شمالي فمالة بالرومنسية ولا يحبها بس على مين ما اخلية حبيبي وينك وما استغني عنك واموت فيك وبما ان هادا الشي ينرفزة فانا ماخدة راحتي لاني اظن انة لو اداني وجة ما راح اعرف اسوي اي حاجة وطبعا حبيبي الشرقي مالة بالاحضان بس انا استغل الفرص ودايما ادلعة ويقلي ترا تتعبي معايا وانا اقلة عادي المهم اسوي اللي براسي
شخصيتي ضعيفة وهادا شي مرة يزعلني لاني ما اقدر اعيش بدون شخص جنبي ومعاكم فهمت نفسي اكتر وقاعدة احاول اصلح اللي اقدر علية
وحبيبي الشرقي قاعد يساعدني خجوله وكتومة وهادا سبب لنا مشاكل اول ما اتزوجنا لاننا ما عرفنا نتفاهم بس بعدين حاولت اتكلم واقلة اللي حاساة والحمد لله في تطور
حركة وحتى كانو يسموني فرفورة مو دايما كسلانة خدومة واحب مرة اخدم غيري بس مشكلتي اني لما اسوي حاجة ما اكملها للاخر وهادا عملنا مشاكل كتير بس اخر شهر اتخدت قرار مستحيل ابدا شي وما اكملة ونقول نسبة النجاح ممممممممم 40 %
المهم باحاول صح ؟
قاعدة احط تبريرات لنفسي
بدات اتاثر بحبيبي الشرقي بس بيني وبينكم احس اني كدة اللغي شخصيتي صح؟
طيب عارفة ان كلامي كتير وهادا عيب تاني فيا بس عمري ما اتكلمت عن نفسي بهادا الوضوح فسامحوني وياريت تقولولي انا جنوبية اية ممكن شمالية صح؟
 
خسسساره اني ما لحقت المووضوع من اوله
بنات انا جنوبيه بس اللحين غيرت في نفسي بس مو كثير
انا طيييييبه كثير حساسه رومنسيه
ما احب المشاكل نهائي احب الحياه با السلام
اعشق الجو الهادي الرايق لدرجة يوم جبت ولدي الله يخليه لي كنت ما اتقلمت بسرعه على الازعاج والمسؤوليه لكن اللحين امووووووت فيه الله يخليه لي
وفي شيء ما احبه فيني اني احب احد يمدحني والمشكله زوجي شمالي غربي مايمدح كثير
ونفسي اتخلص من دموووووعي تسببلي احراج كثير
ونفسي اقوي شخصيتي
احب يابنات الاناقه واهتم بجمالي كثيييير احب اكون مميزه دايم الحمد الله
بس شخصية زوجي اثرت فيني صرت اتوتر واعصب
اعرف ثرثرت كثيييير بس فرحانه بها الجمعه
 
صباحكم /مسائكم ورد وفل وياسمين يا الجنوبيات يا رمز الرقه والحنان:blush-anim-cl:
أنا جنوبيه غربيه بس في اختلافات عنكم منها
اني سريعه جدا بكل شي بالشغل بالطبخ بالمكياج زوجي شمالي ودوووم يقول اني اسرع وحده بالتاريخ..حتى بالجامعه دوم اخلص اول حد:clap:..
بقية صفاتي: احس بكل الناس لدرجة اني اشفق بشدةع المستضعفين ودوم افكر فيهم,وابكي عليهم :tears:
ذكية جدا ودوم اسمع الناس يقولوا اني عبقريه:idea: وطموحه وكنت من الاوائل ع الدفعه مع ان تخصصي كان فيزياء
عندي قدره رهيبة ع تحليل الشخصيات وعندي رغبة فظيعة بتعلم كل شي والحلو اني اتعلم بسرعه رهيييييييييبه الحمدلله
!!!!
منذ دخولي للجامعه تعززت ثقتي بنفسي وصار الشماليين يحترموني ويسعون لصداقتي
دائما انظر للامور بايجابيه وبموضوعيه
قبل الجامعة كنت حساسسسسسسسه موووووت:tears: بس الحين خفت ..بس احيانا دموعي تسبقني وتغلبني...
بصراحة انا اليوم من الجوهر جنوبيه ومن الشكل شماليه بس مو شريره:santa_1: نفسهم بس تعلمت منهم الثقة وعدم التردد والخوف والحمدلله
مشكلتي امل بسرعه رهييييييييييبه واحيانا احس باكتئاب وملل...
عندي صداقات كثيره من الشماليات والجنوبيات..
رومانسية جدا واحب امشي ع الموضه واحب اخترع بالازياء والمكياج...شاطره بالتخطيط وبوضع اهدافي واحب التغيير واشجع عليه...
جريئه في ابداء ارائي

نصيحتي ان لا تكونوا طيبين زياده عن اللزوم مع الشماليين ولا تحكولهم كل شيء لانهم غيورين وتنافسيين..لا تكونوا ع نياتكم عند الشماليين واذا انتقدوكم لا تسكتوا عليهم ولا تردوا عليهم بضعف..
 
التعديل الأخير:
&Athari& قال:
الجنوبية غربيه سريعه الحركه مبتكره ومرحه وعلاقاتها الاجتماعيه واسعه لاتهتم بالتفاصيل او الترتيب والتدقيق
تلقين لهم ستايل وحركات ولبس مع نعومه
الجنوبية شرقيه ابطا منها دقيقه منظمه مرتبه وعلاقاتها الاجتماعيه ايضا واسعه ستايلهم عادي مافيه ابتكار او تنويع
أنقر للتوسيع...




تصدقين ياعذاري طلعت جنوبية غربية وانا احسب اني جنوبية شرقية لاني فاهمة ان السريع بس هو الشرقي او الشمالي وقلت يمكن تاثرت بزوجي ...نورتي علي الله ينور عليك:icon26:
 
وانا جنوبيه غربيه بس انا مو بطيئه بالعكس انا سريعه بكل اداء
ويمكن اكثر الي قالتها الاخت همسة دلال موجوده فيني
 
لو تمنيت ان اكون شيئا لتمنيت ان اكون جنوبية يبختكم حاسدتكم ع راحة البال والرمانسية والهدوء اللي انتوا عايشين فيه
 
ياي حتى انا جنوبية غربية شكرا عالتوضيحوزوجي طلع شمالى غربي واهلة نفس الشي بس انا اعرف كيف اتفاهم معاهم عشان انا اصلا ما عندي حركات الاذية وهما نفس الشي
 
حبيبتي وله الروح

انتي نفسي
وتاثرت من زوجي بالعصبيه للاسف
ودي نستفيد من بعض ياقلبي :)
 
سلام

ينات انا تبعكم جنوبيه

بس مول ماتعجبني شخصيتي

لانها ضعيفه

ودي اقوي من نفسي واخلي كلو احد

يحطلي اهتمام

مثل ما انا اهتم في غيري

تعبت

احس ماحد فهمني

لان طيبتي الزايده ومااقدر اخذ حقي

خلونا نستفيد من بعض ونقوي حالنا

وانا اول وحده مستعده لتغيير


انتظركم​
 
ياجنوبيات أنا مثلكم طيبه ورحومه شخصيتي ضعيفه وتخيلو تزوجت وتطلقت والحمدالله أخذت الثاني بس للحين ما أقدرأتخذ قرار لازم أستشير أمي او خواتي أخاف يهاوشوني وأتضايق وأزعل وأنا ما أحب الزعل
لأنه يبعدني عن اللي أحبهم ومو عارفه شلون أتخلص من هالضعف
مع اني غيرت من ضعف ثاني كان بشخصيتي وهو اني كنت أسكت عن حقي بس الطلاق غير هالضعف اللي فيني وألحين أي شي سخيف أتغاضه عنه بس شي قوي تلاقوني صرت نمره ما أسكت عن حقي اذا أحد جرحني والله أجرحه أكبر من جرحه لي:icon30:
 
لا تعبي حالج روح السعاده احنا الجنوبيات مانتغير قبل ما ننضرب على روسنا اويصيرلنا موقف يموتنا يالله نحس ونغير حالنا
تدرين ليش لأننا حالمات مانقدر نسوي اللي نبيه بس نتخيله مانعيش الواقع لأنه مو حلو نحب نكون بعالمنا اللي بنيناه بخيالنا عشان نقدر نعيش عشان جذيه الواقع دايم يصدمنا فننجرح منه ونرد نعيش بحلمنا الجميل اللي خالي من الشر وكله طيبه
 
يا جنوبيات انتو نفسي تحبون الضحك والوناسه وطفوليات بروحكم من الداخل وشقيات بطبعكم وحركاتكم ودلوعات حتى زعلكم تحسونه بغنج :redface:
وهل تحبون:icon26::icon26: الكشه ولبس الماركات وتحبون الفخامه والذرابه والنعومه
والأ هذي صفات خاصه فيني :shiny:
أبي أشوف الى أي مدى نحن نتشابه؟
أنتظر مشاركتكم حبيباتي:no:
:a194:
 
هلا اختي ناعمه اللله يعوضش بخير


يعني مستحيل نتغير ^ـ* اتمنى تصيرلي شخصيه قويه



انا احب الدلع والحب الضحك والوناسه نفس مواصفاتي

ياليت وحده شماليه تجي تعلمنا هههههههه بنخاف منهم
 
بعد بقول لكم انا زوجي شرقي .... يمكن شرقي جنوبي لان بعض الصفات الي فيني فيه

او انا يمكن خليته يصير مثلي يعني يحب يساعد الناس حيييييييل

ومسالم واحسه عادي لو احد يغلط عليه ويحب الخير لو على حساب نفسه

وكريم بزياده ويا الناس يعني مثلا حتى امي كلا يعطيها فلوس بلالاف انا مودي

امنعه بس مودي كذا وبعدين ايجي اخر اشهر ولا فلس معنا او مثلا

مره جاين من السفر وجارنا ماسلم عليه ولا حتى اتصل عليه يتحمد الله السلامه

انتظره اسبوع اسبوعين بعدين هو الي دق عليه حيل تنرفزت انه هو الي دق علي

صحيح ذاك بعده مادق عليه صار حيل قريب من رجلي يعني صار كلا يدق ويسال

بس ماتعجبني صفه انه هو الي يبتدي بشي

طولت عليكم

ودي اغير من شخصيته

ما ابغيه يصير كذا مثلي
 
passion قال:
لو تمنيت ان اكون شيئا لتمنيت ان اكون جنوبية يبختكم حاسدتكم ع راحة البال والرمانسية والهدوء اللي انتوا عايشين فيه
أنقر للتوسيع...



ضحكتيني واسعدتيني :icon26:واتمنى اختي اعرف نمط شخصيتك واتمنى تكونين شمالية عشان الجنوبيات
يحتاجون نشاط :bye1:
 
الحالة
مغلق و غير مفتوح للمزيد من الردود.
عودة
أعلى أسفل